Новости за 02.08.2020

(Казан, 2 август, «Татар-информ»). Алабугада чәчәк үсентеләре утырту төгәлләнде. Чәчәкләр шәһәрнең төрле өлешләрендә — Алабугага керү юлындагы боҗраларда, Тынычлык проспекты һәм Яшьләр урамы буенча, Нефтьчеләр проспектында һәм Төзүчеләр урамында, шулай ук Казанның үзәк урамында урнашкан. Бу хакта «Новая Кама» газетасы яза. Шәһәр кешеләрен һәм кунакларын бәрхет, виола, сальвия, петуния, пеларгония, герань, бегония һәм башкалар шатландыра. Шәһәрне чәчәкләр белән «Төзекләндерү һәм яшелләндерү» МУП хезмәткәрләре бизи. Читать дальше...

(Казан, 2 август, «Татар-информ»). Мамадышта балалар аттракционнары күп еллар Вятка елгасы яр буенда эшлиләр. Хәзер батутлар Юлчылар бистәсендә дә барлыкка килгән. Алар Җиңү паркында урнашкан. Бу хакта «Нократ» газетасы яза. «Шәһәр хуҗалыгы» МУП директоры Зөлфәт Хөснетдинов сүзләренчә, батутлар шул ук расписание буенча, ә яр буенда да дүшәмбедән кала сәгать сигезгә кадәр эшли. Контролер сүзләренчә, балалар рәхәтләнеп аттракционнарга килә. Көненә аларга 16 бала йөри.

(Казан, 2 август, «Татар-информ»). Баулы районында «Балкыш» мәчете ачылды. Кызылъяр авыл җирлегенең Яңа Баулы авылында яңа мәчет районда ундүртенче булды. Бу хакта «Слава труду» газетасы яза. Мәчетне Баулы районының 90 еллыгына һәм ТАССРның 100 еллыгын бәйрәм итүгә багышланды. Мәчет ачылышында Баулы районы башлыгы Рамил Гатиятуллин, Татарстан мөселманнары Диния нәзарәте рәисе мөфти Камил хәзрәт Сәмигуллин, Болгар ислам академиясе профессоры шәех Аль Асри, Баулы районы имам-мөхтәсибе Әнвәр хәзрәт Хәмитов... Читать дальше...

(Казан, 2 август, «Татар-информ», Полина Шевчук). Чаллы янында урманга гөмбәгә киткән ир-атны тапканнар. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Татарстанда яшәүче бабайны бүген 14:40 сәгатьтә волонтерлар тапкан. Ир-атны бакчасына кадәр алып кайтканнар һәм ашыгыч ярдәм табибларына тапшырганнар. «Татар-информ» агентлыгы хәбәр иткәнчә, кичә 69 яшьлек ир-ат «Бриз-1» коммерцияле булмаган бакчачылык ширкәтендәге бакчадан урманга гөмбәгә киткән һәм юкка чыккан.

(Казан, 2 август, «Татар-информ»). Табиб һәм телетапшырулар алып баручысы Александр Мясников «Россия 1» телеканалы эфирында йорт хайваннары аллергиядән «дару» булырга мөмкин, дип сөйләде. Бу турыда РИА Новости хәбәр итә. Эт, мәче һәм башка хайваннар белән аралашкан балалар аларның йон һәм эпителей исен сулый. Шул рәвешле алар «аллергиядән прививка» ала. Аларда бронхиаль астма, шулай ук аллергия реакцияләре сирәгрәк була. Мясников сүзләренчә, күп кенә илләрдә балаларны сыер, кәҗә яки ат фермаларына махсус алып баралар. Читать дальше...

(Казан, 2 август, «Татар-информ»). Covid-19 инфекциясеннән дәвалангач, B төркеме витаминын һәм Д витаминын кабул итәргә кирәк. Бу турыда медицина фәннәре кандидаты, кардиолог Татьяна Рыбка сүзләренә сылтама белән «Российская газета» яза. Ул искәртеп узганча, авыруның беренче билгеләре барлыкка килгәндә, үзеңне дәвалау белән шөгыльләнергә кирәк түгел, ә табибка мөрәҗәгать итәргә кирәк. «Хәзер дәвалау схемалары эшләнгән, күп очракта өйдә үзизоляцияләү режимын саклап дәвалану да җитә. Без, медиклар... Читать дальше...

