Новости за 19.08.2020

(Казан, 19 август, «Татар-информ»). ТАССРның 100 еллыгы флагы эстафетасы Тәтеш районына килеп җитте. Флагны каршы алу тантанасы район Мәдәният йорты каршындагы мәйданда узды. Бу турыда «Авангард» газетасы яза. «Тәтеш районы барлык тармакларда да уңышлы үсеш ала, елдан-ел хезмәт, яшәү һәм ял итү өчен уңайлырак була бара. Татарстан — күпмилләтле республика, аның халкы үз тарихын һәм гасырлык традицияләрен кадерләп саклый. Без гимн, герб һәм әләм белән горурланабыз», — диде район башлыгы Рәмис Сафиуллов. Читать дальше...

(Чирмешән, 19 август, «Татар-информ», «Безнең Чирмешән», Кадыйр Гомәров). Чирмешән районының Югары Чегодай авылы тарихы турында китап чыкты. 500 данә тираж белән нәшер ителгән әлеге басма тирән эчтәлекле, матур бизәлешле, югары сыйфатлы. Бу турыда район басмасы хәбәр итә.  «Югары Чегодай тарихы»н язучы күренекле тарихчы — Россия Ислам Институты профессоры Фәйзелхак Ислаев авылның борынгы заманнардан бүгенгәчә тарихын архивларда сакланып калган документларга нигезләнеп, конкрет фактларга таянып язган. Читать дальше...

(Казан, 19 август, «Татар-информ»). Татарстанның алты моношәһәрендә бер атнада эшсезләр саны 22,6 мең кешегә кадәр арткан. Бу хакта бүген Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә. «Бу атнада Чаллы, Алабуга, Яшел Үзән, Түбән Кама, Чистай һәм Кама Аланы шәһәрләрендә эшсезләр саны арткан. Анда халык мәшгульлек үзәкләрендә 12214, 1937, 2642, 4035, 1301 һәм 550 эшсез кеше исәптә тора», диелгән хәбәрдә. Соңгы җиде көндә бары тик бер моношәһәрдә... Читать дальше...

(Казан, 19 август, «Татар-информ»). Татарстан Президенты Рөстәм Миңнеханов Казансу елгасының булачак яр буе буйлап велосипедта йөрде. Моңа кадәр аңа яр буеның үсеш проектын тәкъдим иттеләр. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте. Республика җитәкчесен аның ярдәмчесе Наталия Фишман-Бекмамбетова, архитектор, урбанист, тотрыклы үсеш буенча белгеч, Orchestra Design студиясенә нигез салучы Эдуард Моро озата йөрде. Эдуард Морозов Казансу ярындагы бөтен... Читать дальше...

(Казан, 19 август, «Татар-информ»). Татарстанда Covid-19 коронавирусыннан тагын бер үлем очрагы теркәлгән. Бу турыда Татарстан Сәламәтлек саклау министрлыгы матбугат хезмәте хәбәр итә. 82 яшьлек Нурлат кешесен икеяклы пневмониянең авыр формасы белән Чистай Үзәк район хастаханәсенә китергәннәр. Йөрәк-кан тамырлары авырулары кискенләшүе сәбәпле, аның хәле начарланган. Пациентта Covid-19 инфекциясе булуы лаборатория тикшеренүләреннән соң расланган. Пандемия башланганнан алып, Татарстанда коронавиурс инфекциясеннән 55 үлем очрагы теркәлгән. Читать дальше...

(Казан, 19 август, «Татар-информ»). Татарстан Президенты Рөстәм Миңнехановка Казансу ярын үстерү проектын тәкъдим иттеләр. Бу хакта республика җитәкчесенең матбугат хезмәте хәбәр итә. Проектны Татарстан Хөкүмәте Йортында архитектор, урбанист, тотрыклы үсеш буенча белгеч, Orchestra Design студиясенә нигез салучы Эдуард Моро тәкъдим итте. Татарстан Президентының ярдәмчесе Наталия Фишман-Бекмамбетова проект буенча аңлатма бирде. Казансу ярында 12 паркның эре экосистемасын булдыру күздә тотыла. Алар... Читать дальше...

(Казан, 19 август, «Татар-информ»). Татарстанның Актаныш районы Күҗәкә авылында яшәүчеләр спиртлы эчемлекләр белән сату итүче кибет мәсьәләсен хәл итүне сорап, мөселманнарның Хәйрия патриотик фондына мөрәҗәгать итте. Бу турыда IslamNews агентлыгы сайтында хәбәр ителә. Мөрәҗәгать итүчеләр исерткеч эчемлекләр сатыла торган кибетнең авыл мәчете янында булуына канәгатьсезлек белдерә. Инициатив төркем аларның сүзләрен раслаучы фото һәм видео җибәргән. Агымдагы елның июль ахырында җирле халыкның мәчет... Читать дальше...

