د کوه نور الماس چې د نړۍ له ارزښتناکو الماسو څخه ده د برتیانیا ملکې د تاج په سرولو مراسم کې يې ځای خالي وه. د ملکې له تاج څخه د دغه ۱۰۵ قراطي الماسو د لرې کولو دلیل د دغو الماسو"کوه نور¬" د مالکیت پر سر اختلاف دی.
اوکرایني او روسیې چارواکو نن د ځينو بندیانو د تبادلې خبر ورکړ. کيیف وايي، ۴۵ سرتېري يې د راتګ په حال کې دي او مسکو هم ویلي، درې پیلوټان يې بېرته مسکو ته ستانه شوي دي. د اوکراین د ولسمشر ولودمیر زیلنسکي د دفتر رییس اندري ایرماک پر خپل ټیلګرام لیکلي، د راستنو شویو سرتېرو ۴۲ يې هغه دي چې په ماریوپول کې د فولادو د فابریکې له دفاع څخه د راستنېدو په حال کې وو. د روسیې د دفاع وزارت هم ویلي چې پیلوټان يې د یوې پېچلې مذاکرې وروسته هېواد ته راستانه شول.
د پاکستان، چین او طالبانو د بهرنیو چارو وزیرانو درې اړخیزه ناسته نن په اسلام اباد کې ترسره شوه. د رویټرز خبري اژانس د راپور پر بنسټ چارواکو ویلي، په دغې ناسته کې د افغانستان د امینتي وضعیت د ښه کېدو او د اقتصادي ثبات پر ټینګښت تمرکز وشو. د پاکستان د بهرنیو چارو وزیر بلاول زرداري بوټو رسنیو ته ویلي چې پیغام يې افغان چارواکو ته دا دی چې افغانستان دې پاکستان او پاکستان دې افغانستان سره مرسته وکړي. د چین د بهرنیو چارو وزیر کېن ګانګ ویلي، اسلام اباد او پېکېنګ چمتو دي د افغانستان د اقتصاد په بیا رغونه کې مرسته وکړي. Читать дальше...
د راشد خان روزونکي وايي سیال ټیمونه د هغه د باولنګ تاب نه لري. د نړۍ د سوک وهنې دوه اتلان سره لوبه لري. ریال مادرید او اوساسونا د هسپانیې شاهي جام کې لوبیږي.
د بریټانیا پاچا دریم چارلس د شنبې په ورځ تاج پر سر کېښود. دی د بریټانیا څلوېښتم او تر ټولو زوړ پاچا دی. جزییات د صفي الله ستانکزي په رپوټ کې
د ملګرو ملتونو سازمان د ماشومانو د ملاتړ وجهي صندوق یا یونېسف اعلان کړی، دوی نهشي کولای چې په بشپړه توګه زیانمنونکو ماشومانو او کورنیو ته روغتیايي خدمتونه، اوبه، خوراک او ټولنیز خدمتونه چمتو کړي. په افغانستان کې یو شمېر بېوزله کورنۍ اندېښمنې دي چې بېوزلۍ دوی او د دوی ماشومان پر بېلابېلو ناروغیو اخته کړي دي. دوی وايي چې وزګاره دي او مناسب خواړه نهشي برابرولای. د کابل ښار اوسېدونکې او د دوو ماشومانو مور جوهر وايي، ماشومان يې د بېوزلۍ له امله له خوارځواکۍ سره مخ دي. جوهر زیاتوي چې تر اوسه دوی هېڅ ډول مرسته نهده ترلاسه کړې. Читать дальше...
