د کابل په کوټه سنګي کې نن شپه د څو چاودنو غږونه اورېدل شوي دي. د طالبانو یوه مخالفه جبهه ادعا کوي چې په کوټه سنګي کې یې څلور طالبان وژلي او درې نور ژوبل کړي دي. د سیمې څو اوسیدونکو ازادي راډیو ته وویل چې د ډزو او چاودنو غږ یې اورېدلي دي. د ازادۍ جبهې پر خپله اېکسپاڼه یوه ویدیو خپره کړې چې د ډزو ږغونه پکې اورېدل کېږي. تراوسه طالب چارواکو په دې اړه څه نه دي ویلي.
په بغلان ولایت کې سېلابونو لسګونه کورونه نړولي دي. په بغلان ولایت کې د طالبانو حکومت سیمه ییز چارواکي وايي چې د پنجشنبې په ورځ ماسپښین ۱ بجه په دهنه غوري ولسوالۍ کې سېلابونه راغلي چې خلکو ته یې ډېر مالي زیانونه اړولي دي. په بغلان کې د طالبانو حکومت د طبیعي پېښو پر وړاندې د مبارزې رئیس هدایت الله همدرد په دې اړه ازادي راډیو ته وویل: "زموږ د خلکو راپور دا دی چې موږ کور په کور لاړو او کلي مو وکتل، ۳۸ کورنۍ وې، مالي زیانونه ور اوښتي وو، خو ځاني زيان نه و اوښتى، د دوی کورونه په بشپړه توګه یا نسبي... Читать дальше...
د کانګو د ډیموکراتیک جمهوریت په ختیځ کې د دولتي ځواکونو او یاغیانو ترمنځ د جګړې له کبله نږدې پنځه لکه کسان بې ځایه شوي دي. د ملګرو ملتونو د بشري حقونو کمېشنرۍ نن جمعه په جنیوا کې دغه خبر ورکړی دی. د ملګرو ملتونو دغې ادارې ویلي، په شمالي کیوو (North Kivu) ولایت کې، چې له یوګانډا او رووانډا سره پر پوله پروت دی، وضعیت د خرابۍ خوا ته روان دی. په کانګو جمهوریت کې دولتي ځواکونه هڅه کوي پر ختیځه سیمه چې په طبیعي زېرمو غني ده کنټرول ولري. د ملګرو ملتونو د بشري حقونو کمېشنرۍ د کډه شویو کسانو شمېر... Читать дальше...
د افغانستان د بشري حقونو لپاره د ملګرو ملتونو ځانګړی راپور ورکوونکی وايي، په هرات کې د دوو شیعه دیني عالمانو د وژل کېدو د پرونۍ پېښې پر راپورونو سخت اندېښمن شوی دی. ریچارډ بنیت نن جمعه په خپله اېکس شبکه (پخواني ټویټر) کې لیکلي، دا پېښه داسې وخت شوې چې یو بل دیني عالم په اکتوبر میاشت کې وژل شوی و. ښاغلي بنیت د بې پرې څېړنو غوښتنه کړې چې د پېښې عاملان د داخلي معیارونو پر اساس عدالت ته راوستل شي. د محلي رسنیو راپورونه وايي چې موټرسایکل سپرو وسلوالو، پرون په هرات کې د شیعه عالمانو د شورا دوه غړي... Читать дальше...
ګڼ شمېر افغان کډوال چې له پاکستانه اېستل شوي، وايي سرپناه نه لري او د ژمي رارسېدو اندېښمن کړي دي. د ملګرو ملتونو د کډوالو کمېشنرۍ د پاکستان له حکومته غوښتي چې "بې اسناده" افغان کډوال د ژمي تر پایه ونه باسي، خو د پاکستان حکومت ټینګار کړی چې د افغانانو د اېستلو پروسې ته به دوام ورکړي.
