Новости за 17.05.2020

(Әлмәт, 17 май, «Татар-информ», «Әлмәт таңнары»). Әлмәттә урамда йөрүче этләргә чип куя башладылар. Моның белән «БиО» оешмасы шөгыльләнә. Март башыннан әлеге оешма тарафыннан иллегә якын эткә чип куелган. Бу турыда район басмасы хәбәр итә.

(Казан, 16 май, «Татар-информ»). Зәйдә шәһәр клумбаларына чәчәк утырта башладылар. Быел барлыгы 70 мең чәчәк утырту планлаштырылган. Бу турыда «Заинск-информ» хәбәр итә.

(Казан, 17 май, «Татар-информ»). Югары Осланның Бакчасарай авыл клубы мөдире Асия Фәйзуллова гаиләсе «Изге эшләр» хәйрия акциясенә кушылган. Бу турыда «Волжская новь» газетасы хәбәр итә.

(Әлки, 17 май, «Татар-информ», «Әлки хәбәрләре»). Әлки районы ветеринария берләшмәсе белгечләре шәхси хуҗалыклардагы терлекләрне язгы диагностик тикшерү эшләрен төгәлләп килә.

(Казан, 17 май, «Татар-информ»). Омск өлкәсенең Тевриз районында татарлар яши торган Тайчы авылы турында китап дөнья күрде. Бу хакта Бөтендөнья татар конгрессы матбугат хезмәте хәбәр итә.

(Казан, 17 май, «Татар-информ»). Россиядә югары технологияләрне үстерергә кирәк, чөнки Россия цивилизациясенең киләчәге шуңа бәйле. Бу хакта Россия Президенты Владимир Путин «Россия 1» телеканалында «Мәскәү. Кремль. Путин» тапшыруында интервьюда әйтте. 

(Казан, 17 май, «Татар-информ»). Кешеләр коронавирус ияртмәс өчен урамда, җәмәгать урыннарында һәм эштә медицина битлеген кияргә тиеш. Кабинетта ялгыз булмаганда да битлек кияргә кирәк. Бу хакта Роспотребнадзор башлыгы Анна Поповага сылтама белән РИА Новости хәбәр итә.

(Казан, 17 май, «Татар-информ»). Татарстанан килгән зур йөк машинасы Саратов өлкәсендә юл-транспорт һәлакәтенә очраган. Бу хакта Саратовның яңалыклар сайты хәбәр итә.

(Казан, 17 май, «Татар-информ», «Шәһри Казан»). Ифтира — аны кемнәндер ишетеп әйтү. Ә боһтән — булмаган әйберне яла ягып әйтү. Болар бөтенесе дә тыелган һәм гайбәт хөкеменә керә.

(Казан, 17 май, «Татар-информ»). Россия Тышкы эшләр министры Сергей Лавров «Яңа гасыр» телерадиокомпаниясенә биргән интервьюда Татарстан туплаган «багаж»ны бәяләде.

(Казан, 17 май, «Татар-информ»). «Рубин» футбол клубының март ахырында киткән чит ил футболчылары якын арада Казанга кайтырга мөмкин. Сүз сигез футболчы турында бара. Алар — Швейцария спортчысы Дарко Йевтич, хорватлар Филип Уремович һәм Сильвия Бегич, грузиннар Хвич Кварацхелия һәм Зурико Давиташвили, швед Карл Старфельт, бразилияле Пабло Сантос һәм данияле Оливер Абильдгор. 

(Казан, 17 май, «Татар-информ», Наталия Никифорова). Төнлә Казанның Елга портына берничә машинада килгән яшьләр көчле тавыш белән музыкаль кичә оештырган. Дөрес, ул озак дәвам итә алмаган. Полиция хезмәткәрләре яшьләрнең шау-шулы очрашуын туктаткан.

(Казан, 17 май, "Татар-информ"). Коми Республикасы Ухта шәһәренең «Бердәмлек» татар милли-мәдәнияте мохтарияте Ухта шәһәренедә яшәүче ветераннарны бәйрәм белән котлады. Бу турыда Бөтендөнья татар конгрессы матбугат хезмәте хәбәр итте.

