Новости за 21.05.2020

(Казан, 21 май, «Татар-информ»). Язгы чакырышта Мамадыштан 56 егет армиягә китә. Пандемия аркасында быел чакырылыш гадәттәгедән соңрак башлана. Бу хакта «Нократ» газетасы яза.

(Казан, 21 май, «Татар-информ»). Түбән Кама мэры антисептика һәм компаундлар җитештерү производстволарын карады. Бу турыда Түбән Кама муниципаль районы рәсми сайтында хәбәр ителә.

(Казан, 21 май, «Татар-информ»). Татарстанның күп функцияле үзәкләре өч яшьтән алып 16 яшькә кадәрге балаларга 10 мең сум күләмендә акча түләү өчен гаризалар кабул итә башлады. Бу хакта Татарстанның күп функцияле үзәк матбугат хезмәте хәбәр итә.

(Казан, 21 май, «Татар-информ»). Алабуга подстанциясендә янгын аркасында 17 торак пункт утсыз калган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 21 май, «Татар-информ», Гөлнар Гарифуллина). Бүген Константиновка бистәсе зиратында Татарстанның халык артисты, виртуоз балалайкачы, җырчы Рафыйк Таҗетдиновның каберенә истәлек ташы куелды. Чарада мәрхүмнең гаиләсе, туганнары, дуслары катнашты. Рафыйк Таҗетдинов рухына хәзрәт ясин укыды. Гаиләсе исеменнән кабер ташына чәчәкләр кәрҗине куелды.

(Казан, 21 май, «Татар-информ»). Россия Президенты Владимир Путин Хөкүмәттән барлык мәгариф учреждениеләрендә көндезге дәресләрне оештыру өчен санитар нормаларны катгыйрак эшләүне сорады. Бу хакта дәүләт башлыгы мәгариф мәсьәләләре буенча киңәшмәдә белдерде.

(Казан, 21 май, «Татар-информ»). Водолазлар Татарстанда Камада югалган балыкчының мәетен тапкан. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 21 май, «Татар-информ»). Ил башлыгының киңәшмәдә Татарстан Президенты Рөстәм Миңнехановны президент сайлауларында яңа срокка тәкъдим ителүен хуплавы билгеле булды. Шушы киңәшмәдән соң РФ Дәүләт Думасы депутаты Айрат Фәррахов Instagram һәм Facebook социаль челтәрләрендә постлар урнаштырды.

(Казан, 21 май, «Татар-информ», Марат Ишкилдин ). Татарстаннан Россия Дәүләт Думасы депутаты Марат Бариев Россия Президентының бу көздә Татарстан Республикасында Президент сайлауларында Рөстәм Миңнеханов кандидатурасын тәкъдим итү турындагы фикерен хуплады. Бу хакта парламентарий «Татар-информ»га хәбәр итте.

(Казан, 21 май, «Татар-информ», Надежда Гордеева). Мәктәпне тәмамлаучыларга аттестатлар, гадәттәгечә, 15 июньгә кадәр биреләчәк. Бу хакта Россия мәгариф министры Сергей Кравцов мәгариф мәсьәләләре буенча киңәшмәдә белдерде.

(Казан, 21 май, «Татар-информ», Алсу Исмәгыйлева). Коронавирус пандемиясе башлану сәбәпле, АКШ территориясендә калган татарстанлылар якын арада туган якларына кайтачак. Бу хакта «Татар-информ» хәбәрчесенә АКШта калырга мәҗбүр булган төркем вәкиле Зөлфия Максутова хәбәр итте.

(Казан, 21 май, «Татар-информ»). Татарстанда киләсе атна башыннан җылытачак. Бу хакта ТР Гидрометеорология үзәге хәбәр итә.

(Казан, 21 май, «Татар-информ»). Татарстан халкы әлегә 5G челтәрен кулланырга әзер түгел. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә. 

