Новости за 10.08.2020

(Казан, 10 август, «Татар-информ», Рузилә Мөхәммәтова). Танылган җырчы Артур Исламов Tat Cult Fest яңа татар мәдәнияте фестивале кысаларында рок-концертын бирәчәк. Бу хакта ул үзенең аккаунтында хәбәр итә. “Мин сезгә үземнең рок-концертымны вәгъдә иткән идем. Сүземдә торам! 30 августта Tat Cult Fest фестиваленә чакырып калам. Соңгы елларда язылган җырлардан торган яңа программа тәкъдим итәчәкбез. Әлбәттә, тере тавыш, яңа музыкантлар. Кыскасы, кыздырачакбыз”, - дип язган җырчы. Фестиваль кысаларында... Читать дальше...

(Казан, 10 август, «Татар-информ»). Татарстан Президенты Рөстәм Миңнеханов Бөгелмәдә «Безнең ишегалды» программасы буенча алып барыла торган эшләрне тикшерде. Республика Президентының матбугат хезмәте җитәкчесе Лилия Галимова «Татар-информ» агентлыгына шулай дип белдерде. «Татарстан Президенты эшләрнең сыйфатын тикшерде һәм җирле халыкның фикере белән кызыксынды», - диде ул. Республика Президенты танышкан территория Гафиятуллин, Тукай һәм Гоголь урамнарындагы 6 йортны берләштерә. Проектлау эшләрен башкарганда... Читать дальше...

(Казан, 10 август, «Татар-информ»). Авыл хезмәте – илнең азык-төлек иминлеге нигезе генә түгел, ә тел, традицияләр һәм мәдәниятнең саклануын тәэмин итә торган үзенә бер төрле яшәү рәвеше дә. Татарстан Президенты Рөстәм Миңнеханов Ютазы районы механизаторлары белән аралашканда шулай дип белдерде. «Безнең өчен авыл – төп нигез. Безгә авыл тормышының тотрыклы һәм уңайлы булуы мөһим. Шунлыктан без фермерларга ярдәм күрсәтәбез, юллар, хастаханәләр, мәктәпләр төзибез. Яшәү өчен уңайлы мохит булдырырга тырышабыз», - диде Миңнеханов. Читать дальше...

(Казан, 10 август, «Татар-информ», Марат Ишкильдин). Казан паркларында республика тарихына багышланган лекцияләр үткәрелә башлаячак. «Казан шәһәренең парклар һәм скверлар дирекциясе» муниципаль бюджет учреждениесе директоры Марат Закиров мэриядә узган эшлекле дүшәмбе киңәшмәсендә шулай дип белдерде. «Бу атнадан паркларда ТАССРның 100 еллыгы уңаеннан республика оешу тарихына багышланган лекторийлар башлана», - диде Закиров. Иҗтимагый киңлекләр белем бирү программасы Горький һәм Җиңү паркларындагы тел клубын... Читать дальше...

(Казан, 10 август, «Татар-информ», «Ватаным Татарстан»). Соңгы җиде елда балалар өчен җитештерелгән начар сыйфатлы товарлар күләме ике тапкыр арткан. Бала сәламәтлегенә, гомеренә куркыныч тудыручы бу әйберләрнең өчтән берен уенчыклар тәшкил итә, ди Роспотребнадзор белгечләре. Уеннан уймак чыкмасын өчен, балага кайсы уенчыкны алганда аеруча игътибарлы булырга кирәк? «Барби» курчагы. Иң еш алдап ясала торган бала уенчыкларының берсе. Тикшерү барышында белгечләр мондый төр уенчыкларның яртысыннан артыгында баланың репродуктив системасын... Читать дальше...

(Казан, 10 август, «Татар-информ», Полина Шевчук). Владимир Путин Татарстанда сигез яңа судья билгеләде. Шул хактагы указ хокукый мәгълүмат рәсми интернет-порталында дөнья күргән. Эрнест Мортазин Казанның Совет районы суды рәисе урынбасары итеп билгеләнде. Алмаз Газетдинов Мәскәү районы суды хөкемдары булды, Энҗе Сунеева исә Арбитраж суды хөкемдары вазифасын биләде. Гөлнара Галимова Әлки районы суды рәисе итеп билгеләнде. Арча район судында әлеге вазифаны Марс Миндубаев башкарачак. Миләүшә Дәүләтбаева... Читать дальше...

