Гуьржийн журналист вен ваханарг лаьцна
Дийнахь-буса 11 стаг велла уьнах Къилбаседа Кавказехь; гуьржийн журналист вен киллер хьажийна Тбилисе; Протестехь бу Дагестанера шайн цIабаха гIерта азербайджанхой
Дийнахь-буса 11 стаг велла уьнах Къилбаседа Кавказехь; гуьржийн журналист вен киллер хьажийна Тбилисе; Протестехь бу Дагестанера шайн цIабаха гIерта азербайджанхой
Несарахь гергарчу наха, вовшахлахь дов а даьлла, леташ вийна шайх виъ стаг. Царах цхьаъ полицин белхахо а хилла. Оцу хьокъехь "Кавказ.Реалиига" хаам бина меттигерчу бахархоша. Цара дийцарехь, лазийна кхин а ворхI стаг. Уьш дарбан цIийне охьабехкина. Юхьанцара болчу хаамашца, вовшашна герзаш а детташ, гергара нах летта лаьттан дакъа къовсуш. Пхийттех стаг хилла девнехь дакъалоцуш. "Кавказ.Реалиино" хиллачу бохамна комментари яр дехна ГIалгIайчоьнан чоьхьарчу гIуллакхийн министраллерчу пресс-векалте. Читать дальше...
Журналиста Габуния Георгийс дIахьедина, Оьрсийчоьнан президент Путин Владимир сийсазвеш ша къамел дича, цо а, Кадыровс а аьлларг шена хаьа, цундела шен кхерамзаллах вогуш вара ша, аьлла. "Сайн монолог ас яржошшехь, Путин сайна дуьхьалвер вуйла, юха иза Пачхьалкхан Думехь луьстур дуйла, Кадыровс къамел дийр дуйла ца хаьара суна. Амма цара массара а шаьш эриг аьлча, со кхийтира иза ларамза доцийла. Путинна ца беза нах хIаллакхбеш буйла гойту масалш долуш ду вайн. Со ларвала везийла суна хаьара. Суна тIехIоттийна долу ха чIагIдира. Читать дальше...
Масех де ду Францерчу Дижон гIалахь Алжирера а, Мароккора а схьабевлла кегийнах нохчашца девне бевлла. Дерриг а доладелла 16 шо долчу нохчочунна йиттинчул тIаьхьа. ГIалахь наркотикаш юхкучу наха дина и зулам, аьлла, гIалин юккъехь лаьттачу кальян-баран дайх летта нохчий. Цул тIаьхьа дIасабахна. Амма эццахь гIалахула талораш дан буьйлабелла нохчашна дуьхьаллаьттарш. Цигара хьал машарца дерзо гIерта нохчийн Францерчу диаспорин куьйгалхой. "Барт-Маршо" юкъараллин лидера Сулейманов Джамбулата довзуьйту Дижонера хьал.
Бахархойн динан бакъонашна тIехь дозанаш детта Таджикистанан Iедалхоша аьлла, шайн рапортехь билгалдаьккхина Американ Цхьаьнатоьхначу Штатийн Пачхьалкхан департаменто арахецначу рапортехь. Кеп-кепарчу мехкашкахь динлелоран маршонех талламаш а бой, хIора шарахь шайн жамIаш довзуьйту цара бохуш, яздо "Настоящее Время" телеканало. Документан авторшна хетарехь, 2016-чу шарера схьа дуьйна Таджикистан динан маршо хьоьшучу пачхьалкхех хIоттийначу Iаьржачу тептарехь ю. Зорбане даьккхинчу рапортехь Таджикистанна лерина ю 17 агIо... Читать дальше...
ТIаьххьарчу дийнахь-буса 11 стаг кхелхина коронавирусах Къилбаседа Кавказехь, цомгуш хилла кхин а 555 стаг, боху уьнна дуьхьалоечу Оперативан штабо. Белларш бу: Дагестанера – 9, Краснодар-махкара, ГIалгIайчуьра – цхьацца. Пандеми яржичхьана схьа велла уьнах регионехь 644 вахархо. Дийнахь-буса а, юьхьанца дуьйна а долу дарийн терахьаш иштта ду: Кхарачой-Чергазийчоь + 94 (2349) Дагестан + 93 (6745) Ставропол-мохк + 86 (3845) ГIебарта-Балкхаройчоь + 80 (4055) Краснодар-мохк + 70 (5112) ... Читать дальше...
Оьрсийчоьнан Азербайджанца долчу дозанехь, Дербентан кIоштарчу Куллар юьртанна гергахь, герзаш а детташ, вовшахлетта полици а, Азербайджане дIабаха гIерташ, доза делларе хьоьжуш Iен нах а. Пандеми бахьанехь беттанашкахь бихкина латтийна некъ боьллуш, дуьххьара дехьабевр болучу нехан цIерш къастийна хилла Дагестанан орцан урхаллой, Дербентан кIоштан куьйгалхоший, Азербайджанан Iедалхоший. Амма нахана гучудаьлла, беттанашкахь доза лардечарна юкъа дукха хан йоццуш арабевлла некъахой а язбина хилар. Читать дальше...
Нохчийчуьра схьаяьллачу зудчун шемахойн мухIажирийн куьпахь хене йийларх яздо "Кавказ.Реалии" портало. "Исламан пачхьалкх" шех олучу тобанан дакъошкахь тIемаш бина, тIаьхьа йийсаре лецначарлахь дуккха а бу Оьрсийчуьра схьабевлларш. Шемарчу мухIажирийн каппашкахь а, набахтешкахь а латтош бу уьш. Царах цхьа дакъа Къилбаседа Кавказера зударий бу, дукхахберш берашца а болуш. Пачхьалкхан къилбаседанерчу Ал-Рож а, ал-Хол а каппашкахь хIиттийначу четаршкахь бохкуш бу уьш, тишачу хьелашкахь хене а буьйлуш. Читать дальше...