د پاکستان صدراعظم عمران خان رویټرز خبري اژانس ته وویل چې د افغانستان پر وړاندې د اسلام اباد سیاست بدل شوی دی. هغه ټینګار وکړ چې حکومت یې د پخواینو حکومتونو په څېر نه دی او افغانستان ته د ستراتیژیک عُمق په سترګه نه ګوري. عمران خان سره د رویټرز د خبري اژانس د مرکې ځینې برخې دلته کتلای شئ:
د ارزګان سیمه ییز چارواکي وايي، د دې ولایت په ګېزاب ولسوالۍ کې ۲۷ طالبان او درې افغان سرتیري وژل شوي دي. د ارزګان والي محمد عمر شېرزاد رسنیو ته ویلي چې افغان ځواکونو د دغه ولایت په ګېزاب او چوره ولسوالیو کې د وسله والو طالبانو بریدونه په شاه تمبولي دي. ښاغلي شېرزاد زیاته کړه: "پر ګېزاب ولسوالۍ تېره شپه یو ځل بیا وسله والو طالبانو ډله ییز برید کړی چې د افغان ځواکونو د ځوابي برید پرمهال ۲۵ طالبان وژل شوي او ۲۰ نور یې ټپیان دي. د یادې جګړې پر مهال د ملي اردو یو سرتیری او دوه پولیس وژل شوي او پنځه... Читать дальше...
له هغه وروسته چې په هېواد کې د کرونا ویروس درېیمه څپه په چټکۍ سره مخ په پراخېدو ده، ورسره د دوه اوونیو لپاره دولتي، خصوصي پوهنتونونه او ښوونیزو مرکزونه د رخصتېدو پرېکړه وشوه، هغه چې په ننګرهار ولایت کې له غبرګونونو سره مخ شول. د ننګرهار د یو شمېر پوهنتونونو او ښوونځيو محصلان او زده کوونکي شکایت کوي چې د ښوونیزو ادارو په بندېدو سره یې درسي بهیر ځګه له ننګونو سره مخ شوی چې په خبره یې، د انټرنیټي او برېښنایي کمزورتیا له کبله ورته په کور کې زده کړې سختې دي. د ننګرهار د یوه خصوصي ښوونځي زده کوونکی... Читать дальше...
د افغانستان خبريالانو کورنۍ يوه بله خبرياله خاورو ته وسپارله. د اريانا راډيو ټلوېزيون خبرياله مينا خيري چې د پنجشنبې په ورځ له خپلې مورسره يوځای په يوه چاودنه کې ووژل شوه، نن شنبه خاورو ته وسپارل شوه. مينا خيري له پنځو کالو راهيسي خبريالي کوله. دې پېښې يو ځل بيا افغان خبريالان وګواښل او دوی یې د پخوا پرتله لا ډېر اندېښمن کړل. په دې وروستيو کې افغانستان کې د خبريالانو، مدني فعالانو او نامتو څېرو ترورونه زيات شوي دي. د افغان خبريالانو د خونديتوب کمېټې د شمېرو له مخې په تېر يوه نيم کال کې د رسنيو ۱۲ کار کوونکي وژل شوي دي. Читать дальше...
د کابل په لویدیځ کې د هدفي وژنو په اړه پر ټویټر اعتراضونه! د دغې ټولنیزې رسنۍ ډېری افغان کاروونکو 'د هزارګانو نسل وژنه بنده کړئ' هشټک په کارولو غوښتنه کړې چې دغه حملې د هزارګانو د نسل وژنې په توګه په رسمیت وپېژندل شي او مخه یې ونیول شي. د سیاسي چارو فعال اصف اشنا چې د اعتراض کوونکو له ډلې دی وایي، په ټوله نړۍ کې یو شمېر اعتراض کوونکي چې افغانان دي، دغه ۲۴ ساعته لړۍ پیل کړې ده. ښاغلي اشنا زیاته کړه: "پر ټویټر د دغه انټرنیټي عدالت غوښتنې هدف د هدفي وژنو په رسمیت پېژندل دي چې له څو کلونو راپه... Читать дальше...
