Новости за 05.05.2020

(Казан, 5 май, «Татар-информ»). Питрәч районы үзәгенә, «Ярдәм янәшә! Помощь рядом!»акциясе кысаларында, беренче партия азык-төлек җыелмалары төялгән фура килде. Татарстан Президенты Рөстәм Миңнеханов инициативасы белән авыр хәлдә калган кешеләргә ярдәм күрсәтеләчәк. Бу хакта «Алга» газетасы яза.

(Актаныш, 5 май, «Татар-информ», «Актаныш таңнары»). Актанышның Тынычлык урамында юкәләр утыртылды. Бүген Актаныш урамнарын яшелләндерүгә район башлыгы Энгель Фәттахов та үз өлешен кертте. Бу турыда район басмасы хәбәр итә.

(Аксубай, 5 май, «Татар-информ», «Авыл таңнары»). Аксубай урамнары буйлап, коронавирус инфекциясе таралуга юл куймас өчен, даими рәвештә махсус эремә белән дезинфекцияләү машинасын даими эшләтеп торалар.

(Буа, 5 май, «Татар-информ», «Байрак»). Буа мөхтәсибәте, Татарстанда үзизоляция кертелү сәбәпле, Буаның шәһәр һәм авыл мәхәлләләренә республикакүләм ифтар җыелмалары таратты. Бу турыда район басмасы хәбәр итә.

(Казан, 5 май, «Татар-информ»). 112нче Башкорт кавалерия дивизиясе командиры Миңнегали Шәйморатовка үзе үлгәннән соң тапшырылган «Алтын йолдыз» медален Уфага мәңгелек саклауга алып киләчәкләр. Бу хакта «Башинформ» агентлыгы хәбәр итә.

(Казан, 5 май, «Татар-информ»). 10 яшькә кадәрге балалар арасында  #тукайвспб! бәйгесендә Габдулла Тукай шигырьләрен сәнгатьле итеп укучыларны ачыклау өчен тамашачылар арасында онлайн-тавыш бирү башланды. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.

(Казан, 5 май, «Татар-информ»). Иртәгә, 6 майда, көндезге сәгатьләрдә Татарстан территориясендә урыны белән көньяк-көнчыгыштан һәм көньяктан көчле җил исәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

(Казан, 5 май, «Татар-информ»). 2020 елда коронавирус инфекциясенә бәйле вазгыять аркасында тугызынчы сыйныф укучылары өчен төп дәүләт имтиханы үткәрелмәскә мөмкин. Бу хакта Россия мәгариф министры Сергей Кравцов «Россия-24» каналындагы «Диалог» программасы эфирында.сөйләде.

(Казан, 5 май, «Татар-информ», Гөлнар Гарифуллина). Татарстан Дәүләт Советы депутаты, «Яңа гасыр« телевидениесе генераль директоры Илшат Әминов башкорт теленең төньяк-көнбатыш диалектында диктант язучыларны тәнкыйтьләде. Бу хакта фикерен ул «Семь дней» тапшыруында белдерде. Диктантны 25 апрельдә язганнар.

(Казан, 5 май, «Татар-информ»). Россиянең барлык төбәкләре, шул исәптән Татарстан да, Covid-19 коронавирус пандемиясе аркасында, 2020 елда бюджет кредитлары түләүдән азат ителгән. РФ Хөкүмәтенең шул хактагы карарын ил Премьер-министры Михаил Мишустин имзалаган.

(Казан, 5 май, «Татар-информ»). Россиядә апрель аенда киемнәр сату, февраль ае белән чагыштырганда 90 процентка, Мәскәүдә 76 процентка кимегән. Бу хакта РИА Новости агентлыгы Россиядә иң зурлардан саналган «Платформа ОФД» фискаль мәгълүматлар операторы тикшеренүенә сылтама белән хәбәр итә.

(Казан, 5 май, «Татар-информ»). Саратов шәһәрендәге «Яңарыш» мәдәни-агарту оешмасы #расскажимнеодедушке хэштегы белән флешмоб башлап җибәрде. Флешмоб Instagram социаль челтәрендә Бөек Ватан сугышында Җиңүнең 75 еллыгы алдыннан үткәрелә. Бу хакта Россия Мөфтиләр шурасының матбугат хезмәте хәбәр итә.

(Казан, 5 май, «Татар-информ», Полина Шевчук). Татарстанда ике җиңел машина трассадан кюветка төшеп киткән, дүрт кеше (шуларның берсе — бала) хастаханәгә озатылган. Бу хакта «Татар-информ» агентлыгына аварияне күргән кешеләр хәбәр итте.

(Казан, 5 май, «Татар-инфом»). Бүген Татарстан Республикасы Президенты Рөстәм Миңнеханов Казанда төзелә һәм үзгәртеп корыла торган объектларны карады. Беренче объект Яшьләр үзәгенең «Урам» экстрим-паркы төзелеше булды. Бу турыда Татарстан Президенты матбугат хезмәте хәбәр итте.