(Казан, 2 август, «Татар-информ»). Быелның беренче җиде аенда «Магнит» һәм «Пятерочка» кибетләрендә банан, бәрәңге һәм шикәр комы иң популяр товарлар булды. Бу хакта «ЧекСкан Research» аналитик бүлекчәсенә сылтама белән РБК хәбәр итә. Аналитиклар бу кибетләрдә сатып алучыларның 2,5 миллион чекы мәгълүматларын тикшергәннәр һәм бу продуктлардан пакет кына популяррак булуын ачыклаганнар. Белгечләр искәрмә очраклары да булуын билгеләп үтә. Шулай итеп, Төньяк-Көнбатыш федераль округта «Магнит» кибетендә ешрак киселгән батон сатып алганнар... Читать дальше...

(Казан, 2 август, «Татар-информ»). Ял вакытында коронавирус белән авырмас өчен, аралашуны киметергә һәм социаль дистанцияне сакларга, шәхси саклану чараларына аерым игътибар бирергә, ә диңгездә кеше аз була торган пляжларга өстенлек бирергә кирәк. Бу турыда КФУ Фундаменталь медицина һәм биология институтының микробиология кафедрасы доценты Павел Зеленихин сөйләде. Бу хакта югары уку йортының матбугат хезмәте хәбәр итә. «Диңгезгә баручы кеше инфекцияне эләктерү куркынычын арттыру белән килешә. Кеше... Читать дальше...

(Казан, 2 август, «Татар-информ»). Россиядә өч яшьтән җиде яшькә кадәрге балаларга пособие рәсмиләштерүне гадиләштерделәр. Бу турыда хөкүмәт матбугат хезмәтенә сылтама белән РИА Новости хәбәр итә. Тиешле боерыкка премьер-министр Михаил Мишустин имза куйды. 1 ноябрьдән пособие алу җиңелрәк булачак. «Хәзер түләүләрне рәсмиләштерү өчен гражданнарга алиментлар турында белешмәләр булган документларны бирергә туры килмәячәк», — диелә хәбәрдә. Бу мәгълүматны дәүләт органнары ведомствоара электрон хезмәттәшлек системасы аша үзләре алачак. Читать дальше...

(Казан, 2 август, «Татар-информ», Артур Шипилов). Казанда үзизоляцияләү режимыннан соң беренче тапкыр күмәк йөгерү ярышлары узды. «ЗаБег.РФ» Бөтенроссия ярыммарафонында 800гә якын кеше катнашты. Оештыручылар ярыммарафонны имин уздыру өчен барлык кирәкле шартларны тудырды, әмма барысын да контрольдә тотарга мөмкин түгел иде. «Бүген һава торышы катнашучылар өчен генә түгел, ә оештыручылар өчен дә көтелмәгән булды. Шуңа да карамастан, сагынган йөгерүчеләрне бу гына туктата алмый», — дип уртаклашты... Читать дальше...

(Казан, 2 август, «Татар-информ»). Коронавирус инфекциясе таралу сәбәпле кертелгән чикләүләр гамәлдән чыккач башка кешеләр белән аралашканда битлек кимәү төп хаталарның берсе. Аның турыда Сәламәтлек саклау министрлыгы кардиологы Сергей Бойцов « Комсомольская правда» газетасына биргән әңгәмәсендә сөйләгән. Бу турыда РИА Новости хәбәр итә. «Истә тотыгыз: инфекцион процесста булган ике кеше — авыру йоктырган, әмма бу хакта белми торган һәм авыру йоктырмаган кеше дә битлек кисә, менә шулай инфекция таралуын туктатабыз», — дип аңлатты Бойцов. Читать дальше...

(Казан, 2 август, «Татар-информ»). Россия Президенты Владимир Путин Һава десанты гаскәрләренең шәхси составын һәм ветераннарын һөнәри бәйрәмнәре һәм һава десанты гаскәрләре оешуның 90 еллыгы белән котлады. Бу хакта Кремль сайтында хәбәр ителә. «Сез хаклы рәвештә легендар „канатлы пехота“ ның данлы тарихы, аңа нигез салучыларның исемнәре белән горурланасыз һәм өлкән иптәшләрегездән үрнәк аласыз. Махсус операцияләр һәм тынычлык урнаштыру миссияләре үткәргәндә куелган бурычларны намус белән хәл иткән үз элгәрләрегезгә югары әзерлек дәрәҗәсен... Читать дальше...

