Новости за 21.07.2020

(Казан, 21 июль, «Татар-информ»). Актаныш районында урып-җыю кампаниясе башланып китте, игенчеләр 19 июльдән уракка төште. Узган атнада районда комбайннар парады уздырылып, 93 комбайнның урып-җыюга әзерлеге каралды. Бу турыда Актаныш муниципаль районы мәгълүмат үзәге хәбәр итә. Комбайннарны тиешле югарылыкта урып-җыюга әзерләгән 48 комбайнчыга район башлыгы Энгель Фәттаховның премияләре тапшырылды. Быел комбайнчыларның теория белемнәре дә сыналды, югары әзерлекле 9 комбайнчыга 5 мең сум премия тапшырылды. Читать дальше...

(Казан, 21 июль, «Татар-информ»). 2020 елда Дәүләт торак фонды 5 мең фатир төзергә планлаштыра, бу 273 мең квадрат метр торак дигән сүз. Түбән Камада 360 фатир сафка бастырылачак. Бу хакта бүген оешманың башкарма директоры Марат Зарипов белдерде. Бу турыда Түбән Кама муниципаль районы рәсми сайтында хәбәр ителә. «Билгеләп үтәргә кирәк, бу шәһәрләрдә, нигездә, социаль инфраструктураны формалаштыру белән комплекслы төзелеш алып барыла. Бу — балалар бакчалары, мәктәпләр, иҗтимагый киңлекләр», — диде Марат Зарипов. Читать дальше...

(Казан, 21 июль, «Татар-информ»). Татарстанда тагын ике кеше яңа коронавирус инфекциясеннән үлгән. Бу хакта ТР Президенты матбугат хезмәте җитәкчесе Лилия Галимова хәбәр итте. 1982 елда туган Яр Чаллы шәһәрендә яшәүче бер ир-ат 1 июльдә урта авырлыктагы вируслы пневмония белән йогышлы авырулар хастаханәсенә озатыла. «Covid-19 вирусы лаборатор рәвештә тәңгәлләштерелгән», — дип билгеләп үтте агентлыкның әңгәмәдәше. Дәвалануга карамастан, авыруның хәле начарланган, үлем 11 июльдә кискен респиратор җитешсезлек фонында килеп җиткән. Читать дальше...

(Казан, 21 июль, «Татар-информ»). Төркиянең ТРдагы элеккеге консулы Турхан Дилмач Казахстанга билгеләнде. Әлеге мәгълүмат Турхан Дилмачның «Инстаграм» социаль челтәрендәге сәхифәсендә чыккан. 38 яшьлек Турхан Дилмач 2014 елның 11 сентябрендә Төркиянең Казандагы Генераль консулы булды, ул әлеге постта ике ел дәвамында республика башкаласында эшләгән Сабри Тунча Ангылыны алыштырган иде.

(Казан, 21 июль, «Татар-информ»). Коронавирус инфекциясенең берничә үсеш варианты бар, шуларның берсе – сезонлы авыруга әверелү. Пирогов исемендәге Россия илкүләм тикшеренү медицина университетының йогышлы авырулар кафедрасы мөдире Владимир Никифоров шундый фикерен белдерде. Бу хакта Sputnik радиосы хәбәр итә. «Коронавирусның ике юлы бар: яки ул гадәти сезонлы ОРВИга кадәр деградацияләнә яки сезонлы грипп рәвешен ала, ягъни көзен килеп, җәйгә китә», - диде Никифоров. Галим сүзләренчә, 2020 ел башындагы... Читать дальше...

(Казан, 21 июль, «Татар-информ»). Бүген Казан мэры Илсур Метшин Күршеләр көнендә — Химиклар урамындагы 13, 15 һәм 17нче йортларның ишегалдында капиталь ремонт эшләре тәмамлану уңаеннан оештырылган бәйрәмдә булды. Нәкъ менә биредә төрле бәйрәм чаралары үткәрелә, анда өч меңгә якын кеше җыела. «Жилплощадка — ул чын мәгънәсендә „йокы“ районы. Бүген исә биредә ишегалдының Казан үзәгендәге төзекләндерелгән теләсә кайсы ишегалдыннан берни белән дә аерылмавын күрәбез. Безнең бурыч та шуннан гыйбарәт иде», — диде Метшин ишегалды белән танышкан вакытта.

