کابل کې د هنر سالار بڼسټ چې د وژل شوې فرخندې انځور د نوموړې د وژلو په ځای کې رسم کړ وایي چې لا هم د نوموړې د وژنې عاملین خيلې سزا ته رسېدلي نه دي. یو شمېر کابل ښاریان وایي، حکومت باید د ښځو او ماشومانو پر وړاندې له تاوتریځوالي مخنیوی وکړي فېروزه یي په اړه راپور برابر کړی ویډیو او ایډیټ: تمیم اخګر
د نوي کال لومړۍ ورځ یا «نوروز» ته د کابل ښاریانو چمتوالی نیسي. دوی نوی کال په جلبیو، کبانو، هفت مېوې، سمنک، سبزي چلو او قدم وهلو او تفریح کولو لمانځي. د افغانستان د کورنیو چارو وزارت هم ډاډ ورکوي چې د نوروز د مراسمو لپاره لومړۍ درجه نظامي احضارات عملي کوي.
د افغانستان د کورنیو چارو وزارت وايي چې د ۱۳۹۸ لمریز کال په راتګ سره په ټول افغانستان کې د وسلهوالو مخالفینو پر ...
کابل کې لا هم د فرخندې لپاره د مدني حرکتونو په توګه عدالت غوښتنه کېږي.
د افغانستان ولسمشریز انتخابات وځنډېدل. د افغانستان د انتخاباتو خپلواک کمېسیون وايي، د افغانستان ولسمشریز انتخابات به ...
د بلخ نوی امنیه قوماندان عبدالرقیب مبارز وايي، د نوروز د لمانځلو لپاره یې جدي امنیتي تدابیر نیولي دي. عبدالرقیب مبارز نن چهارشنبه د مارچ شلمه، ازادي راډیو ته وویل: "هېڅ د اندېښنې ځای نشته، موږ د سیمې د اوسېدونکو سره په دوامدار ډول په تماس کې یو. هر څوک چې دلته راځي موږ امنیت ورته نیسو، هېڅ امنیتي مشکل دلته نشته." د یو شمېر سرچینو په حواله، د افغانستان ولسمشر محمد اشرف غني به سبا په بلخ کې د نوروز د جشن د پېل په مراسمو کې برخه اخلي، خو د بلخ امنیه قوماندان دا خبر نهدی تأیید کړی. د ازادي راډیو... Читать дальше...
د عفوې نړیوال سازمان ویلي، د امریکا د متحدو ایالاتو پوځ په وروستیو دوو کلونو کې په سومالیا کې هوايي حملې کړي چې ملکي وګړي پهکې وژل شوي دي. د عفوې نړیوال سازمان ویلي چې دا کار ښايي جنګي جنایت وګڼل شي، خو په افریقا کې د امریکايي ځواکونو قوماندانۍ دا ادعاوې رد کړي دي. د عفوې د نړیوال سازمان په څېړنه کې څرګنده شوې چې په ۱۱۰ هوايي حملو کې چې د ۲۰۱۷ میلادي کال له دوبي راهیسې شوي، ۱۴ ملکي وګړي وژل شوي دي. د عفوې نړیوال سازمان ویلي چې حملې ظاهراً د جګړې پر نړیوالو قوانینو تېری کوي او په ځينې مواردو کې جنګي جنایت بلل کېدلی شي. Читать дальше...
د امریکا د جیولوژیکي سروې اداره وايي چې د ترکیې په جنوب ختیځ کې پینځه اعشاریه اووه درجې زلزله شوې ده. په ترکیه کې د بېړنیو حالاتو ځانګړې ادارې ویلي چې د زلزلې دوه ټکانونه احساس شوي دي. د ترکیې د ډنیزلي سیمې والي حسن کرهان وویل چې د ودانیو د نړېدو له امله خلک ژوبل شوي او ډېرو کسانو چې ځانونه یې له برنډو لاندې غورځولي، زخمیان شوي دي. د زلزلې له امله ځینې کورونه تخریب شوي هم دي.
په بلوچستان کې وسلهوالو طالبانو شپږ ملېشه عسکر وژلي دي. حمله نن چهارشنبه د مارچ شلمه د بلوچستان په زیارت سیمه کې شوې ده. د حملې مسؤلیت د پاکستاني طالبانو ډلې، تحریک طالبان پاکستان اخېستی دی. دې ډلې په یوه بیان کې ویلي چې دا حمله یې په بلوچستان کې د ملېشه ځواکونو په عملیاتو کې د خپلو ملګرو د قتل د غچ اخېستلو لپاره کړې ده.