(Казан, 2 август, «Татар-информ»). Коронанавирустан вакцина илнең барлык гражданнары өчен бушлай булачак. Бу хакта Россия сәламәтлек саклау министры Михаил Мурашко Түбән Новгородка эш сәфәре вакытында хәбәр итте. Бу турыда «Российская газета» яза. «Вакцинация өчен бюджеттан акча бүлеп бирелер дип планлаштырабыз», — дип аңлатты Мурашко. Моның өчен яңа коронавирустан прививка профилактик прививкалар илкүләм календаренә кертелергә тиеш. Берничә ел элек грипптан прививка шулай кертелгән. Башта бушлай риск төркеменә керә торган балаларны... Читать дальше...

(Казан, 2 август, «Татар-информ»). Узган тәүлектә Татарстанда коронавирус йоктыруның 31 яңа очрагы ачыкланды. Covid-19 инфекциясенең бер очрагы читтән кайткан кешедә ачыкланган, калганнары авыру кешеләрдән йоккан. Бу хакта Татарстан Сәламәтлек саклау министрлыгы матбугат хезмәте хәбәр итә. «12 кеше хастаханәгә салынган, 19 кеше өйдә дәвалана», диелгән хәбәрдә. Авыруларның күбесенә 30-50 яшь, бер очракта балигъ булмаган баланың авыру йоктыруы расланган. Коронавирус белән авыручыларның күбесе Казанда яши... Читать дальше...

(Казан, 2 август, «Татар-информ»). Бөтендөнья сәламәтлек саклау оешмасы пандемия белән бәйле рәвештә, халыкара гадәттән тыш хәл режимын өч айга озайтты. Бу хакта Женевада узган киңәшмә нәтиҗәләре буенча гадәттән тыш хәл буенча Бөтендөнья сәламәтлек саклау оешмасы комитеты хәбәр итте. Бу хакта ТАСС яза. Комитетта пандемиянең һаман да халыкара борчу тудыручы иҗтимагый сәламәтлек саклау өчен гадәттән тыш хәл булуы белән килешәләр. Мондый режимны озайту тәкъдимен комитет оешма генераль директоры Тедрос Адана Гебрейесуска тәкъдим итте... Читать дальше...

(Казан, 2 август, «Татар-информ», Полина Шевчук). Чаллы янында ир-ат урманга гөмбәгә киткән һәм югалган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Кичә 18.00 сәгать тирәсендә ашыгыч хезмәтнең 112 номерына 69 яшьлек ир-атның «Бриз-1» коммерцияле булмаган бакчачылык ширкәтендәге бакчадан урманга гөмбәгә киткән һәм юкка чыккан. Татарстанда яшәүче адашкан булырга мөмкин. Урманга полиция хезмәткәрләре һәм Чаллы коткаручылары киткән. Читать дальше...

(Казан, 2 август, «Татар-информ»). Табиб-гепатолог, Сеченов исемендәге Беренче Мәскәү дәүләт медицина университетының инновацион терапиясе фәнни-тикшеренү бүлеге мөдире Чавдар Павлов «Говорит Москва» радиосына кешенең В гепатиты белән авыру симптомнары турында сөйләде. Бу турыда РИА Новости хәбәр итә. Аның сүзләренчә, беренче стадиядә үзенчәлекле симптомнар булмый, алар авыру азгач кына күренә — бу эч үсү яки аяклар шешенү. Әмма В гепатиты вирусын кан анализы буенча гына белергә мөмкин. Шулай... Читать дальше...

(Казан, 2 август, «Татар-информ»). Россия белән авиаэлемтәне ачканнан соң Төркия кунакханәләрендә ял итү бәяләре узган ел дәрәҗәсендә калачак. Бу турыда Төркия отельерлары федерациясе башлыгы Сурури Чорабатырга сылтама белән РИА Новости хәбәр итә. «Хәзерге бәяләр 2019 елда туроператорлар белән төзелгән килешүләрдә язылган һәм алар эшләвен дәвам итә. Кунакханәләрдә коронавирус таралуга каршы чаралар белән бәйле рәвештә чыгымнар артуга карамастан, бәяләр күтәрелмәячәк. Кайбер кунакханәләр клиентларны җәлеп итү өчен хәтта бәяне киметүгә бара»... Читать дальше...

(Казан, 2 август, «Татар-информ»). Кыенлыкларга карамастан, татарның киләчәге бар, чөнки ул белемле һәм алгарышлы милләт. Мондый фикерне Татарстан Республикасы Президенты Рөстәм Миңнеханов мәкаләсенә җавап итеп Казахстан татарлары һәм башкортлары конгрессы рәисе Тәүфикъ Кәримов белдерде. «Әйе, тарихи яктан шулай килеп чыкты, без бүген бөтен дөнья буйлап диярлек сибелгән, һәм безнең тамырлар кемнеңдер Казанда, Әстерханда яки Себердә булса да, без барыбыз да бер гаилә, без — татарлар», — диде Кәримов. Читать дальше...

