Новости за 11.05.2020

(Апас, 11 май, «Татар-информ», «Апастово-информ», Гүзәл Хилавиева). Язгы кыр эшләренең барышы белән якыннан танышу максатыннан районга республиканың авыл хуҗалыгы һәм азык-төлек министры Марат Җәббаров килде. Аны район башлыгы Равил Хисаметдинов каршы алды һәм озатып йөрде.

(Казан, 11 май, «Татар-информ»). Түбән Кама шәһәрендәге Җиңү мәйданында реконструкциядән соң уникаль объект барлыкка килде. Ябык павильонда электрон Хәтер китабы урнаштырылды, ул эзләү системасына тоташкан. Бу турыда Түбән Кама муниципаль районы рәсми сайтында хәбәр ителә.

(Казан, 11 май, «Татар-информ»). Югары Ослан районы балалар китапханәсе «Балаларга сугыш турында укыйбыз» халыкара акциясенә кушылды. Акцияне Самара өлкәсе балалар китапханәсе игълан иткән. Анда катнашучы китапханәчеләр ZOOM видеоконференция мәйданчыгында «очраша». Бу хакта «Волжская новь» газетасы хәбәр итә.

(Әлки, 11 май, «Татар-информ», «Әлки хәбәрләре»). Әлки районда бүген коронавирус йоктыруның беренче очрагы турында билгеле булды. Бу турыда район басмасы хәбәр итә.

(Казан, 11 май, «Татар-информ», Әдилә Зыятдинова). Covid-19 коронавирусы белән элемтәгә кергән барлык медицина хезмәткәрләре вәгъдә ителгән апрель түләүләрен 15 майга кадәр алырга тиеш. Бу хакта коронавирус ситуациясе буенча ил гражданнарына мөрәҗәгать иткәндә Россия Президенты Владимир Путин белдерде.

(Казан, 11 май, «Татар-информ», Ксения Перепеченова). 1 июньнән Россиядә зыян күргән тармак предприятиеләрендә һәм кайбер коммерцияле булмаган оешмаларда мәшгульлеккә ярдәм итү буенча махсус кредит программасын эшләтеп җибәрү планлаштырыла. Мондый чара 7 млн эш урынын тотуда ярдәм итәр дип көтелә. Бу хакта Россия Президенты Владимир Путин коронавирус вазгыяте буенча ил гражданнарына мөрәҗәгатендә әйтте.

(Казан, 11 май, «Татар-информ», Марат Ишкилдин). Россиядә кече бизнеска ярдәм итү белән шөгыльләнүче шәхси эшмәкәрләргә һәм оешмаларга ярдәм күрсәтеләчәк. Бу хакта Россия Президенты Владимир Путин коронавирус вәзгыяте буенча ил гражданнарына мөрәҗәгатендә белдерде.

(Казан, 11 май, «Татар-информ», Вероника Ваганова). Үзмәшгуль гражданнарга 2019 елда керем өчен түләнгән салымны кире кайтарачаклар. Бу хакта Россия гражданнарына коронавирус ситуациясе буенча мөрәҗәгать иткәндә РФ Президенты Владимир Путин белдерде.

(Казан, 11 май, «Татар-информ», Динара Прокопьева). Россиядә өч яшьтән алып 16 яшькә кадәрге балалары булган гаиләләр акчалата ярдәм алачак. Һәр балага 10 мең сум күләмендә бер тапкыр акча биреләчәк. Бу хакта РФ Президенты Владимир Путин ил халкына мөрәҗәгатендә белдерде.

(Казан, 11 май, «Татар-информ»). Россия Президенты Владимир Путин дүшәмбе көнне өлкән яшьтәге кешеләрдән үз-үзеңне изоляцияләү режимын һәм башка чикләү чараларын саклауны сорады, ул аны исән калу чарасы дип аңлатты. Бу хакта ТАСС хәбәр итә.

(Казан, 11 май, «Татар-информ», Екатерина Ларионова). Covid-19 коронавирусыннан зыян күргән тармакта эшли торган предприятиеләр икенче квартал өчен салым һәм иминият взносларын түләүдән тулысынча азат ителәчәк. Бу хакта Россия Федерациясе Президенты Владимир Путин коронавирус вәзгыяте буенча ил гражданнарына мөрәҗәгать иткәндә белдерде.

(Казан, 11 май, «Татар-информ», Марат Ишкилдин). Санитар-эпидемиологик нормаларны барлык хезмәткәрләр тарафыннан үтәү шарты белән, Россиядә 12 майдан икътисадның төп тармакларындагы предприятиеләр эшчәнлеген кабат башлый. Бу хакта Россия Федерациясе Президенты Владимир Путин коронавирус белән бәйле вазгыять буенча мөрәҗәгатендә белдерде.