په فراه ولایت کې ډېری کسان په کرنه او باغداري کې بوخت دي، خو معمولاً نارینه دا کار کوي. څه موده کېږي چې یو شمېر مېرمنو هم باغدارۍ او کرنې ته مخه کړې ده. دوی له دې لارې د خپلو کورنیو اقتصادي وده کې مرسته کوي. رسمي شمېرې ښيې چې دا مهال په فراه کې د ۲۰۰ څخه ډېرې مېرمنې په کرنه کې بوختې دي چې شمېر مخ په ډیرېدو هم دی. په دې ویډیويي راپور کې تاسو له یوې کروندګرې فرزانې نورزۍ سره اشنا کوو.
اریانا افغان هوایي شرکت خپله یوه مسافر وړونکې الوتکه چې د دوی په وینا، د ګمرکي ستونزه له امله روسیې ستنه کړې وه، نن شنبه (د غبرګولي ۱۵مه) یې بېرته کابل ته راستنه کړه. د دغه شرکت د سوداګریز برخې سرپرست مرستیال محمد عمر فراست د شنبې په ورځ ازادي راډیو ته وویل، روسیې له څه باندې درېیو میاشتو راهیسې د دوی اړوند یوه مسافر وړونکې الوتکه له دې امله چې ګوندې محاسبوي اسناد یې پر وخت دوی ته نه دي ورکړي، په هغه هېواد کې ستنه کړې وه. نوموړي وویل: "د دې تور پر بنسټ چې زموږ الوتکه درول شوې وه چې ګوندې... Читать дальше...
د افغانستان د عامې روغتیا وزارت وایي چې ټول ولایتونه د کرونا له کبله اغېزمن شوي، خو څه باندې شل ولایتونه یا د کرونا د درېيمې څپې په اوج کې دي او یا هم د درېمې څپې اوج ته د نږدې کېدو په حال کې دي. د عامې روغتیا سرپرست وزیر وحید مجروح پر خپل فیسبوک پاڼې لیکلي چې د کرونا ویروس په درېيمه څپه کې روغتیایي مرکزونو ته د خلکو مراجعه د دې وبا د لومړۍ څپې پرتله ۵ تر ۷ سلنه زیاته شوې ده. ښاغلي مجروح د کرونا ګواښونو ته په پام خبرداری ورکړی او لیکلي یې دي: "هېوادوالو په هېواد کې د اکسیجن د تولید ظرفیت محدود دی. Читать дальше...
کاناډا غواړي د افغانستان په ښوونځیو کې د ښځینه مسلکي ښوونکو ستونزه کمه کړي. په دې مقصد یې په دې وروستیو کې یو کمپاین پیل کړی چې د کاناډا د نړېوالې پراختیايي ادارې له خوا تمویل او افغان ښځو سره د کاناډا د ښځو موسسې په همکارۍ پلې کېږي. د دې کمپاین په ترڅ کې به افغان نجونه او ښځې وهڅول شي چې د افغانستان په مرکز او ولایتونو کې د ښوونکو د روزنې په مرکزونو 'دارالمعلمینونو' کې شامل شي او په دې توکه به د نجونو زده کوونکو په شمېر کې هم زیاتوالی راشي. افغان ښځو لپاره د کاناډا د ښځو موسسې د پروګرامونو مسوول... Читать дальше...
په پام کې ده د افغانستان او ترکمنستان د بهرنیو چارو وزیران په هرات ولایت کې د ټاپي ترڅنګ د ځینو پروژو په اړه د همکاریو تفاهملیکونه لاسلیک کړي. د بهرنیو چارو وزارت مرستیال ویاند، حامد تهذیب رسنیو ته وویل، دغه سندونه به د محمد حنیف اتمر او رشید میرِدوف له خوا نن لاسلیک شي: "د زېربنايي پروژو، تجارت، پاسپورټ، د ټاپي په ګډون د انرژۍ د انتقال او نورو پروژو د تطبیق او لا پراختیا تر څنګ په سیاسي، اقتصادي او فرهنګي برخو کې د افغانستان او ترکمنستان د اړیکو د لا پیاوړتیا پر لارو چارو بحث او د نظرونو تبادله... Читать дальше...