په غزه کې د اوو اوونیو تر جګړې وروسته د نن سهار له اوو بجو د لنډمهاله اوربند تر نافذېدو وروسته کراري ده او دې موضوع دغه جګړه ځپلي ښار ته د بشري مرستو د رسېدو زمینه برابره کړه. نن سهار له مصر څخه هم غزې ته په مرستو بار لارۍ ننوتلې. د رویټرز خبري اژانس په تصویرونو کې ښکاري چې په دغو لاریو کې دوې یې د مصر د سازمانونو وې او پر یوه دا شعار لیکل شوی و: په ګډه د بشرپالنې لپاره. پر بل لیکلي وو: په غزه کې زموږ د وروڼو لپاره. په همدې حال کې د جرمني خبري اژانس لیکلي چې په ټوله کې به غزې تړانګې ته په بشري... Читать дальше...
په غزې تړانګه کې پر سیمه ییز وخت د سهار له اوو بجو د اسراییل او حماس ډلې تر منځ څلور ورځنی اوربند ټینګ شو. د امریکا متحد ایالتونه او اروپايي ټولنه حماس ډله یو تروریستي سازمان ګڼي. دا لنډمهاله اوربند د فلسطیني بندیانو او اسراییلي یرغمل شویو کسانو د تبادلې لپاره منل شوی دی. د اوربند تر نافذېدو وروسته غزې ته د بشري مرستو لارۍ روانې شوې.
د روسیې د توپچي ځواکونو د ډزو له کبله د اوکراین په خرسون سیمه کې د ماشومانو یو کتابتون ویجاړ شوی، خو ځاني تلفات نه لري. د خرسون والي الکساندر پروکودین د خپل ټلګرام په شبکه کې دغه خبر ورکړی دی. هغه لیکلي چې د ماشومانو پر دغه کتابتون نن سهار پر ځايي وخت شپږ بجې د توپ مستقیمې ډزې شوې دي. یو کال مخکې په خرسون کې د اوکرایني ځواکونو له مخکې تګ او له هغه ځایه د روسي ځواکونو له وتلو سره روسي ځواکونه له دنیپر سیند هاغاړې پر دې سیمه په وار وار حملې کوي.
د کډوالو لپاره د ګډ اقدام کمېټه وايي، وروسته له دې چې افغانانو ته له پاکستانه د وتلو لپاره له ۳۰ ورځو څخه کم مهلت ورکړل شو، پاکستاني چارواکو افغان کډوال وځورول او په توقیف ځایونو کې یې بنديان کړل. دې کمېټې د نومبر په ۲۴مه په خپله اېکس پاڼه د کراچۍ په سلطان اباد کې د بې اسناده افغان کډوالو د د ساتلو او اېستلو د یوه مرکز د عکس په خپرولو سره لیکلي دي چې خبریالان او وکیلان دې ځایونو ته د ننوتو اجازه نه لري او پاکستان د خپل له قانون څخه سرغړونه کوي. د پاکستان په کراچۍ ښار کې د افغان کډوالو مدافع وکیله... Читать дальше...
په نوي ډهلي کې د افغانستان سفارت په یوه اعلامیه کې د دې سفارت د دایمي بندیدو خبر ورکړی دی. د سفارت پر اېکس پاڼه په خپره شوې اعلامیه کې دغې پرېکړې لامل د هند او طالبانو حکومت فشار او د ډیپلوماتیک ملاتړ نشتوالی په ګوته شوی دی. په اعلامیه کې راغلي چې دغه سفارت لا له وړاندې خپل فعالیتونه د اکتوبر میاشتې له لومړۍ نېتې راهیسې ځنډولي وو او هیله من و چې د هند حکومت داسې یو دریځ غوره کړي چې د یادو فعالیتونو د دوام لپاره اغېزمن تمام شي. خو په اعلامیه کې راغلي چې د اتو اونیو انتظار سره- سره هندوستان د... Читать дальше...
