په نیپال کې په ۲۰۱۵ز کال کې زلزله شوې وه چې د مرګژوبلې تر څنګ یې ډېرو ودانیو ته هم زیان رسولی وو. په هغو ودانیو کې د هېواد لرغوني اثار هم ول چې حکومت یې اوس د بیا جوړولو کار پیل کړی دی. دې اقدام بې روزګاره کسانو ته د کار لاره پیدا کړې ده. له دې سره د ودانیزو چارو پخواني دودونه هم ژوندي شوي دي. تفصیل د اې اېف پي اژانس په دې ویډیويي راپور کې.
فرانسې د طالبانو له زندانه د خبریال مرتضي بهبودي د خوشې کېدو هرکلی کړی دی. د فرانسې د بهرنیو چارو وزارت پرون ناوخته یوه خبرپاڼه کې لیکلي، مرتضی د جنورۍ له ۷مې راهیسې ۲۸۴ ورځې د طالبانو په بند کې و. په دې اعلامیه کې د فرانسويالاصله خبریال مرتضي بهبودي خوشې کېدل یو فرصت بلل شوی او د مطبوعاتو ازادۍ او په ټوله نړۍ کې بې له خنډه راپور ورکولو ته د فرانسې په ژمنتیا ټینګار شوی دی. په اعلامیه کې دا هم لیکل شوي چې فرانسې له لومړۍ ورځې د مرتضی بهبودي وضعیت له نږدې څارلی او د هغه د خوشې کېدو لپاره یې ډېرې هڅې کړي دي. Читать дальше...
د برېتانیې حکومت له خپلو ټولو اتباعو غوښتي چې افغانستان ته سفر و نه کړي. برېتانیا نن په یوه اعلامیه کې په افغانستان کې امنیتي وضعیت کړکېچن بللی او زیاتوي، ډېر احتمال شته چې ترهګر په افغانستان کې دننه بریدونه وکړي. په اعلامیه کې زیاته شوې، په مذهبي ځایونو، مذهبي مراسمو او د هوايي ډګرونو په ګډون په ټول افغانستان کې د ترهګریزو بریدونو د لوړېدو ګواښ شته. د برېتانیا د حکومت په اعلامیه کې د برېتانوي وګړو د توقیف د خطر یادونه هم شوې. د طالبانو حکومت لا رسما په دې اړه غبرګون نهدی ښودلی، مګر وړاندې... Читать дальше...
له پاکستانه په زوره د لکونو افغان کډوالو د ایستلو په تړاو د ملګرو ملتو د سرمنشي مرستیال ویاند فرحان حق ازادي راډیو ته وویل چې هیڅ هېواد دا حق نه لري چې کډوال په زوره له خپلې خاورې وباسي. د اسلام اباد ضرب الاجل راتلونکې اونۍ سې شنبې پوره کیږي او وایي، که تر دې ورځې یو میلیون او څه باندې اووه لکه افغانان چې په پاکستان کې د اوسیدو قانوني اسناد نه لري، له دغه هېواده ونه وځي په زوره به یې وباسي. د ملګرو ملتو د سرمنشي مرستیال ویاند فرحان حق ازادي راډیو ته تېره شپه وویل چې د پاکستان دا هڅه ستایي چې... Читать дальше...
اسراییل وایي چې د اوږدې مودې په مخه د غزې تړانګې د نیولو نیت نه لري خو غواړي چې هلته د حماس جرړې وباسي. اسوشیتد پریس اژانس خبر ورکوي چې اسراییلي ځواکونه په ګاونډي لبنان کې هم له وسله والو سره په جګړه کې ښکېل شوې دي چې له دې امله د لبنان او اسراییل له سرحدي ښارګوټو د جګړې د پراخیدو له وېرې خلک د خپلو کورونو پرېښودو ته مجبوره شوي دي. اسراییل وروسته تر دې خبرداری ورکړ چې په غزه کې واکمنه حماس وسله واله ډله ځپي، چې دې ډلې د اکتوبر په اوومه د اسراییل دننه حمله وکړه او څوارلس سوه کسان یې ووژل چې اکثریت یې ملکیان وو او په لسګونو کسان یې برمته کړل.