(Казан, 2 август, «Татар-информ»). Татарстанда М7 «Волга» юлының өч участогында хәрәкәт тизлеген 50 км/сәгатькә кадәр киметтеләр. Бу хакта «Волго-Вятскуправтодор» матбугат хезмәте хәбәр итә. «М7 юлының 735+204 – 753+400 км, 754+300 – 761+500 км (Зөя елгасы аша салынган күпердә) һәм 761+500 – 771+246 км участокларда тизлекне чикләделәр», диелгән хәбәрдә. Моннан тыш, машина йөртүчеләрдән бу юлның башка участокларында хәрәкәт иткәндә игътибарлы булуларын сорыйлар, чөнки юл ремонты сәбәпле, хәрәкәт чикләнергә мөмкин. Читать дальше...

(Казан, 2 август, «Татар-информ»). Минзәләдә «Автоледи-2020» хатын-кызлар арасында машина йөртү осталыгының республика конкурсының район этабы узды. Җиңүче Дарья Меньшагина бәйгедә үзен иҗади яктан күрсәтте. Ул автомобилен Бөек Җиңүнең 75 еллыгы тематикасында бизәде. Автоледи үзе дә хәрби формага һәм пилоткага киенгән. Бу хакта «Минзәлә-информ» хәбәр итә. «Автоледи» конкурсы юл хәрәкәтендә катнашучыларны законны үтәүче итеп тәрбияләүгә, халыкның юл-транспорт культурасын булдыруга, катнашучыларның... Читать дальше...

(Бөгелмә, 2 август, «Татар-информ», « Бөгелмә авазы»). Бөгелмә китапханәсенә уникаль китап тапшырдылар.Әлеге җирлек башкарма комитеты җитәкчесе Ключевка авылының 13нче номерлы китапханәсенә «Татар дөньясы. Татарский мир» басмасын бүләк итте. Бу турыда район басмасы хәбәр итә. «Заман» нәшрияты ике дәүләт телендә ТАССР төзелүнең 100 еллыгына фотоальбом чыгарган. Басмада Татарстан Республикасы Президенты Рөстәм Миңнехановның кереш сүз-мөрәҗәгате һәм татар халкының тарихы һәм мәдәнияте турында төп мәгълүмат тәкъдим ителгән. Читать дальше...

(Казан, 2 август, «Татар-информ»). Шушы көннәрдә Алабугага Пермь һәм Пермь крае, Түбән Новгород, Екатеринбург, Санкт-Петербург, Геленджик, Краснодар крае һәм Кырым Республикасыннан туристлар белән берьюлы дүрт теплоход килеп туктады. Бу хакта «Новая Кама» газетасы яза. Теплоход бортында 586 кеше килгән. Алабуга дәүләт музей-тыюлыгы хезмәткәрләре кунакларны чәкчәк белән каршы алган. Кунаклар теплоходтан төшеп өлгермәде, Алабуга табигатенә бәя бирделәр. Башка туристлар шәһәрдә кайдадыр чәкчәк сатып алырга мөмкинме дип кызыксынган... Читать дальше...

(Казан, 2 август, «Татар-информ»). Апас районыннан 21 машина белән сыер саву операторы һәм 10 ясалма орлыкландыру технологы һөнәри осталыкта ярышты. Ярыш Борнаш авылының терлекчелек фермасы базасында узды. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә. ТАССР төзелүнең 100 еллыгы кысаларында узган чарада район башлыгы Равил Хисаметдинов, «Ак Барс» холдинг компаниясе генераль директоры урынбасары Камил Галиев, авыл хуҗалыгы идарәсе башлыгы Радик Гыйсмәтов... Читать дальше...

(Минзәлә, 2 август, «Татар-информ», «Минзәлә-информ», Илшат Вәгыйзов). Минзәлә районының Әтрәкле авылында «Заиковский» хуҗалыгы тарафыннан Корбан гаете хөрмәтенә бәйрәм ярминкәсе оештырылды. Җирлеккә караган авылларда яшәүче мохтаҗларга, өлкәннәргә таратыр өчен корбан да чалынды. Бу турыда район басмасы хәбәр итә. Ярминкә башланыр алдыннан берничә кеше бергә җыелып, корбан итеп тана чалды. Радик Фәттахов, «Заиковский» хуҗалыгы генераль директоры сүзләренчә, ел саен матур традицияне дәвам итеп, корбан чалу оештыра. Читать дальше...