۳۳ کلن شاه ولي شهري چې تېره اوونۍ له جرمني څخه کابل ته لېږل شوی ۲۴ کاله وړاندی ايران ته کډوال شوی وو او اوس په افغانستان کې د کورنۍ غړي او خپلوان نه لري. دی شپږ کاله وړاندې له خپلې مېرمنې سره يو ځای په قاچاقي لاره المان ته تللی وو او هلته په چاقو د خپلې مېرمنې له وهلو وروسته بندي شوی وو. نور حال په دې ویډیويي راپور کې وګورئ:
په پکتیکا ولایت کې د وسله والو طالبانو یو تونل کشف او له منځه وړل شوی. د پکتیکا د پولیسو ویاند شاه محمد ارین رسنیو ته وویل، دغه تونل چې د یوه نظامي مرکز په نښه کولو لپاره دېرش متره ایستل شوی و، تېره ورځ د پکتیکا ولایت د جاني خېلو ولسوالۍ اړوند د چمبرانو کلي ته څېرمه پولیسو د ملي امنیت کشفي راپور پر اساس له منځه وړی دی. ارین وایي، د دې تونل د کشف سره سم یو کس هم نیول شوی چې څېړنې ترې روانې دي او ډېر ژر به عدلي ارګانونو ته ور وپېژندل شي. وسله والو طالبانو تر اوسه په دې اړه تبصره نه ده کړې.
د ننګرهار ولایت په بهسودو ولسوالۍ کې یوه کښتۍ چې لس تنه په کې سپاره وو، په سیند کې ډوبه شوې ده. د ننګرهار د والي ویاند عطاالله خوګیاڼي ازادي راډیو ته وویل، دغه کښتۍ چې د ښځو او ماشومانو په ګډون یې لس تنه لېږدول، د بهسودو ولسوالۍ اړوند ګردي کڅ سیمه کې د تخنیکې ستونزې له امله په سیند کې ډوبه شوې ده. ښاغلي خوګیاڼي زیاته کړه، تر دې دمه له دې پېښې یو ماشوم ژوندی ژغورل شوی او د یوه ماشوم په ګډون د دوو تنو جسدونه د مومندرې ولسوالۍ په مربوطاتو کې ترلاسه شوي او ۷ نور لا هم نادرکه دي. دی وايي چې د ورکو شوېو کسانو د موندلو هڅې روانې دي. Читать дальше...
د بادغیس والي وايي، د مقر ولسوالۍ په سنګ اتش سیمه کې د امنیتي ځواکونو په پوځي عملیاتو کې تر لسو زیات وسله وال طالبان وژل شوي او ۴ نور ټپیان شوي دي. حسام الدین شمس ازادي راډیو ته وویل، په سیمه کې له تېرې شپې جګړه روانه ده او له نن شنبې(د غبرګولي ۲۲مه) سهاره د ملي اردو له کمپ سره اړیکې پرې شوي دي. بل خوا یوې سرچینې د نوم نه ښوولو په شرط ویلي، شااوخوا ۲۰۰ سرتېري له کومې نښتې پرته طالبانو ته تسلیم شوي دي. د طالبانو یوه ویاند قاري یوسف احمدي ادعا کړې چې په لسګونو سرتېري له وسلو او مهماتو سره له دوی سره یوځای شوي دي. Читать дальше...
د افغانستان د کورنیو چارو وزارت وايي چې نن شنبه (د غبرګولي ۲۲مه) له غرمې وروسته په دوو جلا چاودنو کې ۷ تنه ملکیان وژل شوي او شپږ نور ټپيان شوي دي. د دغه وزارت مرستیال ویاند حمید روشان ازادي راډیو ته ویل، لومړۍ چاودنه د ۱۳مې ناحیې اړوند د پل سرخ په تم ځای کې پر یوه ټونس موټر شوې ده چې له امله یې یو تن وژل شوی او د یوې ښځې په ګډون ۴ نور ټپیان شوي دي. ښاغلي روشان زیاتوي چې په ورته بله چاودنه کې چې دا هم په یو ټونس موټر د ۶ مې ناحیې اړوند په مهتاب کلا سیمه کې شوې ده چې له امله یې د یوې ښځې په ګډون ۶ تنه وژل شوي او ۲ نور ټپيان شوي دي. Читать дальше...