په پکتيا کې يوه سپين ږيري ثابته کړې چې د زدکړې لپاره هېڅ کله ناوخته نه ده. هغه د زرمت ولسوالۍ اوسېدونکی دی. غلام حضرت چې د پکتيا پوهنتون د ښوونې او روزنې له پوهنځي فارغ شوى دى، وايي دوه کاله يې دارالمعلمين لوستى او اوس يې دوه کاله د ښوونې او روزنې پوهنځي ولوست. هغه ته د خپلې زوکړې کره نېټه نه ده معلومه، خو وايي د ٦٠ او ٧٠ کلونو تر منځ عمر لري او ۴۴ کاله مخکې یې لېسه خلاصه کړې وه. د هغه لوړې زده کړې نیمګړې پاتې وې. خو ولې په دې عمر د لوړو زده کړو هوډ؟ غلام حضرت په دې اړه ازادي راډیو ته وویل... Читать дальше...
د پکتیا پوهنتون د ښوونې او روزنې له پوهنځي څخه د غلام حضرت په نوم یو سپین ږیری فارغ شوی دی. حضرت ته د خپلې زوکړې نېټه معلومه نهده، خو څه باندې ۶۰ کاله عمر لري او ۴۴ کاله مخکې یې لېسه خلاصه کړې وه، خو لوړې زده کړې ورڅخه نیمګړې پاتې شوې. دی د زرمت ولسوالۍ اوسېدونکی دی او وايي چې په بایسکېلیې تر ګردېزه تګ راتګ کاوه او امتحانونهیې ورکړل.
په هند کې د افغانستان سفارت سر له نن جمعې په بشپړ ډول وتړل شو. دا خبره د یاد سفارت په یوه اعلامیه کې راغلې ده او علت یې د هندي حکومت فشار او د ډپلوماټیک ملاتړ نشتوالی په ډاګه کړی دی. د سفارت په اعلامیه کې راغلي چې وار له مخه یې د اکتوبر له لومړۍ په هند کې خپل فعالیتونه ځنډولي وو او هیله یې درلوده چې د هند حکومت داسې یو دریځ غوره کړي چې ددوی د فعالیتونو د دوام لپاره اغېزمن تمام شي. سفارت ویلي چې برعکس په دې وروستیو اتو اونیو کې د کنټرول د پرېښودو لپاره دواړو لوریو هندي حکومت او طالبانو تر فشار... Читать дальше...
د روسیې دفاع وزارت نن جمعه ویلي چې د هوايي مدافع دستګاوو یې د اشغال شوې کریمیا او د جنوبي سیمې ولګوګراد پر فضا د اوکراین ۱۶ بې پېلوټه الوتکې نسکورې کړې دي. د روسیې دفاع وزارت په خپل ټلګرام کې د نورو جزییاتو له ورکولو پرته لیکلي، دغه الوتکې یې تر ویشتلو وروسته ویجاړې کړې دي. دغه ادعا په بې پرې ډول نه ده تایید شوې او اوکراین هم په دې باب تبصره نه ده کړې.
د سومالیا کابینې پرون پنج شنبه وویل، دغه هېواد کې د وروستیو ویجاړوونکو سېلابونو له کبله د مړو شمېر سلو ته نږدې شوی او نږدې دوه میلیونه وګړي ترې اغېزمن شوي دي. سومالیا او ځینې نور ګاونډي هېوادونه یې، د پشه کال یا موسمي بارانونو او سختو سېلابونو په وړاندې مقابله کوي. دغه افریقايي هېوادونه، په وروستیو کلونو کې له سختۍ وچکالۍ کړېدل چې ملیونونه کسان یې له قحطۍ سره مخامخ کړي وو. د سومالیا حکومت د روانې میلادي میاشتې په لومړیو کې تر سختو سېلابونو وروسته د طبیعي افتونو له کبله اضطراري حالت اعلان کړ. Читать дальше...