(Казан, 21 май, «Татар-информ»). Россиядә коронавирус инфекциясе белән зарарлануның ачыкланган очракларының кимүе күзәтелә, бу исә балаларны савыктыру кампаниясен планлаштырырга мөмкинлек бирә. Бу хакта Роспотребнадзор җитәкчесе Анна Попова Россия Президенты Владимир Путин уздырган киңәшмәдә хәбәр итте.

(Казан, 21 май, «Татар-информ»). Мәгариф һәм фән өлкәсендә күзәтчелек буенча федераль хезмәт барлык фәннәр буенча бердәм дәүләт имтиханын үткәрү вакытын атады. Бу хакта РИА Новости хәбәр итә.

(Казан, 21 май, «Татар-информ», Надежда Гордеева). Россия Президенты Владимир Путин балаларның җәйге ялын оештыруда барлык мәсьәләләрне карарга чакырды. Бу хакта дәүләт башлыгы мәгариф мәсьәләләре буенча киңәшмәдә әйтте.

(Казан, 21 май, «Татар-информ»). Россия Президенты Владимир Путин Россиядә дистанцион белем бирүне вакыт узу белән көндезге укуны алмаштыра алуы турындагы хәбәрне провокация дип атады. Бу хакта дәүләт башлыгы Covid-19 коронавирусының таралуы шартларында мәгариф системасындагы вазгыять турындагы киңәшмәдә белдерде.

(Казан, 21 май, «Татар-информ», Надежда Гордеева). Быел Россиянең югары уку йортларына кабул итү август аенда узачак. Бу хакта РФ Президенты Владимир Путин мәгариф мәсьәләләре буенча киңәшмәдә хәбәр итте.

(Казан, 21 май, «Татар-информ», Зилә Мөбәрәкшина). «Китап» радиосын ике атна дәвамында меңнән артык кулланучы йөкләп алган. Бу хакта «Татар-информ» хәбәрчесенә радионың баш мөхәррире Алмаз Миргаязов хәбәр итте.

(Казан, 21 май, «Татар-информ»). Татарстанда Covid-19 коронавирусы белән зарарланган кешеләр саны арту динамикасы якынча 3 процент дәрәҗәсендә тотрыклыланды. Әмма шуңа да карамастан, якын арада республика хакимияте чикләү чараларын йомшартмаячак. Бу хакта ТР Президенты матбугат хезмәте җитәкчесе Лилия Галимова хәбәр итте.

(Казан, 21 май, «Татар-информ», Надежда Гордеева). Россиядә быел мәктәпне тәмамлаучыларны армиягә чакыруны кичектерәчәкләр. Бу хакта РФ Президенты Владимир Путин мәгариф мәсьәләләре буенча киңәшмәдә хәбәр итте.

(Казан, 21 май, «Татар-информ», Надежда Гордеева). Бердәм дәүләт имтиханы быел 29 июньдә башлана. БДИны бары тик югары уку йортларына укырга керергә җыенган мәктәпне тәмамлаучылар гына тапшырачак. Бу хакта Россия Президенты Владимир Путин мәгариф мәсьәләләре буенча киңәшмәдә хәбәр итте.

(Казан, 21 май, «Татар-информ»). Казан федераль университетында әзерлекнең кайбер юнәлешләре буенча дәүләт имтиханын гамәлдән чыгарачаклар. Бу хакта «Татар-информ»га КФУ матбугат хезмәтендә хәбәр иттеләр.

(Казан, 21 май, «Татар-информ»). Татарстан Гидрометеорология һәм әйләнә-тирә мохитне күзәтү идарәсе республика территориясендә яңадан көтелә торган суыклар аркасында шторм кисәтүе игълан итте.

(Казан, 21 май, «Татар-информ»). Татарстан сайлау комиссияләренең барлык хезмәткәрләре дә Россия Конституциясенә төзәтмәләр буенча тавыш бирү алдыннан мобиль кушымта ярдәмендә укулар узды. Бу хакта «Татар-информ»га ТР Үзәк сайлау комиссиясе матбугат хезмәтендә хәбәр иттеләр.