د افغانستان ولسمشر محمد اشرف غني نن د ۱۳۹۸ هجري لمریز کال په مناسبت په وینا کې د پوهنې له وزارته او ښاروالۍ غوښتنه وکړه چې د ښوونځیو د زرغونولو لپاره کار وکړي. غني چې د ملي امنیت د سلاکار حمدالله محب په ګډون یو شمېر لوړ رتبه دولتي چارواکي ورسره وو، وویل چې سږکال داسې باران او دومره واوره شوې چې په تېرو پینځو کلونو کې ساری نهلري. هغه وویل چې دا به د وچکالۍ له کمولو سره مرسته وکړي او په افغانستان کې به د دوه فیصده اقتصادي ودې ته زمینه برابره کړي.
د فوټبال د ایرمارین مالیزیا د جام سیالیو په لومړۍ لوبه کې عمان افغانستان ته ماتې ورکړه. دغه سیالۍ چې په مالیزیا کې ترسره شوه، افغانستان له عمانه پنځه د صفر په وړاندې ماتې وخوړه. د دغه سیالیو بله لوبه اوس مهال د مالیزیا او سنګاپور ده چې ګټونکې لوبډله به يې د درېیم مقام د ترلاسه کولو لپاره د راتلونکې سې شنبې په ورځ د افغانستان په وړاندې د سیالۍ ډګر ته ځي. پهدې سیالیو کې د افغانستان ترڅنګ عمان، مالیزیا، او سنګاپور برخه لري.
د قزاقستان مستبد ولسمشر نور سلطان نظربایف چې ۳۰ کالهيې هېواد په خپله قبضه کې وساته، د خپلې استعفا په پروني اعلان ډېر ...
د افغانستان د سولې عالي شورا وايي، په هغه صورت کې چې د قطر د ناستې چې د مسکو د ناستې په دوام جوړېږي اجنډا ورسره شریکه شي...
د ازادي راډیو د دې اوونۍ د لوبو له میدانه خپرونه کې مو دا مطالب او موضوعات راټول کړي.
د قزاقستان د مخکني جمهور رئیس لور، درېغه نظربایف نن چهارشنبه د مارچ شلمه، د هغه هېواد د پارلمان د سنا مشره وټاکل شوه. درېغه نظربایف ۵۵ کلنه ده او په اکثریت رأیو د سنا مشره وټاکل شوه. نورسلطان نظربایف تقریباً دېرش کاله د هغه هېواد ولسمشر و. هغه پرون استعفا وکړه. د ولسمشر تر استعفا وروسته، د قزاقستان د اساسي قانون له مخې، د سنا مشر قاسم ژومات تقیف د جمهوري ریاست لپاره وټاکل شو. د قزاقستان سرپرست ولسمشر هم نن د خدمت لوړه وکړه.
په سربرنیڅه کې د قتل عام د قربانیانو خپلوان او د کورنیو غړي نن چهارشنبه د مارچ شلمه، د رادوان کاراجیچ په برخه کې ملګرو ملتونو قضاوت ته شېبې شمېري. په ۱۹۹۵ میلادي کال کې په سربنيڅه کې ۸ زره مسلمان نارینه چې هلکان او د پاخه عمر سړي په کې وو، ووژل شول. رادوان کاراجیچ د بوسنیا له صربانو څخه دی او په دې قتل عام کې په لاس درلودلو تورن دی. هغه همدا راز د سرایوو د څلور کلنې محاصرې چې نېږدې لس زره کسان په کې ووژل شول، له پلان جوړونکو ګڼل کېږي. هغه په ۲۰۱۶ میلادي کال کې په قتل عام، د بشري ضد جرمونو... Читать дальше...
د جمعیت اسلامي ګوند اجرائیه مشرعطا محمد نور د ۱۳۹۸ نوي کال «نوروز» په مناسبت د مبارکۍ په یوه وېډیويي پیغام کې د ملي یووالي...
په ارزګان کې د پوهنې رياست له لوري پهدغه ولايت کې د زدهکړو په برخه کې د عامه پوهاوي او ماشومانو زدهکړو ته د هڅولو په ...
د افغانستان د ملي امنیت شورا دفتر د افغانستان د ملي امنیت د سلاکار حمدالله محب د استعفا راپورونه رد کړل. د دې شورا مرستیال ویاند عبدالکبیر واثق ازادي راډيو ته وویل چې پهدې اړه خپاره شوي ټول خبرونه تشې اوازې او ښاغلی محب خپلې دندې ته دوام ورکوي. نوموړي زیاته کړه: "د محب د استعفا خبرونه یوازې فېسبوکي اوازې دي چې هېڅ صحت نهلري." تېره شپه داسې راپورونه خپاره شول چې ګوندې د افغانستان د ملي امنیت شورا سلاکار حمدالله محب له خپلې دندې استعفا ورکړې، خو د ولسمشر اشرف غني له لوري نهده منل شوې. Читать дальше...
