Новости за 10.05.2020

(Чүпрәле, 10 май, «Татар-информ», «Туган як»). Бүген Чүпрәледә хезмәттә югары күрсәткечләргә ирешкән игенче — механизаторларга рәхмәт сүзләре әйтеп Грамота һәм акчалата бүләк тапшырдылар. Бу турыда район басмасы хәбәр итә.

(Казан, 10 май, «Татар-информ», Алексей Угаров). Татарстанда май бәйрәмнәреннән соң республика буенча хәрәкәт итү өчен махсус пропуск алырга кирәк булмый. Бу турыда «Татар-информ» агентлыгына Татарстан Юстиция министрлыгының норматив-хокукый актларны теркәү һәм эшчәнлекне хокукый тәэмин итүче бүлеге җитәкчесе Эльмира Слепнева хәбәр итте.

(Чирмешән, 10 май, «Татар-информ», «Безнең Чирмешән», Кадыйр Гомәров). Чирмешәннең Югары Кәминкә авыл җирлегендә эре малларны көтү проблемасы юк. Сыерларны электркөтүче көтә. Бу турыда район басмасы хәбәр итә.

(Азнакай, 10 май, «Татар-информ», «Маяк»). Азнакай Мәдәни үзәге «Татарстанның халык биюләре» дигән мастер-класс үткәрде. Балалар Идел буе халыкларының биюләре белән танышты, башкорт, мари һәм керәшен милләтләренең бию хәрәкәтен өйрәнде. Бу турыда район басмасы хәбәр итә.

(Казан, 10 май, «Татар-информ»). Түбән Кама балалар бакчалары җитәкчеләре сугыш ветераны Яков Николаев каберен карап торуны үз өстенә алды. Бу турыда Түбән Кама муниципаль районы рәсми сайтында хәбәр ителә.

(Казан, 10 май, «Татар-информ»). 2020 ел ахырына кадәр Россиядә яшәүчеләрне 12 июнь – Россия көнен бәйрәм итүгә бәйле рәвештә тагын бер озын ял көтә. Бу хакта РИА Новости агентлыгы хәбәр итә.

(Казан, 10 май, «Татар-информ»). Татарстан Республикасы коронавирус белән авыручыларга ярдәм итүче табибларга өстәмә рәвештә түләү өчен 50 468 300 сум акча алачак. РФ Премьер-министры вазифаларын башкаручы Андрей Белоусов шул хактагы боерыкны имзалаган. Документ РФ Министрлар Кабинеты сайтында дөнья күргән.

(Казан, 10 май, «Татар-информ»). Иртәгә, 11 майда, Татарстанда көндез урыны белән яшенле яңгыр, көньяктан искән җилнең тизлеге секундына 15-20 метрга кадәр көчәюе көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

(Казан, 10 май, «Татар-информ»). Түбән Камада Бөек Җиңүнең 75 еллыгы уңаеннан Җиңү мәйданы капиталь төзекләндерелде. Мәйданда Түбән Кама районы геройларына - Дан орденының биш тулы кавалеры һәм биш Советлар Союзы героена - ун бюст урнаштырылды. Бу хакта Түбән Кама районының матбугат хезмәте хәбәр итә.

(Казан, 10 май, «Татар-информ»). Зур булмаган өс һәм аяк киеме кибетләре Россиядә коронавирус инфекциясе таралу аркасында кертелгән чикләүләрне гамәлдән чыгуның беренче этабында ук ачылачак. Роспотребнадзорның эпидемиология Үзәк фәнни-тикшеренү институтының клиник тикшеренүләр бүлеге җитәкчесе Татьяна Руженцова стопкоронавирус.рф порталына шулай дип белдерде. Бу хакта ТАСС агентлыгы хәбәр итә.

(Казан, 10 май, «Татар-информ»). Россиядә яңа уку елы 1 сентябрьдә көндезге форматта башланырга тиеш. Якын киләчәктә көндезге урта белем форматыннан баш тарту күздә тотылмый, дип белдерде мәгариф министры урынбасары Дмитрий Глушко «Комсомольская правда» радиостанциясенә биргән интервьюсында. Бу хакта ТАСС агентлыгы хәбәр итә.

(Казан, 10 май, «Татар-информ»). Башкортстан прокуратурасы теплица комплексында чыккан янгында һәлак булган алты яшелчәче законлы эшләгәнме-түгелме икәнлеген тикшерә. Бу хакта РИА Новости агентлыгы хәбәр итә.

