Къилбаседа Кавказехь 12 велла, ун даьлла ву -567; ТIедогIучу пIераскан дийнахь Рузба маьждигашкахь дийр ду Нохчийчохь; Зуда яло таро йоцучарна ахчанаш декъна Кадыровн фондо; ГIалгIайчуьрчу жигархойх экстремисташ бина
Къилбаседа Кавказан федералан гонашкарчу тIеман кхело набахтехь даккха 6 шо хан кхайкхийна Нохчийчуьрчу вахархочунна Таймусханов Султанна, терроризмана бехке а вина. "Кавказ.Реалии" портало бина цунах лаьцна хаам. Ноьвран кIоштарчу Калиновскера вахархо 2015-чу шеран Марсхьокху-баттера схьа 2016-чу шеран ГIадужу-батте кхаччалц шена вевза жима стаг даIишхойх дIатоха Iалашонца бертавало гIиртина, видеороликаш а гойтуш, хаам бо кхелан пресс-гIуллаккхоша. Таймасхановс къаро ца йина шена дохкучу бехкашна.
Зуда ялон таро йоцучу Нохчийчуьрчу 207 вахархочунна томах дала 50 эзар соьмаш декъна Кадыров Ахьмадан цIарахчу фондо Нохчийчохь. Коронавирусан эпидемина тIехула диттина дозанаш бахьана долуш ахча вовшахтоха ницкъ ца кхаьчначу нахана дIакхачийна ахчанан гIо. "Грозный" телеканалан сюжетехь бина цунах лаьцна хаам, яздо "Кавказ.Реалиис". Республикан хIора кIоштахь вовшахтоьхна гIо оьшучу доьзалийн тептарш, билгалдоккху телехьожийлехь. Яьржина коронавирусан инфекци бахьана долуш Нохчийчохь шога... Читать дальше...
Оршотан дийнахь экстремистийн тептаре баьхна ГIалгIайчохь лаьттинчу протестийн лидерш, яздо "Кавказский узел" агенталло. Жигархой Барахоев Ахьмад а, Ужахов Малсаг а бехкево экстремистийн юкъаррала вовшахтохарна, ткъа Чемурзиев Барахна а, Нальгиев Исмаилна а, Саутиева Зарифина а, Хаутиев Багаудина а, Погоров Ахьмадна а бехкаш дехкина, оцу юкъараллехь дакъа лацарна. ГIалгIайн жигархоша экстремистийн юкъаралла кхоьллина хилла боху, талламчийн верси абсурде ю аьлла адвокато Мальсаговс. Дагадоуьйту... Читать дальше...
Бахчисарай гIалин историн декъан юккъехь лаьтташ ду Орта-Джами цIе йолу маьждиг. ГIирман-гIезалойн маттера гочдича иза ду "юккъера маьждиг" бохург. Орта-Джами ду гIалан визитан картанех цхьаъ. Динан гIишло ю Ханан гIала-цIенна маситта бIе метр гергахь. Цхьана хенахь цу чохь ламазаш дина ГIирман ханаш. ГIирма.Реалиин корреспондент хилира Орта-Джами маьждигехь, хIара суьрташ а дохуш.
Коронавирусан ун даржар бахьана долуш дIакъевлина долу маьждигаш схьадаьстина Урдунехь. БIе шо сов хьалха Нохчийчуьра дIабахначу мухIажираша динчу Заркъерачу маьждигехь гулбелира дуккха а меттигера нохчий. Дуьненахь массанхьа а санна, юккъехь меттиг а юьтуш, нисбо могIарш ламазе хIуьттучара. Заркъехь вехачу Iумарбека шен видео сюжетехь гойту нах ламазе бахкар а, оцу гIалахь вехачу Зия Iабдурахьмана ун даржар бахьана долуш, нах алсам иймане бирзина аьлла хета шена, бохуш дийцар а.
