Новости за 08.05.2020

(Казан, 8 май, «Татар-информ»). Бүген «Түбән Кама Нефтехим» ГАҖ һәм «Нефтехимик» хоккей командасы Сүбәләк юлы буйлап 75 төп нарат утыртты Бу турыда Түбән Кама муниципаль районы рәсми сайтында хәбәр ителә.

(Чирмешән, 8 май, «Татар-информ», «Безнең Чирмешән», Кадрия Гамирова). Чирмешән районының Туймәт авыл җирлеге Советы Әфганстанда, Чечня Республикасында хезмәт иткән авылдашларына, аз керемле, күп балалы гаиләләргә һәм бала үстерүче ялгыз аналарга азык-төлек җыелмасы тапшырды. Бу турыда район басмасы хәбәр итә.

(Казан, 8 май, «Татар-информ»). Үз-үзеңне изоляцияләүдән соң балаларны мәктәпкәчә белем бирү учреждениеләренә кабул итү тәртибе турында Татарстан Мәгариф һәм фән министрлыгында сөйләделәр.

(Казан, 8 май, «Татар-информ»). Бүген Татарстан Дәүләт Советы Рәисе, «Бердәм Россия» партиясенең төбәк бүлеге секретаре Фәрит Мөхәммәтшин Бөек Ватан сугышы ветераннарын Җиңү көне белән видеоэлемтә аша котлады. Бу хакта республика парламентының матбугат хезмәте хәбәр итә.

(Казан, 8 май, «Татар-информ», Диана Авакян). «Безнең ишегалды» республика программасы тулысынча үтәләчәк. Бу хакта Татарстан Президенты Рөстәм Миңнеханов Хөкүмәт Йортында узган республика киңәшмәсендә сөйләде.

(Казан, 8 май, «Татар-информ»). Covid-19 инфекциясе 30 градустан югары температурада кешегә йокмый. Роспотребнадзор белгечләре шул хакта сөйләгән. Федераль хезмәт белешмәсе стопкоронавирус.рф порталында чыкты.

(Казан, 8 май, «Татар-информ»). Бүген Татарстан рәссамнары Бөек Ватан сугышында катнашкан фронтовик рәссамнарны искә алдылар. Бу хакта Татарстан Сынлы сәнгать дәүләт музееның матбугат үзәге хәбәр итә.

(Казан, 8 май, «Татар-информ», Гөлүзә Ибраһимова). Россия Герое, Россия Оборона министрлыгының Ерак авиация командующие, генерал-лейтенант Сергей Кобылаш Бөек Җиңүнең 75 еллыгы белән котлап чыгыш ясады. Ул Бөек Ватан сугышында Татарстан кешеләренең каһарманлыгы турында сөйләде.

(Казан, 8 май, «Татар-информ»).Татарстан Республикасы Авыл хуҗалыгы һәм азык-төлек министрлыгы мөрәҗәгате буенча Татарстанга аграрийлар өчен ташламалы кредит лимиты арттырылды. Федераль бюджет өстәмә рәвештә 152,9 млн сум акча бүлеп бирә. Бу турыда министрлыкның матбугат хезмәте хәбәр итте.

(Казан, 8 май, «Татар-информ»). Бүген Татарстан Президенты Рөстәм Миңнеханов Бәһрәйн Короле Хәмәд бән Иса Әл Хәлифә белән телефоннан сөйләште. Бу турыда республика җитәкчесе матбугат хезмәте хәбәр итә.

(Казан, 8 май, «Татар-информ», Наталия Никифорова). Татарстанның ЮХИДИ хезмәткәрләре Җиңү көне уңаеннан ветераннарга видеоконцерт күрсәтте. Видеоязманы «Татар-информ» мәгълүмат агентлыгы тәкъдим итә.

(Казан, 8 май, «Татар-информ»). Җиңү көненә багышланган массакүләм чараларны онлайн-форматка күчерү сәбәпле, Казанда яшәүче Бөек Ватан сугышы ветераны Павел Клетнев Татарстан халкына кәефләрен төшермәскә киңәш итте. Бу хакта ул Андрей Кузьминга «Татар-информ» мәгълүмат агентлыгы өчен биргән интервьюсында әйтте.

(Казан, 8 май, «Татар-информ», Зилә Мөбәрәкшина). Канадада яшәүче татарлар Бөек Җиңүнең 75 еллыгы уңаеннан, сугышта катнашкан әби-бабаларын искә ала. Бу хакта «Татар-информ» хәбәрчесенә Канададагы «Мирас» милли-мәдәни үзәге җитәкчесе Зилә Миргалиева хәбәр итте.