(Казан, 21 июль, «Татар-информ»). «КАМАЗ» футбол клубы үз составын 27 яшьлек сакчы Георгий Бугулов белән тулыландырды. Моңа кадәр уенчы Грузия чемпионатында «Рустави» футбол клубында чыгыш ясаган. Бугулов Төньяк Осетиянең «ФАЮР» футбол мәктәбендә шөгыльләнгән. Үз карьерасы дәвамында сакчы «Алания» (Владикавказ), «Дружба» (Майкоп), «Сперанца» (Молдова) кебек клубларда уйнаган. Узган сезонда Бугулов Грузия чемпионатында «Рустави» командасы өчен 22 матч үткәргән.

(Казан, 21 июль, «Татар-информ»). Казанның «Замбези елгасы» зоопаркына кафр козгыннары алып кайттылар. Бу хакта Казан зооботаника бакчасының Instagram социаль челтәрендәге сәхифәсендә хәбәр ителә. «Әлеге кошларны Германиядән кайтардылар, алар Котбус шәһәрендәге зоопаркта туган. Козгыннарга — 5 яшь», — диелә хәбәрдә. Кафр козгыны мөгезле козгыннар төренә керүче ике төрнең берсе, ул Африка саваннасында яши. Әлеге кошлар бик зур, аларның озынлыгы — 129 сантиметрга, авырлыгы 3,2 килограммнан 6,2 килограммга кадәр җитә. Читать дальше...

(Казан, 21 июль, «Татар-информ»). Казанның «Рубин» футбол клубы рәсми төстә серб һөҗүмчесе Джордже Деспотович белән килешү имзалануы турында игълан итте. «Татар-информ» агентлыгы элегрәк белдергәнчә, килешү өч елга төзелгән. 28 яшьлек уенчы Казан клубына ирекле агент хокукында күчкән. Ул «Рубин» өчен «9» номеры астында чыгыш ясаячак. «Һөҗүмче медицина күзәтүе узды һәм командага кушылды», — дип хәбәр итә «Рубин»ның матбугат хезмәте. Джордже Деспотович 1992 елның 4 мартында Сербиянең Лозница шәһәрендә туган. Читать дальше...

(Казан, 21 июль, «Татар-информ»). Татарстанда транспорт законнарын бозган өчен быелның маеннан алып сигез пассажир автобусы «кулга алынган». Ространснадзорның Урта Идел дәүләт автомобиль юллары күзәтчелеге төбәкара идарәсе башлыгы урынбасары Радик Рамазанов «Татар-информ» агентлыгына биргән интервьюсында шулай дип белдерде. «Бездә „кулга алынган“ транспорт чараларын саклау белән бәйле зур булмаган проблема бар иде. Әлеге мәсьәлә Хөкүмәт дәрәҗәсендә күтәрелде, алар „Юл хәрәкәте иминлеге“ дәүләт бюджет... Читать дальше...

(Казан, 21 июль, «Татар-информ», Наталия Никифорова). Татарстан трассасында ике «ГАЗель» бәрелешкән, бер кеше зыян күргән. Бу хакта әлеге аварияне күргән кешеләр хәбәр итте. Агентлыкка билгеле булганча, Казан — Малмыж трассасында Биектау авылы янында ике «ГАЗель» автомобиле бәрелешкән. Нәтиҗәдә, Чувашия Республикасы номеры куелган йөк автомобиленең (аның кузовында берничә стеклопакет булган) алгы өлеше бик нык ватылган. Шаһитлар әйтүенчә, бәхеткә, машинадагы йөккә берни дә булмаган. Авариядә бер кеше зыян күргән.

(Казан, 21 июль, «Татар-информ»). 21 июльдән 22сенә каршы төндә һәм чәршәмбе иртән Татарстанның кайбер районнарында томан төшүе көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә. Синоптиклар шулай ук тагын яңгыр явачак дип фаразлый. Яшен вакытында җилнең тизлеге урыны белән секундына 15-20 метрга кадәр җитәр дип көтелә. Төнлә һава температурасы +12..+17 градус тәшкил итсә, көндез термометрның терекөмеш баганасы +28 градуска кадәр күтәреләчәк.

(Казан, 21 июль, «Татар-информ»). Сенатор Олег Морозов уникенче чакырылыш Россия Дәүләт Думасына сайлауларда катнашу өчен Татарстан Үзәк сайлау комиссиясенә документлар тапшырды. Ул Түбән Кама округында сайланачак. «Бары тик бер елга гына сайланам. Әлеге ел аннары ниндидер башка чорга әверелер дип өметләнәм. Кешеләргә бу елда нәрсәдер эшләргә өлгерәчәкмен дип вәгъдәләр бирүнең җиңел түгеллеген аңлыйсыздыр. Хәер, мин Дәүләт Думасында бюджет белән дә, законнар белән дә эшли беләм. Шуңа да карамастан... Читать дальше...

