حضرت عمر زاخېلوال دا هم وایي، اوس په ډېره سختۍ د سولې فرصت برابر شوی چې باید له لاسه ورنه کړل شي. د ازادي راډيو خبریالې فېروزې عزیزي په دې او نورو مسایلو په پاکستان کې له افغان پخواني سفیر حضرت عمر زاخېلوال سره د چهارشنبې په ورځ خبرې کړي. ویډیو او ایډېټ: تمیم اخګر
جان اغا هغه افغان دى، چې په پروان ولايت کې يې له ماشومتوبه په لسګونو زاڼې ښکار کړي دي. نور خلک دغه ښکار کړي مارغان يا د ساتلو، يا د هغوى له غوښو د کار اخيستلو په نيت ورڅخه رانيسي. جان اغا وايي په کور کې به شا و خوا سل زاڼې لري او دا يې له لسيزو راهيسې د روزي ګټلو يوه لار ده.
په دې خبرې ټولګه کې داسې انتخابات درښکاره کوو چې په یوه ورځ د نړۍ په کچه ډیرو زیاتو کسانو برخه پکې اخیستې ده. د یمن په جګړې کې د کانګرس له پریکړې سره ولسمشر ټرمپ مخالفت کړی او په افغانستان کې مو د پخواني شوروي اتحاد د جګړې د یوه فلم په اړه له اختلافاتو خبروو.
په ارګ کې نن د اپرېل په ۱۷مه د دوحې د کنفرانس او په افغانستان کې د سولې لپاره پر روانو هڅو غونډه وشوه. د افغانستان جمهور رئیس دې غونډې ته وویل چې افغانانو ته یو تاریخي فرصت په لاس ورغلی او باید ګټه ورڅخه واخلي. اشرف غني قطر ته د روان پلاوي غړو ته وویل، طالبان قانع کړئ چې د افغانستان اسلامي جمهوري دولت سره له مذاکراتو بغیر بله لار نهلري او د جنګ د ختمولو لپاره بله نسخه نه پیدا کېږي. ولسمشر اشرف غني وویل چې د افغانستان په جګړه کې غالب او مغلوب نهشته او د سولې ټینګېدل به د افغانانو د ماشومانو لپاره ګټه وي. Читать дальше...
پهداسې حال کې چې وسلهوالو طالبانو ویلي چې د قطر په ناسته کې هېڅڅوک اجازه نهلري چې د حکومت نظر څرګند کړي، د ...
په اندونیزیا کې نن د جمهوري ریاست، پارلمان، ښاروالیو او ولایتي شوراګانو ټاکنې وشوې. د نړۍ پهدې ګڼ مېشتي اسلامي هېواد کې سهار وختي، د رأیو مرکزونه پرانیستل شول. د څارونکو له نظره، دا په نړۍ کې تر ټولو ستر انتخابات دي چې په یوه ورځ کې کېږي. په اندونیزیا کې سږ کال هم د جمهور رئیس جوکو ویدودو او جنرال پرابو سوبیانتو ترمنځ د سیالۍ کرښه ډېره نازکه بلل شوې ده. په ۲۰۱۴ میلادي کال کې ولسمشر جوکو ویدودو په ډېر کم توپیر د جمهوري ریاست اتنخابات له جنرال سوبیانتو وګټل. غیر رسمي پایلې څرګندوي چې ولسمشر ویدودو نن هم ۱۰ فیصده مخکې دی. Читать дальше...
ملګرو ملتونو ویلي چې په افغانستان کې د جګړې د زندانيانو د شکنجې د منع کولو لپاره هڅې د خوشبینۍ وړ دي، خو ډېر کار باید وشي. په کابل کې د ملګرو ملتونو د استازي دفتر نن د اپرېل په ۱۷مه، په یوه بیان کې ویلي چې له ۲۰۱۶ میلادي کال راهیسې د شکنجې پېښې کمې شوي دي. خو یوناما ویلي چې له دې امله د دوی اندېښنه لا پر ځای ده ځکه ډېر بندیان لا هم د بد چلند او شکنجې شکایت ورته کوي. د ملګرو ملتونو د بشري حقونو دفتر پهدې اړه یو راپور هم خپور کړی دی. په راپور کې راغلي چې له ۲۳ فیصده بندیانو چې د افغانستان... Читать дальше...
