د جرمني د بهرنیو چارو وزارت وايي، په کولن ښار کې د طالبانو د خوړو او درملو د ادارې د رییس حضور په اړه څېړنې کوي. عبدالباري عمر د پنجشنبې په ورځ په کولن کې یوې غونډې ته وینا کړې ده. د جرمني د بهرنیو چارو وزارت په ایکسپاڼه لیکلي، عمر ته یې ویزه نه ده ورکړې او برلین د طالبانو حکومت په رسمیت نه پېژني.
په غزه کې د الشفا روغتون څخه چې په دې تړانګه کې تر ټولو ستر روغتون دی یو شمېر کسان ووتل. له دې روغتون خه وروسته تر دې دا کسان ووتل چې اسراییلي ځواکونو دوی ته امر وکړ چې لاره به ورته خوشې کړي، خو روغتون دې پریږدي چې هلته د حماس افراطي ډلې پر ضد عملیات کوي. د دې پېښې او په غزه کې د تازه جګړو به اړه نور جزییات په دې ویډیويي راپور کې.
تصور یې کولای شئ چې په راتلونکي کې به داسې غوښه هم په بازار کې پلورل کېږي چې د حیوانانو له فارم څخه به نه وي ترلاسه شوي بلکې ساینس پوهانو به په لابراتوار کې کرلې کړې وي. د دې ډول مصنوعي غوښې د تولید لپاره د تولیدي شرکتونو هڅې روانې دي او د غوښې مصرفوونکي او کارپوهان تمه لري چې دا په راتلونکي کې شونی دی. په دې راپور کې چې احمدتکل برابر کړی، په دې اړه تفصیل وګورئ
په افغانستان د تېر جمهوري حکومت يو شمېر پوځيان وايي، د امريکا کانګرس ته يې په يوه پرانيستي ليک کې په افغانستان او په ګاونډيو هېوادونو کې د پخوانيو افغان پوځيانو وضعيت ته د پاملرنې غوښتنه کړې ده. د امریکا کانګرس ته په یوه پرانیستي لیک کې ځینو پخوانیو پوځیانو په افغانستان ایران او پاکستان کې د افغانستان د پخواني جمهوریت د پوځیانو د وضعیت په اړه اندېښنه ښودلې ده. په دغه لیک کې چې متن يې ازادي راډیو ته رسېدلى، راغلي چې دا لیک په افغانستان کې د څه باندې ۵ زرو پخوانیو پوځیانو له خوا لیکل شوی، ويل شوي... Читать дальше...
د روسیې د بهرنیو چارو وزارت د روسیې د بانک او مالیې وزارت پخوانی مرستیال د هغو کسانو په لېست کې شامل کړ چې تر تعقیب لاندې دي. رویټرز اژانس څرګندوي چې نن روسیي رسنیو دغه خبر ورکړ. د روسیې په چارو کې د بهرنیو هېوادونو د مداخلې په برخه کې د تحقیقاتي کمېټې مشر واسیلي پیسکاریف تېره اوونۍ ادعا کړې وه چې الکساشینکو هغه بندیزونه تنظیموي چې لوېدیځ یې پر روسیې لګوي. الکساشینکو په اوکراین کې د روسیې پر برید انتقاد کړی دی. وروسته تر دې چې د ولادیمیر پوتین له حکومت سره د ده اختلاف پیدا شو، دی د امریکا... Читать дальше...
له پاکستانه د تیرو څو اونیو په ترڅ کې په سلګونو زره کډوال افغانستان ته په زوره ایستل شوې دي. اسلام اباد وایي دا بهیر به ادامه پيدا کړي. مرستندویه موسسې د ژمي په درشل کې دې کډوالو ته اندیښمنې دي، خو داسې نظر هم شته چې له پاکستانه به د افغانانو ایستل د پاکستان پر اقتصاد منفي تاثیر وکړي او په اوږدمهال کې به د دواړو ګاونډیو اړیکي ډیر زیانمن کړي. په دې اړه دلته بحث کتلی شئ
د ارمنستان صدراعظم وایي، ایروان او باکو د سولې تړون په ابتدایي ټکو موافقه کړې، خو دواړه لوري مخالفه ډیپلوماتیکه ژبه کاروي. د اروپا د امنیت او همکارۍ د سازمان پارلماني غونډې ته چې نن په ایروان کې پیل شوه، نیکول پاشنیان وویل، اذربایجان باید هغو درېیو اصولو ته چې د سولې لپاره وار له مخه موافقه پرې شوې، علني ژمن ووسي. ایروان وایي، موافقه شوې چې ارمنستان او اذربایجان به د یوه بل ځمکنۍ بشپړتیا په رسمیت پېژني، پولي به د ۱۹۹۱م کال د الماتا د اعلامیې له مخې ټاکي او سیمه ییز تجارت به پرانیستل کېږي. ... Читать дальше...
