د افغانستان د ویلچیر باسکتبال ټیم نن متحده عربي اماراتو ته په ماتې ورکولو سره د اسیا معلولینو المپیک ته د لارې موندلو په لوبو کې، پایلوبې ته ورسېد. دغه لوبې په تایلند کې ترسره کېږي او افغانستان د دې لوبې په ګټلو سره د اسیا پارالمپیک لوبو ته لاره وموندله.
په افغانستان کې یو شمېر نرسانې له کمو امتیازاتو او د ظرفیتونو د لوړولو لپاره د پروګرامونو له نشتوالي شکایت کوي. په افغانستان کې یو شمېر نرسان او نرسانې وايي، د نرسانو امتیاز (معاش) ډېر کم دی او په ورته وخت کې د دوی د وړتیاو لوړولو لپاره هېڅ ډول پروګرام نه شته. د افغانستان له یو ولایت څخه یوه نرسه چې د موضوع د حساسیت له امله نه غواړي نوم یې په راپور کې واخیستل شي، ازادي راډیو ته وویل: "د یوې نرسې او قابلې په توګه زما معاش ډېر کم دی، خو زړه مې افغان مېرمنو او میندو ته سوځي. دنده تر سره کوم ځکه... Читать дальше...
د بامیان اوسېدونکې انیتا محمدي پر لرګیو د نقاشۍ د کارخونې په پرانیستلو سره ښځو او نجونو ته د کار زمینه برابره کړې ده. دغه هنر چې "سوخته نګاري" نومېږې، افغانستان کې له پېژندل شویو هنرونو څخه نه دی نو ځکه د دې کارخونې تولیداتو د پېرودونکو پام جلب کړی دی.
د پاکستان یوې محکمې حکم کړی چې د پاکستان مخکینی صدراعظم عمران خان دې د دوو اونیو لپاره په ضمانت خوشې شي. عمران خان په پلوي له تاوتریخجنو مظاهرو وروسته د اسلام آباد استېناف محکمې نن د ضمانت په بدل کې د نوموړي د خوشې کېدو حکم ورکړ. خان نن تر کلکو امنیتي تدابیرو لاندې، په داسې حال کې چې تورې عینکې یې په سترګو او آبي رنګه کمیس پرتوګ یې په ځان کې وو، او دوه ګوتې یې د بریا په نښه پورته کړې و، محکمې ته حاضر شو، خو د رسنیو د راپورونو له مخې پلویان یې د پلازمېنې په لارو واټونو کې له پولیسو سره لاس ګرېوان وو. Читать дальше...
د بشري حقونو ملاتړی سازمان فریډم نو، په دې اړه ژوره اندېښنه څرګنده کړې، چې د ملګرو ملتونو سازمان خپلو دفترونو ته اجازه ورکوي چې د طالبانو هغه اوامر تعقیب کړي، چې پر بنسټ یې د ښځو پر کار کولو بندیز لګول کېږي. د دوحې په غونډه کې د ملګرو ملتونو له دې پرېکړې وروسته، چې د طالبانو له خوا د دغه سازمان پر ښځینه کارکوونکو له بندیزونو سره سره به په افغانستان کې پاتې شي او په دغه هېواد کې به بشري مرستو ته دوام ورکړي، د بشري حقونو یو شمېر ملاتړو بنسټونو اندېښنه ښودلې ده. له دې ډلې 'فریډم نو' سازمان وايي،... Читать дальше...
د قطر صدارعظم نن په کندهار کې د طالبانو د سرپرست حکومت له رییس الوزرا سره وکتل. د طالبانو د حکومت ویاند ذبیح الله مجاهد نن پر خپل ټویټر لیکلي چې محمد بن عبدالرحمن آل ثاني د یو پلاوي په مشرۍ چې په کې د قطر د استخباراتو رییس عبدالله الخلیفي هم شامل و له ملا حسن اخند سره کتلي دي. قطر چې د امریکا او طالبانو ترمنځ مذاکراتو کې یې مهم رول درلود محمد بن عبدالرحمن آل ثاني یې د صدراعظمۍ سربېره د بهرنیو چارو وزیر هم دی. ذبیح االله مجاهد وايي، دواړو خواو په خبرو کې د قطر له خوا په مختلفو برخو کې د همکارۍ ژمنې وشوې.
