له کلونو ځنډ وروسته د کندهار له څېړنیز فارم د مېوو حاصلات ترلاسه شوي دي. د دې فارم د ۱۵ ډوله مېوو پر سلګونه ډولونو څېړنه ترسره شوې چې ډېرو یې مثبته پایله ورکړې ده. د کندهار د کرنې د څېړنيز فارم مسوولان وایي، د انګورو او انارو په ګډون له آب هوا سره د برابرو ګڼو نويو مېوو د ترويج هڅې بريالۍ شوي دي. نور تفصيل د لاندې غږیز فايل په کېکاږلو اورېدلی شي:
د روسیې ولسمشر ولادمیر پوتين نن هغه لایحه توشېح کړه چې د روسیې له خوا پر اوکراین د یرغل په ترڅ کې د مسکو له خوا د اوکراین په لاندې کړيو سیمو کې د روان کال په پای کې په قانوني توګه د ټاکنو تنظیمولو ته اجازه ورکوي. پوتین د اوکراین په څلورو سیمو کې چې روسیه پرې کنټرول لري، نظامي حالت اعلان کړی دی. خو د روسیې پخواني قانون په دغسې حالت کې د انتخاباتو ترسره کولو ته اجازه نه ورکوله. دغه نوی قانون په اعلان شوي نظامي حالت کې هم د ټاکنو ترسره کېدو ته په دې شرط اجازه ورکوي، چې دفاعي او امنیتي ارګانونه یې منظور کړي.
د غزني ولایت په جاغوري ولسوالۍ کې د طالبانو د حکومت یوه چارواکي ته په منسوبه ویډیو کې دغه کس خبرداری ورکړی چې که ښځې اسلامي حجاب مراعت نهکړي، دوی او د کورنۍ نارینه غړي به یې مجرم وګڼل شي. ظاهراً دغه ویډیو د جاغوري ولسوالۍ یوه اوسېدونکي ثبت کړې او پر ټولنیزو شبکو یې خپره شوې ده. د جاغوري دغه اوسېدونکی د دې ویډیو د ثبتولو پر مهال وايي، دا درېیم ځل دی چې د طالبانو د حکومت د امربالمعروف او نهی عن المنکر اداره دوی ته خبرداری ورکوي، خو دا ځل یې خبرداری جدي دی. د يادې ویډیو پر بنسټ چې د یکشنبې په... Читать дальше...
د بشري حقونو د څار سازمان د ښځو د حقونو د چارو مرستیاله هیدربار ويلي، د طالبانو ژمنې ارزښت نهلري. هیدربار د ناروې د کډوالو د شورا د مشر یان ایګلند وروستیو څرګندونو ته په اشاره چې ویلي یې دي، د طالبانو چارواکو چې ده ورسره په وروستي سفر کې په کندهار او کابل کې لیدلي، ډاډ یې ورکړی چې د ښځو د کار او زدهکړې لپاره به ملي تګلاره ډېر ژر نهایي شي، وایي، د طالبانو ژمنې ارزښت نهلري. هیدربار نن دوشنبې په یوه ټویټ کې ویلي، دا هیلهمنه ده چې طالبان دا کار وکړي، خو زیاتوي په تېر څه باندې یو نیم کال کې دوی... Читать дальше...
د افغانستان د بدني ښکلا او فزیکي تکړښت فدراسیون خبر ورکړی چې بل افغان لوبغاړي زمري احمدي هم د بدني ښکلا په سیالیو کې د سرو زرو مډال ګټلی. دغه سیالي د مې میاشتې په ۲۸مه نېټه په پولنډ کې ترسره شوې ده. یاد فدراسیون زیاتوي، زمری احمدي چې په سویډن کې مېشت دی له څو کلونو راهیسې د بدني ښکلا او فزیکي تکړښت په برخه کې سیالۍ کوي او دا مډال یې مهمه لاسته راوړنه ده. د ویلو ده چې د مې میاشتې په ۲۷مه نېټه د پولنډ د بدني ښکلا په سیالیو کې بل بهر مېشتي افغان لوبغاړي شریف علي خان هم د سرو زرو مډال ګټلی و.