د طالبانو د حکومت د خوړو او دوا د ادارې د رییس عبدالباري عمر حضور د جرمني د کولن ښار په یوه جومات کې د جرمني د چارواکو غصه پارولې ده. د جرمني 'ډي پي اې' اژانس په خپله ایکسپاڼه یا پخواني ټویټر کې د طالبانو د استازي حضور په کولن کې غندلی دی. دا وزارت زیاتوي چې حکومت وار له مخه د طالبانو د دې چارواکي له سفره خبر نه و او ده ته جرمني ویزه نه ده ورکړې. د جرمني د بهرنیو چارو وزارت څرګندوي چې پر دې موضوع به غور وکړي. د پنجشنبې په ورځ چې کومه ویډیو په خواله رسنیو کې خپره شوه، په هغې کې عمر ښکاري چې... Читать дальше...
د پاکستان د بلوچستان ایالت د اطلاعاتو وزیر وايي، له دې هېواده د ټولو افغان کډوالو د ایستلو بهیر به له جنورۍ وروسته اعلان شي. د پاکستان حکومت وايي، له دغه هېواده د بېاسناده افغان کډوالو د ایستلو بهیر به د راتلونکي کال تر جنورۍ پورې پای ته ورسېږي او له هغه وروسته به اسناد لرونکو افغان کډوالو د ایستلو مهالوېش اعلان کړي. د بلوچستان ایالت د اطلاعاتو وزیر جان محمد اڅکزي د جمعې په ورځ په یوه خبري غونډه کې له پاکستانه د ټولو افغان کډوالو د ایستلو په اړه څرګندونې وکړې. نوموړي دې ته په اشارې سره چې... Читать дальше...
په هرات ولایت کې له مرګونې زلزلې له شاوخوا څلویښتو ورځو له تېرېدو وروسته لا هم یو شمېر زلزله ځپلي په خیمو کې ژوند کوي او له ګڼو ستونزو سره مخ دي. د افغانستان په لوېدیځ کې له مرګونې زلزلې چې مرکز یې د هرات ولایت وو، شاوخوا یوه میاشت او لس ورځې تېرېږي، خو لا تر اوسه هم یو شمېر زلزله ځپلي له ډېرو ستونزو سره په خیمو کې شپې ورځې تېروي. دا زلزله ځپلي په داسې حال کې په خیمو کې شپې ورځې تېروي چې هوا مخ په سړېدو ده او له څو ورځو راهیسې په دې ولایت کې د بارانونو ورېدل هم پیل شوي. د هرات ولایت د زنده... Читать дальше...
نن د نومبر ۱۸مه د انټي بیوټیک په اړه د پوهاوي نړیواله اوونۍ پیل شوه چې د نومبر تر ۲۴مې به دوام وکړي. د روغتیا نړیوال سازمان یا 'ډبلیو ایچ او' په وینا، د انټي بیوټیک په اړه د یوې اوونۍ کمپاین موخه د دې کټګورۍ درملو سم کارولو په اړه د خلکو پوهاوی لوړول او د انټي بیوټیک کارونکو ترمنځ د درملو مقاومت لرونکي انتاناتو پېښې کمول دي. په ورته وخت کې یو شمېر متخصص ډاکتران وايي، د انټي بیوټیک کارول په ځانګړي ډول د متخصص له مشورې پرته په بدن کې د ټولو ډولونو باکتریاوو پر وړاندې اغېزمن نهدي او د دوی له ډلې... Читать дальше...
د بخښنې نړیوال سازمان د معترضو مېرمنو پریسا ازاده، ژولیا پارسي، ندا پرواني او د پوهنتون د استاد رسول پارسي له قید او شرط پرته د ژر خوشې کېدو غوښتنه کړې ده. د بخښنې نړیوال سازمان د طالبانو د حکومت له لوري د پریسا ازاده په خپلسري نیول کېدو ژوره اندېښنه ښودلې ده. یاد سازمان پرون ناوخته پر خپله ایکسپاڼه د اغلې ازاده په ګډون د معترضو مېرمنو ندا پرواني، ژولیا پارسي، د پوهنتون د استاد رسول پارسي او د نورو فعالانو او معترضانو د بې له قید او شرطه خوشې کېدو غوښتنه کړې ده. د بخښنې نړیوال سازمان همدا شان... Читать дальше...
د ښځو پر ورزش د طالبانو د حکومت د بندیزونو او محدودیتونو له دوام وروسته د پارالمپیک د ملي لوبډلو یو شمېر ښځینه غړې وايي، له دوو کلونو څخه زیات وخت کېږي چې دوی له روزنې او په ورزشي سیالیو کې له ګډون څخه بې برخې دي او دا د دې لامل شوى چې له ډېرو رواني او روحي ستونزو سره مخ شي. په تېرو دوه کلونو کې د نجونو او ښځو پر ورزشي لوبو د طالبانو د حکومت پرله پسې بندیز په افغانستان کې د معلولینو د ملي ټیم د یو شمېر ښځینه غړو اندېښنې زیاتې کړې دي. دوی وايي، طالبانو د دوی تر ټولو لویه هیله، چې د سپورټ په ډګر... Читать дальше...
