Новости за 01.06.2018

Къилбаседа ХIирийчуьрчу Черменехь маслаIат хилла йийначу таксхочун Уртаева Стеллин а, иза йийначу Нохчийчуьрчу вахархочун а доьзалашна юкъахь. Шина а мехкан динан дайша дакъалаьцна оцу барамехь.

Гуьржийчохь гулбеллачара Iедалхой декхаре бо даржаш охьадахка. Иза хилла ши кхиазхо вийначул тIаьхьа. Цу шиннах цхьаьннан дас Саралидзе Зазас ша тешна ву боху,инарла прокурор шен кIант вийнарш кIелхьара бохуш хиларх. Дуьхьалонан акцеш бахьана долуш шен дарж дитина инарла прокуроро. Демонстранташна политика юкъагIоьртина аьлла хета кхелана.

Маршо Радионо бовзуьйту таханлера боцца хаамаш

Шеман "Хайят Тахрир аш-Шам" тоба террорхойн организацийн тептаре яьккхина Iамеркан Цхьанатоьхначу Штаташа. Пачхьалкхан департаментан сайтехь бинчу хаамца, и тоба йоьзна хилла террорхойн "Аль-Каида" машанца.  Террорхойн организацийн могIаре яьккхинчу "Фронт Ан-Нусра" тобан бух тIехь дахначу шарахь кхоьллина и юкъаралла.  Терроризмца къийсам латточу пачхьалкхан департаментан координаторо Сэйлс Натана дIахьедина: "Оцу сацамо гойту, цIе хийцарх тхо Iехалур доцийла", -аьлла. Шеман къилбера Идлиб провинцин... Читать дальше...

Набахтехь даккха итт шо кхайкхийна Волгоградан кIоштан 23 шо долу вахархо Исмаилов Рустам Карелин "цIечу" зоне хьажийна. Стохка гурахь кхело бинера цуьнан хьокъехь шен сацам. Интернет гIирсаца баккхийчу барамашкахь наркотикаш лелор дара цунна бехке диллинарг. ДегIах талламаш бечу хенахь цуьнгара яьхнера 1, 1 грамм наркотикаш. КIентан гергарчара цуьнан кисана наркотикаш кхийсина ю аьлла, дIахьедо. Стохка гурахь Карелерчу ИК-7 набахте дIакхачийнера иза. "Бакъонашларъярхошкара хиина тхуна, ницкъаллийн... Читать дальше...

ПIераскандийнахь Душанберчу маьждигехь Рузбанна гулбеллачийн хеттаршна жоьпаш лучу муфтийс Iабдулкъедирзодас "бокс а, ММА-н латарш а хьарам ду аьлла, хIунда аьлча, оцу спорто адаман могушаллана зен до, заьIапхо ван а тарло" аьлла. "Юкъа ахча дуьллуш мел долу ловзарш, къийсадаларш а хьарам ду. ДегIана, хьекъална беш пайда а боцуш хан яйар ду иза", - аьлла, тIетоьхна муфтийс. Таджикийн кегийрхой бакъахьачу спортаца хила беза, масала, латар, цо сица а, дегIаца а кхиадо адам. "Оцу спортан кепаша бохьу кхиамаш оьшура вайн тIекхуьучарна... Читать дальше...

Нохчийн 7 шо долу йоI ерна бехкевечу 16 шо долчу кхиазхочунна кIелоян гIортар юкъахдаьккхина Австрин полицино. Венерчу Йозефштадт набахтера Линц гIалин къевлинчу тIеман дарбан цIийне дехьаваьккхина Роберт. ТIехь деш  ха а долуш, ша цхьаъ чохь латтош ву иза. 24 сахьтехь цуьнца цхьана чохь бу полисхой. Иза волу меттиг гIараяккхар дихкина ду. Австрин хаамийн гIирсаша дийцарехь, Роберт лаьцна латточу Йозефштадт набахтехь кIантана дуьхьал зулам ду кечдеш аьлла, тутмакхашка хаамбинера. Венерчу нохчийн... Читать дальше...

ГIалгIайчоьнан муфтийна Хамхоев Iийсана гечдина мехкан куьйгалхочо Евкуров Юнус-Бека, ша бусулбачийн жамаIатах дIахадош, кхайкхамбарна. Регионан урхалхочо марха даста ша волчу хьошалгIа кхайкхийна иза. Евкуровс бахарехь, кху дезачу деношкахь мехкан бахархой вовшашна къинтIера бовла беза, цхьабарт хилийта шайн ма хуьллу беркате гIуллакхаш а деш. "Суьйранна ифтаре вола со волчу – туьха а, бепиг даим сан стоьл тIехь ду", - аьлла, Хамхоевга а, цуьнан гоне а вистхилла Евкуров Юнус-Бек. Маршо Радионо яздира... Читать дальше...

Иракъехь дисина шайн бераш лахархьама ДНК-тесташ яр долийна Нохчийчуьрчу бахархоша. Шемахь а, Иракъехь гергарнаш болчара дIалуш ю анализаш аьлла, кхетийна махкарчу Iедалхоша. Оцу некъаша шайн берийн бераш цIадерзо аьтто лур бу шайна аьлла тешна бу уьш. "Иракъехь да-нана делла а, набахте чубоьхкинчу зударийн бераш а цIадерзор сихдархьама юкъадаьккхина хIума ду иза", - аьлла могушаллин министарллан векало "Кавказан узел" агенталле. Гергарчу Малхбалехь доьзалш болучеран декхар ду кхелан-медицинан экспертизан бюро шайх хаамба... Читать дальше...