ټاکل شوې چې د هندوستان غوره لیګ یا آی پي ایل ځنډېدلې پایلوبه نن د ګجرات ټایټانز او چینای سوپرکینګز لوبډلو ترمنځ ترسره شي. دغه سیالي تېره ورځ په لوبغالي کې د شدید ورښت له امله وځنډول شوه. د آی پي ایل سیالیو د اصولو پر بنسټ، که پایلوبه له هر طبيعي موانع سره مخ کېږي، نو یوه بله اضافي ورځ هم ورکول کېږي. دغه پایلوبه به نن د کابل پر وخت ماښام ۶:۳۰ پیل شي. د ګجرات لوبډلې په احتمالي نوملړ کې دوه افغان لوبغاړي راشدخان او نوراحمد هم اخستل شوي دي. د هندي رسنیو د رپوټونو پر اساس چې تېره ورځ پایلوبې... Читать дальше...
د ترکیې ولسمشر رجب طیب اردوغان په ټاکنو کې تر بیا بریالیتوب یوه ورځ وروسته نن ماښام د امریکا له ولسمشر جوبایډن سره خبرې کوي. د نړۍ بېلابېلو مشرانو د ترکیې ولسمشر رجب طیب اردوغان ته په ولسمشریزو ټاکنو کې د بیا بریا مبارکي ورکړې او له هغه سره یې د ګډ کار او همکارۍ ژمنې تازه کړي دي. رویټرز اژانس لیکلي چې د دوشنبې په ماښام به اردوغان له امریکایي سیال جوبایډن سره ټليفوني خبرې هم وکړي. د ترکیې د ولسمشرۍ ماڼۍ ویاند ابراهیم کالین د دغو کېدونکو خبرو پخلی کړی، خو نور جزیات یې نهدي ورکړي. بایډن تېر... Читать дальше...
د طالبانو د حکومت لهخوا د ترکیې د ولسمشرۍ د دویم پړاو انتخاباتو له ترسره کېدو وروسته، ولسمشر رجب طیب اردوغان ته د مبارکۍ پیغام له بېلابېلو غبرګونونو سره مخ شوی. د طالبانو د حکومت د بهرنیو چارو وزارت تېره شپه ناوخته په خپله ټویټرپاڼه د رییس الوزرا محمد حسن اخند له قوله د مبارکۍ تر څنګ ولیکل: "هیله لري چې ترکیې هېواد ته چې په سیمه او نړۍ کې ځانګړی اهمیت لري لا قوت، ثبات او د دین خدمت ور په برخه کړي." د طالبانو حکومت داسې مهال دا پیغام د ملا حسن اخند له قوله خپروي او هغه ته د رییس الوزرا خطاب... Читать дальше...
د اوکراین هوایي ځواکونو ویلي چې روسیې نن پر پلازمېنه کییف بالسټیک توغندي توغولي دي. د رویټرز خبري اژانس د راپور له مخې دا خبره د هوایي ځواکونو ویاند یوري ایحنات د اوکراین تلوېزیون سره په خبرو کې کړې ده. نوموړي ویلي، داسې ښکاري چې له ایس ۳۰۰ او ایس ۴۰۰ توغندیو څخه هم کار اخیستل شوی دی. سملاسي د دغو بریدونو د مرګ ژوبلې او زیان په اړه څه نهدي ویل شوي، خو کییف کې د خطر زنګ وهل شوی دی.
د روسیې د کورنیو چارو وزارت امریکایي سناتور لیندسي ګراهام د تعقیب لاندې کسانو په لېست کې شامل کړی دی. د ازادي راډیو د خبر مرکزي څانګې لیکلي، دا ګام وروسته تر دې اخیستل کېږي چې ګراهام د می په ۲۶مه د اوکراین له ولسمشر ولودمیر زلنسکي سره په ملاقات کې وویل: 'روسان مړه کېږي' او هغه لګښتونه تر ټولو غوره پیسې دي چې امریکا د اوکراین په ملاتړ لګولي دي. کله چې روسیې پر دغو خبرو نیوکه وکړه، اوکراین د زیلینسکي او ګراهام د ملاقات بشپړه ویډیو خپره کړه او معلومه شوه چې د ګراهام دغه دوه خبرې تړاو نه سره لري. Читать дальше...
