Новости за 02.06.2018

ГIажарийчоьнан эскарш пIераскандийнахь арадийла дуьйладелла Шеман Къилберчу а, Къилба-Малхбузерчу а кIошташкара. Al-Arabiya телеканало шайн хьосташна тIе а тевжаш бина и хаам. ГIажаройн эскарш арадохуш хиларх информаци яржийна Израилан зорбанаша а. Ливанан ГIажарийчоьнна муьтIахь йолчу "Хезболла" тобано а дIатосу регион. ГIаттамхошна дуьхьал тIемаш бечу Шеман президентан эскархошна гIоьналла латтадо ГIажарийчоьно а, "Хезболлас" а. ГIажаройн ницкъаш Шеман Къилбехьа латторна дуьхьал ю Израиль а. Шайна цаьргара кхерам бу аьлла хета царна. Читать дальше...

Кеста Гергарчу Малхбалера кхин а кема догIур ду кегий бераш далош. Мел лахара а Оьрсийчуьра  25 бер хир ду кеман тIехь. "Иракъерчу Iедалхоша таIзар динчу зударийн доьзалхой бу уьш", - аьлла Нохчийчоьнан куьйгалхочун векало Сабсаби Зияда. Дерриг а 94 бер ду даймахка цIадерзо лерина. Дукхаболчийн хIинца а кийча дац оьшу юридикан кехаташ. "Оцу берех 45 дозанал а арахьа дуьненчу даьлла ду, 38 Иракъехь, цхьаъ Шемахь, пхиъ Туркойчохь, цхьаъ Германехь. Уьш оцу пачхьалкхера арадаха вуно хала ду. Церан гергарчаьрга ДНК-тесташ ян еза бохуш... Читать дальше...

Киеверчу Подольскан кхело листа долийна Украинерчу Дудаев ДжовхIаран цIарахчу батальонан хьлаханчана Осмаев Адамна а, цуьнан хIусамнанна Окуева Аминина а кIелоярна бехкевечу Кринари Артуран (лелош хилла цо Курмакаев а, Денисултанов а, Тищенко а, Цебро фамилеш) гIуллакх. Дуьххьарчу кхеташонехь къевлинчу неIаршкахь кхел дIаяхьар дийхира. ТIедогIучу дийнахь къасторболчу тешамечу векалшна хьалха хIуттур ву бехкевийриг. Шен дов хаттар оцу форматехь дIадахьар дехнера ша Кринарис а. "Юха а Осмаевна кIело... Читать дальше...

Трамп Доналдан администрацино кечамаш беш бу Iамеркан а, Оьрсийчоьнан а президентийн цхьанакхетарна. Wall Street Journal-ан хьасташа дийцарца, Iамеркан Москохара векал Хантсман Джон кху кIиранах, саммитна кечамбар дуьйцуш Вашингтонехь хилла. Шина а агIонан цкъачунна барт хилла бац, муьлхачу дийнахь, мичахь хир ду цхьанакхетар, яздо газетано. Iамеркана а, Оьрсийчоьнна а юкъара "дIабахбеллачу цакхетамашна тIехь толам баккхар" ю саммитан коьрта Iалашо, чIагIдо хьасташа. Цара дийцарехь, йийцареян леринчу проблемашлахь  ю Шемара а... Читать дальше...

Нохчийчоьнан презентаци йина СаIуда Iаьрбийчохь туристийн индустрехь а, дуьненаюкъарчу чемпионате билеташ эцначу футболан фанаташлахь а. Шен Фейсбукан агIон тIехь и хаам Iорабаьккхина махкарчу туризман комитетан куьйгалхочо Батаева Элинас. "Кавказ. Реалии" портало дийцарехь, стохка къайлах Нохчийчу веана СаIуда Iаьрбийчуьрчу элана тайна хилла Нохчийчуьра лаьмнаш. Тарло Нохчийчуьра делагаци СаIуда Iаьрбийчу пайда алсамбаккха яхана хила. Официалан терахьашца, Нохчийчу оьхучу туристийн терахь кхуьуш ду. Читать дальше...

Шен хеннахь цIа а кхаьчна, марха дохо аьтто боцуш биссинчу некъахошна мала хиш а, кхалла хурманаш а дIасайоькъуш акци йолийна Нохчийчуьрчу кегийрхойн гIуллакхашкахула йолчу министралло. Рамадан бутт чекхбаллалц цу кепара сагIа даккха Iалашо ю цара лаьцна. "Мархийн баттахь стаг вузор Iаламат деза дуьйцу хьадисашкахь, цундела мел а дуккха а марха достучу заманчохь некъахь биссинчу нахана тхайгара сагIа дIакхачо хьовсу тхо", - аьлла министраллан векалша.