(Казан, 5 май, «Татар-информ», Гөлнар Гарифуллина). Коронавирус белән бәйле катгый изоляциядә булырга тиешле кешеләрнең машиналарын видеокамералар күзәтә. Бу хакта ТР Министрлар Кабинетында брифингта Роспотребнадзор хезмәтенең Татарстан буенча идарәсе җитәкчесе Марина Патяшина хәбәр итте.

(Казан, 5 май, «Татар-информ», Гөлнар Гарифуллина). Коронавирус пандемиясе чорында Татарстанда дача участоклары милекчеләре җыелышларын уздырмый торырга кирәк. Бу хакта ТР Министрлар Кабинетында онлайн брифингта Роспотребнадзор хезмәтенең Татарстан буенча идарәсе җитәкчесе Марина Патяшина хәбәр итте.

(Казан, 5 май, «Татар-информ»). РФ Мәгариф министрлыгында 1 сентябрьдә мәктәпләр укучылар өчен үз ишекләрен ачар һәм традицион белем бирүгә әйләнеп кайтыр дип өметләнәләр. Мәгариф министры Сергей Кравцов «Диалог» программасы («Россия 24» телеканалы һәм Россия Хөкүмәте проекты) эфирында шулай дип белдерде. Бу хакта «Российская газета» яза.

(Казан, 5 май, «Татар-информ», Гөлнар Гарифуллина). Татарстанда коронавирус белән авыручыларның 11 процентын балалар тәшкил итә, барлыгы 132 балага Covid-19 диагнозы куелган. Бу хакта ТР Министрлар Кабинетында брифингта Роспотребнадзор хезмәтенең Татарстан буенча идарәсе җитәкчесе Марина Патяшина хәбәр итте.

(Казан, 5 май, «Татар-информ», Гөлнар Гарифуллина). Татарстанда коронавирус диагнозы ачыкланган дүрт кеше авыр хәлдә, аларны үпкәләрне ясалма җилләтү (ИВЛ) аппаратына тоташтырганнар. Бу хакта хакта ТР Министрлар Кабинетында брифингта Роспотребнадзор хезмәтенең Татарстан буенча идарәсе җитәкчесе Марина Патяшина хәбәр итте.

(Казан, 5 май, «Татар-информ», Ләйсән Рәхмәтуллина). Омск өлкәсе Большеречье районының Үләнкүл авылында Себер татарлары утарын төзекләндерү эшләре бара. Барлык корылмаларның һәм йортның түбәсе XX йөз башын хәтерләтә. Бу хакта Омск өлкәсе татарларының төбәк татар милли-мәдәни автономиясе сайтында хәбәр ителә.

(Казан, 5 май, «Татар-информ», Гөлнар Гарифуллина). Татарстанда теркәлгән коронавирус очракларының 20 процентка якын өлешендә чир нинди юл белән йокканы билгеле түгел. «Иң борчыганы — 196 очракта чир ничек күчкәне билгесез, һәм бу күрсәткеч һаман арта бара», — диде ТР Министрлар Кабинетында брифингта Роспотребнадзор хезмәтенең Татарстан буенча идарәсе җитәкчесе Марина Патяшина.

(Казан, 5 май, «Татар-информ»). Татарстанда яңа төрдәге Covid-19 коронавирус инфекциясе таралуын киметү өчен кисәтү чараларын төгәл үтәргә кирәк. Юкса, авыруның иң югары ноктасына җиткәч, инфекция йоктыручылар саны 6 меңнән күпкә артырга мөмкин. InnoSTage компанияләр төркеменең бизнес-карарлар юнәлеше җитәкчесе Федор Селезнев «Татар-информ» агентлыгына шул хакта хәбәр итте.

(Казан, 5 май, «Татар-информ»). Татарстанда республика Хөкүмәте ярдәмендә «Интеллектуаль транспорт системалары һәм ситуацион үзәк элементлары» дигән онлайн-хакатон узачак. Бу хакта чараны оештыручылар хәбәр итә.

(Казан, 5 май, «Татар-информ», Гөлнар Гарифуллина). Татарстанда коронавирус очраклары теркәлмәгән районнар билгеле. Бу Балык Бистәсе, Әлки, Зәй, Кама Тамагы, Минзәлә, Мөслим районнары. Бу хакта бүген ТР Министрлар Кабинетында брифингта мәгълүм булды.

(Казан, 5 май, «Татар-информ», Ләйсән Рәхмәтуллина). Россия Мөфтиләр шурасы һәм Россия Федерациясе мөселманнары Диния нәзарәте рәисе, мөфти шәех Равил Гайнетдиннең урынбасары Рәфыйк Фәттәхетдинов коронавирус белән авырган. Бу хакта ул Россия мөселманнары Диния нәзарәте сайтындагы видеомөрәҗәгатендә сөйли.