(Казан, 19 август, «Татар-информ»). Татарстан Мәгариф һәм фән министрлыгы мәктәп линейкаларын 1 сентябрь көнне урамда үткәрергә тәкъдим итте. «Белем көнендә ТР Мәгариф һәм фән министрлыгы бәйрәмне ачык һавада, Роспотребнадзор рекомендацияләренә һәм күрсәтмәләренә таянып үткәрергә тәкъдим итә», — диелә ведомство сайтында бастырылган хәбәрдә.

(Казан, 19 август, «Татар-информ»). Россия Премьер-министры Михаил Мишустин мәктәпләрдә сыйныф җитәкчеләренә 212,8 миллион сум өстәмә акча бүлеп бирү турындагы боерыкка имза куйды. Бу хакта ил Хөкүмәтенең матбугат хезмәте хәбәр итә. «Россия Финанс министрлыгына «Гомуми белем бирү» бүлекчәсе буенча каралган бюджет ассигнованиеләрен 2020 елга дәүләт һәм муниципаль гомуми белем бирү оешмалары укытучыларына класс җитәкчелеге өчен айлык акчалата бүләкләүгә 212 млн 812 мең сум күләмендә бирергә», диелгән карар текстында. Читать дальше...

(Казан, 19 август, «Татар-информ»). Татарстан Президенты Рөстәм Миңнеханов Цифрлы үсешкә ярдәм итү ассоциациясенең беренче утырышында катнашты. Анда шулай ук ИТ-компанияләр җитәкчеләре, «Ак Барс банкы» идарәсе рәисе Зөфәр Гәрәев, «Юл хәрәкәте иминлеге» ДБУ, Иннополис, «Документлар әйләнеше системалары» ҖЧҖ вәкилләре катнашты. Бу хакта Татарстан Президенты матбугат хезмәте хәбәр итә. «Мондый мәйданчык диалог алып бару, тәҗрибә алмашу һәм хәл итү юллары табу өчен бик кирәк», — диде Рөстәм Миңнеханов. Читать дальше...

(Казан, 19 август, «Татар-информ»). Татарстан халкы киләсе атна ахырында, 30 августта — Республика көнен билгеләп үтәчәк. Ул быел якшәмбегә туры килә. Бәйрәм уңаеннан өстәмә ял көне бирелмәячәк. Бу хакта Татарстан Хезмәт, халыкны эш белән тәэмин итү һәм социаль яклау министрлыгында хәбәр иттеләр. «"Татарстан Республикасының бәйрәм көннәре һәм истәлекле көннәре турында"гы Татарстан Республикасы Законы нигезендә 30 август — Татарстан Республикасы көне эшләми торган бәйрәм көне булып тора. Бәйрәм көне якшәмбегә туры килү сәбәпле... Читать дальше...

(Казан, 19 август, «Татар-информ», Ксения Перепеченова). Казанда ялтырап торган махсус кием кигән Рөстәм Миңнеханов сурәте төшерелгән картинаны саталар. Татарстан Президенты муенында кабарынкы яка, ә иңбашына шарф куелган. Сату турындагы белдерүне «Авито»га урнаштырганнар. «Фото буяуларның яктылыгын һәм муллыгын күрсәтми, тормышта картина күпкә ачыграк күренә», — дип язган сатучы. Картинаның сюжеты Рубенс ясаган «Шарль де Лонгваль портреты» картинасыннан алынган. Картинаның төп нөсхәсе 1621 елда Лонгвальнең үлеме истәлегенә ясалган. Читать дальше...

(Казан, 19 август, «Татар-информ», Гүзәл Хөсәинова). Салым буенча бурычлары булу сәбәпле, дүрт казанлы машинасыз калган. Бу турыда Федераль салым хезмәтенең Татарстан буенча идарәсендә хәбәр иттеләр. Автомобильләргә арест салуда Федераль салым хезмәте хезмәткәрләре, суд приставлары һәм ЮХИДИ инспекторлары катнашкан. «Киа», «Ниссан» һәм «Шевроле» җиңел машиналары һәм бер «КАМАЗ» махсус машина кую урынына җибәрелгән. Транспорт чаралары хуҗаларының гомуми бурычы 518 мең сум тәшкил иткән. Хәзер автомобиль... Читать дальше...

