Новости за 17.06.2018

Нохчийчуьрчу Веданан кIоштарчу вахархочунна гIуда тохарца таIзар дина социалан машанерчу шен пена тIе бардан Муцураев Тимуран илли олларна. "Административан 1500 гIуда хьарчийна Веданан кхело меттигерчу вахархочух, экстремизме артиклаш ю аьлла, федералан тептаре яьхна материалаш яржорна аьлла, хаамбина "Кавказан узел" агенталле прокуратуран векало. Муцураев Тимур шуьйра вевзаш ву Нохчийчохь тIеман шерашкахь дуьйнна. Оьрсийн маттахь дара цуьнан юьхьанца тIамах, тIаьххьара джихIаде кхойкху иллеш. Читать дальше...

Москох таксхо тротуар тIе а ваьлла, некъахошна тIе машен тоьхна. ВорхI стаг лазийна, бу царлахь кхечу пачхьалкхашкара нах а. Москохарчу Мексикан векалто Твиттерехь бинчу хаамца, церан вахархо ву лазийначух шиъ ГIалин полицино дIахьедина, машенан урхалла дечуьра воьхна хилла таксхо аьлла. ЦIечу майданна гена доццуш хилла и  инцидент. Дуьненан чемпионате хьовса баьхкина туристаш гулло меттиг бу и майда. Велла стаг а вац, амма 7 медицинан гIо кхачийна. ТАСС агенталлан хаамашца лазийна Украинан цхьаъ, Оьрсийчоьнан ши вахархо а. Читать дальше...

Соьлжа-ГIалахь цомгушчунна сиха тIекхачархьама керла кеп карийна. Оьшуш мел болу гIирс тIехь а болуш, кху заманан фельдшерийн таро ю хьалха  мотоциклаш тIехь сихха гIо эшначунна тIекхача. Лоьрийн бригадел а хьалха ларор бу уьш дархочунна тIе. Новкъахь юькъа машенаш хилахь а, мотоциклан аьтто бу дуьхьало а йоцуш ша воьдучу дIакхача.

Мамсуров Аслан "Хьо эккха араваьлла. Мичахь дийр дара ахь иза?" Инцидент кхоллаелла Венерчу цхьана институтехь. Тоьллачех лоручу профессоро, политологин хьехархочо, экзаменехь студенташка – царалахь нохчий а бу -  хаттар дина, "шаьш террорна арадевлла хилча, аш муьлха меттиг оьккхуьйтур яра", аьлла. ХIун "жоп" делла цунна студенташа, дуьйцу "Кавказ. Реалиин" корреспонденто. "Аьр вай, хьо нохчийн террорхо ву (ю). Хьан Iалашо ю эккха Соьлж-ГIалахь лаьттачу танканна гергахь я Москох кинотеатрехь. Читать дальше...