له جګړه ځپلي هلمنده، د ټوپک د مرمۍ تریخ نه بلکې د موسیقۍ نرم او خوږ غږ، دا غږ د سندرغاړي فرید خوشحال دی چې ۲۰ کال کېږي د هلمند په څېر یوه کلتوري ټولنه کې سندرې وايي چې اوس يې خپل دوه زامن هم سندرو ویلو ته تشویق کړي دي. خوشحال وايي، زامن يې چې یو ۱۸ کلن او بل ۱۵ کلن دی او په وینا یې په په سندرو ویلو کې یې زیات مهارت او شهرت موندلي. دی زیاتوي چې د لومړي ځل لپاره یې مور ته سندره ویلې او په وینا یې همدې سندرې له لارې یې شهرت وموند او خلکو هم تشویق کړ. خوشحال وايي: " ۲۰ کاله کېږي چې په یوه داسې... Читать дальше...
د کرنې، اوبو لګولو او مالدارۍ وزارت وايي چې د کرنې او خوړو خوندیتوب بېړنۍ پروژې له لارې په هرات کې د اوبو لګولو اته کانالونه جوړوي. د دغه وزارت ویاند اکبر رستمي نن شنبه (د غبرګولي په ۱۵مه) ازادي راډيو ته وویل، په دغو پروژو کې د هزارهګي اسیا کانال، جوی کج، شادي بره علیا، شادي بره سفلی، نیسان، صالحآباد ،غنجان او پوشان کانالونه شامل دي چې د انجیل او غوریان په ولسواليو کې جوړېږي. د نوموړي په خبره ياد کانالونه چې ټوليز لګښت يې څه باندې ۱۲۱ميليونه افغانيو ته رسېږي د کرنې، اوبو لګولو او مالدارۍ وزارت... Читать дальше...
د افغانستان برېښنا شرکت وايي، سبا یکشنبه(د غبرګولي ۱۶مه) به د میټرونو د وېش لړۍ له شااوخوا یو نیم کال ځنډ وروسته بېرته پيل شي. د دغه شرکت له لوري په خپره شوې اعلامیه کې راغلي، د میټرونو وېش دا لړۍ له څه مودې راهیسې د ځینو ستونزو له امله درول شوې وه. اعلامیه زیاتوي، په ټول افغانستان کې د میټرونو د وېش یو واحد او منظم سیسټم رامنځته شوی چې ټول ټال د ۲.۵ میلیونه میټرونو د وېش ظرفیت لري. اوس مهال د افغانستان برېښنا شرکت په ټول هېواد کې شااوخوا ۱.۷ میلیونه پېرودونکي یا مشترکین لري چې له دې شمېر نږدې ۷۰۰ زره پیرودونکي په کابل کې دي. Читать дальше...
د ننګرهار ولایت مطبوعاتي دفتر وايي، د داعش افراطي ډلې د ارتباط په شک دوه کسان نیول شوي دي. دغه دفتر نن شنبه (د غبرګولي ۱۵مه) په یوه اعلامیه کې ویلي، یو تن د داعش ډلې د لویو حملو او بل تن د دې ډلې د مالي چارو د تنظیم په تور نیول شوی دی. داعش تر اوسه په دې اړه رسنیو ته څه نه دي ویلي. د ننګرهار مطبوعاتي دفتر په بله اعلامیه کې ویلي چې تېره شپه د ملي اردو ځواکونو د خوګیاڼو ولسوالۍ په قیلغو سیمه کې د وسله والو طالبانو یوه ډرون کامره ویشتلې او ویجاړه کړې ده. د اعلامیې له مخې په سیمه کې د دې... Читать дальше...
د بلاروس جلاوطنه وګړي په پام کې لري چې نن شنبه (د غبرګولي ۱۵مه) د بلاروس او پولنډ پر پوله اعتراضونه وکړي. دوی به له اروپايي ټولنې د الکساندر لوکاشینکو د رژیم پر خلاف د نورو بندیزونو غوښتنه وکړي. دوی به په عین حال کې د بلاروس له چارواکو وغواړي چې د خپلو اتباعو لپاره ځمکني سرحدونه پرانیزي. د اعتراضونو یوه تنظیموونکي پاول لاتوشکا وویل، دوی د چټک اقدام غوښتنه کوي، خو بېره لري چې اروپايي ټولنه به د لوکاشینکو د رژیم د مجازاتو لپاره واقعي اقدام ونه کړي. پر پوله دا اعتراضونه داسې مهال کېږي چې... Читать дальше...