(Казан, 17 май, «Татар-информ»). Башкортстанда борынгы рус җырының («Песни родной земли») IV республика ачык конкурсына эшләр кабул итү башланды. Бу хакта «Башинформ» хәбәр итә. 

(Казан, 17 май, «Татар-информ»). Россиядә коронавирус таралу үсеше бүгенге көндә туктатылган, бөтен ил буенча тотрыклылану күзәтелә. Бу хакта Роспотребнадзор башлыгы Анна Поповага сылтама белән РИА Новости хәбәр итә.

(Казан, 17 май, «Татар-информ»). Быел математикадан база дәрәҗәсендәге бердәм дәүләт имтиханы үткәрелмәячәк. Федераль педагогик үлчәүләр институты (ФИПИ) директоры Оксана Решетникова шулай дип белдерде. Бу хакта РИА Новости хәбәр итә.

(Казан, 17 май, «Татар-информ»). Дагыстан мөселманнары өчен Россия мөселманнарының Диния нәзарәте рәисе, мөфти шәех Равил Гайнетдин исеменнән хәйрия ифтары оештырыла. Бу хакта Россия Мөфтиләр шурасы сайтында хәбәр ителә.

(Казан, 17 май, «Татар-информ»).Татарстанның Әгерҗе районы Тирсә урта мәктәбенең 3 сыйныф укучысы Азалия Сибатова үз-үзеңне изоляцияләү вакытында #сидидома акциясенә кушылды. Бу хакта Бөтендөнья татар конгрессы матбугат хезмәте хәбәр итә.

(Казан, 17 май, «Татар-информ»). Берлиннан кайткан 22 кеше бүген «Ливадия» шифаханәсендә обсервациядән соң өйләренә кайтып китәчәк. Бу хакта «Татар-информ»га Татарстан Президенты матбугат хезмәте җитәкчесе Лилия Галимова сөйләде.

(Казан, 17 май, «Татар-информ»). Алдагы алты көндә Үзәк Россия территориясендә аномаль салкын һава торышы көтелә. Бу хакта Россия Гидрометеорология үзәге фәнни җитәкчесе Роман Вильфандка сылтама белән ТАСС хәбәр итә.

(Казан, 17 май, «Татар-информ»). Узган төндә Казанда җиңел машина янган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 17 май, «Татар-информ»). Чикләү чаралары бетерелгәннән соң кибеттә башка сатып алучылардан яки кассирлардан коронавирус йоктыру мөмкинлеге товарлардан йоктыруга караганда күбрәк. Мондый фикерне ura.ru агентлыгына интервьюда вирусолог, медицина фәннәре докторы Виктор Зуев әйтте. Бу хакта РИА Новости хәбәр итә.

(Казан, 17 май, «Татар-информ»). Татарстанда Covid-19 коронавирус инфекциясе йоктыруның 84 яңа очрагы ачыкланган. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Казан, 17 май, «Татар-информ», Эвелина Киселёва). Татарстанда Covid-19 авыруларының зарарлану чыганагы билгеләнмәгән очраклары шактый артуы күзәтелә. Шулай итеп, бу атнада расланган очракларның өчтән бер өлешенең инфекция чыганагы билгесез. Бу хакта Татарстан Хөкүмәте Йортында узган республика киңәшмәсендә Роспотребнадзорның Татарстан буенча идарәсе җитәкчесе Марина Патяшина хәбәр итте.

(Казан, 17 май, «Татар-информ»). Казан федераль университеты Н. И. Лобачевский исемендәге лицейның 7 нче сыйныфында укучы Никита Быльнов робототехника буенча мәктәп укучыларының Мәскәү олимпиадасында икенче дәрәҗә призер булды. Бу турыда Татарстан Мәгариф һәм фән министрлыгы матбугат хезмәте хәбәр итте.