(Казан, 10 август, «Татар-информ», Динара Прокопьева). Казанда йөзгә якын укучы Бердәм дәүләт имтиханында иң югары балл җыйган. Мәгариф идарәсе башлыгы Ирек Ризванов Казан мэриясендә узган эшлекле дүшәмбе киңәшмәсендә шулай дип белдерде. «98 укучы быелгы Бердәм дәүләт имтиханында 100 балл туплады, бу узган елга караганда дүрт укучыга күбрәк. Өстәвенә, җиде чыгарылыш сыйныф укучысы берьюлы ике фән буенча максималь нәтиҗәгә иреште», - дип хәбәр итте Ризванов. Алар арасында 18, 89нчы мәктәпләр, 131нче... Читать дальше...

(Казан, 10 август, «Татар-информ», Арсений Кәримов). Быел чит илдә ял итүне кичектереп торырга һәм чираттагы ялны Россиядә, иң яхшысы – үз төбәгеңдә үткәрергә кирәк. Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде. «Коронавируска бәйле вазгыятьнең үзгәреп торуын исәпкә алып, иң яхшысы – туган илеңдә, үзең яши торган субъектта... Читать дальше...

(Казан, 10 август, «Татар-информ»). Чаллының 5нче шәһәр хастаханәсе гадәти эш режимына кире кайта һәм вакытлыча оештырылган йогышлы авырулар госпитале булудан туктый. ТР сәламәтлек саклау министрының беренче урынбасары Альмир Абашев «Татар-информ» агентлыгында узган матбугат конференциясендә шулай дип белдерде. «Чаллыда 5нче шәһәр хастаханәсе үзенең планлы профиль эшчәнлегенә күчә, бу шәһәр халкына планлы стационар ярдәм күрсәтергә мөмкинлек бирәчәк», - диде Абашев. Ул Чаллыда коронавируска бәйле вазгыятьнең катлаулы булуын искәртте. Читать дальше...

(Казан, 10 август, «Татар-информ»). Татарстан Президенты Рөстәм Миңнеханов Ютазы районында бөртекле культураларны урып-җыюның барышын тикшерде һәм кырда эшләүче механизаторлар белән аралашты. Бу хакта ТР Президентының матбугат хезмәте хәбәр итә. «Мин үзем дә авылда үстем, авыл хуҗалыгы институтын тәмамладым, шунлыктан авыл хезмәтчәннәренең эшенә зур хөрмәт белән карыйм», - диде Рөстәм Миңнеханов. Президент механизаторларга башкарган эшләре өчен рәхмәт белдерде һәм алар ярдәмендә республика тиешле... Читать дальше...

(Казан, 10 август, «Татар-информ»). Татарстанда яңа уңыштан икенче миллион тонна ашлык суктырылды. Республикада бөртекле һәм кузаклы культуралар 506,3 мең гектар мәйданнан җыеп алынды, бу пландагы күрсәткечнең 34 проценты дигән сүз. ТР Авыл хуҗалыгы һәм азык-төлек министрлыгының матбугат хезмәте шул хакта хәбәр итә. «Татарстанда 2 миллион 26 мең тонна ашлык суктырылды, уңыш гектарыннан уртача 40,6 центнер тәшкил итә», - диелә хәбәрдә. Ашлыкның иң зур күләме Буа (110 мең тонна), Тәтеш (97,7 мең тонна)... Читать дальше...

(Казан, 10 август, «Татар-информ», Рузилә Мөхәммәтова). «Алтын битлек» лауреаты, хореограф Нурбәк Батулла үзенең яңа эше белән Context. Diana Vishneva яшь хореографлар конкурсында катнаша. Бу хакта «Татар-информ» хәбәрчесенә проектның администраторы Алена Батуллина хәбәр итте. Конкурсны оештыручылар 100дән артык гариза арасыннан биш проектны сайлап алганнар. Тамашалар 14, 15 октябрьдә Мәскәүнең «Гоголь-центр» сәхнәсендә һәм 18 октябрьдә Санкт-Петербургта — Борис Эйфманның Балалар бию театры сәхнәсендә күрсәтеләчәк. Читать дальше...

(Казан, 10 август, «Татар-информ»). Татарстанда тәүлек эчендә Covid-19 инфекциясенең 30 яңа очрагы теркәлгән. Бу хакта ТР Сәламәтлек саклау министрлыгы матбугат хезмәте хәбәр итә. «4 кеше хастаханәгә урнаштырылды, 26 кеше өйдә дәвалана. Коронавирус таралу башланганнан бирле Татарстанда 4750 кеше терелгән, узган тәүлектә 7 кеше дәваланган". Авыручыларның иң күбе - Казанда (15 кеше). 10 августка Татарстанда 5902 Covid-19 очрагы теркәлгән.

