Новости за 22.04.2019

د امریکا ولسمشر ډونالد ټرمپ پرېکړه کړې چې په مې میاشت کې به هغه پرېکړه بیا تمدید نه‌کړي چې د ایران څخه د تېلو پنځو پېرودونکو هېوادونو ته اجازه ورکوي، څو د ایران څخه پرته له دې چې د امریکا له بندیزونو سره مخ شي، تېل وپېري. په دې اړه سپینې ماڼۍ د یکشنبې په ورځ په یوې خبرپاڼه کې وویل: "د امریکا متحده ایالات، سعودي عربستان او متحد عربي امارات سلا شوي چې له بازار څخه د ایراني تېلو د لیرې کېدو په صورت کې د نړیوالې تقاضا د پوره کولو لپاره پر وخت اقدام باوري کړي." د سپینې ماڼۍ اعلامیې زیاته کړې: ... Читать дальше...

یو شمېر افغان خبریالان د امنیتي ځواکونو او په تېره د ولسمشر د ساتونکو له ناوړه چلنده شکایت کوي. ناامني، سړي تښتونې ...

افغان چارواکي وايي، په ننګرهار کې د داعش له‌خوا برمته شوي ۲۴ کسان خوشې شوي دي. د ننګرهار د والي ویاند عطاالله خوګیاڼی وايي، د چپرهار ولسوالۍ د سلوزو قوم دا ۲۴ قومي مشران او سپین ږیري چې داعش برمته کړي وو، د امنیتي ځواکونو د عملیاتو په نتیجه کې خوشې شوي دي. ده وویل: "۲۴ کسان نن د چپرهار ولسوالۍ سلوزو سیمه کې داعشیانو برمته کړي وو، دا ټول قومي مشران وو او داعش ډلې غوښتل چې یوې سیمې ته یې انتقال کړي، له اووه نیمو بجو مخکې پرې عملیات وشول، ځینو سیمو کې نښته هم وشوه." د نوموړي په وینا، د دې کسانو... Читать дальше...

د ایران ولسمشر حسن روحاني او دې هېواد ته په سفر ورغلی د پاکستان صدراعظم عمران خان سلا شوي دي چې پر خپله شریکه پوله د ترهګرۍ پر ضد د مبارزې لپاره د "غبرګون یو ګډ ځواک" رامنځته کړي. دا خبره د ایران دولتي رسنیو کړې ده. عمران خان ته په رسمي توګه نن سهار د ایران پلازمېنې تهران کې هرکلی وویل شو. د ایران ولسمشر حسن روحاني له عمران خان سره په یوه ګډه خبري غونډه کې ویلي: "موږ په دې موافق شو چې پر پوله د ترهګرۍ سره د مبارزې لپاره د چټک غبرګون یو شریک ځواک رامنځته کړو." تر دې مخکې دواړو هېوادونو پر... Читать дальше...

په افغانستان کې د فساد په وړاندې د مبارزې د عدلي او قضايي مرکز له جوړېدو تر دې دمه د لوړ رتبه دولتي مأمورینو په ګډون ۲۱۲ تنه په ...

په سریلانکا کې د پرونیو خونړیو حملو په اړه نوي جزئیات رابرسېره شوي دي. د سریلانکا پولیس وایي، په پلازمېنه کلمبو کې ...

د افغانستان د اوبو او انرژۍ وزارت وايي، د وروستیو ورښتونو له امله د کابل د ځمکې د لاندې د اوبو سطحه لوړه شوې ده.

د اوکراین د ولسمشرۍ د تېرې ورځې د دوهم دور انتخاباتو لومړنۍ نتیجه ښیي چې د ټلویزیون کمېډین...

د هلمند ولایت د بُست دولتي روغتون په یوه څانګه کې ماشومانو ته د واکسین د تطبیق پروګرام په‌ عادي ډول مخته ځي...

د افغانستان د تکواندو فدراسیون د «جام ګل سرخ» په نوم د تکواندو سیالیو ته چمتووالی نیسي. د دغه فدراسیون مشر ډاکتر نجیب‌الله سکندر نن د دوشنبې په ورځ ازادي راډيو ته وویل چې سیالۍ به مزار شریف کې ترسره شي. دی زیاتوي: "د همدې ثور میاشتې په لومړیو کې د جام ګل سرخ تر عنوان لاندې سیالۍ ترسره کوو، لوبغاړي له بېلابېلو ولایتونو په‌دغو سیالیو کې ګډون کوي." نوموړي وویل چې د سیالیو مخکښو لوبغاړو ته جایزې هم په پام کې نیول شوې دي.

ملي امنیت ریاست وايي، د هلمند په موسی کلا ولسوالۍ کې د دې ولسوالۍ لپاره د طالبانو نومول شوی ولسوال له یوه اندازه جنګي وسایلو سره نیول شوی دی. د افغانستان د ملي امنیت ریاست نن د دوشنبې په ورځ رسنیو ته په یوې استولې خبرپاڼې کې ویلي، ملا عبدالغفور د طالبانو له‌خوا د موسی کلا لپاره نومول شوی ولسوال و چې د ملي امنیت د ځانګړو ځواکونو په عملیاتو کې له وسلو، چادویدونکو موادو او وسایطو سره نیول شوې دی. هلمند د افغانستان یو له هغو ولایتونو څخه دی چې په زیاته برخه کې وسله‌وال طالبان فعال دی.

د افغان حکومت اجراییه رئیس عبدالله عبدالله د مصالحې د رهبرۍ شورا په موجودیت ټینګار کوي وايي چې دا شورا د سولې په مذاکراتو کې...