د ایران د بشري حقونو یو سازمان وايي، تهران پرون پنج شنبه یو ځوان د امنیتي ځواکونو د یوه غړي په وژنې تر محکومولو وروسته په پټه اعدام کړی دی. ویل شوي، دغه پوځي د ۲۰۲۲م کال په نومبر میاشت کې د پراخو اعتراضونو پر مهال وژل شوی و، په ایران کې هغه اعتراضونه د پولیسو په توقیف کې د مهسا امیني تر مړینې وروسته پیل شوي وو. ۲۲ کلنه مهسا امیني چې په خټه کردۍ وه، په بشپړ ډول د حجاب نه رعایتولو په تور نیول شوې وه چې د تېر کال په سپټمبر میاشت کې یې د پولیسو په توقیف کې ساه ورکړه. راپورونه وايي د هغو اعتراضونو... Читать дальше...
د ماشومانو د ملاتړ لپاره د ملګرو ملتونو مرستندوی صندوق یا یونیسف وايي، په افغانستان کې د دوی له ملاتړه برخمن ۳۰زره رضاکاره روغتیايي کارکوونکي په کلیوالي سیمو کې تر ټولو زیانګالو کسانو ته روغتیايي خدمات رسوي. د یونیسف د افغانستان څانګې پرون په خپله اکس شبکه (پخواني ټویټر) کې د شکېبا اعتمادي په نوم د خپلې یوې رضاکارې روغتیايي کارکوونکې په اړه په یوه ویډیو کې تفصیلات خپاره کړي چې په دغو ۳۰زره محلي روغتیايي کارکوونکو کې شامله ده. د دې ادارې په وینا مېرمن شکېبا ویلي، دوی کمزوري ماشومان معاینه کوي... Читать дальше...
د جرمني یوې غیردولتي موسسې ویلي چې په افغانستان کې یې د طالبانو کسانو، څلور کارکوونکي نیولي او دا پېښه په افغانستان کې تر بلې خبرتیا پورې د دوی د فعالیتونو د ځنډېدو سبب شوې ده. د نړیوالې همکارۍ لپاره د جرمني ټولنې یا (GIZ) پرون په یوه اعلامیه کې ویلي، دغه څلور نیول شوي کارکوونکي یې افغانان دي، چې په افغانستان کې یې عملاً کار کاوه. په اعلامیه کې د جرمني د پرمختیا فډرال وزارت د ویاند په وینا ویل شوي چې دوی له ټولو کانالونو په استفاده د خپلو دغو څلورو کارکوونکو د خوشې کېدو هڅه کوي. GIZ وايي په... Читать дальше...
د جرمني شاوخوا ۵۰۰ پولیسو په هغو سترو عملیاتو کې برخه درلوده چې د دوو منع شویو فلسطیني سازمانونو پر ضد ترسره شول. د جرمني د کورنیو چارو وزارت په وینا په دغه هېواد کې ۲۱ په دې عملیاتو کې ولټل شوې یواځې ۱۳ یې په برلین کې وې. امریکا او اروپا د حماس توند لارې ډله ترهګر سازمان ګڼي. د جرمني پولیسو د دې توند لارې فلسطیني ډلې او په جرمني کې د فلسطیني بندیانو د ملاتړ شبکه سامیدون په څلورو شمالي او شمال غربي ایالتونو کې تر برید لاندې نیولې ده. د جرمني د کورنیو چارو وزیرې نانسي فایزر ویلي چې دې عملیاتو ښې لاسته راوړنې درلودې او دوام به پیدا کړي.