(Казан, 8 май, «Татар-информ»). «Ярдәм» мәчете дизайны авторы Нәҗип Нәккаш «Ярдәм» милли ислам хәйрия фондының «Тормыш юлы» дип аталган проектын хуплап каршы алды һәм игелекле эшләргә битараф булмаган кешеләргә мөрәҗәгать итте. Бу турыда Бөтендөнья татар конгрессы матбугат хезмәте хәбәр итте.⠀

(Казан, 8 май, «Татар-информ»). Татарстанда балалар бакчалары 12 майдан штатлы режимда эшли башлаячак. Бу хакта «Татар-информ» мәгълүмат агентлыгына ТР Мәгариф һәм фән министрлыгының матбугат хезмәте җитәкчесе Алсу Мөхәммәтова хәбәр итте.

(Казан, 8 май, «Татар-информ», Наталья Рыбакова). Татарстанда сугышта катнашучыларның уртача пенсиясе 32 мең сумнан артык тәшкил итә. Бу хакта бүген «Татар-информ» мәгълүмат агентлыгында узган матбугат конференциясендә Россия Пенсия фондының Татарстан буенча бүлегенең пенсия билгеләү һәм яңадан санау бүлеге башлыгы Светлана Гайдук хәбәр итте.

(Казан, 8 май, «Татар-информ»). Безнең кешеләрнең бәйрәм кәефен бернинди пандемия дә боза алмаячак. Бу хакта Татарстан Дәүләт Советы Рәисе, «Бердәм Россия» төбәк бүлеге секретаре Фәрит Мөхәммәтшин ветераннар белән аралашканнан соң Җиңү көнен бәйрәм итүгә әзерлекне шәрехләде. Республика парламенты матбугат хезмәте шул хакта яза.

(Казан, 8 май, «Татар-информ», Динар Прокопьева). Апрель аенда республикада үлем күрсәткечләре бераз кимеде. Бу хакта Татарстан Сәламәтлек саклау министрлыгы башлыгы Марат Садыйков «Татар-информ» мәгълүмат агентлыгында узган матбугат конференциясендә хәбәр итте.

(Казан, 8 май, «Татар-информ»). Бүген Татарстан җырчылары өйдә изоляциядә утырган барлык кешегә теләктәшлек күрсәтү максатыннан, #айдадомой онлайн-концертлар марафонында сугыш еллары турындагы җырлар һәм шигырьләр башкарачак. Бу турыда оештыручылар хәбәр итте.

(Казан, 8 май, «Татар-информ», Ксения Перепеченова). Татарстанда халыкның гомуми саныннан чыгып, коронавирус белән авыручылар өлеше, Россия буенча уртача күрсәткечтән өч тапкырга кимрәк. Бу хакта Роспотребнадзор хезмәтенең Татарстан буенча идарәсе башлыгы Марина Патяшина хәбәр итте.

(Казан, 8 май, «Татар-информ», Зилә Мөбәрәкшина). Соңгы ун көндә «Безнең Җиңү» акциясе кысаларында «Мәскәү татарлары штабы» волонтерлары Россия башкаласының ике йөз сугыш һәм тыл ветераннарын котлап чыкты. Бу хакта «Татар-информ» хәбәрчесенә әлеге штаб координаторы Гөлнара Яруллина хәбәр итте.

(Казан, 8 май, «Татар-информ», Зилә Мөбәрәкшина). Бөек Җиңүченең 75 еллыгы уңаеннан күп чаралар уза. Шуларның берсе — «Сеңлекәш» фильмына багышланган дәрес. КФУның Г.Тукай исемендәге Милли мәдәният һәм мәгариф югары мәктәбе студентлары Мостай Кәримнең «Безнең өйнең яме» повесте буенча төшерелгән «Сеңлекәш» («Сестренка») фильмында төрки халыкларга хас сабырлык хисе чагылыш таба дип саный. Бу фикерен алар онлайн-дәрестә әйтте.

(Казан, 8 май, «Татар-информ», Наталья Рыбакова). Җиңүнең 75 еллыгына Татарстаннан Бөек Ватан сугышында катнашучылар һәм инвалидлар, аларның тол хатыннары, концлагерь тоткыннары, шулай ук тыл хезмәтчәннәре барлыгы 1,8 млрд сумлык түләүләр алды. Бу хакта бүген «Татар-информ» мәгълүмат агентлыгында узган матбугат конференциясендә Россия Пенсия фондының Татарстан буенча бүлегенең пенсияләрне билгеләү һәм яңадан санау бүлеге башлыгы Светлана Гайдук хәбәр итте.

(Казан, 8 май, «Татар-информ»). 9 һәм 10 майда, ял көннәрендә, Татарстанда һава торышы начарлана. Мондый фараз Татарстан Гидрометеорология үзәге сайтында урнаштырылган.

(Казан, 8 май, «Татар-информ»). «Наше время - Безнең заман» фестивале лауреатлары Бөек җиңүнең 75 еллыгына багышланган видеороликлар төшерде һәм аларны социаль челтәрләрдә чыгарды. Бу хакта ТР Президенты ярдәме белән үткәрелә торган фестивальне оештыручылар хәбәр итә.