Новости за 19.05.2020

(Казан, 19 май, «Татар-информ», Зилә Мөбәрәкшина). Берләшкән Гарәп Әмирлекләрендәге Дубай шәһәренең «Бурҗ Хәлифә» дип аталган иң биек бина Татарстан байрагы төсләре белән яктыртылды. Бу хакта «Татар-информ» хәбәрчесенә Татарстан Республикасының Дубайдагы сәүдә-икътисади вәкиллеге хәбәр итте.

(Казан, 19 май, «Татар-информ»). «Лаеш урманчылыгы» ДКУ, «Лаеш урман хуҗалыгы» ДБУ хезмәткәрләре һәм Егорьево авыл җирлеге вәкилләре Лаеш муниципаль районының Бима авылы янындагы урман фонды территориясендә рөхсәтсез чүп-чар ташлау урынын бетергән. Бу турыда Татарстан Урман хуҗалыгы министрлыгы матбугат хезмәте хәбәр итә.

(Казан, 19 май, «Татар-информ»). Иерусалимда Әл-Әкъсә мәчете Рамазан ае тәмамланганнан соң ачылачак. Бу хакта Интерфакс хәбәр итә.

(Казан, 19 май, «Татар-информ»). Июнь аенда Идел буенда синоптиклар явым-төшем аз булыр дип фаразлый. Бу хакта РБК Россия Гидрометеорология үзәге лабораториясе мөдире Людмила Паршинга сылтама белән хәбәр итә.

(Казан, 19 май, «Татар-информ»). Бүгенге көннән башлап Татарстан табиблары кабат планлы амбулатор-сырхауханә медицина ярдәме күрсәтә һәм халыкка планлы профилактик медицина тикшерүләрен үткәрә башлады. Бу хакта Роспотребнадзорның ТР буенча идарәсе матбугат хезмәте хәбәр итә.

(Казан, 19 май, «Татар-информ», Динара Прокопьева). Тәрбиягә бала алган пенсионер ата – аналар июль башыннан индексацияләнгән иминият пенсиясен алачак. Бу хакта Россия Пенсия фондының Татарстан Республикасы бүлеге матбугат хезмәте хәбәр итә.

(Казан, 19 май, «Татар-информ»). Татарстанда әни кеше 8 яшьлек улын буып үтергән һәм үз-үзенә кул салган. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 19 май, «Татар-информ»). Иртәгә, 20 май көнне, 11.00 сәгатьтә «Татар-информ» мәгълүмат агентлыгында VI «Нәүрүз» Халыкара театр-белем бирү фестиваль-форумына багышланган матбугат конференциясе була.

(Казан, 19 май, «Татар-информ»). Татарстанның Санкт-Петербургтагы һәм Ленинград өлкәсендәге Даими вәкиллеге хезмәткәрләре бүген татар халкының фикер иясе, дин һәм җәмәгать эшлеклесе Гатаулла Баязитов бюстына чәчәкләр салды. Бу турыда Инстаграмда үз битендә вәкиллек җитәкчесе Ринат Вәлиуллин язган.

(Казан, 19 май, «Татар-информ»). Казан федераль университетының IT-лицее директоры итеп Илдар Мөхәммәтов билгеләнде. Бу хакта ТР Мәгариф һәм фән министрлыгының матбугат хезмәте хәбәр итә.

(Казан, 19 май, «Татар-информ», Динара Прокопьева). Татарстан театрлары июль урталарында ачылырга мөмкин. ТР Театр әһелләре берлеге рәисе, Камал театрының баш режиссеры Фәрит Бикчәнтәев якынча шул вакытны атады.

(Казан, 19 май, «Татар-информ»). Бүген Татарстан Республикасы Президенты Рөстәм Миңнеханов «Татарстан 24» һәм «Эфир» телекомпанияләрендә булды һәм аларның эше белән танышты. Бу хакта республика җитәкчесенең матбугат хезмәте хәбәр итә.

(Казан, 19 май, «Татар-информ», Динара Прокопьева). Россия Президенты Владимир Путин коронавирус белән хәл уникаль булган кебек, илдә халыкка ярдәм итү өчен эшләнгән чараларның да үзенчәлекле булуын әйтте. Бу хакта ул төбәк башлыклары һәм РФ Хөкүмәте белән видеоэлемтә буенча киңәшмәдә сөйләде.