د ملګرو ملتونو د ماشومانو د ملاتړ ادارې يا «يونېسف» د کرکټ وتلى ستورى راشد خان په افغانستان کې د ښه نيت د سفير په توګه ونوماوه. دغې ادارې نن په يوه اعلاميه کې ويلي له دې سره به ۲۰ کلن راشد خان د نجونو د زدهکړو د ودې، د خوارځواکۍ او ګوزڼ ناروغۍ په لهمنځه وړلو او د واکسين د پراختيا په برخه کې مرسته وکړي. راشد خان د يونېسف ادارې مننه کړې چې د روغتيا، تعليم او تغذيې په برخه کې د همکارۍ لپارهيې ورته زمينه برابره کړې ده. په افغانستان کې د يونېسف ادارې استازې ادېل خضر د راشد خان مننه کړې چې تر دې مخکې هم د ماشومانو حقونو ته ژمن و. Читать дальше...
افغان ځواکونو په کندز کې د وسلهوالو طالبانو د ځپلو په هدف پسرلني تصفیوي عملیات پیل کړي دي. په کندز کې د پامیر د شلمې فرقې د چارواکو د خبرو پر بنسټ، له دوو ورځو راهيسې دغه پوځي عمليات لا هم روان دي. د پامیر د شلمې فرقې درستيزوال سید قربان موسوي پهدې اړه نن ازادي راډيو ته وویل: "په روانو عملیاتو کې ۳۰ تنه وسلهوالو طالبانو ته مرګ ژوبله اوښتې او د دښمن یو شمېر مرکزونه هم تخریب شوي دي." په کندز کې د پامير د شلمې فرقې چارواکي خلکو ته ډاډ ورکوي چې ټولې سیمې به د وسلهوالو طالبانو له شتون څخه تصفیه شي. Читать дальше...
په نيوزيلنډ کې خاورو ته د هغو کسانو د سپارلو مراسم ترسره شول چې پر دوو جوماتونو په حمله کې وژل شوي دي. نن په کرايستچرچ ښار کې سلګونه کسانو د خالد مصطفى او د هغه د ۱۵ کلن زوى حمزه چې له سوريې کډوال شوي وو، د جنازې په مراسمو کې برخه واخیسته. تېره جمعه په دغه ښار کې پر دوو جوماتونو په ډزو ٥٠ کسان ووژل شول او نږدې ٤٠ تنه نور ټپيان شول. د استراليا يو ٢٨ کلن وګړی برينټون تارنت، پر لمونځ کوونکو په ډزو تورن شوى دى. په غير رسمي ډول ويل شوي چې په قربانيانو کې د پاکستان، افغانستان، بنګلهدېش، ترکيې،... Читать дальше...
د ۶۳۱ میلیونه ډالرو په ارزښت به بدخشان ته د برښنا رسولو او شیوهبند د جوړولو تفاهم لیک لاسلیک شو. جمهوري ریاست نن په یوه بیان کې ویلي چې د جمهور رئیس محمد اشرف غني په حضور کې بدخشان ته د برښنا رسونې او شیوهبند د جوړولو تفاهم لیک تېره ورځ ناوخته لاسلیک شوی. د دغه تفاهملیک هدف د اغاخان اقتصادي پراختیا صندوق او د دوی انکشافي شریکانو د ۶۳۱ میلیونه ډالرو پانګونې په ارزښت د بدخشان خلکو ته د برښنا تولید دی. د بدخشان ولایت د برښنا انرژۍ د اړتیاوو رفع کولو په خاطر د دغې پروژې د تړون موده ۳۰ کاله... Читать дальше...
د افغانستان د کرنې، اوبو لګولو او مالدارۍ وزارت په بلخ ولایت کې د غوښینو چرګانو د روزنې لپاره د ۵۰ فارمونو د جوړولو چارې پیل کړي. د کرنې وزارت ویاند اکبر رستمي نن ازادي راډيو ته وویل چې دغه فارمونه هر یوه یې د ۵۰۰ چرګانو د روزنې وړتیا لري. یاد فارمونه د بلخ ولایت په نهر شاهي او بلخ ولسوالیو کې د اقتصادي ودې په هدف هغو اړمنو کسانو ته جوړېږي چې مخکې له مخکې سروې شوي دي. د چرګانو د فارمونو له جوړولو څخه هدف د چرګانو د بې کیفیته غوښو او هګیو د واردولو مخنیوی او د کورنیو اقتصادي پیاوړتیا ده.
