Новости за 07.05.2020

(Казан, 7 май, «Татар-информ»). Түбән Кама мэры Айдар Метшин Кызыл Чишмә бистәсендә «Безнең ишегалды» программасы буенча эш барышын бәяләде һәм булачак экопарк территориясендәге әзерлек эшләрен карады. Бу турыда Түбән Кама муниципаль районы рәсми сайтында хәбәр ителә.

(Теләче, 7 май, «Татар-информ», «Теләче», Эльмира Котдусова). Бүген Теләче район үзәкхастаханәсендә онлайн режимда «Демография» илкүләм проекты һәм «Өлкән буын» төбәк проектлары кысаларында гериатрия кабинеты ачылды. Бу турыда район басмасы хәбәр итә.

(Казан, 7 май, «Татар-информ», Рузилә Мөхәммәтова). Традицион мәдәниятне үстерү республика үзәге «Тatfolk. Новый формат» дип аталган электрон газета чыгара башлаган. Басма рус телендә. Газетаның беренче номеры Үзәкнең рәсми сайтына урнаштырылган.

(Казан, 7 май, «Татар-информ»). Татарстан Авыл хуҗалыгы һәм азык-төлек министрлыгы бәрәңгене дөрес итеп утырту буенча киңәшләр бирде.

(Казан, 7 май, «Татар-информ»). Казанның Киров районында урнашкан «Салават күпере» торак комплексында совет һәм Россия генералы Мәхмүт Гәрәев исемендәге урам барлыкка киләчәк. Бу хакта Казан мэриясенең рәсми порталы хәбәр итә.

(Казан, 7 май, «Татар-информ», Әдилә Зыятдинова). Яңа төрдәге Covid-19 коронавирус инфекциясе Төркия белән Татарстан арасындагы сәүдә мөнәсәбәтләренә тискәре йогынты ясый. Төркия Республикасының Казандагы Генераль консулы Исмәт Эрикан журналистлар белән очрашуда шулай дип белдерде.

(Казан, 7 май, «Татар-информ», Наталия Никифорова). Татарстан прокуроры Илдус Нәфыйков «Үлемсез полк онлайн» акциясенә кушылды. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

(Казан, 7 май, «Татар-информ»). Иртәгә, 8 майда, Татарстан территориясендә, шул исәптән Казанда көндез урыны белән көчле җил көтелә.

(Казан, 7 май, «Татар-информ», Алексей Угаров). «Хастаханәләр Covid-19 коронавирус инфекциясеннән үлүчеләр статистикасын арттырып күрсәтү өчен, вафат булучыларның туганнарына акча тәкъдим итә», дигән хәбәрләр социаль челтәрләрдә таралган иде. Әлеге сүзләрнең дөреслеккә туры килмәве турында Татарстан Президентының матбугат хезмәте җитәкчесе Лилия Галимова «Татар-информ» агентлыгына сөйләде.

(Казан, 7 май, «Татар-информ»). Татарстан Республикасы Дәүләт Киңәшчесе Минтимер Шәймиев «Татарстан» журналы гамәлгә ашыра торган «Буыннар» проектына үз бәясен бирде.

(Казан, 7 май, «Татар-информ», Зилә Мөбәрәкшина). Мәскәү Татар милли-мәдәни автономиясе «ТНВ» медиахолдингының Мәскәү филиалы белән берлектә Бөек Җиңүнең 75 еллыгына «Мәңгелек дан» проектын әзерләгән. Бу хакта «Татар-информ» хәбәрчесенә Мәскәү Татар милли-мәдәни автономиясе рәисе Фәрит Фарисов хәбәр итте.

(Казан, 7 май, «Татар-информ», Наталия Никифорова). Казандагы бер подстанциядә авария булу сәбәпле 9 мең кеше утсыз калган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Истанбул, 7 май, «Татар-информ», Рушания Алтай). Төркия татары, Истанбул университетының инглизчә математика бүлеге студенты Таңсылу Алтай Татарстанның Актаныш гуманитар гимназиясе укучыларына «Математикада исбатлау ысуллары» темасына татарча онлайн дәрес бирде.

(Казан, 7 май, «Татар-информ»). Бүген Татарстан мөселманнары Диния нәзарәтендә үз-үзеңне изоляцияләү режимы һәм катлаулы икътисади вазгыять шартларында республика имамнарына һәм мәчетләренә ярдәм итү чаралары күрү турында фикер алыштылар. Татарстан мөфтие Камил Сәмигуллин район һәм авыл мәчетләренә һәм Татарстан имамнарына финанслар бүлеп бирү хакында әйтте. Бу турыда Диния нәзарәтенең матбугат хезмәте хәбәр итте.