(Казан, 11 май, «Татар-информ», Вероника Ваганова). Социаль учреждение хезмәткәрләре, табиблар, кече медицина һәм техник персонал өч ай өчен махсус федераль өстәмә түләүләр алачак. Бу хакта Россия Федерациясе Президенты Владимир Путин гражданнарга коронавирус вазгыяте белән бәйле мөрәҗәгатендә хәбәр итте.

(Казан, 11 май, «Татар-информ», Динара Прокопьева). Россиядә үпкәләрне ясалма җилләтү (ИВЛ) аппаратлары резервы булдырылган, бәхеткә, аңа тулы күләмдә ихтыяҗ юк. Бу хакта РФ Президенты Владимир Путин ил гражданнарына мөрәҗәгать иткәндә белдерде.

(Казан, 11 май, «Татар-информ», Екатерина Ларионова). 12 майдан Россиядә Covid-19 коронавирус инфекциясе таралу сәбәпле кертелгән эшләми торган көннәр чоры тәмамлана. Бу хакта Россия Федерациясе Президенты Владимир Путин гражданнарга коронавирус вазгыяте белән бәйле мөрәҗәгатендә белдерде.

(Казан, 11 май, «Татар-информ»). Иртәгә,  12 майда, төнлә һәм иртән Татарстан территориясендә, шул исәптән Казанда да, урыны белән томан көтелә. Бу хакта Татарстан Гидрометеорология үзәге кисәтә.

(Казан, 11 май, «Татар-информ», Марат Ишкилдин). Казанда шәһәрнең 70 төп урамында 8 меңнән артык агач утырту май уртасына төгәлләнәчәк. Хәзер бу эшләр 85 процентка башкарылган инде. Бу хакта Татарстан башкаласы мэриясенең матбугат хезмәте хәбәр итте.

(Казан, 11 май, «Татар-информ»). «Нәүрүз» Халыкара театраль-белем бирү фестиваль-форумы быел онлайн-форматта үтәчәк. Бу хакта Камал театрының матбугат үзәге хәбәр итә.

(Казан, 11 май, «Татар-информ»). Алдагы ике көндә, 12-13 майда, Татарстанның күпчелек территориясендә урманнарда янгын чыгу куркынычы зур була. Шул сәбәпле республикада шторм кисәтүе игълан ителде. Бу хакта Татарстан Гидрометеорология үзәге кисәтә.

(Казан, 11 май, «Татар-информ»). Казанның «Ак Барс» хоккей клубының баш тренеры Дмитрий Квартальнов трансфер базарындагы эшкә һәм форвард Эмиль Галимовның Петербургның СКА командасына китүенә аңлатма бирде.

(Казан, 11 май, «Татар-информ»). Татарстан башкаласында чыгарылыш кичәләре һәм Соңгы кыңгырау бәйрәме форматы эпидемиологик вазгыятькә карап билгеләнәчәк. Бу хакта Казан мэриясендә узган эшлекле дүшәмбе вакытында Казанның мәгариф идарәсе башлыгы Ирек Ризванов хәбәр итте.

(Казан, 11 май, «Татар-информ», Марат Ишкилдин). Бүгенге көндә Татарстанда гаиләләрдә рәхимсезлек белән бәйле җинаятьләрнең артуы теркәлмәгән. Бу хакта бүген ТР Министрлар Кабинетында узган брифингта ТР буенча эчке эшләр министры урынбасары — полиция башлыгы Алексей Соколов хәбәр итте.

(Казан, 11 май, «Татар-информ», Әдилә Зиатдинова). Казанда барлыгы 16 меңнән артык шәһәр кешесе эшсез утыра, соңгы айда аларның саны дүрт тапкырга арткан. Бу хакта коронавирус инфекциясе таралуга каршы тору буенча шәһәр штабы утырышында Казан мэры Илсур Метшин һәм Кадрлар сәясәте идарәсе башлыгы Гөлнара Мусина хәбәр итте.

(Казан, 11 май, «Татар-информ», Вероника Ваганова). Татарстанга килгән 7 меңгә якын кеше мәҗбүри рәвештә үз-үзеңне изоляцияләү режимында яшәячәк. Бу хакта Министрлар Кабинетында узган онлайн-брифингта Роспотребнадзорның ТР буенча идарәсе җитәкчесе Марина Патяшина хәбәр итте.

(Казан, 11 май, «Татар-информ»). Коронавирус Татарстан халкы арасында яшиячәк, шуңа күрә безгә аннан сакланырга өйрәнергә кирәк. Бу хакта ТР Министрлар Кабинетында узган брифингта Роспотребнадзорның ТР буенча идарәсе җитәкчесе Марина Патяшина хәбәр итте.