(Казан, 19 август, «Татар-информ»). Россия Хөкүмәте башлыгы Михаил Мишустин Җиһанов исемендәге Казан дәүләт консерваториясе ректоры Рубин Абдуллинга телеграмма юллаган. Ул аны туган көне белән котлаган. «Сез күренекле һәм үзенчәлекле кеше буларак билгеле, сез талантлы органчы һәм педагог. Сезнең һөнәри осталыгыгыз һәм энергиягез ярдәмендә Казан консерваториясе үз традицияләрен саклый, динамик рәвештә үсә, илдәге әйдәп баручы музыка югары уку йортларының берсе булып тора», — дип язган Мишустин. «Рубин... Читать дальше...

(Казан, 19 август, «Татар-информ», Зилә Мөбәрәкшина). Татарстанда якынча 16 мең сыерга исәпләнгән 30 яңа терлекчелек комплексы төзеләчәк. Бу хакта #ТатарстанОнлайн онлайн тапшыруында ТР премьер-министры урынбасары — авыл хуҗалыгы һәм азык-төлек министры Марат Җәббаров сөйләде. «Без яңа терлекчелек комплекслары төзергә ниятлибез, планнар зурдан. Терлекнең баш санын арттыруга гына түгел, аның җитештерүчәнлегенә дә басым ясаячакбыз. Шуңа күрә яңа технологияләр, цифрлаштыру, ашату белән идарә итү системасын гамәлгә кертәчәкбез», — диде ул. Читать дальше...

(Казан, 19 август, «Татар-информ», Егор Никитин). Рөстәм Миңнехановның Татарстан Президентына кандидатын хуплауның иҗтимагый штабында икътисади мәсьәләләр буенча эксперт очрашуы узды. Катнашучылар республика икътисади үсешенең соңгы максаты - Татарстан гражданнарының иминлеге һәм югары яшәү дәрәҗәсе дигән фикергә килде. Пандемия чорында икътисади үсеш, бизнесны үстерү һәм предприятиеләргә ярдәм мәсьәләләре аеруча актуаль булды. Россия һәм Татарстан хакимиятләре соңгы айларда гади гражданнарга һәм... Читать дальше...

(Казан, 19 август, «Татар-информ», Зилә Мөбәрәкшина). ТР премьер-министры урынбасары — авыл хуҗалыгы һәм азык-төлек министры Марат Җәббаров Татарстанда 715 гектар мәйданнан уңыш җыеп алынганын һәм киләсе атнадан көзге чәчү эшләре башланачагын әйтте. Бу хакта ул #ТатарстанОнлайн онлайн тапшыруында сөйләде. Татарстан Республикасы Авыл хуҗалыгы һәм азык-төлек министры Татарстанда 2,8 миллион тоннадан артык ашлык җыелганлыгын әйтте. «Быел яхшы уңыш җыеп алырга өметләнәбез. Шөкер, яңгырлар үз вакытында яуды, алар ашлык өчен кирәк булды. Читать дальше...

(Казан, 19 август, «Татар-информ»). Татарстан Президенты Рөстәм Миңнеханов «Росатом» дәүләт корпорациясе генераль директоры Алексей Лихачев белән онлайн-очрашу үткәрде. Бу хакта республика җитәкчесенең матбугат хезмәте хәбәр итә. Рөстәм Миңнеханов әңгәмәдәшен атом сәнәгатенең 75 еллыгы белән котлады. «Сезнең ил оборонасы һәм «тыныч атом» өлкәсендәге эшегез зур хөрмәткә лаек», — диде ул. Росатом — республиканың стратегик партнеры. Ул Саров һәм Снежинскидагы үзәкләр белән хезмәттәшлек итә. Росатом... Читать дальше...

(Актаныш, 19 август, «Татар-информ», «Актаныш-информ» , Рузилә Хәсәнова). 19 августта Актаныш районы «Әнәк» агрофирмасының Иске Айман бүлекчәсендә 15 мең тонна сыйдырышлы элеватор кулланышка тапшырылды. Ул 200 миллион сумлык булган. Әлеге элеватор Татарстанның атказанган агрономы Милес Мәүлиев исемен йөртәчәк. Бу турыда район басмасы хәбәр итә. Тантаналы чарада Татарстан Президенты Аппараты җитәкчесе Әсгать Сәфәров, «Сетевая компания» ААҖ генераль директоры Илшат Фәрдиев, «Әнәк» агрофирмасы акционеры Альберт Мостафин... Читать дальше...