(Казан, 7 май, «Татар-информ», Эльвира Зәйнуллина). Татарстанда 1000 кеше «Цифрлы икътисад» илкүләм проектын гамәлгә ашыру кысаларында IT-компетенцияләр буенча бушлай курслар узган. Аларның барысы да бәясе 15 мең сумга кадәр тәшкил иткән шәхси цифрлы сертификатлар алган. Бу хакта ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.

(Казан, 7 май, «Татар-информ»). Бүген Татарстан Дәүләт Советы Рәисе Фәрит Мөхәммәтшин Бөек Ватан сугышы ветераны Һидият Әхмәдуллинга Бөек Ватан сугышында Җиңүнең 75 еллыгы уңаеннан юбилей медале тапшырды. Бу хакта республика парламентының матбугат хезмәте хәбәр итә.

(Истанбул, 7 май, «Татар-информ», Рушания Алтай). Танылган татар язучысы, халык депутаты Ркаил Зәйдулла Төркиядә чыга торган «Кардәш каләмнәр» төрки халыклары әдәбият журналында Роза Туфитуллованың «Гөлсем» романын таныткан. Әсәр төрекчәгә дә тәрҗемә ителгән. Бу хакта басманың баш мөхәррире Якуп Өмәроглу хәбәр итә.

(Казан, 7 май, «Татар-информ», Зилә Мөбәрәкшина). КФУның Г.Тукай исемендәге Милли мәдәният һәм мәгариф югары мәктәбенең йөзгә якын студенты Бөек Ватан сугышында һәлак булган туганнарына, әби-бабаларына һәм абыйларына хатлар язган. Әлеге хатларны алар татар теле белеме кафедрасы каршында эшләп килгән «Әллүки» әдәби иҗат берләшмәсе оештырган «Фронтка хатлар» онлайн дәресендә укыдылар.

(Казан, 7 май, «Татар-информ», Екатерина Ларионова). Казан дәүләт медицина университеты студентларына яңа коронавирус инфекциясен турыдан-туры дәвалау зонасында эшләүгә юл куелмаячак. Бу хакта атналык брифингта ТР Президенты матбугат хезмәте җитәкчесе Лилия Галимова хәбәр итте.

(Казан, 7 май, «Татар-информ»). Быел Идел буе Болгар дәүләте тарафыннан Ислам дине рәсми рәвештә кабул ителгән көнгә багышланган «Изге Болгар җыены» 5-6 июньдә узачак. Татарстан Хөкүмәтенең шул хактагы карары ТР хокукый мәгълүмат порталында дөнья күргән.

(Казан, 7 май, «Татар-информ», Гөлнар Гарифуллина). Татарстанда социаль ярдәмгә мохтаҗ ветераннар саны арта бара. Быел 232 Бөек Ватан сугышы ветеранына социаль хезмәт күрсәтелә башлаган. Бу хакта матбугат конференциясендә республиканың хезмәт, халыкны эш белән тәэмин итү һәм социаль яклау министры Эльмира Зарипова сөйләде.

(Казан, 7 май, «Татар-информ», Гөлнар Гарифуллина). Татарстанның участок табиблары көн саен Бөек Ватан сугышы ветераннарына шалтыратып, сәламәтлекләренең торышы турында белешә. Бу хакта матбугат конференциясендә Татарстан сәламәтлек саклау министрының беренче урынбасары Альмир Абашев хәбәр итте.

(Казан, 7 май, «Татар-информ»). Россия Президенты Владимир Путин Федерация субъектлары җитәкчеләренә транспорт предприятиеләренә ярдәм итү механизмнарын әзерләргә кушты. Дәүләт башлыгы транспорт тармагының торышына багышланган киңәшмәдә шулай дип белдерде.

(Казан, 7 май, «Татар-информ»). «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев тармак хезмәткәрләрен һәм ветераннарны Радио көне белән котлады.

(Казан, 7 май, «Татар-информ», Полина Шевчук). Самара өлкәсендә алты кешенең гомерен өзгән юл һәлакәтендә Татарстан кешесе дә булган. Бу хакта «Татар-информ» агентлыгына Россия Эчке эшләр министрлыгының Самара өлкәсе буенча Баш идарәсе матбугат хезмәтеннән хәбәр иттеләр.