Новости за 15.07.2020

(Казан, 15 июль, «Татар-информ», « Хезмәт даны», Эльвира Мөбарәкшина). Полиция һәм Гадәттән тыш хәлләр министрлыгы хезмәткәрләре Кукмара районы сулыкларына рейдка чыкты. Бу хакта Кукмара районының 117нче янгын сүндерү-коткару бүлегенә сылтама белән җирле басма хәбәр итә. Патруль төркеме әгъзалары ял итүчеләр белән әңгәмә коралар, шулай ук суда үз-үзеңне тоту турында белешмәлекләр тараталар. Административ комиссия җиһазландырылмаган урыннарда коенган өчен беркетмәләр төзү буенча вәкаләтләргә дә ия. Читать дальше...

(Казан, 15 июль, «Татар-информ», Рузилә Мөхәммәтова). Казан яшь тамашачылар театрына яңа баш режиссер куелды. Әлеге вазифа Радион Букаевка тапшырылды. Бу хакта театрның матбугат үзәге хәбәр итә. Бүген Казан яшь тамашачы театрында труппа җыелышы үтте. Җыелышта Татарстан мәдәният министры Ирада Әюпова коллективка яңа баш режиссёрны тәкъдим итте. «Тетарның киләчәге бар — мин моңа ышанам. Театрда ике башлангыч бар: берсе административ — анысын директор алып бара, икенчесе иҗади — анысы баш режиссёр җаваплылыгында. Читать дальше...

(Казан, 15 июль, «Татар-информ», « Актаныш», Рузилә Хәсәнова). Бүген Актанышта комбайннарның урып-җыюга әзерлеген тикшерделәр. Бу хакта район газетасы хәбәр итә. Комбайннар парады дип йөртелүче әлеге чара Киров аермасында башланып китте. Биредә «Тамыр», «Чишмә» хуҗалыклары, «Чишмә» агрофирмасының барлык комбайннары да чыккан иде. Комиссия тарафыннан комбайннарның төзеклеге тикшерелә.

(Казан, 15 июль, «Татар-информ»). Түбән Новгород өлкәсенең Грибаново авылында «Мәскәү онлайн-Сабан туе — 2020» призына футбол турниры узды. Бу хакта Бөтендөнья татар конгрессы сайтында хәбәр ителә. Турнирны Мәскәүнең Зеленоград административ округы мөселманнары оешмасы, Грибаново авылы мөселманнарының җирле оешмасы һәм Грибаново авылындагы Азымов КФКсы оештырган. Яшь футболчылар Мәскәү Татар милли-мәдәни автономиясе әгъзасы Наил Якубов ярдәме белән 2019 елда төзелгән футбол кырында уйнаган. Авылда яшәүчеләр әйтүенчә... Читать дальше...

(Казан, 15 июль, «Татар-информ»). Башкортстанда онлайн оештыру комитетында башкорт җыры башкаручыларының «Ирәндек моңдары» төбәкара бәйгесен уздыру вакытын билгеләделәр. Быел ул Сибайда 21-22 августта узачак. Бу хакта «Башинформ» агентлыгы яза. Нигезләмә буенча, бәйгегә 7-16 яшьлек балалар, 17-65 яшьлек үзешчән башкаручылар, 17-45 яшьлек һөнәри башкаручылар кертелә. 7-16 яшьлек балалар арасында бәйге бер турда 10 августта онлайн-режимда уздырыла. Үзешчән һәм һөнәри башкаручылар бәйгесе ике турда уздырылачак. Читать дальше...

(Казан, 15 июль, «Татар-информ»). Татарстанда июль ахырындагы һава торышы турында КФУның Экология һәм табигатьне куллану институтының метеорология, климатология һәм атмосфера экологиясе кафедрасы мөдире Юрий Переведенцев сөйләде. «Айның соңгы декадасында температура фоны климатик нормадан түбән булмаячак. Әгәр атна дәвамында температура төшү фаразланса, моңыннан соң тагын җылы булачак», — дип сөйләде Юрий Переведенцев, шулай ук республикага кабаттан эссе һава торышы килү ихтималын да әйтте. Аның сүзләренчә... Читать дальше...