د پکتیا د زرمت ولسوالۍ اوسېدونکو او قومي مشرانو د شنبې (د غبرګولي ۲۲مه) په ورځ د پکتیا په مرکز ګردېز ښار کې د یوه خبري کنفرانس پرمهال رسنیو ته وویل چې له تېرې یوې اوونۍ راهیسې وسله والو طالبانو دې ولسوالۍ ته په غځېدلو عامه لویو لارو کې ماینونه ځای پرځای کړي او له خلکو یې غوښتي چې له دولتي ځایونو لېرې شي. د دې ولسوالۍ یو تن قومي مشر مالک صابري وایي، دغه وضعیت د خلکو په ورځنیو چارو زیات منفي اغېز کړی دی: "ټوله ولسوالۍ او ولس له هر شي نه محروم دي، شفاخانو ته نه شي تلی، خوراکي او غیرخوراکي موادو کمښت... Читать дальше...
د سعودي عربستان چارواکي وايي، د دغه هېواد په زرګونو واکسین شوي وګړي به سږکال د حج په مراسمو کې د ګډون اجازه ولري. د سعودي عربستان رسمي خبري اژانس د حج او عمرې وزارت په حواله راپور ورکړی چې دغه مراسم به د سعودي عربستان ۶۰،۰۰۰ وګړو او اوسېدونکو ته پرانیستي وي. وزارت وايي، هغه کسان چې غواړي د حج فریضه ادا کړي باید جدي ناروغي ونه لري، واکسین شوي وي، عمرونه یې د ۱۸ او ۶۵ کلونو ترمنځ وي. د کرونا تر وبا مخکې هر کال تر دوو میلیونو ډېرو کسانو د حج په مراسمو کې برخه اخېستله. چارواکو تېر کال د سعودي... Читать дальше...
وروسته تر هغې چې په هلمند ولایت کې د جګړو له امله د یو شمېر کروندګرو او بزګرانو د غنمو حاصلات او کروندې د اور د لمبو خوراک شوې، د دغه ولایت په جنګي کمربندي سیمو کې کروندګر د خپلو ځمکو د حاصلاتو په راټولولو کې تلوار کوي. جمعه خان د هلمند د مرکز لښګرګاه امنیتي کمربند ته نژدې د بولان سیمه کې پر لس جریبه ځمکه غنم کرلي دي. دی هڅه کوي خپل غنم چې لا هم په پوره توګه حاصل ته نه دي رسیدلي، ژر تر ژره راټول کړي، څو حاصلات یې د جګړې د اور خوراک نه شي. جمعه خان زیاته کړه: "دغه غنم ژېړ دي، د جګړې ټک او ټوک... Читать дальше...
د کابل په شپږمه او دیارلسمه ناحیو کې د سورلۍ پر دوو موټرو چاودنې شوې دي. د کابل د امنیې قوماندانۍ یوه ویاند فردوس فرامرز رسنیو ته وویل، په دغو دوو چاودنو کې لږ تر لږه ۷ کسان وژل شوي: "له بده مرغه د دغو پېښو په پایله کې زموږ ۷ هېوادوال شهیدان او ۶ تنه نور ټپیان شوي دي. د کابل امنیتي ډله د دواړو پېښو په څېړنه بوخته ده. له بده مرغه د دواړو پېښو قربانيان ملکي وګړي دي." یوه چاودنه په مهتاب قلعه او بله محمد علي جناح روغتون ته څېرمه شوې ده. تر اوسه د دغو چاودنو مسوولیت چا نه دی منلی. بل خوا د کابل... Читать дальше...
د روسیې ولسمشر وايي، د امریکا له متحدو ایالاتونو سره د روسیې اړیکې تر ټولو ټیټې سطحې ته رسېدلي دي. ولادمیر پوتین دا خبره له (NBC) ټلوېزیوني شبکې سره په هغه مرکه کې کړې چې پرون خپره شوه. د روسیې ولسمشر په مرکه کې ویلي، موږ له امریکا سره دوه اړخیزې اړیکې لرو، خو په وروستیو کلونو کې تر ټولو ټیټې سطحې ته رسېدلي دي. دا مرکه داسې مهال خپرېږي چې د روسیې او امریکا ولسمشران راروانه چهارشنبه په جنیوال کې په خپلو کې خبرې کوي.
