Новости за 04.06.2020

Карара шо доьрзуш ахча, дай а делла, цхьана долларх 90 сом лучу кхача тарло, боху макроэкономикан зерийн а, сихха прогноз хIотторан а Центро (ЦМАКП). Цунна гарехь, коронавирус гурралц лаьттар ю зенаш деш – иштта ю Центро хиндолчух хIоттийначу кхаа сценарех цхьаъ. Коьрта сценарий. 2020-чу шеран уьссалгIачу а, итталгIачу а беттанашкахь карантин кхайкхор ю юха а. ТIедогIучу шарахь белхазалла хир ю 8% кхочуш, ткъа 2022–2023-чу шерашкахь - 7%. Алапаш кхушара лахлур ду 4,5–4,8%, ткъа кхиа дуьйлалур дац 2023 -чу шарахь бен. Читать дальше...

Цоцин-Эвланна алссам зен дина Iаламо; Къилбаседа Кавказехь дийнахь-буса велла уьнах 11 стаг, цомгуш хилла – 564; Кадыров: «Яц махкахь 5G, тоьаш яц ур-атталла 4G а»; Москварчу рэперо шен гонорар хьажийна Дагестанерчу лоьрашна

"Настоящее Время" телеканало йовзуьйту Оьрсийчохь болх а, некъ а боцуш биссинчийн истореш. Москварчу цхьана гIишлош ечу меттигехь кхахьоьгуш дара Екатерина а, цуьнан цIийнда а. Эпидеми йолаеллачул тIаьхьа, 1,5 эзар сом кара а делла, дIахьажийнера и шиъ. Максим петарш чохь куьцаш деш вара: цунна даллане а ца делира алапа. Тверь гIаларчу фитнес-центрехь болх беш хиллера Дарья: официалехь хIинца а цигахь болх беш ю иза, амма ши бутт хан ю, алапа а доцуш, иза цIахь Iаш йолу. Оцу нехан истореш шатайпа яц... Читать дальше...

Европехь тIаьхьий-хьалхий шайн дозанаш схьадоьллуш ю Шенгенан зонера пачхьалкхаш. Коронавирус бахьана долуш юкъадаьхна дехкарш малдарх лаьцна кхаарин дийнахь дIакхайкхийна Италино а, Германино а. Испанин парламент а кечлуш ю оцу хьокъехь кхаж таса. Ткъа Британи кхин дIа а йита дагахь ю хIора цу пачхьалкхе вогIучунна декхаре йина йолу шина кӀиранан карантин.

Нохчийчохь зIенан 5G-станцеш ю дIахIиттош, аьлла яьржина информаци харц ю, хаам бина мехкан куьйгалхочо Кадыров Рамзана шен телеграм-каналехула. Керлачу технологино адамийн могашалла талхайо, бохуш, даьржинчу хабаран хьокъехь цуьнан къамел хилира "Грозный" телеканалан директорца Дудаев Ахьмадца ечу эфирехь. "Масала, Нохчийчуьрчу Роскомнадзоран урхаллин куьйгалхочо Мунаев Адама яц боху йохкуш я вайн махкахь а, я Оьрсийчоьнан кхечу регионашкахь а 5G- станцеш. Уьш яхка оьшу коьрта хьал а дац нисдина – зIенан канал". Читать дальше...

Коронавирусан эпидеми бахьана долуш тоьхна карантинан дозанаш лагIдеш, шолгIачу муьре доьрзуш хиларх дIакхайкхийна Нохчийчохь. Маьждигашкахь пIераскан деношкахь Рузба дан а магийна. Схьайоьллуш ю хазаллин хIусамаш а, месаш тоен салонаш а, бохуш яздо "Кавказ.Реалии" портало.

Нохчийчуьра Орцан министраллин белхахой хьийза селхана сарахь (Мангал-беттан 3-чохь) карзахдаьллачу Iаламо бина бохамаш луьстуш. "Цхьайолчу меттигашкахь даккхий догIанаш даьхкина, къора тоьхна, цаьрца цхьана ирча мох а лаьттина. Дитташ, рекламин аннаш, цIенойн тхевнаш, тоькан бIогIамаш, газан биргIанаш йохийна. Оперативан штаб кхоьллина оха тIаьхьало луьстуш. Кадыров Рамзанан тергонехь ду хьал", - боху Орцан министраллин урхаллерчу пресс-векалто. Цо билгалдоккху, шайн белхалой юкъара коммуникацеш а... Читать дальше...

Шайхан Белхароев БатIал-Хьаьжин суфийн вежаралла динан вовшахтохаран гурашкара даьлла дикка хан а ю, яздо "Кавказ.Реалиино"

ДIадахначу дийнахь-буса Къилбаседа Кавказехь коронавирусах велла 11 вахархо. Цомгуш хилла кхин а 564 стаг. Уьнна дуьхьалоечу Оперативан штабо бечу хаамца, кхо стаг кхелхина Ставропол-махкахь, шишша – ГIалгIайчохь, Краснодар-махкахь, Кхарачой-Чергазийчохь, Г1ебарта-Балкхаройчохь. COVID-19 ун даьржичхьана схьа велла регионехь 541 стаг. Дагестанехь ду уггаре дукха дараш– 122 стагаца гучуяьлла коронавирус дийнахь-буса. Дагестан +122 (5 463 юьхьанца схьа) Ставропол-мохк +86 (2 819) Краснодар-мохк... Читать дальше...

Къилбаседа ХIирийчоьнан прокуратуро Iорадаьккхина махкарчу кхаа дарбан хIусамехь корнавирусна дуьхьаллаьттачу лоьрашна, церан болх кхераме хиларе терра, тIетухуш долу ахча делла дацар. Оцу хьокъехь "Кавказ.Реалиига" дийцира республикерчу прокуратурин пресс-векалто. "ЦIечу зонехь" болх барна тIетуху ахча шайна ца делла аьлла, арздина "Осетия" санаторин а, психиатрин дарбан хIусаман а, катастрофийн медицинан центран а белхахоша. Церан латкъам бакъ карийна прокуратурана. Хьалххо изза харцо гучуяьккхира... Читать дальше...

Рэпера Алексеев Ивана (псевдоним Noize MC) ша язйинчу керлачу эшарх шена хиллачу ахчанах дакъадина коронавирусана дуьхьаллаьттачу Дагестанерчу дарбан хIусамашна. "Вай тайп-тайпана ду, оцо дукха хьолехь новкъарло а йо вайна юкъара мотт каро. Делахь а, вай лулахой ду кху йоккхачу пачхьалкхехь. Цхьана хIусаме бохам боьссича, буссу иза лула а ", - аьлла Алексеевс, ша муьлхачу ойланца екъна шен гонорар дагестанхошца дуьйцуш. Цо бахарехь, яьккхинчу керлачу эшарх цунна делла аванс ду Дагестане хьажийнарг – ах миллион сом. Читать дальше...