یو اسټرالیايي انسټېټيوټ وايي، داسې مهال چې له جګړه ځپلو افغانانو سره هر ډول مرستې په غیرمستقیم ډول د طالبانو د هڅولو او ملاتړ خطر له ځان سره لري، خو د دوی اړتیاوې باید له پامه ونه غورځول شي. د "The Lowy" انسټېټيوټ یوه مقاله چې نن د ملګرو ملتونو د بشري مرستو د همغږۍ دفتر په خپله ویبپاڼه خپره کړې، د افغانانو له بشري ناورین مخ وضعیت ته په کتو له طالبانو سره د نړيوالې ټولنې د ښکلېتیا غوښتنه کړې. دې انسټېټيوټ ویلي، له طالبانو سره ښکېلتیا کېدای شي په افغانستان کې د یوه بشري ناورین مخه ونیسي، خو دا... Читать дальше...
د امریکا او روسیې د ولسمشرانو جو بایډن او ولادمیر پوتین په ګډون د نړۍ یو شمېر مشرانو د ترکیې ولسمشر رجب طیب اردوغان ته په ټاکنو کې د بریا مبارکي ورکړې ده. د فرانس پرېس خبري اژانس د راپور له مخې، بایډن هیله څرګنده کړې چې له اردوغان سره په ګډه به د نړیوالو ننګونو د حل لپاره کار کوي. ولادمیر پوتین هم د اردوغان بریا د هغه د صادقانه هڅو او کار پایله بللې ده. د طالبانو د حکومت رییس الوزرا ملا محمد حسن اخوند هم اردوغان ته مبارکي ورکړې او د ترکیې او افغانستان د خلکو د اړیکو په لا ښه والي یې ټینګار کړی دی. Читать дальше...
د ملګرو ملتونو د خوړو او کرنې ادارې په لغمان ولایت کې څه باندې دوه زره مېرمنو ته د کورنیو باغچو توکي برابر کړي دي. دغې ادارې نن دوشنبه پر خپله ټویټرپاڼه لیکلي، دا ۲۰۵۸ هغه مېرمنې دي چې د خپلو کورنیو سرپرستي ورله غاړې ده. دوی د دغه ګام هدف د غذایي خوندیتوب پیاوړتیا بللې ده او په خبره یې مالي مرسته یې د اسیا د پراختیا بانک ورکړې ده. تر دې وړاندې ملګرو ملتونو ویلي چې په روان ۲۰۲۳م کال کې څه باندې ۲۸ میلیونه افغانان بشري مرستو ته اړتیا لري.
کرکټ هغه لوبه چې نن سبا په افغانستان کې هم ډېر مینهوال لري، چې کله هم د دې لوبې نوم اخيستل کېږي، يوازې لوبغاړي د خلکو فکر ته ورځي او نور مهم کسان يې هېر وي. دا مهم کسان لوبڅاران او د لوبې ریفري یا میچ ریفري دی. د ازادي راډیو خبریالې ثنا کاکړ د افغانستان کرکټ بورډ له میچ ریفري همیم تلوار سره مرکه کړې او پر بنسټ یې دا راپور چمتو کړی دی. د دې راپور اورېدو لپاره لاندې غږيز فايل کېکاږئ:
له نن څخه ۵۸ کاله مخکې، د۱۹۶۴زېږدیز کال د مې میاشتې په ۲۹مه چې ۱۳۴۳ لمریز کال کېږي، د محمد ظاهرشاه د واکمنۍ پر مهال د نوې ډیموکراسۍ اساسي قانون تصویب شو. د دغه قانون ځانګړتیاوې د رسنیو ازادي، د ملي شورا جوړېدل او د ښځو د حقونو رعايتول و. دغه شان له شاهي کورنۍ پرته، نورو وګړو ته په کابینه کې د غړیتوب حق په پام کې نیول شوی و. د امانالله خان د واکمنۍ د مهال له نظامنامې او د نادرخان د واکمنۍ د دورې له اساسي اصولو وروسته دا د افغانستان لومړنی اساسي قانون و، چې د ۱۳۴۳ لمریز کال د وږي په ۲۹مه د لویې... Читать дальше...