په غور ولایت کې یوه سرچینه تاییدوي چې تولک ولسوالي نن شنبه (د غبرګولي ۲۲مه) غرمه د وسله والو طالبانو له خوا ونیول شوه. دغه سرچینه چې د موضوع د حساسیت له کبله د نوم له ښوولو ډډه کوي وايي، امنیتي ځواکونه د تولک د ولسوالۍ او امنیې قوماندانۍ له ودانیو وتلي دي. خو د غور والي عبدالظاهر فیضزاده وايي، په دې ولسوالۍ کې امنیتي ځواکونه له طالبانو سره په جګړه بوخت دي: "جګړه لا هم روانه ده. د سالنګ پوه نوم یوه پوسته په مقاومت بوخته ده. د ولسوالۍ د لوا له قوماندان سره د سهار تر لسو بجو په تماس کې وم. د... Читать дальше...
وروسته له هغې چې ترکیې په پلازمېنه کابل کې د حامد کرزي نړیوال هوايي ډګر د امنیت ساتنې ته ټتر وواهه، د افغانستان د ملي امنیت شورا وايي، افغانان د خپلې خاورې ساتنې د دایمي مکلفیت جوګه شوي دي. د دغې شورا ویاند رحمت الله اندړ د شنبې (د غبرګولي ۲۲مه) په ورځ رسنیو ته په استولي ویډیويي پیغام کې ویلي، د افغانستان د ملي امنیت سلاکار حمدالله محب په دې اړه د انتقال پروسې له قوماندان، د ناټو ملکي استازي او نورو چارواکو سره په لیدنه کې ویلي چې هوايي ډګرونه به له نړیوال معیارونو سره سم فعال پاتې کېږي. ښاغلي اندړ زیاته کړه... Читать дальше...
ټاکل شوې د پاکستان د کرکټ سوپر لیګ 'پي.اېس.اېل' په نولسمه لوبه کې د کويټې او پېښور زلمي لوبډلې د یو بل پر وړاندې د سیالۍ ډګر ته ښکته شي. افغان قیس احمد د دې سیالیو د کویټې او دا شان حضرت ځاځی د پېښور زلمي لوبډلې برخه دي. د دې سیالیو د تېرې شپې په لوبه کې بیا اسلام اباد یوناټېډ کویټې لوبډلې ته ماتې ورکړه. کویټې لوبډلې په ټاکلو شلو اورونو کې د ټولو لوبغاړو په سوځېدو د ۱۳۴ منډو هدف وټاکه چې اسلام اباد لوبډلې دغه هدف په د سر په لوبغاړو په ډېرې اسانۍ په لسو اورونو کې پوره کړ.
د امریکا د متحدو ایالاتونو دفاع وزارت یا پنټاګون پرون جمعه (د غبرګولي ۲۱مه) له اوکراین سره د نوې پوځي مرستې اعلان وکړ. دغه وزارت وویل چې د ۱۵۰ میلیونه ډالرو په ارزښت د مالي مرستو دغه بسته به د اوکرایني ځواکونو د اجرااتو، سوق او ادارې او د موقعیت د پوهاوي په اړه وړتیا زیاته کړي. وزارت وايي، په دغو مرستو کې د توپونو ضد رادار، د ارتباطاتو تجهیزات، برېښنايي وسایل، د بې پېلوته الوتکو ضد سیسټمونه او پوځي روزنه شامله ده. د امریکا متحدو ایالاتونو له ۲۰۱۴میلادي کال راهیسې له اوکراین سره د ۲ اعشاریه ۵ ملیارد ډالرو په ارزښت امنیتي مرسته کړې ده. Читать дальше...
ټاکل شوې چې د فوټبال د اسیا د ملتونو او نړیوال جام لوبو ته د لارموندنې په سیالیو کې افغانستان خپله وروستۍ لوبه له هند سره ترسره کړي. دا لوبه به د روانې اوونۍ د چهارشنبې په شپه ترسره شي. د دې سیالیو د تېرې شپې په لوبه کې عمان افغانستان ته د یو ګول په توپیر ماته ورکړه او په دې ماتې سره په روانو سیالیو کې د افغانستان د مخکې تګ چانس ختم شو. د تېرې شپې د سیالۍ په لومړۍ نیمايي لوبه د یو-یو ګول په کولو مساوي مخکې لاړه، خو د دوهمې نیمايي په لومړیو کې عمان لوبډله د دوهم ګول په کولو هم وتوانېده او د... Читать дальше...