د امریکا د کډوالو کمېټه وايي، د امریکا د کورني امنیت وزارت اعلان کړی چې په دغه هېواد کې د افغانانو د موقتي بشري استوګنې د تمدید لپاره به یو پروګرام جوړ کړي. دغه وزارت د جمعې په ورځ ناوخته اعلان وکړ، هغه افغانان چې د ایستلو په بهیر کې د بشردوستانه ویزو یا پارول له لارې امریکا متحده ایالاتو ته تللي، کولای شي د جون له پیل څخه د انلاین او کاغذي فورمو له لارې، د موقتي استوګنې د تمدید لپاره غوښتنلیک ورکړي. د متحده ایالاتو د کورني امنیت وزارت ویلي دي، موقتي استوګنې به د قضیو پر بنسټ وڅېړل شي. د امریکا... Читать дальше...
د واشنګټن او ریاض په نوښت د سوډان د جګړې د ښکېلو لوریو ترمنځ نن د سعودي عربستان په جدې ښار کې د روغې جوړې خبرې کېږي. د متحده ایالتونو او سعودي عربستان په نوښت دا خبرې لومړۍ جدي هڅه ده چې د سوډان د دوو پوځي ډلو ترمنځ روانه جګړه به ښايي پای ته ورسوي. دا جګړه چې د پلازمېنې خرطوم په شمول په ځینو ښارونو کې روانه ده، تر اوسه پهکې په سلګونه ملکیان وژل شوي او په لسګونه زره نور د خپلو کورونو پرېښودو ته مجبوره شوي دي. ریاض او واشنګټن د سوډان پوځ او د چټک غبرګون ځواکونه مخکې هم هڅولي وو چې خبرې سره وکړي. Читать дальше...
د پاسپورټ یو شمېر غوښتونکي وايي، څو میاشتې وړاندې یې د پاسپورټ اخیستو لپاره انلاین فورمې ډکې کړي، خو د دوی په خبره د طالبانو حکومت د پاسپورټ ریاست تر اوسه د دوی د ورتګ نېټه نهده معلومه کړې. د عبدالولي په نوم د پاسپورټ يو غوښتونکی وايي، تېر کال يې د پاسپورټ انلاين فورمه ډکه کړې وه، خو د ٨ میاشتو په تېرېدو سره یې لا هم پاسپورټ نهدی اخیستی او نه ورته د سفر د دغې کتابچې نېټه کره شوې ده. نوموړي له ازادي راډيو سره په خبرو کې وويل، د کورنۍ دوه غړي يې ناروغه دي او غواړي د درملنې لپاره يې پاکستان ته بوځي. Читать дальше...
په افغانستان کې سره له دې چې پر افغان مېرمنو محدوديتونه لا هم دوام لري، ملګرو ملتونو ويلي، دې هېواد کې خپلو مرستو ته دوام ورکوي. دغه راز ياد سازمان ويلي، د طالبانو له لوري د يوناما پر ښځينه کارکوونکو بنديز د دوی چارې اغېزمنې کړي دي. خو ایا طالبان به په نږدې راتلونکې کې افغان مېرمنو ته په نادولتي ادارو کې د کار کولو اجازه ورکړي؟ محمد خاطر پردېس دغه پوښتنه د مرکې په سر کې له ښځینه فعالې فریدې حفیظ نه کړې چې د لاندې لېنک په کېکاږلو یې اورېدلی شئ:
د امریکا متحدهایالاتو د استازو جرګې د بهرنيو اړیکو کمېټې د ملګرو ملتونو سازمان سرمنشي ته یوه لیک کې په افغانستان کې د طالبانو لهخوا د افغان نجونو او ښځو په اړه د سخت دریځو فرمانونو دوام ته سخته اندېښنه ښودلې. په داسې حال کې چې ملګرو ملتونو ویلي، له ستونزو سره سره په افغانستان کې خپل فعالیت ته دوام ورکوي، د متحده ایالاتو د استازو جرګې د بهرنیو اړیکو کمېټې په یو لیک کې د ملګرو ملتونو د سازمان له سرمنشي غوښتي چې له افغان مېرمنو پرته؛ دا سازمان باید یوازې له نارینهو سره د بشري مرستو د دوام په اړه کلک مخالفت وکړي. Читать дальше...