د ترکیې د ټاکنو ادارې د ولسمشرۍ د دویم ځلي ټاکنو د څه باندې ۹۹ فیصده رایو له شمېرلو وروسته اعلان وکړ، چې رجب طیب اردوغان د دغو ټاکنو ګټونکی دی. د دې بنسټ مشر احمد ینیر پرون ماښام د ۹۹.۴۳ فیصده رایو له شمېرل کېدو وروسته وویل، چې اردوغان ۵۳ اعشاریه ۴۱ فیصده رایې ګټلي او د هغه سیال کمال قلیچدار اوغلو ۴۶ اعشاریه ۵۹ فیصده رایې خپلې کړې دي. اردوغان پرون په استانبول کې د خپلو پلویانو یوې ډلې ته په وینا کې په ټاکنو کې د ګډون له کبله د ترکیې د خلکو مننه وکړه. قلیچدار اوغولو دغه دویم ځلي ټاکنې په وروستیو کلونو کې تر ټولو غیرعادلانه بللې دي.
مېل انلاین: برتانوۍ مېل انلاین خپرونې د ایران او طالبانو د سرحدي ځواکونو ترمنځ د شنبې ورځې پر وسله واله نښته لیکنه خپره کړې چې په دواړو لوریو کې یې مرګ ژوبله اړولې ده. د خپرونې په لیکنه، دا پېښه د دواړو هېوادونو ترمنځ د شخړو ډراماتیک زیاتوالی ښيي او داسې وخت پېښېږي، چې کابل او تهران د هلمند سیند د اوبو د حق پر سر له څه مودې لانجه لري. هر لوری د شنبې ورځې د شخړې د پیل ملامتي پر بل اچوي، خو د ایران دولتي اژانس ایرنا د پولیسو د مرستیال جنرال قاسم رضايي خبرې رااخیستي چې طالبان یې د شنبې پر سهار... Читать дальше...
د سوریې دولتي خبري اژانس خبر ورکوي، چې د اسراییلو هوايي حملو پرون ناوخته د سوریې په پلازمېنه دمشق کې ځینې اهداف ویشتلي دي. دا په نږدې یوه میاشت کې د خپل ډول له مخې لومړۍ هوايي حملې ګڼل کېږي. د اسراییل چارواکو پر دمشق د پرونیو حملو په باب سم د لاسه کومه تبصره نه ده کړې. د سوریې سانا خبري اژانس راپور ورکړی چې د سوریې د هوايي مدافع دستګاوو د دمشق په مربوطاتو کې دغو هوايي حملو ته ځواب ویلی او ځینې حملې یې شنډې کړې دي. د اژانس په وینا، په دغو حملو کې یوازې مالي زیانونه اوښتي دي. تر دې مخکې پر... Читать дальше...
د اوکراین ولسمشر ولودمیر زیلینسکي پارلمان ته یوه لایحه وړاندې کړې چې هدف یې د روسیې پر متحد ایران د پنځوسو کلونو لپاره د بندیزونو لګول دي. د زیلینسکي د دفتر رییس اندري یرماک پرون یکشنبه دا خبر ورکړی دی. دا د هغه څه ځواب ګڼل کېږي چې کییف یې مسکو ته د تهران له خوا د وسلو برابرول ګڼي. کییف او متحدان یې وايي، پر اوکراین د روسیې له یرغل راوروسته ایران روسیې ته د سلګونو بې پېلوټه الوتکو په ګډون وسلې ورکړې دي، خو تهران دغه تورونه ردوي. که دغه لایحه د اوکراین د پارلمان له خوا تصویب شي، د اوکراین... Читать дальше...
د خوړو نړیوال پروګرام يا ډبليوایفپي په لغمان کې د غونډیو په لمنو کې د مېوه لرونکو نیالګیو د کېنولو خبر ورکوي. د دې پروګرام د افغانستان څانګې پرون په یوه ټویټ کې وویل چې د اروپایي کمېسیون د جرمني د فدرالي پراختیا وزارت او د اسیا پراختیا بانک په مالي مرستو یې د ججوبي یا عناب مېوې نیالګي په درې نیم سوه هکتاره ساحه کې کېنولي چې غونډۍ له سولیدو او وچکالۍ وساتي. د خوړو نړیوال پروګرام ویلي، د دغو نیالګیو د کېنولو لپاره په کور دننه له بېځایه شویو شپږ سوه کورنیو څخه چې د خوړو خوندیتوب یې نه درلود، کسان غوره شوي وو. Читать дальше...
