Новости за 23.06.2018

Оьрсийчоьнан президентан Путин Владимиран рейтин цIеххьана охьаяьлла тIаьхьарчу месех кIиранах. Иза гойтуш бу социологаша бина талламаш. Юкъараллана хетарг толлучу ерригоьрсийчоьнан центро (ВЦИОМ) бинчу хаамца, Мангал-беттан 10-17 деношкахь таллам бича гучудаьлларг ду Путине болу тешам лахбелла хилар 77 тIера 72 % кхаччалц. Оццу кIиранах таллам а бина, "Юкъараллин ойла" Фондо далочу терахьашца, Путинехьа кхаж таса кийча болчу нехан терахь лахделла 62% тIера 54% кхаччалц. Социологашна хетарехь... Читать дальше...

Нохчийчохь кIелхьаръяьккхина пена юкъахь йисина хилла цициган кIорни. Иза гойтуш видео гучуяьлла YouTube-хь. Цу видеона тIехь гуш ду дийнатна тIекхача кибирчиган пен бохош жима стаг хилар. Гарехь, цициган кIорнино "мӀаьу" бохуш хезначух тера ду цу кертахь бехачарна. КIорни цу хьоле муха кхаьчна билггала хууш дац. Мох кхетийта йитинчу меттигехула ларамаза йоьжна хила а мега иза цу юкъа.     ​

Мангал-беттан 24-чохь дуьйна СаIудийн Iаьрбийн Пачхьалкхан Iедалша машенна урхалла дан бакъо елла зударшна. Цуьнца цхьаьна урамашкахула леларан бакъонаш ларъярна терго ечу хьукмато балха эцна хьалхара 40 зуда. Зурий-эпсарша къастор ду некъавзам хиларца доьзна гIуллакхш, хаам бо The National зорбанан гIирсо. Некъан полицехь болх бан хаьржина зударий бу цу балхана оьшуш долу дешар дешна.

Нохчийчохь Росгвардина тIелетар деш дакъалацарна бехке веш волчу Невран кIоштарчу 25 шо долчу Бакаев Iелина, цуьнан верас а хилла,  тIехIоьтта кийча хиларх лаьцна дIахьедар дина ГIирмерчу гIезалойн Меджлисан куьйгалхочо, Украинин Лаккхарчу Радан депутато Чубаров Рефата. Цунах лаьцна кехат хьажийна цо Киеверчу кхеле, хаам бо цу кехатан копи кхаьчначу Кавказ.Реалиино. Чубаровна хетарехь, Бакаевна тIаьхьадаьлла Оьрсийчуьра Iедала политикан бахьанашца. Росгвардина тIелатар дина хиларна, шеконашкахь... Читать дальше...

Дагестанехь Сабнова эвларчу чагIар доккхучу заводехь ши дакъа карийна, хаам бо Кавказ.Реалиино республикерчу таламан урхаллан векалшна тIе а тевжаш. Зудчуьнан а, стеган а декъий Iохкуш хилла чагIарна тIетуху кочалла йолчу чермана чохь. Талламхойн версица, цу шинан садукъаделла евзаш йоцу газ бахьана долуш. Таллам дIахьош бу.

ЦӀийнах хьажа елла бакъо а йоцуш, бакъо яц мобилан телефонан долахо мичахь хилла бохучух лаьцна хаамаш Iедалан хьукматашка дIабала. Цу хьокъехь сацам бина Мангал-беттан 22-чу дийнахь Iамеркан Лаккхарчу Кхело. Долахь долу хIума хьадан йиш яц аьлла хетачу нехан толам бу и вердикт, билгалдоккху "Iамеркан аз" зорбанан портало. Кхаж тесча Цхьаьнатоьхначу Штатийн Лаккхарчу Кхелан 5 суьдхо реза а волуш, ткъа 4 дуьхьал а волуш сацам бина, низамаш лардо органашкахь цӀийнах хьажа елла бакъо хила еза, телефонах пайдаэцархо лелла меттиг къастош... Читать дальше...

Цхьаьнакхеттачу Къаьмнийн Вовшахтохаралло кхайкхам бина Оьрсийчоьне, Приднестровьера Молдован Республикера эскарш арадаха аьлла. Цу хьокъехь леррина резолюци тIеэцна Инарлан Ассамблеяно, Молдован а, Канадин а, ткъа иштта цхьамогIа Малхбалерчу а, Юккъерчу а Европерчу пачхьалкхийн дехарца. Цу резолюцин проект тIеэцарехьа кхаж тесна 64 пачхьалкхо. Дуьхьал хилла 15, шайна юкъахь Оьрсийчоь а, Боларуси а, Эрмалойчоь а, Къилбаседа Корей а, Шема а йолуш. 83 пачхьалкх кхаж ца тосуш сецна. Резолюцина критика... Читать дальше...

Нохчийчоьнан куьйгалхочо Кадыров Рамзана шен омран копи а, некха тIе латош йолу веназ а елла футболхочунна Мохьамед Салахьна, пIераскана сарахь Мисаран футболан тобанна деза хьошалла дечу хIумакхалларехь. "И цIе йогIуш яра (Мохьамед Салахьна). Эзарнаш берийн а, кхиазхойн а, баккхийчеран а ган аьтто хилира кху дуьнентIехь уггаре говза болчу футболах ловзархо волу иза", - элира Кадыровс, хаам бо "Чечня Сегодня" агенталло. Шен агIор Мохьамед Салахьа баркалла аьлла шаьш Соьлж-ГIалахь дика тIеэцарна а... Читать дальше...

Нохчийчоьнан куьйгалхочо Кадыров Рамзана ша цецваьлла хилар хаийтина, "Мемориалан" Соьлж-ГIаларчу декъан куьйгалхо Титиев Оюб дIахеца аьлла, Iамеркан Пачхьалкхан Департаментан зорбанан секретаро Нойерт ХIизера кхайкхам барна. Цунах лаьцна Кадыровс яздина шен Telegram-каналехь, хаам бо РБК-но. Кадыровс дийцарехь, Нойерта "ларамаза шена тIеоьцу Оьрсийчоьнан суьдан системан декхарш, Титиев Оюб набахтехь латтор бух болуш дац аьлла" дIахьедар дарца. Нохчийчоьнан куьйгалхочо билгалдаккхарехь, Титиев лаьцна ву, цуьнгахь наркотикаш карорна. Читать дальше...

Нохчийчуьрчу Iедалан керлачу куьйгалхочуьнан цIе йовзуьйтур ю тIедогIучу оршотан дийнахь. Цунах лаьцна хаам бина республикан куьйгалхочо Кадыров Рамзана, социалан машанехь. Цо дийцарехь, Мангал-беттан 25-гIа де тIекхаччалц министрийн кабинетана куьйгалла дийр ду Iедалан ден хьалхарчу когаметто Закриев ИбраьхIима. ХIинццалц цу даржехь хилла Эдельгериев Абубакар хIоттийна Оьрсийчоьнан президентан гIоьнча.