(Казан, 19 август, «Татар-информ»). Түбән Новгородтан Казанга килә торган «Михаил Фрунзе» теплоходы рейсы кичектерелгән, чөнки судно экипажының ике әгъзасының Covid-19 коронавирусын йоктыру ихтималы бар. Бу хакта «Водоходъ» туроператоры матбугат хезмәте хәбрә итә. «Михаил Фрунзе» теплоходының ике әгъзасында коронавирус ихтималы булу сәбәпле, Роспотребнадзор таләбе буенча агымдагы елның 18-22 августына билгеләнгән Түбән Новгород-Казан-Түбән Новгород рейсын кичектерергә мәҗбүр булдык», диелгән компания матбугат хезмәте хәбәрендә. Читать дальше...

(Актаныш, 19 август, «Татар-информ», «Актаныш-информ» , Рузилә Хәсәнова). 19 август көнне Актаныш районы Әнәк авылында «Челтәр компания»се ААҖ район электр челтәрләренең яңа базасы ачылды. Кыска вакыт аралыгында сафка бастырылган әлеге корылма Татарстанның юбилей елында энергетикларга зур бүләк булган. Бу турыда район басмасы хәбәр итте. Чарада Татарстан Президенты Аппараты җитәкчесе Әсгать Сәфәров, «Челтәр компания»се ААҖ генераль директоры Илшат Фәрдиев, Актаныш муниципаль районы башлыгы Энгель Фәттахов... Читать дальше...

(Казан, 19 август, «Татар-информ», Зилә Мөбәрәкшина). Сентябрьдә Татарстанда авыл хуҗалыгы ярминкәләре эшли башлаячак. Бу хакта ТР премьер-министры урынбасары — авыл хуҗалыгы һәм азык-төлек министры Марат Җәббаров #ТатарстанОнлайн онлайн тапшыруында сөйләде. Авыл хуҗалыгы һәм азык-төлек министрлыгы башлыгы сүзләренә караганда, Казанда һәм республиканың башка эре шәһәрләрендә ярминкәләр эшен якынча 19 сентябрьдән башлап җибәрү планлаштырыла. «Алар шимбә көннәрендә узачак. Ярминкәләр эшли башлаган вакытта... Читать дальше...

(Казан, 19 август, «Татар-информ», Эвелина Киселева). Яңа коронавирус Covid-19 инфекциясе белән авырган кешеләр еш кына курку һәм кызып китү халәтенә дучар була. Мондый симптомнарга каршы көрәштә психолог ярдәм итәргә тиеш. Бу хакта «Татар-информ» агентлыгында матбугат конференциясендә ТР Сәламәтлек саклау министрлыгының медицина реабилитациясе буенча штаттан тыш баш белгече һәм Казан дәүләт медицина академиясенең реабилитология һәм спорт медицинасы кафедрасы мөдире Резидә Бодрова сөйләде. «Психоэмоциональ... Читать дальше...

(Казан, 19 август, «Татар-информ», Гөлүзә Ибраһимова). Бүген «Татмедиа» акционерлык җәмгыятендә «Язылган өчен мотоблок һәм башка бүләкләр» акциясе буенча бүләкләр уйнатылды. Призлар арасында өч үтүк, өч блендер, йөз литр бензин алуга өч сертификат, ике тузан суырткыч, ике планшет, телевизор һәм төп приз — мотоблок бар иде. Мотоблок Арча оайоныннан Таһир Сәмигуллинга булды. Телевизорны Арча районыннан Гәүһәрия Гәрәева отты. «Татмедиа» акционерлык җәмгыятендә 2020 елның икенче яртыеллыгына язылу кампаниясе төгәлләнде. Читать дальше...

(Казан, 19 август, «Татар-информ», Зилә Мөбәрәкшина). ТР премьер-министры урынбасары — авыл хуҗалыгы һәм азык-төлек министры Марат Җәббаров Татарстанда 9 ел эчендә 4 млрд сумга 1381 яңа крестьян-фермер хуҗалыгы төзелгәнен әйтте. Бу хакта ул #ТатарстанОнлайн онлайн тапшыруында сөйләде. «Бүгенге көндә бу хуҗалыкларда 103,4 мең баш мөгезле эре терлек исәпләнә. Бу, 2013 елга караганда, 31 меңгә күбрәк. Сыерлар саны 10 меңгә арткан. Моннан тыш, 9 ел эчендә фермерларның кош-кортлары саны икеләтә диярлек... Читать дальше...