د امریکا د سنا دوو مخکښو غړو هغه لایحه یوځل بیا د تصویب لپاره وړاندې کړې چې له افغانستانه د امریکايي سرتېرو د وتلو په درشل کې د امنیتي حالت د خرابېدو په اړه د بهرنیو چارو وزارت کې د ورکړل شوي خبرداري د اړوندو اسنادو علني کول غواړي. د راپورونو له مخې په ۲۰۲۱ کال کې د کابل له سقوط نږدې یوه میاشت مخکې (د جولای په ۱۳مه) په لېږل شویو دې پټو اسنادو کې خبرداری ورکړل شوی و، چې د افغانستان امنیتي حالت په چټکۍ سره په خرابېدو دي او طالبان چې هغه مهال یې د جمهوري نظام پرضد جګړه کوله، د کابل د نیولو توان لري. Читать дальше...
د پاک- افغان سوداګرۍ خونه وايي، په پاکستان کې د وروستیو نارامیو او لاریونونو دوام ښايي افغان سوداګري اغېزمنه کړي. د پاک- افغان سوداګرۍ خونه وايي، تر دې دمه پاکستان کې ترینګلتيا د افغانستان پر اقتصاد اغېز نه دی کړی، خو په خبره یې که په هغه هېواد کې لاریونونه دوام پیدا کوي د افغانستان په بازارونو تاثیر لرلی شي. د دې خونې مشر خان جان الکوزي ازادي راډيو ته وویل، دا مهال د پاکستان او افغانستان ترمنځ ټولې لارې د سوداګریزو توکو د راکړې ورکړې پر مخ خلاص دي، خو افغان سوداګر له احتیاطه کار اخلي او سوداګریز مالونه د ښارونو ترمنځ نه تېروي. Читать дальше...
یو شمېر کارګر ماشومان وایي، بېوزلۍ اړ کړي چې د کار او ښوونځي تر منځ یو انتخاب کړي. ۱۴ کلن کارګر ماشوم غلام علي وايي: "اوس اقتصادي وضعیت خراب دی او زه اړ یم کار وکړم." د ده په خبره اړ شوی چې د کار او ښوونځي تر منځ یو انتخاب کړي. غلام علي وایي، تېر کال یې اتم ټولګی پای ته ورساوه او اوس ښوونځي کې د نهم ټولګی د لوستلو پر ځای، ترکاري پلوري. دا کار ګر ماشوم وایي، د کورنۍ یوازېنی ډوډی ګتونکی دی. د غلام علي پلار ناروغه او مور یې هم پر کور ده او کومه دنده نه لري. ده ازادي راډیو ته وویل: "تېر... Читать дальше...
د طالبانو د حکومت دفاع وزارت د افغانستان او ایران په ګډ سرحد کې د وروستۍ لانجې په اړه د خبرو لپاره له ایراني سرحدي ځواکونو سره د طالبانو د پلاوي د لیدنې خبر ورکوي. دفاع وزارت په یو بیان کې چې بېګا یې خپور کړ ویلي چې ایراني ځواکونو غوښتل د افغانستان په خاوره کې په سرحدي صفري ټکو کې سرک جوړ کړي، خو په اسلام کلا بندر کې د طالبانو کنډک یې مخه نیولې ده. دفاع وزارت ویلي چې د ۲۰۷ نمبر الفاروق قول اردو د سرحدي لوا له مشر او نورو چارواکو سره د ایراني ځواکونو په پرونۍ کتنه کې له ډیپلوماتیکو لارو د لانجې... Читать дальше...