Кху шеран аьхкенан садаIар Нохчийчохь хир ду махкарчу берийн. Республикерчу садоIийлашка хьовсор бу 20 эзар гергга дешархой. ХIинцале а Сиржа-Эвларчу "Ламанан шовда" садоIийлехь ду 500 бер. Берашка садаIийта Iалашонца карарчу шарахь Нохчийчоьнан Iедалхоша 400 миллион сом ахча юкъадиллина. "Таханалерачу дийнахь республикехь болх беш ю 4 берийн садоIийла: Шелвковскера "Хазахетар", Шелан кIоштара "Светлячок", "Ламанан шовда", Нажин-Юьртара "Ламанан Беной" а. Цхьана рожехь 350-500 бер тIеэца таро ю оцу садоIийлийн"... Читать дальше...

Къилбаседа ХIирийчуьрчу Черменехь маслаIат хилла йийначу таксхочун Уртаева Стеллин а, иза йийначу Нохчийчуьрчу вахархочун а доьзалашна юкъахь. Шина а мехкан динан дайша дакъалаьцна оцу барамехь. "Кавказ.Реалии" портале Къилбаседа ХIирийчоьнан муфтийс Гацалов Хьаьжа-Мурда дийцарца, нохчийн муфтиято доллучу къоман цIарах гечдар дехна. "Стаг вер эхье хIума ду, Iаламат эхье ду нагахь зуда ехь. Машаре а, лараме а къамел хилира тхуна юкъахь", - дийцина Гацаловс. Гергарчу хенахь йийначу зудчун хIусаме богIур бу куьйгбехкечун гергарнаш... Читать дальше...

ГIалгIайчоьнан 25 шо долчу яхархочунна дуьхьал бекхузуламан гIуллакх  долийна, иза Шемарчу "Исламан пачхьалкх" шех оучу тобанах дIакхетарна. Талламчийн информацица, 2014-чу шеран бIаьста Туркойчу а яхана, шо даьлча цигара дIа даIишхойх шен лаамехь дIакхета иза. "Террорхойн тобанхошна лоьралла а деш, кхача а латтош, чоьнаш цIанъеш Iаш ю иза цигахь", - аьлла, дийцина ГIалгIайчуьрчу Талламан комитетан пресс-гIуллакххоша. Республикан чоьхьарчу гIуллакхийн министралло стохка хааме даккхарца, Шемахь... Читать дальше...

ГIалгIайчоьнан 25 шо долчу яхархочунна дуьхьал бекхузуламан гIуллакх  долийна, иза Шемарчу "Исламан пачхьалкх" шех оучу тобанах дIакхетарна. Талламчийн информацица, 2014-чу шеран бIаьста Туркойчу а яхана, шо даьлча цигара дIа даIишхойх шен лаамехь дIакхета иза. "Террорхойн тобанхошна лоьралла а деш, кхача а латтош, чоьнаш цIанъеш Iаш ю иза цигахь", - аьлла, дийцина ГIалгIайчуьрчу Талламан комитетан пресс-гIуллакххоша. Республикан чоьхьарчу гIуллакхийн министралло стохка хааме даккхарца, Шемахь... Читать дальше...

Киеверчу Подольскан кхело листа долор ду Кринари Артуран (Курмакаев а ву иза, Тищенко а ву, Цебро а ву) гIуллакх. Цуьнан адвокато Мацегора Маринас бина и хаам. Кринари бехкево нохчийн Дудаев ДжовхIаран цIарахчу батальонан куьйгалхочунна Осмаев Адамна а, цуьнан хIусамнанна Окуева Аминина а кIелоярна. Бехкевийриг Нохчийчуьра орамаш долуш ву, шех Кринари Артур алар дехна цо. Ерриг а цо лелорийг 10 цIе гергга ю. Стохка аьхка Киевехь, Le Monde газетан журналист ву ша аьллачу цо чевнаш йира Осмаевна. Читать дальше...

Ставрополан кIоштарчу Талламан комитето лехамашка велла 36 шо долу Даудов Ахьмад. Иза бехкево стуннана ерна а, шен хIусамнанна а, стунвешина а чевнаш ярна а. Талламичйн версица, чохь дов иккхича майрчо шен зудчунна герз тоьхна хилла. Орцах баьхкинчу стуннанна а, стунвешина а тоьхна цо цхьацца хIоа. 53 шо долу бехкевечун стуннана чевнех елла, вочу хьолехь дарбан цIийнехь ду зудий, стунваший. Левокумскехь бехаш хилла доьзал. Талламчаша бахархошка кхайкхам бина зуламхо волу меттиг шайна тусалахь, информаци хаийта шайга аьлла.

Иракъера кема кхаьчна Орсийчу 94 бер далош аьлла, хаамбина Нохчийчоьнан куьйгалхочо Кадыров Рамзана. Оцу пачхьалкхан Iедалхоша набахтехь яккха яккхий хенаш  йиттинчу зударийн бераш ду уьш. "Иракъера бераш цIа дерзорехь беш болу болх оха сацийна бац цхьана минотна а", - аьлла, билгладаьккхина Кадыровс. Иштта цо хааме даьккхина, и бераш даймахка кхачор шина этапехь хирг хилар а. Хьалхарчу тобанехь 49 бер ду, шолгIачу рейсехь кху карабеанчу баттахь 25 бер хир ду. Бераш дозанал арадаха оьшу кехаташ кийча ду... Читать дальше...

Москохарчу бахархошка урамашкахь дина хеттарш.