Новости за 06.05.2020

(Казан, 6 май, «Татар-информ»). Актаныш муниципаль районы башлыгы Энгель Фәттахов Пучы авылында гомер итүче Халидә Гәрәеваны йөз яшьлек юбилее белән котлады. Халидә апаның быелгы юбилее аеруча истәлекле, үзенә 100 яшь, Бөек Җиңүгә 75 ел тула. Бу турыда Актаныш муниципаль районы мәгълүмат үзәге хәбәр итә.

(Казан, 6 май, «Татар-информ»). «Тәртип» радиосы Бөек Җиңүнең 75 еллыгы уңаеннан социаль челтәрләрдә флешмоб башлый. Бу турыда радионың социаль челтәрдәге сәхифәсендә хәбәр ителә.

(Казан, 6 май, «Татар-информ»). Россиядә ир-атлар хатын-кызларга караганда коронавирусны авыррак кичерә. Бу хакта коронавирус вазгыяте буенча Россия Президенты Владимир Путин белән онлайн-киңәшмәдә РФ Сәламәтлек саклау министрлыгы башлыгы Михаил Мурашко хәбәр итте.

(Казан, 6 май, «Татар-информ»). Унтугыз милли җәмгыять вәкилләре «Җиңү көне төрле телләрдә» халыкара акциясен хуплап, данлыклы «Җиңү көне» («День Победы») җырын туган телләрендә башкарды. Бу хакта Татарстан халыклары Дуслык йорты директоры Ирек Шәрипов хәбәр итте, дип белдерә «Бердәм Россия» партиясенең Татарстан төбәк бүлеге мәгълүмат үзәге.

(Казан, 6 май, «Татар-информ»). Россия мөселманнарының Диния нәзарәте мөселман хәрбиләрнең һәм тыл хезмәтчәннәренең Бөек Ватан сугышында Җиңүгә керткән өлешен чагылдыра торган эмблеманы тәкъдим итте. Бу хакта Диния нәзарәтенең сайтында хәбәр ителә.

(Казан, 6 май, «Татар-информ»). «Хозур» нәшрият йорты «Шура» альманахының чираттагы 28 нче санын бастырды. Әлеге санда сез «Әбү Хәнифә мәзһәбе», «Әһле Сөннәт Вәл-Җәмәгать» юлы кебек эчтәлекле җомга вәгазьләре, мөселманнар тормышы өчен актуаль булган фәтвалар белән таныша аласыз. Бу турыда Татарстан Диния нәзарәтенең матбугат хезмәте хәбәр итте.

(Казан, 6 май, «Татар-информ»). Бүген Россия Президенты Владимир Путин икътисад һәм социаль өлкәгә ярдәм итү чараларын гамәлгә ашыру мәсьәләләре буенча киңәшмә үткәрде. Видеоконференцэлемтә режимында киңәшмәдә Татарстан Президенты Рөстәм Миңнеханов та катнашты. Бу хакта республика җитәкчесенең матбугат хезмәте хәбәр итә.

(Казан, 6 май, «Татар-информ», Динар Прокопьева). Коронавирус аркасында чикләүләр өч этапта гамәлдән чыгарылырга мөмкин. Бу хакта Роспотребнадзор җитәкчесе — Россия баш санитария табибы Анна Попова хәбәр итте.

(Казан, 6 май, «Татар-информ»). Бөтендөнья башкорт корылтае Башкарма комитеты әгъзасы, танылган опера җырчысы Аскар Абдразаков «День Победы» җырын (Давид Тухманов, Владимир Харитонов) теләге булган һәркемне үз туган телендә башкарырга чакырды. Бу турыда «Башинформ» хәбәр итә.

(Казан, 6 май, «Татар-информ», Полина Шевчук). Гадәттән тыш хәлләр министрлыгы Татарстанда урман янгыннары чыгу куркынычы зур булуы турында кисәтә. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләделәр.

(Казан, 6 май, «Татар-информ»). Татарстанның Зәй районы республиканың башка муниципалитетлары арасында чәчү кампаниясендә алда бара. Биредә чәчү 73 процентка төгәлләнгән. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

(Казан, 6 май, «Татар-информ»). Россиянең мәгариф министры Сергей Кравцов бердәм дәүләт имтиханнарын соңрак вакытка күчерү мөмкинлеген кире какмады. Бу хакта федераль министрлык башлыгы «Россия 24» телеканалында «Диалог» программасында белдерде.

(Казан, 6 май, «Татар-информ»). «Бердәм Россия» активистлары быел «Георгий тасмасы» акциясе форматын үзгәртә. Коронавирус таралу аркасында тасмаларны урамнарда өләшмәячәкләр, аларны волонтер үзәкләре, кибетләр, автозаправкалар һәм тимер юл вокзалларына бүлеп биргәннәр. Бу хакта «Бердәм Россия» Бөтенроссия сәяси партиясенең Татарстан төбәк бүлеге мәгълүмат үзәге хәбәр итә.