ТIаьххьарчу 24 сахьтехь Оьрсийчохь COVID-19 ун къаьстина 8 985 вахархочуьнца. Цхьа стаг сов ву де хьалха хиллачу статистикел а. Цхьана дийнахь кхелхина 112 стаг, терахь лахара ду кхул а хьалха гайтинчул а. Виъ эзар пациентана дарба хилла. Оьрсийчохь коронавирусан инфекцех беллачийн официалан терахь 6 эзаре гIоьртина. Оьрсийчохь лелачу методикаца, коронавирусах белла массо а пациенташ бац COVID-19 вирусах кхелхинчийн тептарехь. Пачхьалкхехь эпидеми яьржичхьана 476 эзар стагана ун даьллера. Дарба деш ду 240 эзарна. Читать дальше...
Къилбаседа Кавказехь тIаьххьарчу дийнахь а, буса а кхелхина коронавирусан уьнах 12 стаг. Вирус къаьстина кхин а 567 вахархочуьнца. Оперативан штабан хаамца, Дагестанехь кхелхина пхи дархо, ГIебарта-Балкхаройчохь а, Ставрополан кIоштахь а шишша, Краснодаран махкахь а, Нохчийчохь а, Кхарачой-Чергазийчохь а цхьацца велла. Эпидеми яьржичхьана Къилбаседа Кавказехь верриг а велларг ву 588 стаг. Къаьсттина ун даьлла нах дукха билгалбевлла Дагестанехь – 112: Дагестанехь +112 (5 970 ву эпидеми яьржичхьана)... Читать дальше...
ШолгIа де а ду Британин масех гIаланашкахь эзарнаш нах расизмна а, полицин шогаллина а дуьхьал демонстраци буьйлу, яздо казахийн Азаттык сервисо (Маршо Радио) . Black Lives Matter (Iаьржачийн дахар а ду маьIне) цIарца кIиранан дийнахь дIаяьхьна протесташ яра, Iамеркан Цхьаьнатоьхначу Штаташкахь афроIамеркахо полисхочун карах веллачул тIаьхьа протесте буьйлучу меттигерчу бахархошна тIехIотта Iалашонца кхайкхийна. Iамеркарчу Миннесотан штатерчу дарбан цIийнехь байначу беттан 25-чохь велира 46 шо долу афроIамеркахо... Читать дальше...
ТIедогIучу пIераскан дийнахь махкарчу массо а маьждигехь Рузба дан мегар ду аьлла, дIакхайкхийна Нохчийчоьнан куьйгалхочо Кадыров Рамзана. Коронавирусаца лаьтта хьал а оьзна, иштта республикан муфтийца Межиев Салахьца дага а ваьалла, тIеэцна бу ша, аьлла цо и сацам. Билгалдаьккхина, маьждигашкахь санитаран эпидемиологин низамаш Iалашдан дезаш хилар: социалан дистанци ларъяр а, масканаш лелор а. Карладоккху, Зазадоккху-баттахь дуьйна Нохчийчохь коронавирусан эпидеми яржарца дIакъевлина лаьттира массо а маьждиг.
Товбеца-беттан 15-чу дийнера схьа дуьйна 15 пачхьлкхашка кеманаш лелийта кечамаш беш ю Росавиаци, хаам бо РБК а, ТАСС а агенталлаша, цIарах ца йийцинчу авиакомпанерчу шайн хьосташна тIе а тевжина.ТАСС зорбан гIирсо дийцарехь, де хьалха тIеэцна бу цу кепара сацам. Роспотребнадзорца цхьаьна кечдийр долуш ду кеманаш лелар долчу пачхьалкхех тептар. РБК-но хаам барца, Росавиацино дозанаш дастар хьехна уггар а хьалха Европерчу пачхьалкхашца а, Туркойчоьнца а, Китайца а, Къилба Корейца а. Ткъа "Интерфакс" тешна ю... Читать дальше...
ТIаьххьарчу хаамашца, Нохчийчохь коронавирусан уьнах велла кхин а цхьа дархо. Махкарчу могушалла Iалашъяран министро Сулейманов Эльхана дина иштта дIахьедар, яздо "Чечня Сегодня" агенталло. Тахалерачу дийнахь лоьраша вирус толлуш ву 5953 вахархо. Ун къаьстина 1 345 стагах, дарба хилла 986 пациентана, COVID-19 вирусах цхьа стаг кхелхина, карарчу хенахь 15 вовшахкхетта уьш. Коронавирусах Iалашдалархьама масканаш лелор а, социалан дистанци а, гигиена а ларъяр хьехна министро бахархошна.