ایران وایي چې نن سهار یې حبیب چعب مشهور په حبیب اسیود په تهران کې اعدام کړ. اسیود ایراني الاصله سویډنی دی چې دوه کاله مخکې د ترکیې له یوه هوایي ډګره تري تم شو. دی د نضال په نوم د یوه غورځنګ له بنسټ اېښودونکو څخه دی چې دې ډلې ته ایران د یوې ترهګرې ډلې په سترګه ګوري. د نضال غورځنګ بیا په ایران کې په مسلحانه عملیاتو کې لاس لرل ردوي او وایي چې په ایران کې یې هدف د عربانو د حقونو دفاع ده.
د سوډان د جګړې د ښکېلو لوریو استازي نن د سعودي عربستان په جده ښار کې خبرو ته سره کېني. ریاض او واشنګټن د دې خبرو د پیلېدو هرکلی کړی دی. په سوډان کې نږدې درې اوونۍ مخکې د عبدالفتاح البرهان د ځواکونو او د محمد حمدان دقلو په مشرۍ د چټک غبرګون د ځواکونو ترمنځ جګړې پیل شوې. د دې جګړو له امله تر اوسه په سلګونه کسان وژل شوي او په لسګونه زره کسان د خپلو کورونو پرېښودو ته مجبوره شوي دي.
سیمه ییز چارواکي وايي، په ننګرهار کې بارانونو مالي او ځاني زیانونه اړولي. د ننګرهار ولايت د رسنيو دفتر څخه خپره شوې اعلاميه کې ويل شوي، تېره شپه د دغه ولايت په بېلابېلو سيمو کې د سختو بارانونو له امله خلکو ته مالي او ځاني زيانونه اوښتې دي. اعلاميه کې د باختر اژانس په حواله ويل شوي، د جلال اباد ښار په بېلابېلو ناحيو کې تر ۴۰ پورې کورونه زيانمن شوي دي. سرچينه زياتوي، د کامې په زايدخېلو، ماماخېلو، مېرازخېلو، ګوچ، شېرګړ او صفدري کليو کې سېلابونه راوتلي چې پهکې ۵۰ کورونه ويجاړ شوي، ۴ تنه مړه شوي او درې کسان نور ټپيان شوي دي. Читать дальше...
د امریکا متحدهایالاتو د استازو جرګې د بهرنيو اړیکو کمېټې د ملګرو ملتونو سرمنشي ته یوه لیک کې په افغانستان کې د طالبانو لهخوا د افغان نجونو او ښځو په اړه د سخت دریځو فرمانونو دوام ته سخته اندېښنه ښودلې. دا لیک چې پرون د دې کمېټې د مشر مایک مککال لهخوا انټونیو ګوټېرېش ته لېږل شوی او د ډیموکرات ګوند ملاتړ هم لري په کې لیکل شوي، له افغان مېرمنو پرته؛ دا سازمان باید یوازې له نارینهوو سره د بشري مرستو د دوام په اړه خپل مخالفت ته دوام ورکړي. په دې کې لیک کې دا هم لیکل شوي چې په افغانستان کې تر... Читать дальше...
د اوکراین دفاع وزارت د باخموت پر ښار د روسي ځواکونو د سختو بریدونو خبر ورکوي. د اوکراین پوځ پرون وویل، روسیې د دې ښار شاوخوا نوي تازه دمه سرتېري ځای پرځای کړې دي. د اوکرایني پوځیانو په وینا، روسي ځواکونو پر باخموت د توغندیو بریدونه کړي دي. د اوکراین د لوی درستیز دفتر پرون خبر ورکړ چې په تېرو ۲۴ ساعتونو کې روسي ځواکونو لږ تر لږه شپېته حملې کړي چې بېرته شاته تمبول شوي دي. روسیې په وروستیو ورځو کې پر اوکرایني ځواکونو د توغندیو حملې زیاتې کړي دي.