د پاکستان صدراعظم عمران خان وايي چې د ده حکومت په افغانستان کې د ستراتیژیک عمق د څو لسیزو پالیسي او په افغانستان کې د 'دوست' حکومت د لرلو تګلاره بدله کړې ده. په کابل کې د پاکستان سفارت په راستولي خبرپاڼه کې د ښاغلي عمران خان په قول ویلي: "د افغانستان هر حکومت چې د خلکو له لوري غوره شوی وي او له پاکستان سره معامله کولی شي، پاکستان باید په افغانستان کې د انحصار هڅه ونه کړي." عمران خان ویلي: "د پاکستان پخوانۍ پالیسي دا وه، کله چې وېره وه چې که په افغانستان کې د هند نفوذ زیات شي، بیا پاکستان په... Читать дальше...
د پکتیا د درېیو ځدراڼ مېشتو ولسوالیو خلک د افغان حکومت غواړي چې د یادو سیمو بیارغونې او د خلکو د ستونزو حلولو ته پاملرنه وکړي. دوی په شواک، ګرده څېړۍ او وزې ولسوالیو کې د خلکو او ځوانانو بې کاري، د څښاک د پاکو اوبو کمښت، پوهنې، روغتیا او کرنې په برخو کې د اسانتیاوو نشتون، د دوی له اساسي ستونزو څخه بولي. د وزي ځدارنو ولسوالۍ اوسیدونکي قادرګل ازادي راډیو ته وویل، د دې سیمو خلک تراوسه هم د ژوند له هغو اساسي اړتیاوو بې برخې پاتې شوي دي: "دلته خلک د اوبو په رابطه ستونزه لري، د ښوونې روزنې په اړه ستونزه... Читать дальше...
اروپايي اتحادیې د جمعې له ورځې د دې اتحادیې د غړیو هېوادونو په فضا کې د بلاروس د الوتکو تګ-راتګ او د دغو هېوادونو په هوايي ډګرونو کې د بلاروس د الوتکو ناسته منع کړه. له دې سره په یو وخت د بلاروس د اپوزیسیون یوه مشر چې له هېواده بهر دی، د بلاروس د حکومت پرضد د لوېدیځوالو له لوري د لا سختو بندیزونو د لګېدو غوښتنه وکړه. د رویټرز خبري اژانس د راپور له مخې، د اروپايي اتحادیې دا پرېکړه د رایان اییر هوايي شرکت د الوتکې د جبري کښته کولو او په هغې کې د یوه مخالف خبریال د نیولو په ځواب کې د بلاروس د حکومت پرضد د لا پراخو جزايي اقداماتو یوه برخه ده.
د غزني بزګران وايي، په دې ولایت کې د سړو خونو په جوړېدو سره یې محصولاتو ښه بازار موندلی او ګټه وټه یې کړې ده. د غزني د ده يک ولسوالۍ ۳۸ کلن اوسیدونکی سیدالرحمن په خپله ولسوالۍ کې په کروندو بوخت دی وايي، د دوی په ولسوالۍ کې د کرنې ریاست له لوري د سړوخونو له جوړېدلو سره د دوی محصولاتو او بیو کې یې ښه والی راغلی دی. نوموړی زیاتوي: "تېر کال په ځانګړي توګه د پیازو د حاصلاتو په وخت کې چې کله به پیاز ورسېدل، بازار به یې نه درلود، یومن به یې له ۲۰ تر ۳۰ افغانیو پورې پلورل کېدل، خو دا چې موږ سړې خونې... Читать дальше...
د برازیل د روغتیایي چارو ادارې د روسیې سپوټنیک وي واکسین تایید کړ. دې ادارې پرون جمعه (د غبرګولي ۱۴مه) له څه باندې اووه ساعته بحثونو وروسته د دې واکسین له مشروط استعمال سره موافقه وکړه. د برازیل د روغتیایي چارو ادارې وویل چې سپوټنیک وي واکسین به یوازې هغو مشرانو ته ورکول کېږي چې ښه صحت لري. برازیل په اپریل کې د روسیې د کرونا ضد واکسین له صادراتو سره د دې لپاره مخالفت کړی و چې د برازیل د روغتیایي چارو ادارې ویلي و چې دا واکسین خطر لري او کیفیت یې ښه نه دی. په برازیل کې تر اوسه ۱۶ میلیونه... Читать дальше...
