Къилбаседа Кавказехь 6 стаг велла коронавирусах дийнахь-буса, цомгуш хилла 476; Жимчу АтагIара бер цамгарх хьалхадаккха гIерта нохчий а, гIалгIай а; Новосибирске кема лелар ду Соьлжа-ГIалара
ТIаьххьарчу дийнахь-буса Къилбаседа Кавказехь коронавирусах велла 6 стаг, цомгуш хилла 476. Оьрсийчоьнан уьнна дуьхьалоечу Оперативан штабан хаамца, Дагестанера ву велла ши стаг, Ставропол-махкара, ГIалмакхойчуьра, ГIалгIайчуьра, ГIебарта-Балкхаройчуьра – цхьацца. Дийнахь-буса а, юхьанца дуьйна кхиина долу а терахьаш: Ставропол-махкахь дийнахь-буса цомгуш хилла 90, юхьанца схьа – 5063 Дагестан + 68 (7775) Краснодар-мохк + 62 (5922) Кхарачой-Чергазийчоь + 69 (3448) ГIебарта-Балкхаройчоь... Читать дальше...
Ах шо ду даймахкара а, дозанал арахьарчу диаспорашкара а нохчий, гIалгIай Нохчийчуьрчу Шелан кIоштан Жимачу АтагIара Гачаев Iабдул-Малик дахарх ца хадийта, орцахбевлла хьийза. Цхьа шо ах шо гергга хан йолу кIант ву дегI лоцучу, хенан йохалла Iожалле кхачочу цамгаро хьийзош – нервийн-дилхан атрофи. БIе эзарнаш берашлахь наггахь бен хуьлуш йоцу и цамгар юхайоккхуш дац таханенна цхьа молха бен – Америкехь арахьоьцуш долу, дуьнентIехь уггаре деза ларало Zolgensma. Цкъа тухуш болчу оцу механ мах бу 2 миллион 200 эзар доллар гергга. Читать дальше...
Нохчийчуьрчу Шуьйта кIоштарчу яхархочо Мовлатхана ХIинжа-ГIала арабаьккхина некъ пхеа дийне бахбеллера кху баттахь, коронавирусана тIехула тоьхна карантинан дозанаш бахьана долуш. Дарбан хIусаме кхачийначу шен доьзалхочунна тIекхача гIерташ хиллера иза. Зазадокху-бутт бовш Мовлатхана шен диъ бер Дагестанерчу шен гергарчу нахе дигинера. ШолгIачу дийнахь уьш дIабига тIаьхьа яха езаш яра иза. Амма Нохчийчоьнна а, Дагестанна а юкъара дозанаш дIакъевлира, машенаш дIасалелуьйтуш а яцара. Шен берашца телефонехула бен зIе йоцуш йисинера нана. Читать дальше...
S7 авиакомпанино Товбеца-беттан 13-чу дийнахь дуьйна юкъайоккхур ю кIиранах цкъа Соьлж-ГIалара Новосибирске лелачу кеман рейс. Иштта хаам бина Нохчийчуьрчу аэропортан директора Шахгириев Iаьлвис. "Оцу компанино латтор ду Москва лела кема а. Йоккха аэропорт хир Соьлжа-ГIалахь, массо тайпа кеманаша дIасалелор ву шарахь 1,5 миллион пассажир. Цунна кечдала деза тхо – кхион еза пассажирийн дукхалла, схьаелла еза керла рейсаш, шоръян еза географи ", - аьлла Шахгириевс ТАСС агенталле. Аэропортан директора бахарехь... Читать дальше...
ТIалибашка мехах зуламаш дайта барт хилла Оьрсийчоьнан бохург бух болуш информаци яц аьлла хета Американ къайлахчу сервисна, цундела цо иза ца кхачийна Американ Цхьаьнатоьхначу Штатийн президенте а, вице-президенте а. Иштта яздина президента Трамп Доналда шен твиттерехь кIиранан буса. Хьалхо The New York Times газето хаам баржийра, Цхьаьнатоьхначу Штатийн къайлахчу сервисна тIе а тевжаш, ОвхIанистанехь Американ эскархой баъарна Москвано ахча луш хилла тIалибашна, аьлла. Амма Мангал-беттан 28-чу дийнахь КIайчу ЦIийно дIахьедира... Читать дальше...
1997-чу шарахь Нохчийчуьра делегаци яхара Гуьржийчу, шен куьйгаллехь керла хаьржина президент Масхадов Аслан а волуш. Шеварднадзе Эдуардан Центро зорбане яьккхина визитан видеохроника. Центро билгалдоккху, Тбилиси Кавказерчу къаьмнашца юкъаметтигаш тоян лууш хилла хилар, Абхазерчу тIамехь цара лелийначуьнга хьаьжна доцуш.
"Ведучи" курорт йина чекхъяккха ахча хьажо лууш ву Кадыров, амма цкъачунна хьеший кхойкхуш бац Нохчийчу. Кеста "Ведучи" курортана тIехь белхаш дIаболош шолгIа мур болор бу – мел лахара а, мехкан куьйгалхо ву ишта дегайовхо йолуш, яздо "Кавказ.Реалиино". КIира хьалха республике кхайкхира цо, "Ведучи" курорте хьажа а, ахча проектана оьшуш хиларх тоьшалла чIагIдан а, Оьрсийчоьнан Iедалан векал Трутнев Юрий. Нохчийчохь карантинан раж малйинчул тIаьхьа хир долуш цу церан цхьаьнакхетар. Кадыровн лаамийн... Читать дальше...