ګڼو چارواکو او شخصیتونو د کابل پوهنتون د استاد او د پېژندل شوي لرغونپوه پوهاند محمد رسول باوري پر مړینه خواشیني وښوده. پوهاند باوري شااوخوا څلور کاله د اطلاعات او فرهنګ وزارت مرستیال و، د دې وزارت ویاند صابر مومند د هغه د هڅو په اړه وویل: "د پوهاند باوري د ماموریت پرمهال په هېواد کې بې شمېره ابدې ورغول شوې، تاریخي اثار رااویستل شول او په ملي موزیم کې نندارې ته کېښودل شول." د څلورشپېته کلن باوري شااوخوا ۱۶ کتابونه په پښتو، دري او نورو ژبو خپاره شوي. ولسمشر محمد اشرف غني په یوه اعلامیه کې... Читать дальше...
د افغانستان د حج او اوقافو وزارت وايي، د سعودي عربستان د پاچا سلاکار او د حرم د جومات امام عبدالرحمان السُدیس د افغانستان د حج او اوقافو وزارت له وزیر سره په خبرو کې پر دې ټينګار کړی چې د افغانستان د ستونزې حل، په سیاسي حل لاره او خبرو کې دی. د دغه وزارت ویاند فضل محمد حسیني د شنبې (د غبرګولي ۲۲مه) په ورځ ازادي راډیو ته وویل چې دا کتنه او خبرې تېره ورځ شوي دي. نوموړي زیاته کړه: "په دغه لیدنه کې د دیني علماوو د وروستي کنفرانس په اړه خبرې شوي دي، د دغه ناستې له له پرېکړه لیک یې ملاتړ کړی دی او... Читать дальше...
په زرګونو کاناډايي وګړو د لارۍ په ذریعه د یوې مسلمانې کورنۍ د څلورو وژل شوېو غړو د یاد په درناوي، پرون د اونتاریو ښار په لندن کې لاریون وکړ. لاریون له هغه څلورلاري پیل شو، چې د یوه باروړونکي موټر چلوونکي په کې تېره یکشنبه د یوې کورنۍ څلور غړي لاندې کړل. د کاناډا پولیس وايي، بار وړونکی موټر د یوه ۲۰ کلن مشکوک کس ناتانیال ویلتمن له خوا چلول کېده او دغه کسان یې له پلان سره سم په لوی لاس د کرکې د انګېزې له مخې مړه کړي دي. دغه مشکوک کس د قتل په څلورو طرحه شوېو مواردو تورن شوی چې په عمري بند محکومېدلای شي. Читать дальше...
د کندوز امنیه قومانداني وايي، پر خان اباد او علي اباد ولسوالیو د وسله والو طالبانو په حملو کې یو سرتېری او ۲۷ وسله وال طالبان وژل شوي دي. د دې قوماندانۍ ویاند، انعام الدین رحماني نن شنبه (د غبرګولي ۲۲مه) رسنیو ته وویل، دغه حملې تېره شپه شوې دي: "په علي اباد او خان اباد ولسوالیو کې د سرې قطعې د قوماندان په ګډون د دښمن ۲۷ کسان وژل شوي، تر ۱۵ زیات نور یې ټپیان دي. په علي اباد کې له ماتې سره مخامخ شوي، په خان اباد کې د ماتې په حال کې دي." د کندوز د امنیې قوماندانۍ ویاند وايي، په جګړو کې یو سرتېری هم وژل شوی او درې نور ټپیان شوي دي. Читать дальше...
د افغانستان د معلولینو د پارا تکواندو څلور نفري ملي لوبډله د معلولینو د پاراتکوندو په اسیايي سیالیو کې د ګډون په موخه نن شنبه (د غبرګولي ۲۲مه) ترکیې ته ورسېده. د افغانستان د بدني روزنې د ریاست له لوري په خپره شوې خبرپاڼه کې راغلي دي چې په ۶۱ کیلو ګرام وزن کې به افغان لوبغاړي له خپلو سیالانو سره لوبې وکړې. په خپره شوې اعلامیه کې د لوبو د پیل وخت نه دی په ډاګه شوی، خو په کې ویل شوي چې یادې سیالۍ ۵ ورځې دوام کوي. په اعلامیه کې راغلي دي چې په دې څلور نفري لوبډله کې د معلولینو تکړه لوبغاړی عبدالمتين... Читать дальше...