د پاکستان صدراعظم عمران خان وایي چې د افغانستان په اړه د اسلام اباد ستراتیژي بدله شوې ده. عمران خان له رویټرز اژانس سره په مرکه کې وویل چې د پاکستان پخوانیو حکومتونو د افغانستان مسالې ته په بل نظر کتل: "د پاکستان پخوانی سیاست دا و چې دوی په افغانستان کې د هند له زیات نفوذه ویرېدل، نو د پاکستان ستراتیژیک عمق افغانستان و چې د دښمن افغانستان او هند ترمنځ ساندویچ نه شي. دا د پخوانیو حکومتونو تګلاره وه. زما حکومت داسې احساسوي چې دا له وخته تېره شوې پالیسي ده، موږ په افغانستان کې ستراتیژیک عمق نه غواړو."... Читать дальше...
د امریکا دفاع وزیر لوېډ اسټن د مرکزي قوماندانۍ مشر فرانک مککنزي مؤظف کړی چې له افغانستانه د دوی د ملکي همکارانو د ایستلو لارې چارې معلومې کړي. د 'ډیفینس ون' خپرونې د راپور له مخې مککنزي ته دنده ورکړل شوې چې له افغانستانه د امریکایي ځواکونو ژباړونکي او نور هغه ملکیان وباسي چې دې ځواکونو سره یې کار کړی دی. دا هغه ژباړونکي او کار کوونکي ښودل شوي چې د بهرنیو ځواکونو له وتلو وروسته یې ژوند د طالبانو له خوا له خطر سره مخامخېدای شي. د راپور په دوام کې راغلي، اوس به د سپینې ماڼۍ د پرېکړې له... Читать дальше...
د ترکیې ولسمشر رجب طیب اردوغان وایي، هېواد یې په تور سمندرګي کې یو سل او پنځه دېرش میلیارده متر مکعب طبیعي ګاز کشف کړی دی. اردوغان پرون جمعه(د غبرګولي ۱۴مه) وویل چې د ساکاریا په سیمه کې د دې ګازو له کشف سره په سیمه کې د ترکیې د ګازو کچه پنځه سوه څلوېښت میلیارډه متر مکعبو ته ورسېده. د ترکیې ولسمشر تمه ښکاره کړه چې په تور سمندرګي کې ښایي نور ګاز هم کشف شي. ترکیې پروسږکال د ساکاریا په سیمه کې څلور سوه پنځه میلیارډه متر مکعب طبیعي ګاز کشف کړی و.
د غزني سیمه ییز چارواکي وايي، د دغه ولایت د ده یک ولسوالۍ مرکز یې له خپل اصلي ځای څخه انتقال کړی دی. د والي ویاندو واحدالله جمعه زاده د جمعې په ورځ د (غبرګولي ۱۴مه) رسنیو ته په لېږلي پیغام کې ویلي دي چې د دغه ولسوالۍ مرکز یې د سیمې د ولسونو په غوښتنه انتقال کړی دی. نوموړي وویل: "له اصلي ځایه فقط سل متره هغه خوا ته چې مخکې د تپې په بېخ کې و اوس مو د تپې سرته پورته کړی چې د امنیت د ښه والي په خاطر او همدا رنګه د ولسونو غوښتنه وه چې په دغه سیمه کې دوی زیات وخت له جګړو په عذاب وي، نو په هم هغه خاطر... Читать дальше...
اسپانیې او پرتګال د فوټبال د ۲۰۳۰ میلادي کال نړیوال جام د کوربه توب لپاره د ګډو هڅو رسمي تړون لاسلیک کړ. د دواړو هېوادونو د فوټبال فدراسیون چارواکي پرون جمعه (د غبرګولي ۱۴مه) داسې مهال دې موافقې ته ورسېدل چې د پرتګال صدر اعظم انتونیو کوسټا او اسپانیایي سیال یې پیدرو سانخیز د همدې هڅو د ملاتړ په خاطر دولتي هوکړه لاسلیک کړه. پرتګال تراوسه هېڅکله د فوټبال نړیوال جام کوربه نه دی پاتې شوی، خو اسپانیې ۱۹۸۲ کال کې د دې جام کوربه توب کړی دی. راتلونکی کال قطر او ۲۰۲۶ کال کې امریکا، کاناډا او مکسیکو د فوټبال نړیوال جام ګډ کوربه توب کوي.