په بدخشان کې د طالبانو سیمهییز چارواکي د یوې ځوانې نجلۍ د ځانوژلو خبر ورکوي. د دې ولایت د اطلاعاتو او فرهنګ رییس معزالدین احمدي ویلي چې د فیضاباد د شورابک د سیمې دغې اوسېدونکې چې د کوکچې سیند ته ځان غورځولی و، خلکو یې مړی پرون یکشنبې راوایست. نوموړی د عیني شاهدانو په حواله وایي چې دغې ځوانې نجلۍ کورنۍ ستونزې درلودې. په دې اړه نور جزییات نهدي ورکړل شوي، خو د کورني تاوتریخوالي ترڅنګ پر افغانستان د طالبانو له بیا واکمنېدو وروسته چې پر ښځو او نجونو یې د کار او زدهکړو په برخو کې سخت محدودیتونه... Читать дальше...
په نیمروز ولایت د طالبانو چارواکي د وریښمو د پله چې افغانستان او ایران سره نښلوي د بېرته پرانيستلو خبر ورکوي. د طالبانو د اطلاعاتو او فرهنګ رییس مفتي حبیب الله الهام وویل چې دغه پُل پرون یکشنبې بېرته پرانيستل شو. د ایران او افغانستان ترمنځ د میلک په پوله کې دغه پُل د شنبې په ورځ د ایراني پوله ساتو او د طالبانو د ځواکونو ترمنځ د نښتو په نتیجه کې تړل شوی و. په دغه سرحدي شخړه کې چې څو ساعته یې دوام وکړ، د طالبانو د کورنیو چارو وزارت د خپل یوه سرتېري وژل تایید کړي او د ایران د تسنیم خبري اژانس... Читать дальше...
د کډوالۍ نړیوال سازمان یا 'آی او ایم' وایي، د روان ۲۰۲۳ کال د مې له میاشتې راهیسې یې ټیمونو د کندهار په سپین بولدک پوله کې په ټرانزیټي مرکز کې ۷۰۳۶ نویو راستنو شویو ته له رسېدو وروسته مرستې برابرې کړي دي. آی او ایم پرون یکشنبې په یوه ټویټ کې دا خبره کړې، خو د دغو مرستو نور جزییات یې نهدي ورکړي. د کډوالۍ نړیوال سازمان راستنېدونکي افغان کډوال یو له ډېرو زیانګالو ډلو څخه بللي دي. تر دې یوه ورځ مخکې د کډوالو په چارو کې د ملګرو ملتونو لویې کمېشنرۍ ویلي و چې په افغانستان کې د امنیتي وضعیت له ښه... Читать дальше...
ټاکل شوې چې د اسراییل ولسمشر اسحاق هیرزوګ له خپل سیال د اذربایجان له ولسمشر الهام علییف سره د خبرو لپاره سبا سېشنبې باکو ته سفر وکړي. په تلبیب کې د هیرزوګ دفتر پرون یکشنبې اعلان وکړ چې د دواړو هېوادونو مشران به د دوه اړخیزو ستراتېژیکو اړیکو د پراختیا پر لارو چارو خبرې وکړي. هیرزوګ به د اسراییل دولت د جوړېدو د ۷۵ کالیزې په مراسمو کې هم ګډون وکړي. په پام کې ده چې د روغتیا د سکتور په برخه کې د همکارۍ یوه موافقه هم لاسلیک شي. اذربایجان چې یو اسلامي هېواد دی، د روان کال په مارچ میاشت کې په تلبیب... Читать дальше...
د ترکیې ولسمشر رجب طیب اردوغان د تېرې ورځې د ولسمشرۍ د دویم ځلي ټاکنو ګټونکی اعلان شو. د ترکیې د ټاکنو د عالي بورډ مشر احمد یینر تېر ماښام ناوخته اعلان وکړ چې د ترکیې ولسمشر رجب طیب اردوغان د ولسمشرۍ د دویم دور ټاکنې ګټلي او د ولسمشرۍ د بلې پنځه کلنې دورې لپاره به په واک کې پاتې کېږي. هغه وویل، د لومړنیو نتایجو له مخې اردوغان ۵۲،۱۴ سلنه رایې ګټلې دي، خو د هغه سیال کمال کلیچدار اوغلو ۴۷،۸۶ رایې خپلې کړي دي. په دې توګه به ۶۹ کلن اردوغان د درېیم ځل لپاره د ولسمشرۍ دوره مخته وړي. د اردوغان په دغې بریا سره د هغه واکمني درېیمې لسیزې ته غځېږي.