(Казан, 15 июль, «Татар-информ»). Оренбургта яшәүче Россия Герое Рәис Мостафин 13 июль көнне озакка сузылган авырудан соң вафат булды. 23 октябрьдә аңа әле кырык яшь кенә тулган булыр иде. Оренбур татарлары милли-мәдәни мохтарияте, Хөсәен Ямашев исемендәге милли китапханә коллективы, «Яңа Вакыт» редакциясе мәрхүмнең якыннарының кайгысын уртаклашты. Бу турыда Бөтендөнья татар конгрессы хәбәр итте. Күрсәткән батырлыгы өчен, Россия президенты указы белән 2000 елның 11 июлендә Рәис Мостафинга Герой... Читать дальше...

(Яр Чаллы, 15 июль, «Татар-информ», Эльвира Мөхәммәтдинова). Чаллы мөхтәсибәте башлыгы Әлфәс хәзрәт Гайфуллин Җәмигъ мәчете төзелешенә ярдәм фонды җитәкчесе Уел Хәсәенов белән мәчет төзелешен карады. Төзүчеләр үзәк баскычны төзүне тәмамлады һәм мәчетнең ике төп корпусын күтәрүне дәвам итә — хәзер алар өченче катта эшли. Булачак гыйбадәт йорты шәһәр халкы соклана алырлык матур рәвешкә керә башлады. Чаллы мэры Наил Мәһдиев үтенече буенча объект тирәсендәге төзелеш коймасын өлешчә күчерделәр. Бу Чаллы... Читать дальше...

(Казан, 15 июль, «Татар-информ»). Россия Авыл хуҗалыгы министрлыгы массакүләм мәгълүмат чаралары, журналистлар һәм блогерлар өчен «Минем җирем — Россия» иҗади конкурсын игълан итте. Бәйгегә телевидениедә, радиода яңгыраган, массакүләм мәгълүмат чараларында һәм интернетта басылып чыккан журналистик проектлар кабул ителә. Бу турыда Татарстан Авыл хуҗалыгы һәм азык-төлек министрлыгының матбугат хезмәте хәбәр итте. Проектлар Россия авылының уңай үрнәген тасвирлый торган һәм авыл территорияләрен үстерүнең алдынгы тәҗрибәсен таратуга... Читать дальше...

(Казан, 15 июль, «Татар-информ»). «Үлемсез полк» акциясе эссе һава торышы һәм коронавирус таралу вазгыяте аркасында кабат күчерелергә мөмкин. Бу хакта Sputnik радиосына акцияне оештыручыларның берсе Елена Цунаева хәбәр иткән. Хәрәкәт 16 июльдә координацион совет утырышын уздырачак, анда бу мәсьәлә каралачак. «Бу ике яклы мәсьәлә. „Үлемсез полк“ ның уздырылуын телибез, әмма башка карар турында уйларга мәҗбүр итә торган берничә позицияне күрәбез. Кайбер төбәкләрдә аномаль эссе һава торышы саклана.... Читать дальше...

(Казан, 15 июль, «Татар-информ»). Татарстан Президенты Рөстәм Миңнеханов Казанның тарихи үзәгендә урнашкан берничә әһәмиятле объектны, шул исәптән Яшь тамашачы театрын да карады. Татарстанның мәдәният министры Ирада Әюпова һәм театр директоры Айгөл Горнышева белән берлектә Яшь тамашачы театры биналары комплексын үстерү планнары турында фикер алышу булды. Бу хакта республика җитәкчесенең матбугат хезмәте хәбәр итә. Рөстәм Миңнеханов театрның хәзерге торышы белән танышты, тамаша залын һәм башка бүлмәләрне, эчке ишегалдын карады. Читать дальше...

(Казан, 15 июль, «Татар-информ», Гөлнар Гарифуллина). Татарстан Дәүләт Советы депутаты Камил Ногаев татар теленең түбән дәрәҗәсендә үзен гаепле саный. Бу хакта ул Татарстан Республикасы Президенты каршындагы Татар телен саклау һәм үстерү мәсьәләләре комиссиясенең беренче утырышында әйтте. Аның сүзләренчә, еш кына башкаларны тәнкыйтьләп, кеше гаепне үзеннән эзләми. «Мин үземне татар теле кулланышы кимүендә гаепле дип саныйм. Район башлыгы булып эшләгәндә дә, гаиләмдә дә татар кешесе буларак тиешенчә эшләп бетермәгәндә гаеплемен. Читать дальше...

(Казан, 15 июль, «Татар-информ»). Бүген Татарстан Республикасы Президенты Рөстәм Миңнеханов Казанның тарихи үзәгендәге әһәмиятле объектларны реконструкцияләү һәм реставрацияләү эшләре барышы белән танышты. Шулай ук ул реставрацияләнгән Әҗем мәчетен һәм төзекләндерелгән Челышев йортын да карады. Бу хакта Татарстан Президентының матбугат хезмәте хәбәр итә. Әҗем мәчетен реставрацияләү турында йөкләмәне Рөстәм Миңнеханов 2016 елда бирде. Фәткуллин урамындагы 15 йортта урнашкан мәдәни мирас объекты ул вакытта начар хәлдә иде. Читать дальше...

