Новости за 24.05.2020

(Ютазы, 24 май, «Татар-информ», «Ютазы таңы», Илмира Галиева). Татарстан Президенты инициативасы белән кабул ителгән «Безнең ишегалды» программасын тормышка ашыра башладылар. Бу турыда район басмасы хәбәр итә.

(Кайбыч, 24 май, «Татар-информ», «Кайбыч таңнары», Мингазиз Сөнгатуллин). Кайбыч механизаторлары печән чабарга әзерләнә.

(Әлмәт, 24 май, «Татар-информ», «Әлмәт таңнары»). Әле күптән түгел генә «Авыл көче» проектында катнашучылар үз проектларын онлайн питч-сессия кысаларында яклады, бүген инде проект кысаларында узган «Авылда социаль проектлаштыру» грант бәйгесенең нәтиҗәләре билгеле булды.

(Казан, 24 май, «Татар-информ»). Россия Хөкүмәте Татарстанга 13,6 млрд сум акча бүлеп бирде. Ярдәм коронавируслы пандемия чикләүләре шартларында бюджет керемнәренең кимүен компенсацияләргә тиеш. РФ Премьер-министры Михаил Мишустин имзалаган боерык Министрлар Кабинеты сайтында бастырылган.

(Казан, 24 май, «Татар-информ»). Казанда биек йортлар арасындагы ишегалдында автомобиль янган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 24 май, «Татар-информ»). Россия югары уку йортларына 30 меңнән артык өстәмә бюджет урыны бүлеп бирү ниятләнә. Бу хакта ТАСС хәбәр итә.

(Казан, 24 май, «Татар-информ»). Татарстанда исерек шофер внедорожникта бинага барып бәрелгән һәм юл кырыена төшеп киткән. Бу хакта «Татар-информ» агентлыгына шаһитлар хәбәр итте.

(Казан, 24 май, «Татар-информ»).Яшел Үзән районында тимер юл буенда пошилар йөрүен видеога төшергәннәр. Видео социаль челтәрдә барлыкка килде.

(Казан, 24 май, «Татар-информ»). Бүген «Уфа» халыкара аэропортына «Урал авиалинияләре» авиакомпаниясенең U6-3618 рейсы кайтты. Бу хакта аэропорт сайтында хәбәр ителә.

(Казан, 24 май, «Татар-информ», Наталия Никифорова). Чаллыда үз-үзен белештермәгән хатын-кыз, пычак белән селтәнеп торган һәм тәрәзәдән сикерү белән янаган. Бу хакта «Татар-информ»га Чаллыдан үз хәбәрчесе хәбәр итте.

(Казан, 24 май, «Татар-информ»). Россиядә яңа коронавирус инфекциясе белән зарарлану очраклары тәүлек эчендә 8 599 булып, 344 481очракка җиткән. Бу хакта ТАСС якшәмбе көнне журналистларга коронавирус таралуга каршы оператив штабтагы хәбәргә сылтама белән җиткерә.

(Казан, 24 май, «Татар-информ»). Төбәк климаты үзгәрү сәбәпле, җәйге чорда һава торышының кискен үзгәрүе булырга мөмкин. Бу хакта Россия гидрометеорология оешмасының ситуацион үзәге җитәкчесе Юрий Варакинга сылтама белән РИА Новости хәбәр итә.

(Казан, 24 май, «Татар-информ»). «Арепливир» сәүдә атамасы белән Covid-19 авыруыннан илебездә эшләнгән «Фавипиравир» препаратын клиник тикшеренүне 4-8 атнадан тәмамларга планлаштыралар. Бу хакта РФ Сәламәтлек саклау министрлыгының баш урологы, академик Дмитрий Пушкарьга сылтама белән РИА Новости хәбәр итә.

(Казан, 24 май, «Татар-информ»). Премьер-министр Михаил Мишустин 56 регионга ярдәм итү өчен 100 миллиард сум акча бүлеп бирү турындагы боерыкка кул куйды. Әлеге акча коронавирус пандемиясе белән бәйле рәвештә 1 майга салым һәм салым булмаган керемнәре узган ике ел эчендәге керемнәреннән кимрәк булган төбәкләргә каралган. Хөкүмәт матбугат хезмәтендә шул турыда әйттеләр. Бу хакта РИА Новости хәбәр итә.

(Казан, 24 май, «Татар-информ»). Бүген, Ураза гаете бәйрәме көнендә, Татарстан Республикасы Президенты Рөстәм Миңнеханов   Хөкүмәте Йортында Татарстан мөфтие, республика мөселманнары Диния нәзарәте рәисе Камил хәзрәт Сәмигуллин белән очрашты. Бу хакта ТР Президенты матбугат хезмәте хәбәр итә.

(Казан, 24 май, «Татар-информ»). Премьер-министр Михаил Мишустин Россия мөселманнарының Диния нәзарәте җитәкчеләренә Ураза гаете бәйрәме уңаеннан котлау юллады. Бу хакта «Российская газета» хәбәр итә.

(Казан, 24 май, «Татар-информ»). Татарстанда тәүлек эчендә Covid-19 коронавирус инфекциясенең 90 яңа очрагы теркәлгән, аларның алтысы читтән кертелгән, 84е элемтә юлы белән йоктырылган. Бу хакта ТР Президенты матбугат хезмәте җитәкчесе Лилия Галимова хәбәр итте.

(Казан, 24 май, «Татар-информ»). Мәскәү һәм Мәскәү өлкәсе - Россиядә Covid-19 авыруының югары ноктасын узган бердәнбер төбәкләр, калган төбәкләрдә ул якындагы бер-ике атна дәвамында булачак. Бу хакта икътисад фәннәре кандидаты, Икътисади тикшеренүләр үзәге эксперты Агаси Тавадянга сылтама белән РИА Новости хәбәр итә.

(Казан, 24 май, «Татар-информ»). Россия Мәгариф министрлыгы 25 майда коронавирус пандемиясе шартларында ил мәктәпләрен тәмамлаучыларга ярдәм йөзеннән «Соңгы кыңгырау 2020» бөтенроссия акциясен уздыра. Чара онлайн-режимда узачак. Бу хакта ведомствоның матбугат хезмәте хәбәр итә.

(Казан, 24 май, «Татар-информ»). Бүген, 24 майда, Татарстанда әкренләп температура фонының артуы башланачак. Бу хакта ТР Гидрометеорология үзәге хәбәр итә.

(Казан, 24 май, «Татар-информ»). Татарстанда, әгәр үзләрендә яңа Covid-19 тибындагы коронавирус булмавын исбатлый алсалар, республикага килүчеләргә үз-үзләрен изоляцияләүгә китмәскә рөхсәт иттеләр. 

(Казан, 24 май, «Татар-информ»). Түбән Камада эшмәкәрләр дә «Ярдәм янәшә» акциясенә кушылды. Шәһәр Советы депутаты Рафис Мостафин шефлыкка алынган микрорайоннарда яшәүче аз керемле кешеләр өчен 120 азык-төлек җыелмасы бирде. Бу турыда Түбән Кама муниципаль районы рәсми сайтында хәбәр ителә.

(Казан, 24 май, «Татар-информ»). Татарстан Президенты, Ураза гаете белән котлап, Инстаграм аккаунтында ролик урнаштырды.

(Казан, 24 май, «Татар-информ», Рәмис Латыйпов). Үзәк диния нәзарәте рәисе, мөфти Тәлгат Таҗетдин быелгы уразаны дәрес итеп кабул итәргә өндәде.

(Казан, 24 май, «Татар-информ»). Россия Президенты Владимир Путин мөселманнарны Ураза бәйрәме белән котлады.