Новости за 24.06.2020

Коронавирусан пандеми бахьана долуш тоьхначу карантинан дозанаш малдеш, карарчу беттан 25-хь дуьйна республика шолгIачу муьре ерзочу омрана тIе куьг таIийна мехкан куьйгалхочо Калиматов Махьмуд-Iелас, яздо ТАСС агенталло. Бакъо хир ю йиллинчу майданашкахь спорт лело. Еарин дийнахь дуьйна болх бан юьйлалур ю цхьайолу дешаран хьукматаш а, аьхкенан кафеш а, ресторанаш а. 400 еакIов метар йолу йохкаран объекташ а схьаелла дагахь бу ГIалг1айчохь. Карарчу беттан 8-чу дийнера схьа болх беш ю республикехь юкъара транспорт а... Читать дальше...

COVID-19. Къилбаседа Кавказера хьал: 12 велла, 423 цомгуш хилла; Францера мила дIахьажор ву къастош ду Дижонехь; Оьрсийчуьрчу колонехь пхенаш хедийна 15 тутмакхо

Францехь Ниццерачу коьртачу маьждиган имам Магомадов Рамзан цхьаьнакхетта цу гIалин мэраца Эстрози Кристианца, яздо "Тергам" интернет-гIирсо. КIира хьалха Ниццехь нохчийн диаспоран векалшна а, Къилбаседа Африкера схьабевллачу бахархошна а юкъахь хиллачу кхийсарех дийцаредар яра цу шиннан цхьаьнакхетаран Iалашо. "Цигахь иштта дакъалоцуш вара меттигерчу нохчийн "Къанойн Кхеташонан" хьалханча Гулаев Заурбек а, "Кавказ-Франция" ассоциацин президент Макаева Нура а, иштта диаспоран кхиболу векалш а". Читать дальше...

Тахана, Мангал-беттан 24-чохь, Оьрсийчохь даздеш ду «дехьатеттина» хилла Толаман Де. ТIеман гайтамца халкъан патриотизм чIагI а еш, нахе конституцин хийцамаш къобалбайта а, ша даржехь йоккху хан дIаяхъяйта а гIерта президент Путин Владимир. Дуьненан ШолгIачу тIамехь Германи эшор дазден де Стигалкъекъа-беттан 9-гIаниг ду. Иза цаваьлла, ун даржар бахьана долуш, таханене даккха дийзира Путинан. Амма Мангал-беттан 24-гIаниг а дац могIара де – 75 шо хьалха, 1945 шеран оцу дийнахь хIоттийна Советан... Читать дальше...

Къилбаседа Кавказехь тIаьххьара бинчу хаамашца, коронавирусан инфекцех 12 дархо кхелхина, 423 стагана ун даьлла, хаам бина "Кавказ.Реалиино". Оперативан штабан информацица, Дагестанехь а, ГIалмакхойчохь а кхоккха велла, Краснодаран а, Ставрополан а мехкашкахь а, Кхарачой-Чергазийчохь а кхелхина шишша. Верриг а Къилбаседа Кавказехь COVID-19 вирусах велла 729 пациент. ТIаьххьарчу дийнахь а, буса а къаьсттина дукха нахана ун даьлла Кхарачой-Чергазийчохь – 84: Кхарачой-Чергазийчохь + 84 (3 067... Читать дальше...

Дагестанерчу Халкъан гуламан куьйгалхочо Шихсаидов Хизрис схьадиллина кехат дахьийтина нохчийн парламентан спикере Даудов Мохьмаде, яздо "Кавказ.Реалиино". Цо кхетийна, Нохчийчоьнна а, Дагестанна юкъара дозанаш къасточу комиссин болх стенна сецна бу бохучух. Дагестанан парламентан сайта тIехь зорбане даьккхина шинарин дийнахь и документ. Коронавирусан эпидемино новкъарло йина, боху Шихсаидовс комиссин балхана. Иштта, цо дийцарехь, берриг а тергам Оьрсийчоьнан Конституцехь бечу хийцамашна кхаж тасийтар вовшахтоха хьажийна цара. Читать дальше...

Дижонехь хиллачу инцидентан хьокъехь Францерчу адамийн бакъонашкахула йолчу лигано (Ligue des droits de l’Homme) Нохчийн комитетца а (Comité Tchétchénie), Дуьненаюкъарчу адамийн бакъонашкахьа йолчу федерацица а (Fédération internationale pour les droits humains) юкъахь дина дIахьедар зорбане даьккхина шинарин дийнахь, яздо "Кавказ.Реалиино". Цара хаам бина, хьалхо лаьттинчу къепедацаршна шаьш реза дац, адамийн бакъонийн а, маршонан а принципаш шаьш тIечIагIъеш ю аьлла. "Оцу хиламаша, къаьсттина политикашлахь, реакци меттахъяьккхина. Читать дальше...

Оьрсийчоьнан арахьарчу гIуллакхийн министраллан (МИД) официалан векало Захарова Марияс комментари йина Гуьржийчоьнан журналисто Габуния Георгийс президент Путин Владимир аьшнашварна. "Эхо Кавказа" портало бина цунах лаьцна хаам. Шен жоьпехь Лавров Сергейн аларх пайдаэцна цо. "Кхузахь ала догIу: "Мехкарий, шу цомгуш ду ",- дIахьедина Захаровас. Кху шеран Чиллан-баттахь гуьржийн журналистийн хеттаршна жоьпаш ца деллачу МИД-ан куьйгалхочо Лавров Сергейс "цомгаш зудабераш" аьлла хиллера царна. Тбилисехь... Читать дальше...

Бакъонашларъярхоша чIагIдарехь, шайлахь Къилбаседа Кавказера схьабевлларш а болуш, 15 тутмакхо шайн пхенаш хедийна, коронавирусун инфекцина дарба дан дуьхьало йича, яздо "Кавказ.Реалиино". Мордоверчу ИК-7 колонехь коронавирусан эпидеми иккхина аьлла, хаам баржийра цара кху беттан 21-чохь "Шайна гIо доьхуш, соьца зIене бевллера уьш.  Дуьххьара дац, оха цаьрца къамелаш деш. Оцу цамгаро нах бойуш бацахьара, ас хIара даржор а дацара", - аьлла, дийцина "Кавказ.Реалиига" бакъонашларъярхочо Титиев Аюба. Читать дальше...

Шен йоI доьзалехь ницкъбина йийна аьллачу Умаева Мадинин нанас Давлетмирзаева Хутмата гечдар дехна шена Нохчийчоьнан куьйгалхочуьнга Кадыров Рамзане. Нохчийн ЧГТРК "Грозный" телевизионан эфирехь шинарин сарахь, 23 шо долу Гуьмсера схьаяьллачу Мадинин яларан бахьанаш толлуш Гуьмсан мэрехь дIабаьхьна гулам гайтира сюжетехь. Цу цхьаьнакхетарехь мехкан куьйгалхочо довзийтина Умарована йинчу экспертизан жамIаш. Цо бахарехь, ницкъбина хиларан ларш яц зудчун дегIа тIехь. Нанна тIедожийра Кадыровс дуьххьара цуьнан йоI йийна аьлла... Читать дальше...