(Казан, 15 июль, «Татар-информ», Гөлнар Гарифуллина). Татарстан Дәүләт Советы Рәисе урынбасары, ТР Президенты каршындагы Татар телен саклау һәм үстерү мәсьәләләре комиссиясе рәисе Марат Әхмәтов мәдәният юнәлешендәге эшче төркемгә бурычлар билгеләде. «Мәдәният министрлыгын, „Татмедиа“, „Яңа гасыр“ телерадиокомпаниясен милли рухны үстерүдә локомотив итеп күрәсе килә», — диде ул беренче утырышта. Марат Әхмәтов, массакүләм мәгълүмат чаралары, мәдәният оешмалары эшен камилләштерү, иҗат берләшмәләре, социаль... Читать дальше...

(Казан, 15 июль, «Татар-информ», Рузилә Мөхәммәтова). Чувашия милли-мәдәни автономиясе рәисе итеп Илдус Шәйдуллин сайланган. Бу хакта Чувашия татарларының инициатив төркеме әгъзалары хәбәр итә. Татарстанның атказанган артисты Илдус Шәйдуллин — «Мишәр» ансамбленең солисты, Фәрит Гыйбатдиновның сәхнәдәше һәм фикердәше. 60 яшен тутырган Фәрит Гыйбатдинов 7 июль көнне вафат булды. Чувашия татарлары аның исемен мәңгеләштерү эшен башлап җибәрделәр. Ул нигез салган «Мишәр» ансамбле дә эшен дәвам итәчәк.

(Казан, 15 июль, «Татар-информ», Надежда Гордеева). «Бердәм Россия» Татарстанда 13 сентябрьдә узачак муниципаль сайлауларга 6,5 мең кандидат тәкъдим иткән. Бу хакта матбугат конференциясендә «Бердәм Россия» фракциясе җитәкчесе, Дәүләт Советы Рәисе урынбасары Юрий Камалтынов әйтте. «Гомуми санга килгәндә, бу юлы да тәкъдим ителгән кандидатлар саны биш ел элеккеге кебек. Нәтиҗәләрен күрербез, — диде парламентарий. — 7,7 меңнән артык кандидат сайланачак, без „Бердәм Россия“дән 6,5 мең кандидат тәкъдим иттек. Читать дальше...

(Казан, 15 июль, «Татар-информ»). Россия Хөкүмәте Рәисе Михаил Мишустин Татарстан Президенты Рөстәм Миңнехановның арка мускулы атрофиясе белән авыручы балаларны дәвалауда ярдәм итү үтенечен хуплады. Бу хакта «Татар-информ»га республика Президентының матбугат хезмәте җитәкчесе Лилия Галимова әйтте. «Рөстәм Миңнеханов балаларны дәвалау эшен оештыруда ярдәм сорап ил Премьер-министры Михаил Мишустинга хат юллады. Хөкүмәт вәкиле әлеге гозерне хуплады һәм аны кураторлык итүче вице-премьер Татьяна Голиковага юллады», — диде Галимова. Читать дальше...

(Казан, 15 июль, «Татар-информ», Гөлнар Гарифуллина). Татарстан Дәүләт Советы Рәисе урынбасары, Татарстан Республикасы Президенты каршындагы Татар телен саклау һәм үстерү мәсьәләләре комиссиясе рәисе Марат Әхмәтов яхшы әсәр язучыга 500 мең сум грант белән бәйге игълан итәргә кирәк дип саный. Бу хакта ул комиссиянең беренче утырышында әйтте. «Әдәбиятка яңа сулыш кертү максатыннан, комиссия исеменнән укучылар тарафыннан иң яратып кабул ителә торган әсәрләргә, ул төрле жанрлар булырга мөмкин, зур әдәби... Читать дальше...

(Казан, 15 июль, «Татар-информ»). Татарстан Республикасы Президенты Рөстәм Миңнеханов үзенең Instagram аккаунтында «Татар дөньясы» китабы чыгу турында хәбәр итте.   «Татар халкы турында „Татар дөньясы“ дигән уникаль китап чыкты. Иң яхшы китап. Халкыбызның тарихы, гореф-гадәтләре, мәдәни җәүһәрләре анда чагылыш тапкан!» — дип язган Рөстәм Миңнеханов. Китап Татар әдәбияты үзәге сайтында ирекле сатуда, дип өстәгән Президент. Алдарак «Татар-информ» китапка тарихи документлар, тикшеренүләр һәм фәнни эшләр кергәнен... Читать дальше...