(Казан, 10 май, «Татар-информ», Энҗе Габдуллина). Төмәндә 1500 кеше сыешлы, уку-укыту бүлмәләре булган Җәмигъ мәчете төзеләчәк. Бу хакта «Татар-информ» хәбәрчесенә Төмән өлкәсе Диния нәзарәте рәисе Зиннәт хәзрәт Садыйков хәбәр итте.

(Казан, 10 май, «Татар-информ», Наталия Никифорова). Казан янында ике җиңел автомобиль бәрелешкән, машина йөртүчеләрнең берсе үлгән. Бу хакта «Татар-информ» агентлыгына әлеге аварияне күргән кешеләр хәбәр итте.

(Казан, 10 май, «Татар-информ»). Россия Мәгариф министрлыгы һәм Роспотребнадзор коронавирус инфекциясе таралу шартларында Бердәм дәүләт имтиханын үткәрүгә карата таләпләр әзерләде. Ведомство башлыгы урынбасары Дмитрий Глушко «Комсомольская правда» радиосы эфирында шулай дип белдерде. Бу хакта РИА Новости агентлыгы хәбәр итә.

(Казан, 10 май, «Татар-информ»). Белоруссиянең «Белавиа» авиакомпаниясе Минск – Казан рейсларын быелның 24 октябренә кадәр кичектерде. Бу хакта авиакомпаниянең Instagram социаль челтәрендә хәбәр ителә.

(Казан, 10 май, «Татар-информ»). РФ Мәгариф министрлыгы укытучыларны кыскартырга һәм барысын да дистанцион белем бирүгә күчерергә җыенмый, дип белдерде министр урынбасары Дмитрий Глушко. Бу хакта РИА Новости агентлыгы хәбәр итә.

(Казан, 10 май, «Татар-информ»). Дөньяда яңа төрдәге коронавирус инфекциясе йоктыручылар саны 4 миллионнан артып киткән. Бу хакта ТАСС агентлыгы хәбәр итә.

(Казан, 10 май, «Татар-информ»). Соңгы тәүлектә Россиянең 83 төбәгендә COVID-19 коронавирус инфекциясе йоктыруның 11 012 яңа очрагы ачыкланган. Бу хакта РИА Новости агентлыгы коронавирус инфекциясе таралуга каршы көрәш буенча оператив штабка сылтама белән хәбәр итә.

(Казан, 10 май, «Татар-информ»). Татарстанда узган тәүлектә коронавирус инфекциясе йоктыруның 85 яңа очрагы теркәлгән. Бу хакта коронавирус буенча оператив штаб хәбәр итә.

(Казан, 10 май, «Татар-информ»). Табиб-терапевт Лариса Алексеева «Вечерняя Москва» газетасына биргән интервьюсында мәскәүлеләрне коронавирус инфекциясе таралган шартларда эссе көнне өйдән чыгу куркыныч булуы турында кисәтте. Бу хакта «Известия» газетасы яза.

(Казан, 10 май, «Татар-информ»). Кытайның Ухань шәһәрендә (яңа төрдәге коронавирус дөньяга нәкъ менә шуннан таралды) озак вакыт үткәч беренче тапкыр Covid-19 коронавирус инфекциясенең яңа расланган очрагы ачыкланды. Бу хакта РИА Новости агентлыгы Хубэй провинциясенең сәламәтлек саклау мәсьәләләре комитетына сылтама белән хәбәр итә.

(Казан, 10 май, «Татар-информ»). Россиядә коронавирус инфекциясен ачыклау өчен 5,4 миллионнан артык тест үткәрелгән, 243 мең кеше – медицина күзәтүендә. Бу хакта РИА Новости агентлыгы Роспотребнадзорның матбугат хезмәтенә сылтама белән хәбәр итә.

(Казан, 10 май, «Татар-информ»). 9 Майда, Бөек Җиңүнең 75 еллыгы уңаеннан, Мәскәүдә Советлар Союзы Герое Муса Җәлил һәйкәленә чәчәк куйдылар. Бу хакта Татарстан Республикасының Россия Федерациясендәге Вәкаләтле вәкиллеге матбугат хезмәте хәбәр итә.

(Казан, 10 май, «Татар-информ»). Гамалея исемендәге институтның латент инфекцияләр микробиология бүлеге җитәкчесе Виктор Зуев Россиядә коронавирус эпидемиясе белән авыручыларның кайчан кими башлаячагын әйтте. Бу хакта РИА Новости агентлыгы хәбәр итә.