د تاجکستان ولسمشر امام علي رحمان چې په دوه ورځني رسمي سفر په روسیه کې دی، نن د هغه هېواد د ولسمشر ولادیمیر پوتین سره ولیدل. رحمان نن د اپرېل په ۱۷مه، په مسکو کې د مېشتو تاجکانو د ټولنې له استازو سره وکتل. هغه وویل چې له پوتین سره د خبرو په سر کې به د کار لپاره د مهاجرت اصول او په روسیه کې د مېشتو تاجکانو د ګټو او حقونو په اړه خبرې وکړي. کرملېن ویلي چې رحمان او پوتین به یو شمېر موافقه لیکونه هم لاسلیک کړي.
په تېرو ورځو کې د موسمي بارانونو له امله د کابل ښار ډېرو سیمو کې اوبه ډنډې شوي چې یو شمېر کابل ښاریانیې لامل د ...
په جنوب کې د ۲۰۵م اتل قول له روزنیز مرکز څخه د اردو شاوخوا ۱۰۰۰ سرتیري فارغ شول. دغه سرتیري چې په تېرو درېيو میاشتو کې يې د وسلو کارولو او جګړې مهارتونه زده کړي وايي چې د وسلهوالو سره جګړې ته تیار دي او هغه وسلهوال به وځپي چې سوله نهکوي. ویډیو: محمد صادق ریښتینی ایډیټ: لېمه هادي
د ۲۰۲۲ میلادي کال د فوټبال د نړیوال جام د مقدماتي سیالیو مهالوېش اعلان شو. دغه سیالۍ چې د یو شمېر اسیایي هېوادونو ترمنځ د راتلونکي جون میاشتې په شپږمه نېټه ترسره کېږي ننیې د مالیزیا په کوالالامپور ښار کې مهالوېش اعلان شو. د دغه سیالیو په لومړۍ لوبه کې برونئي له مغلستان لوبډلې په دوهمه لوبه کې ماکائو له سریلانکا سره او په درېیمه لوبه کې لائوس له بنګلهدېش لوبډلې سره مخامخ کیږي. همدا شان به مالیزیا له تېمور شرقي کامبوج له پاکستان اوګوام له بوتان سره لوبه وکړي. د ۲۰۲۲ میلادي کال فوټبال نړیوال... Читать дальше...
د زابل ولایت په مرکز قلات کې د سولې په نوم د کرکټ ۲۰ اوریزې سیالۍ پيل شوې. د زابل د کرکټ بورډ مشر محبوب محب وايي، دغه سیالۍ د ۱۲ لوبډلو ترمنځ پیل شوي او ۱۷ ورځې به دوام وکړي. ښاغلی محب زیاتوي چې یادې سیالۍ د لوبغاړو د هڅونې لپاره پیل شوې چې د مرکز قلات د کرکټ د لوبډلو سربېره به پهکې د شهر صفا او شاجوی ولسوالیو د کرکټ لوبډلې هم ګډون وکړي.
د افغانستان د ووشو فدرسیوان وایي، د پنجشنبې په ورځ به د کابل د کلپونو لیګ د درېیمې دورې سیالۍ ترسره شي. د دغه فدراسیون مشر سید رحمان یورش نن ازادي راډیو ته وویل چې پهدغو سیالیو کې به اته لوبډلې ګډون وکړي. د نوموړي په خبره، د سیالیو د ترسره کېدو هدف د ووشو ملي لوبډلې ته د غوره څېرو انتخاب دی.
د افغانستان د پوهنې وزیر وايي، د ښوونکو د تنخواګانو د ډېرولو طرحه یې جوړه کړې او تر راتلونکو درې میاشتو پورې به عملي شي.
د افغانستان په ګاونډيو او د اسیا د جنوب په ډېرو هېوادونو کې سېلابونو خلکو ته ځاني او مالي زيانونه اړولي دي. پاکستاني چارواکو د ...
په افغانستان کې د پخواني شوروي اتحاد د جګړې په اړه يو هنري فلم جنجالي شوى دى.
متحده عرب اماراتو د امريکا د ولسمشر ډونالد ټرمپ هغه پرېکړه وستايه چې د کانګرس يو پرېکړهليک يې ويتو کړى دى. د متحده عرب اماراتو د ...
ټاکل شوې چې په دوحه کې د جمعې په ورځ بینالافغاني خبرې پیل شي. د افغانستان د حکومت له لوري ۲۵۰ کسیز پلاوی دې کنفرانس ته ور روان دی. طالبانو ویلي چې په دوحه کې د کنفرانس تنظیموونکو حکومت ته کتبي او شفاهي خبر ورکړی چې دې پلاوي ته واضح کړي چې د حکومت استازیتوب به نهکوي. طالبانو ویلي چې دا کسان به شخصي نظر څرګندوي او د مستقلو افرادو په حیث به خبرو ته ورځي. د طالبانو یوه ویاند دا خبره نن د اپرېل په ۱۷مه په یوه بیان کې چې رسنیو ته استول شوې کړې ده. په بیان کې ویل شوي، هېڅڅوک اجازه نهلري چې... Читать дальше...