ټاکل شوې ده چې نن د بریتانیا د پاچا درېیم چارلز د تاج پر سرولو رسمي مراسم ترسره شي. د پاچا چارلز مور ملکه دویمه الیزابت پروسږ کال په سپتمبر کې مړه شوه او له تېرو اوه میاشتو راهیسې یې زوی پاچا دی. په پام کې ده چې د تاج پر سرولو ځانګړي مراسم نن په لندن کې په ویسټ مینسټر ماڼۍ کې ترسره شي. چارلز فلیپ جورج څلور اویا کلن دی او د ویلیم او هري په نوم دوه زامن لري.
ملګري ملتونه وایي، په افغانستان کې د شته ستونزو سربېره له افغانانو سره خپلو مرستو ته دوام ورکوي، خو د طالبانو بندیزونه د دوی فعالیتونه په جدي توګه کمزوري کوي. ملګرو ملتونو په یوه بیان کې چې پرون یې خپور کړ دا هم ویلي، دوی د طالبانو له چارواکو سره خپلو تماسونو ته ادامه ورکوي چې دوی د ملګرو ملتونو په ادارو کې ښځینه کارکوونکو ته د کار اجازه ورکړي. طالبانو تېره میاشت د ملګرو ملتونو له ادارو څخه ښځینه افغان کارکوونکې له کاره منع کړې چې په ځواب کې یې ملګرو ملتونو خبرداری ورکړ چې د مې تر پنځمې به خپل... Читать дальше...
د طالبانو د عامې روغتیا سرپرست وزیر له ایران څخه د سرطاني ناروغیو د تشخیص او درملنې په برخه کې د مرستې غوښتنه وکړه. د طالبانو د عامې روغتیا وزارت پرون رسنیو ته په یوه استول شوي بیان کې ویلي، سرپرست وزیر قلندر عباد د یوه پلاوي په مشرۍ ایران ته ولاړ. د طالبانو د عامې روغتیا د وزارت ویاند شرافت زمان وایي، قلندر عباد د ایران د ولسمشر له مرستیالې انیسې خزعلي سره لیدلي او له هغې سره یې د خبرو پر مهال د سرطان د تشخیص او درملنې په برخه کې د همکارۍ په تړاو خبرې کړي دي. په افغانستان کې د سرطان ناروغیو لپاره نه ډاکتران شته او نه هم طبي پرسونل.
متخصص ډاکټران وايي، په افغانستان کې پر يوه وخت څو ډوله نشې کول د ډېرېدو په حال کې دي چې دې کار د معتادینو د درملنې بهير له ستونزو سره مخ کړی دی. سردارګل د اتو اولادونو پلار دی چې اعتیاد له کندهار څخه تر فراه پورې رسولی دی. دی پر یوه وخت څو ډوله نشې کوي او هغه نشه يي مواد چې دی ډېره اړتیا ورته لري په فراه ولایت کې اسانه او ارزانه پيدا کېږي، له همدې امله له خپلې کورنۍ سره یو ځای فراه ته کډه شوی دی. سردارګل دوه ځله د معتادینو د درملنې په مرکزونو او یو ځل يې هم د طالبانو د حکومت په زندان کې نشه... Читать дальше...
د سيګار اداره وايي چې امریکا په افغانستان کې په تېر یوه کال کې له نشه يي موادو سره د مبارزې په برخه کې تر دېرشو ميليونو ډالرو ډېرې پيسې لګولي دي. د افغانستان د بیا رغونې د څار امريکايي بنسټ یا سيګار په درې میاشتني راپور کې راغلي چې، په افغانستان کې له نشه يي موادو سره د مبارزې په برخه کې د امریکا د ملاتړ پروګرام محدود شوی او دوی اوس په دې برخه کې په غير مستقيم ډول مرستې کوي. په دې راپور کې راغلي چې د امريکا متحده ایالتونو له نشه يي موادو سره د مبارزې په برخه کې د جمهوریت له نسکورېدو سره سم خپلې... Читать дальше...