د اوکراین د دونېڅک سیمې په باخموت ښار کې د اوکراین او روسيې د پوځي ځواکونو ترمنځ درنې جګړې لا هم روانې دي. دا جګړه پر ختیځه دونباس سیمه د ولکې ټینګولو لپاره د مسکو د عملیاتو یوه برخه ده. دا په داسې حال کې ده چې د باخموت د جبهې په ځینو برخو کې د اوکراین د پرمختګ خبر ورکړل شوی. د اوکراین د وسلهوال پوځ ستر درستیز نن سهار په یو بیان کې وویل، په تېرو ۲۴ ساعتونو کې یې په باخموت کې د روسي ځواکونو ۴۴ حملې په شا تمبولي. په بیان کې یادونه شوې چې د روسیې پوځ د باخموت، افیدیفکا او مارینکا ترمنځ سیمو باندې درنو بمباریو ته دوام ورکوي. Читать дальше...
د میدان وردګو ولایت د نرخ ولسوالۍ اوسېدونکي وايي، غواړي لورګانې او خويندې يې ليکلوست زدهکړي. دوی وايي، د کلي خلکو په شخصي لګښت د يوې مدرسې د جوړولو تکل کړی دی. د میدان وردګو ولایت د نرخ ولسوالۍ اوسېدونکي داسې مهال د نجونو لپاره د مدرسې جوړلو ګامونه پورته کوي چې طالبانو له څه باندې ۶۰۰ ورځو راهیسې په افغانستان کې د نجونو پر مخ له شپږم ټولګي پورته ښوونځي تړلي او له تېر دسمبر راهيسې يې نجونې له پوهنتونو هم منع کړي دي. نور تفصيل د لاندې غږيز فايل په کېکاږلو اورېدلی شئ:
د طالبانو حکومت د کورنیو چارو وزارت له نشه يي موادو سره د مبارزې لپاره په خپله څلورکلنه ستراتيژۍ کې شپږ عمده هدفونه ټاکلي دي. د طالبانو حکومت د کورنیو چارو وزارت په خپله څلورکلنه ستراتېژۍ کې په شپږو برخو کې له نشه يي موادو سره مبارزه کوي. په دې ستراتېژۍ کې په ښارونو کې پر امنیت او نظم د ټينګار تر څنګ، ځينې برخې يې له نشه يي موادو سره مبارزې ته ځانګړي شوي دي. د طالبانو د حکومت د کورنیو چارو وزارت په دې ستراتېژۍ کې له نشه يي موادو سره د مبارزې لپاره شپږ هدفونه ټاکلي او وړاندوینه يې کړې چې دې... Читать дальше...
د ایران د بشري حقونو مرکز د ملګرو ملتونو د بشري حقونو د شورا د 'ټولنیزې غونډې' د مشر په توګه د ایران د سفیر علي بحریني د ټاکلو په اړه غوسه څرګنده کړې ده. د دغه مرکز مشر هادي قیامي د پنجشنبې په ورځ مې ۱۱ په یوه بیان کې دا ټاکنه یوه ړنده ټکان ورکوونکې مسئله بللې ده. هغه انتقاد کړی چې ملګري ملتونه له یوې خوا په ایران کې د سلګونه سوله ییزو معترضینو د وژنې پلټنه کوي، خو له بلې خوا د ایران سفیر په داسې یو منصب مقرروي. د ایران د بشري حقونو مرکز د دغې مقررۍ د سمدستي لغوه کیدو غوښتنه کړې ده. د ملګرو... Читать дальше...
د افغانستان د معلولو لوبغاړو د ویلچیر باسکتبال ټیم د اسیا پارالمپیک لوبو د غوراوي په دور کې څلورو هېوادونو ته ماتې ورکړې. افغانستان تر دې دمه د کويټ، فیلیپین، هانګ کانګ او چین تایپه په وړاندې بریا خپله کړې ده. د افغانستان د پارالمپیک کمېټې مسوول کبیر خوشبین ازادي راډیو ته وویل چې افغان لوبغاړو پرون د چین تایپه پر وړاندې په بریا سره د دې غوراوي دور پایلوبې ته لار پیدا کړې ده. په پایلوبه کې به افغان لوبغاړي له سعودي عربستان سره مخ شي. د پارالمپیک اسیايي لوبې سږکال اکتوبر په چین کې ترسره کېږي او اوس د غوراوي دور یې په تایلند کې روان دی.