(Казан, 10 август, «Татар-информ»). Көзен Россиядә машина йөртүчеләр өчен ОСАГОның яңа тарифлары гамәлгә керәчәк, техник карау процедурасы кире кайтачак, шулай ук ЮХИДИ хезмәткәрләре автомобильләрнең техник торышын бәяләү өчен яңа приборлар алачак. Бу хакта Autonews хәбәр итә. ОСАГО бәясен исәпләүнең яңа кагыйдәләре август ахырыннан гамәлгә керәчәк. Тариф коридорының чикләре 30 процентка киңәйтеләчәк, минималь индивидуаль ставка күләме 2471 сум тәшкил итәчәк, максималь ставка күләме 5436 сумга кадәр артачак. Читать дальше...

(Казан, 10 август, «Татар-информ», Полина Шевчук). Казанда олы яшьтәге хатын-кыз, машина астында калып, төрле тән җәрәхәтләре алган. Бу хакта шәһәр Дәүләт автоинспекциясе хәбәр итә. Авария шимбә иртәсендә, 8 августта, Курчатов урамындагы 10нчы йорт каршында булган. Башлангыч мәгълүматлар буенча, «Шевроле» автомобиленең 44 яшьлек йөртүчесе, уңга борылган вакытта, «зебра» буйлап юл аркылы чыгып барган 91 яшьлек әбигә юл бирмәгән. Нәтиҗәдә, җәяүле авыр тән җәрәхәтләре (аның иңбаш һәм бот сөяге сынган, куллары сыдырылган) алган.

(Казан, 10 август, «Татар-информ», Рузилә Мөхәммәтова). Яшь иҗатчыларның эксперименталь тамашалар сезоны Нурбәк Батулла белән Йолдыз Миңнуллинаның «Өтүкән» перформансы белән ачылачак. Перформанс үткән сезонда премьера булган урында — Вахитов мәйданында урнашкан төнге клубта 26 августта күрсәтеләчәк. «Өтүкән» перфомансын тамашачы белән бергә «Алтын битлек» театр премиясе экспертлары караячак.  «Өтүкән» — шигърият белән көрәш сәнгатен берләштергән үзенчәлекле тамаша. Тамашаны мәйданга куючы — «Алтын битлек» театр премиясе лауреаты Нурбәк Батулла.

(Казан, 10 август, «Татар-информ»). Көзен дөньяда яңа төрдәге Covid-19 коронавирус пандемиясенең икенче дулкыны башлануы ихтимал. Эпидемиолог, медицина фәннәре докторы Михаил Фаворов RT телеканалы өчен Антон Красовскийга биргән интервьюсында шулай дип белдерде. «Август аенда һәм сентябрь урталарына кадәр бездә тәнәфес булачак. Хәзер барысы да һәм бөтен җирдә бер-берсенә үз чаралары белән коронавирусны җиңүләре хакында сөйләячәк. Әмма бу тагын шул ук сезонлы тирбәнешләр генә», - дип искәртте эксперт. Читать дальше...

(Казан, 10 август, «Татар-информ»). Бу атнада Россиянең Европа өлешендәге урта полосада көзге һава торышы хакимлек итәчәк. РФ Гидрометеоүзәгенең фәнни җитәкчесе Роман Вильфанд шулай дип белдерде. Бу хакта РИА Новости агентлыгы хәбәр итә. «Россиянең Европа өлешендә температура алты-җиде градуска төшәчәк. Сишәмбе көнне Идел буе федераль округында һәм Үзәк федераль округның көнбатышында температура түбәнәя башлаячак», - дип хәбәр итте метеоролог. Вильфанд сүзләренчә, алдагы көннәрдә кояш болыт артына качачак... Читать дальше...

(Казан, 10 август, «Татар-информ»). Татарстан сәламәтлек саклау министры Марат Садыйков бүген #ТатарстанОнлайн программасы туры эфирында республика халкының сорауларына җавап бирәчәк. Телепрограмманың трансляциясе төбәкнең рәсми берләшмәләрендә 14.00 сәгатьтә башлана. Аерым алганда, министр «Татарстан: сәламәтлеккә өстенлек», «Татарстанда сәламәтлек саклау тармагын үстерү буенча нинди программалар гамәлгә ашырыла, республикабыз медицинасы ничек үсеш кичерә?» дигән темаларны кузгатачак. Программа... Читать дальше...