د امریکا د متحد ایالتونو ولسمشر جوبایډن له کانګرسه غوښتي دي چې د یوسل او پنځه میلیارډه ډالرو نظامي بودیجه تصویب کړي. سپینې ماڼۍ پرون وویل چې له دې بودیجې به یو شپیته میلیارډه ډالر اوکراین او څوارلس میلیارډه ډالر اسراییل ته ځانګړې کړي. ولسمشر بایډن یوه ورځ وروسته تر دې دا غوښتنه وکړه چې ده په یوه وینا کې پر اوکراین د روسیې برید په غزه کې د حماس له وسله والو سره تړلی وباله. د سپینې ماڼۍ په خبرپاڼه کې راغلي دي چې له اسراییل سره به د امریکا دا مرسته د حماس له منګولو د برمته و په خوندي خوشې کیدو کې اغېزمنه تمامه شي. Читать дальше...
په غور کې د طالبانو چارواکي د غره د ښوېیدو په پېښه کې د څلور تنو د مړینې خبر ورکوي. په غور کې د طالبانو د امنیې قومانداني ویاند عبدالرحمان بدري په یوه بیان کې ویلي دي چې دا پېښه د دولتیار ولسوالۍ په لکه مزار کلي کې شوې ده او دوه قربانیان یې ماشومان دي. په دې بیان کې راغلي دي چې د جمعې په ورځ څلور تنو له غره خاورې د خپل کور د جوړیدو لپاره توږلې چې غر وښوېید.
ټاکل شوې ده چې نن په مصر کې یوه سرمشریزه جوړه شي. دا غونډه د هغې وېرې لپاره جوړیږي چې د غزې جګړه د منځي ختیځ نورو سیمو ته خپره نه شي. په دې غونډه کې د امریکا د متحد ایالتونو او یوشمېر نورو هېوادو د استازو نه شتون د دې سبب کیږي چې څوک ډېره تمه ترې ونه کړي. د قاهرې په غونډه کې به د یوشمېر عربي او اروپایي هېوادونو مشران او د بهرنیو چارو وزیران برخه واخلي. چین ویلي دي چې د منځني ختیځ لپاره به خپل استازی ژي جن د قاهرې غونډې ته واستوي. روسیې ویلي دي چې د بهرنیو چارو د وزارت مرستیال میخایل بوګدانوف به یې په دې غونډه کې ګډون وکړي.
تاجکستان له افغانستان سره د سرحد په اوږدو څلرویشت نوې امنیتي پوستې پرانیستې. د تاجکستان د رسنیو په وینا دا پوستې د لخش، شمس الدین شاهین، روشان، اشکاشم، مرغاب او قروغ په سیمو کې جوړې شوې دي. د تاجکستان ایشیا پلس خبرې اژانس د پنجشنبې په ورځ خبر ورکړی و چې دا پوستې د ولسمشر امام علي رحمان له لارښوونې سره سمې جوړې شوې دي. تاجکستان په افغانستان کې د طالبانو تر بیا واکمنۍ وروسته د اسلامي افراطي وسله والو ډلو فعالیتونو ته اندېښنه لري او تېره میاشت یې راپور ورکړ چې د دوی امنیتي ځواکونو د انصار الله... Читать дальше...
د ملګرو ملتو د مرستو د همغږۍ اداره( اوچا) وایي چې سږکال له افغانستان سره تر ټولو د امریکا متحد ایالتونو ډېره بشري مرسته کړې ده. د ( اوچا) د راپور له مخې، روان میلادي کال له افغانستان سره دولس سوه میلیونه ډالر بشري مرسته شوې ده چې په دې کې تر څلور سوه میلیونه ډالرو ډېره برخه د امریکا د متحدو ایالتونو ده. د افغانستان لپاره د امریکا شارژدافیرې کرین ډیکر په خپله ایکسپاڼه کې لیکلي دي، متحد ایالتونه ویاړي چې له افغانستان سره د مرسته کوونکو په سر کې ځای لري.
مېل: د بریتانیا مېل ورځپاڼې د هرات د زلزله ځپلو په اړه د فرانسپرېس اژانس راپور خپور کړی دی. د دې لیکنې سرلیک دی: "له زلزلې روغه پاتې شوې بېرېدلې افغانه وايي، ما بېرته مه استوئ." دا لیکنه د نګار په نوم د یوې ښځې په اړه ده چې په زلزله کې له ژوندۍ پاتې کېدو وروسته یې یوه شپه په سختۍ په خپل نړېدلي کلي کې تېره کړې، خو د پر لهپسې زلزلو له کبله ښار ته تللې او نور نه غواړي چې خپلې اصلي مېنې ته بېرته لاړه شي. نګار یوه له زرګونو کسانو څخه ده چې د پر لهپسې زلزلو له کبله له خپلو کوره لېرې شوې ده.... Читать дальше...