په غزې تړانګه کې په سیمه ییز وخت د سهار له اوه بجو د اسراییل او حماس ډلې تر منځ چې امریکا او اروپا یې ترهګر سازمان ګڼي، څلور ورځنی اوربند نافذ شوی. دا اوربند د فلسطیني بندیانو او اسراییلي یرغمل شویو کسانو د تبادلې لپاره منل شوی. د راپورونو له مخې، اسراییل د یرغمل شویو کسانو لیست ترلاسه کړی چې تمه ده راخوشې شي. خو د راپورونو په اساس، اسراییل د شپې پر غزې تړانګې درنې بمبارې کړې دي. اسراییل وروسته له هغې د حماس ډلې خلاف چې امریکا او اروپايي ټولنه یې تروریستي سازمان ګڼي، خپلې حملې پیل کړې، چې... Читать дальше...
د پاکستان د بهرنیو چارو وزارت په افغانستان کې دننه د تحریک طالبان پاکستان یا (TTP) پر وړاندې د چټک اقدام غوښتنه وکړه. پاکستاني رسنیو له دې ډلې سما شبکې راپور ورکړی، چې د پاکستان د بهرنیو چارو وزارت ویاندې ممتاز زهرا بلوچ دا خبره پرون پنج شنبه په یوه کنفرانس کې وکړه. هغې ادعا کړې چې د پاکستاني طالبانو ډله، په افغانستان کې دننه له خپلو پټنځایونو خپلو فعالیتونو ته دوام ورکوي. زهرا بلوچ د طالبانو له حکومته غوښتنه کړې چې د تحریک طالبان پر وړاندې اقدامات وکړي. دوې اوونۍ مخکې د پاکستان سرپرست صدراعظم،... Читать дальше...
فلسطیني چاواکي وايي، هغه فلسطینیان چې په غزې تړانګه کې د جګړې له کبله مصر ته کډه شوي وو، کولی شي سر له جمعې خپلو مېنو ته ستانه شي. دوی ویلي، د مصر چارواکو ته یې څرګنده کړې چې د دغه هېواد په شمالي برخه سینای کې چې له غزې سره پوله لري، دېره شوي فلسطینیان کولی شي په خپله خوښه سر له جمعې خپلو اصلي سیمو ته بېرته لاړ شي. ویل شوي د مصر چارواکو تایید کړې، هغه فلسطینیان چې په قاهره او د مصر په نورو ښارونو کې دېره دي، سر له شنبې خپلو مېنو ته د ستنېدو اجازه لري. د جرمني خبري اژانس د راپور له مخې، د مصر... Читать дальше...
د ماشومانو د ملاتړ لپاره د ملګرو ملتونو مرستندوی صندوق یا (یونیسف) وايي چې له پاکستانه د اېستل شویو په ډله کې شا و خوا ۶۰ فیصده یې ماشومان دي. یونیسف ویلي چې په سرحدي سیمو کې د ماشومانو لپاره د روغتیايي او خوندیتوب خدمتونو د وړاندې کولو لپاره دوی حضور لري. پاکستان له دغه هېواده د بې اسناده افغانانو د اېستلو بهیر د نوامبر میاشتې له لومړۍ نېټې پیل کړ. د ژمي په درشل کې، د پاکستان دغه اقدام د راستنېدونکو افغانانو د وضعیت په باب اندېښنې زیاتې کړې دي. بېلابېل سازمانونه وايي، د نوامبر له لومړۍ نېټې... Читать дальше...
په غزه کې د نږدې اوو اوونیو له جګړې وروسته دا لومړی وار دی چې یو لنډمهاله څلور ورځنی اوربند نافذېږي. د جرمني خبري اژانس لیکلي، ممکن دغه اوربند نور هم پسې وغزول شي. پر دغه لنډمهاله اوربند د قطر، مصر او د امریکا د متحدو ایالتونو په منځګړیتوب موافقه شوې ده چې په څو پړاوونو کې به عملي کېږي. بلخوا د فرانسې خبري اژانس لیکلي، اسراییل او حماس د دې لنډمهاله څلورورځني اوربند اعلان د چهارشنبې په ورځ وکړ. د امریکا متحد ایالتونه او اروپايي ټولنه حماس ډله یو تروریستي سازمان ګڼي. د موافقې له مخې به د... Читать дальше...