(Казан, 15 июль, «Татар-информ»). Машина йөртү таныклыгының срогы чыккан шоферларга бу ел ахырына кадәр штраф салмаячаклар. Бу хакта республиканың Дәүләт автомобиль инспекциясендә хәбәр иттеләр. ЮХИДИ хезмәткәрләре таныкларны алыштыру буенча ажиотаж ясарга кирәкми, өстәвенә срогы чыккан машина йөртү таныклыклары 2020 елның 31 декабренә кадәр автомат рәвештә озайтылды, дип белдерде. Машина йөртү таныклыкларын алыштыру өчен ЮХИДИ бүлекчәләренә мөрәҗәгать итәргә кирәк. Моның өчен коронавирус инфекциясе... Читать дальше...

(Казан, 15 июль, «Татар-информ»). Татарстанда Covid-19 таралу аркасында кертелгән чикләүләргә яңа үзгәрешләр кертелде. Бүгеннән башлап зур булмаган кибет һәм кафеларга эшләргә, шулай ук ачык һавада туйлар һәм банкетлар уздырырга рөхсәт ителә. Бу хакта Татарстан Премьер-министры Алексей Песошин имзалаган карарда әйтелгән. Документта күрсәтелгәнчә, бүгеннән күп функцияле үзәкләргә килүчеләрне 4 квадрат метр мәйданга бер кеше исәбеннән кабул итү рөхсәт ителә. Шулай ук 40 квадрат метр мәйданлы биналарда... Читать дальше...

(Казан, 15 июль, «Татар-информ»). Татарстан мәдәният волонтерлары мәдәният өлкәсендә волонтерлык эшчәнлеге грантларының беренче ачык конкурсында катнаша ала. Сайлап алу волонтерлар белән эшләүче ирекле коммерцияле булмаган оешмалар арасында булачак. Бу хакта ТР Мәдәният министрлыгының матбугат хезмәте хәбәр итә. Конкурс «Мәдәният» илкүләм проекты «Иҗади кешеләр» федераль проектының «Мәдәният волонтерлары» программасын тормышка ашыру кысаларында үткәрелә. Иҗтимагый хәрәкәтләр, мәдәни учреждениеләр... Читать дальше...

(Казан, 15 июль, «Татар-информ»). Төркиянең Транспорт һәм инфраструктура министрлыгы Россия хакимияте белән ике ил арасында авиарейсларны яңарту турында килешү төзелгәнен хәбәр итте. Бу хакта Анадолу агентлыгы яза. Төркия агентлыгы мәгълүматлары буенча, очышлар 15 июльдән башланырга тиеш. Халыкара рейслар коронавирус таралу куркынычы аркасында Россия Хөкүмәте тарафыннан 27 мартта туктатылган иде.

(Казан, 15 июль, «Татар-информ», Эвелина Киселёва). Татарстанда яшәүчеләр яңа коронавирус инфекциясе антитәнчекләренә актив рәвештә тест уза, 5 мең кешедә иммунитет барлыгы ачыкланган. Бу хакта «Татар-информ»да узган матбугат конференциясендә Роспотребнадзорның Татарстан буенча Идарәсе башлыгы урынбасары Любовь Авдонина әйтте. «Бездәге халык үз теләге буенча Covid-19га иммунитетны ачыклауда актив тикшеренә. Бүгенге көндә 74 мең кеше үз иммунитетын тикшергән. Һәм аларның 7 процентында — якынча 5 мең... Читать дальше...

(Казан, 15 июль, «Татар-информ», Вероника Ваганова). Татарстанның Урман хуҗалыгы министрлыгы республика территориясендә IV һәм V класслы янгын куркынычы кертелү сәбәпле, халыкны урманга барудан тыелып торырга өндәде. Бу хакта «Татар-информ» агентлыгында узган матбугат конференциясендә Татарстан урман хуҗалыгы министрының беренче урынбасар Илгизәр Зарипов әйтте. «Хәзер җиләк чоры, кешеләр актив җыя. Җиләк җыярга яратучылар әйтүенчә, җиләк күп. Шулай да гражданнарга урманнарга барудан тыелып торырга кушабыз... Читать дальше...