په کندهار کې له زندانه د یوه طالب چارواکي د خوشې کېدو د هرکلي لپاره هوايي ډزو او بې نظمیو په ټولنیزو رسنیو کې د یو شمېر کسانو تند غبرګونونه راپارولي. د ملاعبدالغني حقبین په نوم د طالبانو د حکومت د کندهار د امنیه قومندانۍ د تروریزم مدیر چې څه موده وړاندې د زنا په تور د طالبانو د استخباراتو لهخوا نیول شوی او بندي شوی و، د پنجشنبې په ورځ له زندانه خوشې شو. په ټولنیزو رسنیو کې په خپرو شوو ویډیوګانو کې لیدل کېږي چې یو شمېر کسان د نوموړي د خوشې کېدو په غبرګون کې ډزې کوي او د کندهار ښار او سپین بوک ولسوالۍ ترمنځ پر غځېدلې لار بې نظمي جوړوي. Читать дальше...
د هندوستان غوره لیګ یا آی پي ایل په۴۸مه سیالۍ کې ګجرات ټایټانز- راجستان رایلز لوبډلې ته د ۹ وېکټو په توپیر ماتې ورکړه. دغه سیالي چې د جمعې ماښام ناوخته ترسره شوه، راجستان د ټولو وېکټو په تاوان د ۱۱۹ منډو هدف ټاکلی و. د راجستان په توپوهونکو کې لوبډلمشر سانجو سامسون تر نورو زیاتې ۳۰ منډې کړې وې. ګجرات لوبډلې ته په توپ اچونه کې بیا هم افغان توپ اچونکو راشدخان او نوراحمد په ترتیب سره ۳ او دوه لوبغاړي وسوځول. ګجرات ورکړل شوی هدف د یوې وېکټې په سوځېدو په ۱۴م اور کې پوره کړ. یادې لوبډلې ته ساها ۴۱، هاردیک پانډیا ۳۹ او شبمن ګیل۳۶ منډې وکړې. Читать дальше...
د پاکستان، چین او طالبانو د بهرنیو چارو وزیران نن په اسلام اباد کې غونډه لري. د پاکستان د بهرنیو چارو وزیر بلاول بوټو زرداري، د چین د بهرنیو چارو وزیر چین ګانګ او د طالبانو د بهرنیو چارو سرپرست وزیر امیرخان متقي نن په اسلاماباد کې د افغانستان پر وضعیت خبرې کوي. د پاکستان د بهرنیو چارو وزیر بلاول بوټو زرداري چې په هند کې یې د شانګهای د غړیو هېوادو د بهرنیو چارو د وزیرانو په غونډه کې برخه واخیسته، پرون له هنده بېرته پاکستان ته ستون شو. نوموړي د پاکستان پر لور د سفر پر مهال په الوتکه کې وویل... Читать дальше...
د ملګرو ملتونو د څېړونکو یوې ډلې په افغانستان کې بشري وضعیت ته په ځانګړې ډول د ښځو او نجونو حقونو ته ژوره اندېښنه څرګنده کړې ده. د افغانستان لپاره د بشري حقونو په برخه کې د ملګرو ملتونو د ځانګړي راپور ورکوونکي ریچارډ بېنیټ په ګډون د ملګرو ملتونو یو شمېر څېړونکو د افغانستان د اته ورځني سفر په پای کې د افغانانو د بشري وضعیت په اړه خپل راپور خپور کړ. دوی ویلي چې په افغانستان کې بشري وضعیت د خورا اندېښنې وړ دی او له نجونو او ښځو سره تبعیض کېږي. د ملګرو ملتونو د بشري حقونو په اعلامیه کې چې پرون... Читать дальше...