(Истанбул, 6 май, «Татар-информ», Рушания Алтай). Төркиядә нәшер ителүче «Кардәш каләмнәр» журналы укучылары игътибарына татар шагыйре Зиннур Мансуровның шигыръләрен тәкъдим иткән. Бу хакта басманың баш мөхәррире Якуп Өмәроглу хәбәр итә.

(Казан, 6 май, «Татар-информ», Гөлнар Гарифуллина). Атна азагына кадәр Казанда көндез һава температурасы 20 градустан югары булырга мөмкин. КФУның Метеорология, климатология һәм атмосфера экологиясе кафедрасы мөдире, профессор Юрий Переведенцев «Татар-информ» агентлыгында матбугат конференциясендә шул хакта сөйләде.

(Казан, 6 май, «Татар-информ»). Бүген Татарстан Президенты Рөстәм Миңнеханов Саба муниципаль районына эш сәфәре кысаларында Туктар авылында булды. Анда ул роботлаштырылган яңа сөтчелек комплексын карады. Бу хакта республика җитәкчесенең матбугат хезмәте хәбәр итә.

(Казан, 6 май, «Татар-информ», Гөлнар Гарифуллина). Агымдагы 2020 ел соңгы 170 елда Россиядә иң җылы ел булып тарихка керергә мөмкин. КФУның Метеорология, климатология һәм атмосфера экологиясе кафедрасы мөдире, профессор Юрий Переведенцев «Татар-информ» агентлыгында матбугат конференциясендә шулай дип белдерде.

(Казан, 6 май, «Татар-информ», Гөлнар Гарифуллина). Икътисади югалтуларга китергән начар һава шартлары белән бәйле күренешләр елдан-ел арта. «Климат "нервылана" бара», — диде КФУның Метеорология, климатология һәм атмосфера экологиясе кафедрасы доценты Тимур Әүһәдиев «Татар-информ» агентлыгында матбугат конференциясендә.

(Казан, 6 май, «Татар-информ», Гөлүзә Ибраһимова). Татарстанның халык артисты, «Мунча ташы» театр студиясе җитәкчесе Гамил Әсхәдулла «Мәдәни җомга» газетасына «Татмедиа» сайты аша онлайн язылган. Бу хакта ул үзенең үзенең Instagram сәхифәсендә хәбәр итә.

(Казан, 6 май, «Татар-информ», Александра Давыдова). Чаллы шәһәренең 5нче хастаханәсе теш казнасы-бит хирургиясе бүлеге мөдире Дмитрий Смородинов коронавирустан соң өзлегүдән вафат булган. Бу мәгълүматны Татарстан Сәламәтлек саклау министрлыгында расладылар.

(Казан, 6 май, «Татар-информ», Гөлнар Гарифуллина). Киләсе елдан галимнәр яңа һава торышы нормаларына нигезләнеп эшли башлаячак. Бу хакта бүген «Татар-информ» агентлыгында матбугат конференциясендә КФУның атмосфера метеорологиясе, климатология һәм экологиясе кафедрасы мөдире, профессор Юрий Переведенцев әйтте.

(Казан, 6 май, «Татар-информ»). Композитор Давид Тухмановның Владимир Харитонов сүзләренә атаклы «Җиңү көне» («День Победы») җырын чуваш теленә тәрҗемә итеп башкардылар. Шулай итеп, Чуваш Республикасы Россия Федерациясе Президентының Идел буе федераль округында Тулы вәкаләтле вәкиле аппараты тарафыннан оештырылган «Безнең Җиңү көне» масштаблы акциясендә катнашты.

(Казан, 6 май, «Татар-информ», Гөлнар Гарифуллина). КФУның атмосфера метеорологиясе, климатология һәм экологиясе кафедрасы мөдире, профессор Юрий Переведенцев быел җәйнең нинди булачагын фаразлады. Бу хакта ул «Татар-информ» агентлыгында матбугат конференциясендә сөйләде.

(Казан, 6 май, «Татар-информ»). Татарстанда 40 процентка якын мәйданда чәчү эшләре төгәлләнгән, бөтен территориядә яңгыр яуган, бу яхшы уңышка өмет бирә. Бу хакта Татарстан авыл хуҗалыгы һәм азык-төлек министры Марат Җәббаров хәбәр итте. Ул Татарстан Президенты Рөстәм Миңнехановка республикада чәчү кампаниясенең барышы турында сөйләде.

(Казан, 6 май, «Татар-информ»). Бүген Татарстан Президенты Рөстәм Миңнеханов Саба муниципаль районында булды. Бу турыдаТатарстан Президенты матбугат хезмәте хәбәр итә.