په پاکستان کې د ډالرو بیه تر ټولو لوړې کچې ته رسېدلې. هلته د پنجشنبې په ورځ یو ډالر په بازار کې په ۲۹۹ روپیو بدلېده. دا په تاریخ کې د ډالرو پر وړاندې پاکستاني روپیو تر ټولو ټيته بیه ده. د پاکستان د پيسو د تبادلې د اتحاديې مسوولینو رسنیو ته ویلي چې د ډالرو د لوړ تلو علت د عمران خان له نیول کېدو وروسته رامنځته شوی سیاسي بحران دی. په پاکستان کې د سې شنبې په ورځ د عمران خان تر نیول کېدو وروسته په ګڼو سیمو کې پراخې مظاهرې وشوې چې په ترڅ کې یې لږ تر لږه اوه کسان مړه او سلګونه نور کسان ټپیان شوي. Читать дальше...
د طالبانو د حکومت د کورنیو چارو وزارت سرپرست وايي، حکومت باید انحصاري نهکړای شي. سراجالدین حقاني دا خبره پرون پنجشنبې د طالبانو د موسس ملامحمد عمر اخند د تلین په مناسبت غونډې ته په وینا کې وکړه. نوموړي ويلي: "دا نظام باید منحصر او کوچنی نه کړو چې یوازې د یوې مدرسې کسان ځان پهکې وویني. په دې نظام کې دې ټول شریک کړل شي." ده تر دې وړاندې د تېر کال په دلو میاشت کې په خوست کې یوې غونډې ته ویلي و چې، د قدرت انحصار د دوی په ګټه نهدی.
د ملګرو ملتونو متخصصانو د قصاص، سنګسار او د دُرو وهلو د حکم په اړه د طالبانو د سترې محکمې په وروستي اعلان اندېښنه ښکاره کړه. دوی پرون پنجشنیې په یوه بیان کې وویل، دا ډول سزاوې غیرانساني، ظالمانه او د نړیوالو قوانینو خلاف دي. دوی د محاکمې د عادلانه توب په اړه جدي اندېښنه ښودلې ده. د طالبانو د حکومت د سترې محکمې اداري مرستیال عبدالمالک حقاني پرون پنجشنبې وویل، د طالبانو محکمو د قصاص نږدې ۱۷۵ او د سنګسار ۳۷ حکمونه صادر کړي دي. د حقاني په وینا، دوی همداراز پرېکړه کړې چې د بدعملۍ په جرم پر څلور تنو دېوال چپه کړي.
د بریتانیا دفاع وزیر بن والېس پرون پنجشنبې د خپل هېواد پارلمان ته وویل، تاییدوي چې بریتانیا اوکراین ته سټورم شادو توغندي ورکوي. ده ونه ویل چې اوکراین ته به دا ډول څو توغندي ورکړي. تر دې مخکې د جرمني په ګډون يو شمېر اروپايي هېوادونو اوکراين ته د ليوپارډ -۲ ټانکونو د ورکولو خبر ورکړی و. اوکراين سره د بریتانيا له لوري د کروز توغنديو د مرستې خبر داسې مهال ورکول کېږي چې د اوکراين ولسمشر څو ځلي له لوېديځو هېوادونو د پوځي تجهيزاتو برخه کې د مرستې غوښتنې کړې دي.