افغانستان ته د کرونا وبا د درېیمې څپې ګواښ موجود دی.د عامې روغتیا وزارت د دې ګواښ له کبله په ټول روغتیايي سیسټم د بدې اغېزې خبر ورکوي. د عامې روغتیا سرپرست وزیر وحید مجروح په خپله رسمي فېسبوکپاڼه کې لیکلي: "اوسمهال دوی د تېرو شلو کلونو تر ټولو ناوړه حالت تجربه کوي." د دې وزارت مسوولان وايي، ډېر احتمال شته چې روانه اوونۍ دوی د درېیمې څپې د ګراف لوړې کچې ته ورسېږي. د عامې روغتیا وزارت د ویاند مرستیال میرویس عليزي ازادي راډیو ته وویل: "متاسفانه هغه ډول چې د نوېو پېښو ګراف ته ګورو، ورځ تر بلې شمېرې په لوړېدو دي. Читать дальше...
د چین حکومت له افغانستان سره د ۱۵ طبي وسایلو مرسته وکړه. په چین کې د افغانستان سفیر احمد جاوېد قایم ازادي راډیو ته وویل، ډېری دغه وسایل په اوسنیو شرایطو کې چې کرونا وبا اوج ته رسېدلې د عاجلو خدماتو لپاره په کارېږي: "په دغو وسایلو کې وینټلاتورونه، مانیټورونه، د زړه ماشینونه او نور وسایل شامل دي. دغه وسایل مو بېګا د اریانا افغان هوايي شرکت له لارې له شنجیانه کابل ته انتقال کړل چې تېره شپه ناوخته کابل ته ورسېدل." په چین کې د افغانستان سفیر وايي، له چینه د نورو طبي مرستو ترلاسه کولو لپاره هڅې روانې دي. Читать дальше...
د خېبر پښتونخوا ایالاتي محکمې د راتلونکي لوی اختر لپاره افغانستان ته د څارویو پر لېږد بندیز لګولی دی. دغه محکمې ویلي، دا پرېکړه يې ځکه کړې چې د قربانۍ لپاره سیمه ییز خلک د څارویو له کمښت سره مخ نه شي. د پاکستاني رسنیو د خبر له مخې له دې وړاندې دغه محکمې افغانستان ته د زراعتي چرګانو پر صادراتو هم بندیز لګولی وو. دا په داسې حال کې ده چې هرکال د لویې اختر په ورځو کې له خېبر پښتونخوا نه زیات شمېر څاروي د پلور لپاره افغانستان ته راځي. که څه هم د افغانستان د کرنې او مالدارۍ وزارت هڅه کوي چې افغانستان... Читать дальше...
د ننګرهار ولایت د کرنې او مالدارۍ ریاست مسوولین وايي، په دې ولایت کې یې د کرېلو او تُرایانو د چېله یې سیسټم سل ننداريزې کروندې جوړې کړې. د کرنې ریاست د دغه پروژې ولایتي مسوول حمیدالله نظیر ویلي چې دغه کرنیزې ننداریزې قطعې د ننګرهار ولایت په کامې، کوز کونړ او بهسودو ولسوالیو کې جوړې شوي او تمه ده چې سیمه ییز بزګران ترې ښه ګټه ترلاسه کړي. نوموړي ویلي، د یادو کروندو لپاره یې د کیمیاوي سرو، اصلاح شوي تخمونو او کیمیاوي درملو ترڅنګ اړین توکي لکه د باڼس پایې، جالۍ، کېبل، بیلچه، لاسي کراچۍ او د درملو... Читать дальше...
وسله والو طالبانو د کندز پر خان اباد ولسوالۍ تېره شپه برید وکړ. یوې سرچېنې چې نه یې غوښتل نوم یې واخېستل شي، ازادي راډیو ته وویل چې د جګړې لمن د ښار تر کوڅو رسیدلې او لا هم روانه ده. د کندز د والي ویاند عصمت اله مرادي راډیو ته وویل چې خان اباد ته تازه دمي ځواکونه رسیدلي دي او ډېر ژر به هلته په امنیتي وضعیت کې بدلون راشي. د کندز امنیه قومانداني په خپره کړې خبرپانه کې لیکي، تر اوسه په جګړه کې د طالبانو د سرې قطعې د قوماندان سید جان مشهور په سجاد په ګډون د دوی پنځلس تنه وژل شوي دي او د افغان پوځیانو یو تن وژل شوی او درې تنه یې ټپیان شوې دي. Читать дальше...