(Казан, 21 июль, «Татар-информ»). Россия Президенты Владимир Путин ТР Хезмәт, халыкны эш белән тәэмин итү һәм социаль яклау министры Эльмира Зариповага, ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллинга, шулай ук ТР Дәүләт Советының мәгариф, мәдәният, фән һәм милли мәсьәләләр комитеты җитәкчесе Айрат Зариповка рәхмәт белдерде. РФ хокукый мәгълүмат порталында дөнья күргән боерыкта шул хакта сүз бара. Документ текстында күрсәтелгәнчә, җитәкчеләр... Читать дальше...

(Казан, 21 июль, «Татар-информ»). Дәүләт Думасы пленар утырышта сайлау законнарындагы үзгәрешләр хакындагы канунны өченче укылышта кабул итте. Бу хакта ТАСС агентлыгы яза. Яңалык шул исәптән сайлау һәм референдумнарда берничә көн (әмма өч көннән дә артык түгел) дәвамында тавыш бирү мөмкинлеген күздә тота. Әлеге мәсьәлә буенча карарны сайлау комиссияләре кабул итәчәк, өстәвенә алар сайлау яки референдум билгеләү турындагы карар рәсми төстә дөнья күргәннән соң ун көн эчендә барысын да ачыкларга тиеш. Читать дальше...

(Казан, 21 июль, «Татар-информ», Артур Шипилов). «Казан марафоны»на нигез салучы Вадим Янгиров 2018 елгы ярышларда мошенниклыкта гаепләүләренә аңлатма бирде. Эшкуар сүзләренчә, аңа карата 1,1 миллион сум акчаны максатчан файдаланмау турында эш апрель аенда ук кузгатылган. «Мин дәгъваларның асылын аңламыйм. Без бернәрсәне дә яшермәдек, безнең барлык структураларда да отчет документлары бар. Безнең эшчәнлек тулысынча ачык, барлык финансларны да күрсәтәбез», - дип хәбәр итте Янгиров «Татар-информ» агентлыгына. Читать дальше...

(Казан, 21 июль, «Татар-информ»). 2020 елда Татарстанда «Безнең ишегалды» программасы буенча тәртипкә китереләчәк ишегалларында халыкка төзекләндерү проектларын тәкъдим итәләр. Очрашулар ремонт эшләре башланганчы үткәрелә, дип искәртә оештыручылар. Очрашуның датасын идарәче компаниядә, «Безнең ишегалды» программасының социаль челтәрләрендә, шулай ук муниципаль берәмлекләрнең социаль челтәрләрдәге сайтлары һәм аккаунтларында белергә мөмкин. Моннан тыш, кешеләр очрашу үткәреләчәк көн турында йорт... Читать дальше...

(Казан, 21 июль, «Татар-информ», Зәринә Хуҗина). Татар теле, әдәбияты һәм инглиз теле укытучысы Гөлназ Максимова беренче татарча балалар фотоальбомы чыгарган. Бу хакта ул «Татар-информ» хәбәрчесенә сөйләде. Фотоальбомда, балачак фотоларыннан тыш, үзе, әти-әнисе турында мәгълүмат та бар. «Альбомны чыгару идеясе күптәннән бар иде. Берәр милли әйбер булдырасым килде. Минем максат — безнең татар милләтен заманчарак күрсәтү. Альбом балама кечкенәдән үк милли тәрбия бирәчәк. Ул аннан татарча укырга өйрәнеп... Читать дальше...

(Казан, 21 июль, «Татар-информ»). Лаештагы «Кама диңгезе» пляжын ял итүчеләр өчен ачтылар. Бу хакта пляжның Instagram социаль челтәрендәге рәсми аккаунтында хәбәр ителә. «Дуслар, пляж ял итүчеләр өчен ачык! Хәзерге вакытта пляжда коронавирус инфекциясе таралуга бәйле рәвештә кертелгән карантин кагыйдәләрен бозган өчен беркемне дә штрафка тартмыйлар!» - диелә хәбәрдә. Искәртеп үтелгәнчә, бары тик парковка кагыйдәләрен һәм экологик нормаларны бозган өчен генә штраф салалар. Әлегә суның чисталыгы хакында санитар-эпидемиологик бәяләмә юк... Читать дальше...