په غزه کې روغتیایي چارواکي خبر ورکوي چې له الشفا روغتون څخه اکثر ناروغان، روغتیایي کاروونکي او هغه بېځایه شوي چې دلته یې پناه اخیستې وه نن ووتل. د غزې په تړانګه کې الشفا روغتون تر ټولو ستر روغتون دی چې تېره اوونۍ اسراییلي ځواکونو ونیوه. د روغتون چارواکو نن له اسراییلي ځواکونو د روغتون د تخلیې امر ترلاسه کړ. اسراییلي ځواکونو ویلي، هغه کسان چې وځي هغوی ته به لاره ورکړي چې په خوندي ډول ووځي.
په غزه تړانګه کې نن تر یوه بریده د انټرنېټ او ټیلفون خدمات بېرته فعاله شول. تر دې مخکې په سیمه کې د قطع شوي مخابراتي ارتباط له امله ملګرو ملتونو خپلې مهمې بشري مرستې ځنډولې وې، ځکه چې د خپلو کاروانونو ترمنځ یې همغږي نه شوای رامنځته کولی. ملګرو ملتونو خبرداری ورکړی دی چې په غزه کې دوه میلیونه او درې لکه کسان د خوراکي موادو او اوبو له سخت کمښت سره مخامخ دي. خو سمدستي څرګنده نه ده چې د فلسطیني کډوالو لپاره د ملګرو ملتونو د مرستو اداره یا اونروا به د مرستو لړۍ چې د جمعې په ورځ یې درولې وه، بېرته کله پيلوي.
د روغتیایي چارواکو په وینا، د اسراییل هوایي ځواکونو د غزې په جنوب کې د استوګنې په کورونو د جمعې په ورځ بمباري وکړه چې له امله یې لږ تر لږه دوه دېرش فلسطینیان ووژل شول. اسراییل تر دې برید مخکې د سیمې خلکو ته خبرداری ورکړی و چې هلته حماس ډله چې د امریکا متحد ایالتونه او اروپایي ټولنه یې یوه ترورستي ډله بولي، په نښه کوي. بل لور ته د روغتیا د برخې د مسوولانو په وینا، تېره شپه د غزې د خان یونس د استوګنې په یوه سیمه کې د هوایي حملې په ترڅ کې شپږ ویشت فلسطینیان وژل شوي او درویشت نور ټپیان شوي دي. ... Читать дальше...
د ارزګان ولایت یو شمېر معلولین وايي، د حکومت له لوري اوسنی کلنی معاش د دوی لپاره بسنه نه کوي او په وینا یې چې اوسمهال د خوارکي او غیرخوراکي توکو بیې څو چنده لوړې شوي دي. دوی د معاشونو د زیاتوالي او د نړۍ د معلولینو په څېر د اسانتیاوو غوښتنه کوي. په ورته وخت کې مسوولان ژمنه کوي چې معلولینو سره مرستې زیاتوي. اخوا د معلولیت لرونکو د ملاتړ یوه ډله وايي، افغان معلولین تر نورو ډېر د مرستو مسحق دي. نور جزییات د لاندې لېنک په کېکاږلو سره اورېدلی شئ:
د افغانستان په بدخشان کې نن سهار د زلزلې ټکانونه احساس شوي دي. د امریکا د جیولوجي سروې د ادارې له اټکل سره سم دا زلزله د څلور اعشاریه درې ریښتر په کچه وه چې مرکز یې د بدخشان په زیباک ولسوالي کې و. د دې زلزلې ټکانونه په تاجکستان کې هم احساس شوې دي.
ټاکل شوې چې سبا د هند په احمد اباد کې د نریندرا مودي په لوبغالي کې د یو ورځني کرکټ نړیوال جام پایلوبه د کوربه هند او اسټرالیا ترمنځ وشي. د نریندرا مودي د کرکټ سټیډیوم په نړۍ کې د کرکټ تر ټولو لوی لوبغالی دی چې د یولک او دوه دېرش زره لیدونکو لپاره ځای لري. په نیمه پایلوبه کې هند نیوزیلنډ ته او اسټرالیا جنوبي افریقا ته ماتې ورکړې وه.