په غزني کې ځوانان او مدني فعالان وايي، پهدغه ولایت کې د جګړو او ناامنیو له امله د نیالګیو د کېنولو بهیر په ټپه ولاړ دی. دوی وايي، په تېرو پسرلیو کې به ځوانانو، دولتي چارواکو او کرنې ریاست د نیالګیو په کېنولو کې پوره ونډه اخیسته، خو سږ یې ورته شا کړې ده. یو تن ځوان امین ابراهیمزوی پهدې اړه ازادي راډیو ته وویل: "د غزني له ۱۸ په نیمايي ولسوالیو کې یې هېڅ ډول نیالګي نهدي وېشل شوي چې لاملیې د کرنې ریاست له لوري د غزني زرغونېدو او د خلکو اقتصاد ته نهپاملرنه ده." بلخوا د کرنې ریاست د بڼوالۍ... Читать дальше...
د امریکا د متحده ایالاتو ولسمشر ډونالد ټرمپ د کانګرس یو پرېکړهلیک چې د یمن په جګړه کې يې د امریکا د رول د پای ته رسېدو غوښتنه کوله، ویتو کړ. د "جګړې قدرتونه" په نوم پرېکړهلیک به د امریکا له جمهور رئیس څخه د دې صلاحیت اخیست چې یمن ته ځواکونه واستوي. ټرمپ پرون، د اپرېل په 16مه وویل، دا پرېکړهلیک زما د قانوني صلاحیت د محدودولو لپاره یوه خطرناکه او غیر ضروري هڅه ده. ډونالد ټرمپ وویل چې په یمن کې د امریکا دخالت د دې لپاره ضروري دی چې په شااوخوا سیمه کې د امریکا ۸۰ زره مېشت عسکر مصون وي. د ټرمپ... Читать дальше...
د ارزګان ولایت د ولایتي شورا یو شمېر مسؤلین او یو شمېر مدني فعالان چې د چهارشنبې په ورځ «۱۳۹۸ کال د وري ۲۸»...
افغان چارواکي وايي، هڅه کوي چې په بېلابېلو ولایتونو کې د وروستیو سېلابونو د زیانونو مخه ونیسي او زیانمنو شویو کورنیو ته ...
د افغانستان د کرنې او مالدارې وزارت وايي چې د ۴۷۱ میلیونه افغانیو په ارزښتيې د اوبو رسولو له ۳۱ بېلابېلو شبکو سره تړونونه لاسلیک کړل. د دغه وزارت ویاند اکبر رستمي نن د چهارشنبې په ورځ «۱۳۹۸ کال د وري ۲۸» ازادي راډيو ته وویل چې د تړون له مخې به دغه شبکې له ۵۰ زره جریبه زیاتې ځمکې خړوبې کړي. ښاغلی رستمي وایي، له دې سره به د اوبو مدیریت ښه او د اوبو د ضایعاتو ۲۰ سلنه مخه ونیول شي.
د افغانستان د رېلپټلۍ اداره وایي، د تېرو نورو کلونو په پرتله له دغې لارې اوس د سوداګریزې راکړې ورکړې کچه ۱۰ سلنه لوړه شوې. د دغې ادارې مرستیال عبدالباري صدیقي نن د چهارشنبې په ورځ «۱۳۹۸ کال د وري ۲۸» ازادي راډيو ته وویل، د افغانستان د حیرتان له لارې د ترکمنستان او ازبکستان تر څنګ د منځنۍ اسیا یو شمېر نورو هېوادونه ته په ورځني ډول شااوخوا ۳۰۰ ټنه سوداګریزه راکړه ورکړه کېږي. د ښاغلي صدیقي په خبره له دې لارو د افغانستان له لوري کرنیز محصولات وچې او تازه مېوې او معدني توکي صادرېږي او نفتي او ساختماني توکي راواردېږي. Читать дальше...
په ننګرهار ولایت کې څلور کسان د یوه کور په نړېدو کې وژل شوي دي. د ننګرهار د والي ویاند عطاالله خوګیاڼي ازادي راډيو ته وویل چې پېښه بېګاه شپه د روداتو ولسوالۍ په منګل کلي کې شوې. خوګیاڼی وایي، سخت ورښت د دې لامل شوی و چې دا کور ونړېږي او د څلورو کسانو په وژلو سربېره دوه نور کسان ژوبل هم کړي. اخوا د جلالاباد ښار په اوومه ناحیه کې هم پرون سېلابونو یو تن وړی دی.