"Чеченэнергон" белхахой нехан керташкахула а лелаш, шогаллица тоьках ахчанаш схьадоьхуш, цкъацкъа боьдучу баттах а декхар охьадиллар тIе а дожош хьийза тIаьххьарчу шина дийнахь аьлла, дийцина Соьлжа-ГIалин бахархоша. Шахьаран мэран зерашца, шина дийнахь 400 эзар гергга сом охьатасийтина бахархошкара. Байначу беттан 14-чохь "Чеченэнерго" компанин белхахоша шуьйра рейдаш дIаяьхьна тоьках ахчанаш схьалехьош бахархошкара. Махкахоша дечу аьрзашца, хьем ца беш декхар охьадиллар тIедуьллура Iедалхоша... Читать дальше...

Дуьненахь а бераш лардаран дийнахь Соьлжа-ГIаларчу берийн бешахь хилира Маршо Радион корреспондент. Муха леладо дайша-наноша шайх тешийна бераш, зийра цо.

Шен юьртахо Дзицоев Казбек лачкъийна хилла аьлла, бехкевен гIалгIай Чаниев Хьамзат лаьцначуьра дIахеца реза ца хилла Къилбаседа -ХIирийчоьнан кхел. Дзицоевс иза вацара аьлла, кхелахошка дIахаийтина ша лаьцна латтийнарг. "Кавказан узел" агенталло хаамбарца, Къилбаседа-ХIирийчоьнан Лакхарчу кхеле Чаниевн гIуллакх листар ГIалгIайчоьнан Лакхарчу кхеле я кхечу регионе кховдор дехнера кIентан адвокаташа, хIирийн-гIалгIайн конфликт бахьанехь юкъаметтигаш ира хиларна. Стохка Iай Къилбаседа-ХIирийчоьнан кхело дуьхьало йира дехарна. Читать дальше...

Яхначу буса Нохчийчоьнан чоьхьарчу гIуллакхийн министралло хаамбарехь, шиъ некъан бохам иккхина махкахь. Куьршала кIоштарчу Цоци-Юьртахь КАМАЗ а, ВАЗ-111840 (Лада-Калина) а вошахкхетта, кеп-кепарчу чевнашца Устрада гIалин дарбан цIийне валийна Лада-Калинин шофер а, цуьнца машенчохь хилла зуда а. Иштта Грозненск кIоштахь а хилла цхьа некъан бохам. Соьлжа-гIалара Шуьйта боьдучу новкъахь "Тойота Коррола" машен некъатIера а йолуш, тIекIелъяьлла. Оцу машенчуьра лазийна кхо зуда а лазартне йигина. Хилларг толлуш, белхаш бу дIахьош полисхоша.

Шемарчу даIишхойх дIакхета лаам болчу шен накъостех айкхцаваларна Соьлжа-ГIалара вахархо кхеле озийна. Заводской кIоштан кхелахоша зуламан кодексан 205-чу артиклца бехк а хьарчийна, гIуллакх долийна цIарца вовзуьйтуш воцучу жимчу стагана дуьхьал. Иштта цуьнан накъосташна дуьхьал а айдина бехкзуламан гIуллакхаш, кхечу пачхьалкхарчу гIаттамхойх дIакхета гIортарна аьлла, яздо прокуратуран сайтехь. 2016-чу шарахь Оьрсийчоьнан президенто "Яровойн пакетна" куьйгяздинчул тIаьхьа юкъадаьккхина Iедална айкхцаваьллачунна тIе жоьпалла дожош низам.

Оьрийчохь уггар а къеначу НогIамирзин-Юьртарчу (Теркйист) Истамбулова Кхокхин 129 шо кхечи оршотдийнахь. Иза йинчу денца декъалъян бахара, хьалхаваьлла Думан депутат Саралиев Шамсаил а волуш,  "Цхьааллин Оьрсийчоь" партин декъашхой. Нохчийн исторехь дуккха а къиза денош лайна ю Истамбулова: массех пачхьалкхан карчам, хIоттам, иттех тIом байна. Iедалан цIарах баьхкинчу хьшаша дуккха а довха дешнаш элира къаночуьнга, иштта совгIаташ а дира.