د غزې تړانګې ته د تېلو لومړۍ جوپه داخله شوه. دا وروسته تر دې چې د امریکا متحد ایالتونو پر اسراییل فشار راوست. د تېلو له امله دوه ورځې برښنا نه وه او پرون ناوخته چې کله له مصر څخه تېل سیمې ته ورسېدل دا ستونزه هواره شوه. د دې سربېره ملګرو ملتونو پر اوربند ټینګار کړی او وایي چې د غزې هېڅ سیمه خوندې نه ده. د غزې په خان یونس کې د ناصر په نوم روغتون اعلان وکړ چې له یوه هوایي برید وروسته یې د شپږ ویشت کسانو مړي د استوګني له یوې ودانۍ ترلاسه کړې دي.
په افغانستان کې د کډوالو لپاره د ملګروملتونو لویه کمېشنري یا 'یو این ایچ سي آر' وايي، له پاکستانه د سلګونه زره افغان کډوالو ایستل دا ګواښ رامنځه ته کوي چې د افغانستان روان بشري بحران نور هم پراخ شي. دې ادارې پرون پر ایکس شبکې یا پخواني ټویټر په یوه بیان کې وویل چې ډېری راستنېدونکي کډوال نه کار- روزګار لري او نه د اوسېدلو ځای. بیان یادونه کوي چې پاکستان داسې مهال دا اقدام وکړ چې ژمی راروان دی او زیاتوي چې دا پرېکړه تردې په بد وخت کې نه شوای کېدلای. 'یو این ایچ سي آر' دا اندېښنه داسې مهال څرګندوي... Читать дальше...
د بخښنې نړیوال سازمان یا ایمنسټي انټرنېشنل په افغانستان کې د بشري حقونو د فعالې پریسا آزاده د غیرقانوني نیول کېدو پر راپورونو ژوره اندېښنه ښودلې. دې سازمان پرون پر ایکس شبکې یا پخواني ټویټر په یوه بیان کې ویلي چې مېرمن آزاده، منیژه صدیقي، ندا پرواني، ژولیا پارسي، د نوموړې مېړه رسول پارسي او د بشري حقونو نور فعالان باید سمدستي له بنده خوشې شي. که څه هم د طالبانو حکومت د دې فعالانو د نیول کېدو پخلی نه دی کړی خو ویل کېږي چې دوی د طالبانو استخباراتو نیولي دي. د بخښنې نړیوال سازمان پخوا هم ویلي... Читать дальше...
د روسیې او پاکستان چارواکو د افغانستان او د سیمې پر امنیت خبرې کړي. د پاکستان د بهرنیو چارو وزارت په یوه بیان کې ویلي دي چې د روسیې- پاکستان د ګډ کاري ګروپ په لسمه غونډه کې چې پرون په اسلام آباد کې جوړه شوه د روسیې د بهرنیوچارو مرستیال وزیر سیرګي ویرشینین او د هغه پاکستاني سیال سیدحیدر شاه ګډون کړی و. بیان زیاتوي چې دواړو خواوو په دې غونډه کې په سیمه او نړۍ کې د تروریستي ګواښونو په اړه خبرې وکړې او په دې ترڅ کې یې د افغانستان، منځنۍ او جنوبي آسیا او شمالي افریقا په اړه ځانګړی بحث وکړ. په راپور... Читать дальше...
ملګرو ملتونو غزې ته د بشري مرستو د رسولو بهیر، د سونګ د موادو د کمښت او د مخابراتي شبکو د شنډېدو له کبله پرون وځنډاوه. دا اقدام به د رویټرز خبري آژانس د راپور له مخې د زرګونه وږو او بې کوره فلسطینیانو وضعیت تر دې لا خراب کړي. د خوړو نړیوال پروګرام وايي چې ملکي وګړي د غذایي موادو د کمښت له کبله سمدستي له احتمالي قحطۍ سره مخامخ دي. په داسې حال کې چې د جګړې اوومه اوونۍ پیلېږي، د نړیوالو موسسو چارواکي وايي چې د غزې پر ۲،۳ میلیون وګړو د روان بحران یو نوی وېروونکی پړاو راروان دی. اسراییلو ژمنه کړې چې پر غزې واکمنه حماس ډله به له منځه وړي. Читать дальше...
متحدوایالتونو د کتایب حزب الله په نوم د یوې ایران پلوې عراقۍ وسله والې ډلې پر شپږو غړو بندیزونه ولګول. دا ډله په عراق او سوریه کې پر امریکايي سرتېرو په وروستیو حملو کې په لاس لرلو تورنه ده. د دې ډلې د نړیوالو اړیکو د څانګې مشر، د شورا یو غړی یې، یو قوماندان او د رسنیو یو ویاند هغه کسان دي چې بندیزونه پرې لګول شوي دي. په عراق کې د امریکا پر پوځي اډو په دې وروستیو کې په داسې حال کې حملې وشوې چې په غزه کې د اسراییلو او حماس ډلې ترمنځ د جګړې له کبله په سیمه کې کړکېچ زور اخیستی دی. متحدایالات... Читать дальше...