د خوړو نړیوال پروګرام وايي، په چاد کې د دوه میلیونه او ۳ لکه تنو لپاره څه باندې ۱۶۲ میلیون ډالرو مرستې ته اړتیا لري. په دغو کسانو کې لسګونه زره سوډاني کډوال هم شامل دي. په چاد کې د ملګرو ملتونو د دې ادارې مسوول پییر هونورات پرون پنجشنبې په یوه بیان کې وویل، په دغه هېواد کې د زیانګالو لپاره د خوراکي موادو د برابرولو په خاطر فوري مالي مرستې ته اړتیا لري. په سوډان کې د القتاح البرهان په مشرۍ د اردو او د محمدحمدان دقلو په مشرۍ د چټک غبرګون ځواکونو په نوم د ملېشو ترمنځ د نښتو درې اوونۍ وځي. په... Читать дальше...
د ترکیې د ولسمشرۍ د انتخاباتو یو کاندید وايي چې له کاندیداتورۍ لاس اخلي. د محرم اینجه دا پرېکړه ښايي د اوسني ولسمشر رجب طیب اردوغان د جدي سیال، کمال قلیجدار اوغلو تله درنه کړي. محرم اینجه، چې د وطن د کیڼ اړخي ګوند مشر دی، پرون پنجشنبه له کاندیداتورۍ تېر شو او خبریالانو ته یې وویل چې دا پرېکړه یې د خپل هېواد لپاره وکړه. ټاکل شوې ده چې د ترکیې د ولسمشرۍ انتخابات سبا یکشنبې ترسره شي.
د پاکستان سترې محکمې پرون پنجشنبې د مخکیني صدراعظم عمران خان نیونه غیرقانوني وبلله او د هغه د فوري خوشې کېدو حکم یې ورکړ، خو دې محکمې په عین حال کې عمران خان ته ویلي چې نن جمعه د اسلاماباد استېناف محکمې ته حاضر شي. عمران خان د سهشنبې په ورځ د اسلاماباد د استېناف محکمې له مخې ونیول شو چې له کبله یې د نوموړي پلویان وپارېدل او په ټول پاکستان کې یې په اعتراضونو پیل وکړ. د سترې محکمې ریيس عمرعطا بندیال په محکمه کې عمران خان ته وویل چې دی په غیرقانوني ډول نیول شوی دی. خو عمران خان بیا ویلي، نوموړی... Читать дальше...
د ملګرو ملتونو د خوړو نړیوال پروګرام د افغانستان په اتو ولایتونو کې، چې د غلې د تولید مهم مرکزونه ګڼل کېږي، د ملخانو د هجوم خبرداری ورکړ. د خوړو نړیوال پروګرام د مالوماتو پر اساس، د بدخشان، بادغیس، بغلان، بلخ، کندوز، سمنګان، سرپل او تخار ولایتونو په بېلابېلو سیمو کې ملخان لیدل شوي چې مخ په ډېرېدو دي او تازه راپورونه ښيي چې هرات او غور ته هم خپاره شوي دي. په افغانستان کې د خوړو د نړیوال پروګرام یا ډبلیو ایچ او استازی ریچارډ ترینچارد وايي، د افغانستان په دغو ولایتونو کې د مراکشي ملخو خپرېدا لویه... Читать дальше...
مېل انلاین: د بریتانیا چاپ مېل انلاین خپرونې د افغانستان کرنیزو محصولاتو ته د ملخانو د ګواښ په اړه یو مطب خپور کړی دی. په مطلب کې د اسوشېټېډپرېس خبري اژانس د راپور په حواله ویل شوي چې د افغانستان څو ولایتونه د ملخانو د حملو له جدي ګواښ سره مخامخ دي. په راپور کې د ملګرو ملتونو د خوړو او کرنې ادارې په حواله راغلي چې د افغانستان له ۳۴ ولایتونو حد اقل اته يې د ملخانو د یو ډول چې ویل کېږي مراکشي ملخان دي له ګواښ سره مخامخ دي چې کرنه او حاصلات له منځه وړي. خپرونې په افغانستان کې د ملګرو ملتونو... Читать дальше...