(Казан, 10 август, «Татар-информ», Рузилә Мөхәммәтова). Туфан Имаметдиновның «Әллүки» спектакленең «Алтын битлек» программасы кысаларында Мәскәүдә күрсәтелү вакыты билгеле. Программа фестивальнең рәсми сайтына урнаштырылган. Дәрәҗәле премиягә тәкъдим ителгән спектакль Мәскәүдә Тарих музееның күргәзмәләр комплексында 13 сентябрьдә күрсәтеләчәк. Башлану вакыты - 15.00 һәм 20.00 сәгатьләрдә. «Алтын битлек» премиясе лауреатлары 30 октябрьдә билгеле булачак. «Әллүки» спектакле «Алтын битлек» театр премиясендә өч номинациядә катнаша. Читать дальше...

(Казан, 10 август, «Татар-информ», Полина Шевчук). Казанда ике җиңел автомобиль катнашында авария булган. Аларның берсе баганага килеп бәрелгән, зыян күрүчеләр бар. Бу хакта «Татар-информ» агентлыгына әлеге аварияне күргән кешеләр хәбәр итте. Аларның сүзләреннән билгеле булганча, авария кичә төнге уникенче яртылар тирәсендә Чернышевский һәм Профсоюз урамнары чатында булган. Биредә ике җиңел автомобиль бәрелешкән. «Нәтиҗәдә, җиңел автомобильләрнең берсе, тротуарга чыгып, баганага һәм бина почмагына килеп бәрелгән. Читать дальше...

(Казан, 10 август, «Татар-информ»). Көз көне Covid-19 коронавирус авыруы көчлерәк булырга мөмкин. Бу хакта «Известия» газетасына биргән интервьюсында Санкт-Петербургның баш иммунологы һәм Пастер исемендәге эпидемиология һәм микробиология фәнни-тикшеренү институты директоры РФА академигы Арег Тотолян кисәтте. «Көзен без Covid-19ның авыррак төре белән очраша алабыз. Моңа психологик яктан әзер булырга тиеш», — дип ассызыклады тикшеренүче. Академик сүзләренчә, Covid-19 белән сезонлы инфекцияләр очрашкач... Читать дальше...

(Казан, 10 август, «Татар-информ»). Биектау районының Тимерче авылында яшәүчеләр Бөек Ватан сугышы кырларында һәлак булган якташларына һәйкәл ачты. Бу турыда «Биектау хәбәрләре» газетасы яза. Ачылыш мәртәбәле кунаклар - Биектау районы башлыгы Рөстәм Кәлимуллин, хәрби комиссар Александр Найденов, Равил хәзрәт Зәйнуллин һәм иганәчеләр катнашында узды. Тимерче авылы халкы һәйкәл төзелешенә акчаны үзләре җыйган. Бу тантаналы ачылышта авыл халкы да катнашты. Чараны оештыручылар авылдашларын пылау, кайнар чәй һәм җиләк-җимеш белән сыйлпады. Читать дальше...

(Казан, 10 август, «Татар-информ»). ТР Яшел Үзән районында исерек ир Иделгә . Бу хакта «Татар-информ»га Россия Гадәттән тыш хәлләр министрлыгы Баш идарәсенең Татарстан буенча матбугат хезмәтендә хәбәр иттеләр. 112 ашыгыч хезмәтләрне чакыруның бердәм номерына сәгать өчләр тирәсендә Октябрьский бистәсендә Идел елгасында ир-атның батып үлүе турында хәбәр килде. Тыелган аншлагларга карамастан, ике кеше «Флинт» көймә станциясе янында суда коенырга уйлаган. Икесе дә исерек булган. 33 яшьлек ир җәяүлеләр күпереннән суга сикергән һәм кире чыкмаган. Читать дальше...

(Казан, 10 август, «Татар-информ», «Шәһри Казан»). Сарманда яшәүче 30 яшьлек Иванны (исеме үзгәртелде) район үзәк хастаханәсе табиблары теге дөньядан кире кайтарган. Иван бик озак вакыт дәвамында үпкә вентиляциясе системасына тоташтырылган булган. Ләкин Иванның трахеясында җөйләр барлыкка килгән. Сулыш алу юлына зыян килеп, ир-егетнең тыны кысыла, суларга һава җитми башлый. Иван аңын югалта башлагач, шундук «ашыгыч ярдәм» чакырткан. Егеткә вакытында ярдәм күрсәтелмәгән очракта, аның трахеясы җөйле тукыма белән капланып... Читать дальше...