(Казан, 21 июль, «Татар-информ»). Татарстан Президенты Рөстәм Миңнеханов татарстанлыларны Россиядә экотуризмны үстерү һәм туристлык-рекреация кластерларын булдыру буенча Бөтенроссия бәйгесендә республика өчен тавыш бирергә чакырды. «Дуслар, priroda.life сайтында Татарстан өчен тавыш бирергә ике көн калды. Әгәр җиңсәк, республикага Зәңгәр күлләрне, Кама Тамагы районындагы Лобач тавы һәм Юрьев мәгарәсе, Идел-Кама табигать биосфера тыюлыгы, «Түбән Кама» Милли паркы һәм Балык Бистәсе районындагы Шомбыт... Читать дальше...

(Казан, 21 июль, «Татар-информ»). Узган атна нәтиҗәләре буенча «Татмедиа»нең Telegram-каналы Татарстанда алдынгылар бишлегенә керде. Бу хакта телеграм-канал материалларында хәбәр ителә. «Бер атнада каналга 36 тапкыр сылтама ясалган. Бу уңышлы каналлар бишлегенә эләгү мөмкинлеге бирде. «Татмедиа» агентлыгының рәсми телеграмы «Шалтай-Бабай» һәм «by Kazan» каналларын узып, күзәтү рейтингында өченче юлны алды», диелә хәбәрдә. Түбән Камада 2021 елда яңа заманча экстрим-парк ачачаклар дигән пост популяр булган. Читать дальше...

(Казан, 21 июль, «Татар-информ»). Чаллыда Яшьләр эшләре идарәсе җитәкчесе вазифасына ачык конкурс игълан ителәчәк. Бу хакта Инстаграмда шәхси аккаунтында Татарстан яшьләр эшләре министры Дамир Фәттахов хәбәр итте. «Наил Мәһдиев белән Чаллы Яшьләр эшләре идарәсе башлыгы вазифасына ачык конкурс үткәрү турында килештек», — дип язган ведомство башлыгы. Конкурс шартлары әлегә анонсланмаган, әмма Фәттахов иң талантлы һәм битараф булмаганнарны катнашырга чакырды. Аның фикеренчә, бу вазифада булачак җитәкче үзен күрсәтү генә түгел... Читать дальше...

(Истанбул, 21 июль, «Татар-информ» Рушания Алтай). Литваның Тракай каласында татар яшьләре Төркия дәүләте ярдәме белән Сабан туе бәйрәме үткәргәннәр. Бу хакта Төркия хезмәттәшлек һәм координация агентлыгы (TİKA) хәбәр итә. Литва яшьләр Сабан туе Төркия хезмәттәшлек һәм координация агентлыгы (TİKA), Литва татар мәдәният үзәге белән берлектә оештырылган җәйге лагере программасы кысаларында уздырылган. Әлеге лагерь Литва, Латвия, Польша һәм Кырымда яшәүче татар яшьләре өчен быел җиденче тапкыр үткәрелгән. Читать дальше...

(Казан, 21 июль, «Татар-информ»). Россиядә 2030 елга уртача гомер озынлыгы 78 яшькә кадәр артырга, ә ярлылык дәрәҗәсе 2017 ел күрсәткече белән чагыштырганда ике тапкырга кимергә тиеш. Бу юнәлешне Россия Президенты Владимир Путин «2030 елга кадәр чорга Россия Федерациясен үстерү буенча илкүләм максатлар турында»гы боерыгында билгеләде. Документта Россиядә үсешнең төп максатлары итеп биш юнәлеш күрсәтелгән. Бу - халыкны саклау, кешеләрнең сәламәтлеге һәм иминлеге; үз-үзеңне тормышта табу һәм талантларны... Читать дальше...

(Казан, 21 июль, «Татар-информ»). Врач-онколог Елена Смирнова эчәклек сәламәтлеге өчен суның файдасы турында сөйләде. Бу турыда РИА Новости хәбәр итә. Аның сүзләренчә, су ярдәмендә кан күзәнәкләргә туклыклы матдәләр һәм кислород китерә, шулай ук организмнан токсиннарны чыгарырга ярдәм итә. Моннан тыш, су эчү режимын үзгәртү эч кату белән көрәшергә ярдәм итә, диде табиб. «Шул ук вакытта еш кына психик сәламәт авырулар миңа эчәргә теләмәүләрен әйтә. Әгәр үзләрен мәҗбүр итмәсәләр — гомумән су эчмәскә мөмкиннәр», — дип язган ул Инстаграмда. Читать дальше...