(Казан, 19 май, «Татар-информ»). Татарстан Республикасы Президенты Рөстәм Миңнеханов республика шәһәрләрендә һәм районнарында ТР бизнес-омбудсмены иҗтимагый вәкилләре белән онлайн-очрашу уздырды. Очрашу барышында ул һәр эшкуар икътисад өчен мөһим булуын әйтте. Бу хакта ТР Президенты матбугат хезмәте хәбәр итә.

(Казан, 19 май, «Татар-информ»). Татарстанда, шул исәптән Казанда да, төнлә һәм көндез, 20 майда, көчле яңгыр һәм төньяк-көнбатыштан көчле җил көтелә. Бу хакта ТР Гидрометеорология үзәге кисәтә.

(Казан, 19 май, «Татар-информ»). Татарстанның массакүләм мәгълүмат чаралары - республикада барган вакыйгаларны дөрес һәм объектив чагылдыра торган профессиональ структура. Бүген бу хакта Татарстан Республикасы Президенты Рөстәм Миңнеханов журналистларны һөнәри бәйрәмнәре белән котлаганда әйтте.

(Казан, 19 май, «Татар-информ», Ксения Перепеченова). Татарстан Республикасы Россия Президенты бирәчәк вәкаләтләрне тулысынча кабул итәргә әзер. Бүген бу хакта Татарстан Республикасы Президенты Рөстәм Миңнеханов «Татарстан 24» телеканалына биргән интервьюсында сөйләде.

(Казан, 19 май, «Татар-информ», Рузилә Мөхәммәтова). Татарстанның өч дәүләт театры «Артмиграция» яшь режиссура фестивалендә катнаша. Аның программасы фестивальнең рәсми сайтына урнаштырылган.

(Казан, 19 май, «Татар-информ», Александра Давыдова). Татарстанда ТАССРның 100 еллык юбилеена планлаштырылган төп чаралар августта узачак. Бу хакта «Татарстан 24» телеканалы эфирында ТР Президенты Рөстәм Миңнеханов сөйләде.

(Казан, 19 май, «Татар-информ», Марат Ишкилдин). Татарстанда барлык медицина хезмәткәрләре эш урынында Covid-19 инфекцияле коронавирус белән эшләүчеләр дәрәҗәсендә үзләрен саклау өчен кирәкле чараларны күрергә тиеш. Бүген бу хакта Татарстан Республикасы Президенты Рөстәм Миңнеханов «Татарстан 24» телеканалы эфирында әйтте.

(Казан, 19 май, «Татар-информ», Гөлүзә Ибраһимова). Татарстан китап нәшриятында язучы Ольга Иванованың «Повелительницы Казани» трилогиясенең өченче өлеше — «Сөембикә» китабы нәшер ителгән. Бу хакта «Татар-информ» хәбәрчесенә Татарстан китап нәшрияты баш мөхәррир урынбасары Венера Шәмсетдинова әйтте.

(Казан, 19 май, «Татар-информ», Егор Никитин). Covid-19 коронавирусы пандемиясе нәтиҗәләрен җиңү өчен бизнеска дәүләт тарафыннан өстәмә ярдәм кирәк. Төп максат - компанияләр продукциясенә ихтыяҗны торгызу, моның өчен Кытай тәҗрибәсен кулланырга кирәк. Бүген бу хакта Татарстан Республикасы Президенты Рөстәм Миңнеханов «Татарстан 24» телеканалында туры эфирда хәбәр итте.

(Казан, 19 май, «Татар-информ», Динара Прокопьева). Татарстан Президенты Рөстәм Миңнеханов республикада медицина хезмәткәрләренең Covid-19 йоктырган пациентлар белән эшләгән өчен түләүләргә бәйле проблемалары юк, диде. Бу хакта ул «Татарстан 24»телеканалында туры эфирда хәбәр итте.

(Казан. 19 май, «Татар-информ»). «Яңа Гасыр» телеканалы 27 май 6:00дән 00:00 сәгатькә кадәр барачак махсус телемарафон әзерләде. Бу хакта каналның сайтында хәбәр ителә.

(Казан, 19 май, «Татар-информ»). Татарстан Президенты Рөстәм Миңнеханов «Реставрация үзәге - архитектура, җитештерү, укыту» ҖЧҖ җитәкчесе Александр Попов белән онлайн – очрашу үткәрде. Ул аның белән Олы Елга авылында мәчет һәм Архангельск Кляр чиркәвен торгызу турында фикер алышты. Бу хакта республика җитәкчесенең матбугат хезмәте хәбәр итә.