د هندوستان د کرکټ په غوره‌لیګ سیالیو یا د «ای.پي.اېل» په ۴۰مه لوبه کې به نن د دوشنبې په ورځ «۱۳۹۸ کال د غويي ۰۲» راجستان رایلز او ډیلي کپيټلز لوبډلې د یو بل په وړاندې د سیالۍ ډګر ته ووځي. ډیلي لوبډلې په روانو لوبو کې تردې دمه ۶ لوبې ګټلي، خو راجستان بیا د درېیو لوبو په ګټلو سره تر نورو لوبډلو وروسته، خو تر رایل چلنجرز بنګلور لوبډلې وړاندې ده. د دې سیالیو د تېرې ورځې په لوبه کې بیا سنرایزر حیدراباد کلکته نایټ رایډرز لوبډلې او رایل چلنجرز بنګلور لوبډلې چنای سوپر کېنګ لوبډلې ته ماتې ورکړه. که... Читать дальше...

د افغانستان کرکټ بورډ د ۲۰۱۹ میلادي کال نړیوال جام لپاره افغان لوبډله اعلان کړه. د افغانستان کرکټ بورډ په یوه خپره کړې اعلامیه کې ویلي چې د غوراوي کمېټې ۲۰۱۹ میلادي کال د یو ورځنیو نړیوال جام سیالیو لپاره ۱۵ کسیزه لوبډله اعلان کړه. په اعلامیه کې راغلي چې د لوبغاړو په‌دې نوم‌لړ کې: لوبډل‌مشر ګلبدین نائب. شهزاد محمدي. نور علي ځدراڼ. حضرت الله ځاځی. رحمت‌شاه. اصغر افغان. حشمت‌الله شهیدي. نجیب‌الله ځدراڼ. سمیع الله شینواری. محمد نبي. راشدخان ارمان. دولت ځدراڼ. افتاب عالم. حمید حسن. Читать дальше...

د افغانستان د کرنې او مالدارۍ وزارت له لوري په بامیان ولایت کې ښځو ته ۶۰۰ کورنۍ باغچې جوړېږي. د کرنې او مالدارۍ وزارت ویاند اکبر رستمي نن د دوشنبې په ورځ «۱۳۹۸ کال د غويي ۰۲» ازادي راډيو ته وویل، دغه باغچې چې هدف‌یې د ښځو د اقتصاد پیاوړتیا ده د بامیانو ولایت په مرکز او د یکاولنګ او سیغان په ولسوالیو کې جوړېږي. دی وايي: "د نورو پروژو تر څنګ کورنۍ باغچې د ښځو د اقتصادي پیاوړتیا لپاره ګټورې تمامېږي، هڅه کوو څو دا پروژه اوږدمهاله شي." نوموړي وویل چې د دغو باغچو تر څنګ مېرمنو ته د خوړو د پروسس توکي هم وېشل شوي. Читать дальше...

د افغانستان د متشبثینو عالي بورډ وايي، په هېواد کې د ناامنیو له امله یو شمېر افغان سوداګر او پانګه‌وال خپلې پانګې له هېواده بهر باسي. د دغه بورډ مشر رحم‌الدین حاجي‌اغا نن د دوشنبې په ورځ «۱۳۹۸ کال د غويي ۰۲» ازادي راډيو ته وویل چې په‌دې وروستیو کې د یو شمېر سوداګرو زامن تښتول شوي چې دې کار د سوداګرو اندېښنې راپارولي دي. نوموړی وايي: "دا د افغانستان په اقتصاد ناوړه اغېز کړی، اکثرو سوداګرو خپلې پانګې له هېواده بهر کړي، که زموږ امنیت خوندي نه‌شي، پاتې پانګې به هم بهرنیو هېوادونو ته انتقال شي."... Читать дальше...

د امريکا د متحدو ايالتونو د بهرنيو چارو وزير وايي امريکا، د قطر په پلازمېنه دوحه کې د پلان شويو بين الافغاني خبرو پر لغوه کېدو خواشينې شوې ده.

د اسلامي دولت ډلې يا داعش په سعودي عربستان کې د پرونۍ حملې مسؤليت ومانه.  د سعودي عربستان د العربيه ټلوېزيون د راپور له مخې په پلازمېنه رياض کې د پوليسو پر يوه مرکز د وسله‌والو حمله شنډه کړاى شوه.  په راپور کې د ځينو سرچينو په حواله ويل شوي چې په پېښه کې څلور حمله کوونکي وژل شوي دي.  د سعودي خبري اژانس په حواله، د پرون سهار په‌دې حمله کې درې تنه پوليس ټپيان شوي دي.  اژانس ويلي «د تروريستانو يوې ډلې» هڅه وکړه چې د پوليسو د مرکز پر ودانۍ حمله وکړي، خو امنيتي چارواکو دا حمله شنډه کړه.  د سعودي... Читать дальше...

راپورونه وايي، د سمنګان ولايت د ډبرو سکرو په يوه کان کې اته کان کېندونکي مړه شوي دي.  د سمنګان د ولايتي شورا رئيس راز محمد نن د دوشنبې په ورځ ازادي راډيو ته وويل، دغه پېښه پرون ناوخته په درې صوف ولسوالۍ کې شوې ده.  د هغه په خبره اتو کان کېندونکو په کان کې د ګازو خپرېدو له کبله ساه ورکړې ده. د ولايتي شورا رئيس وايي، د دغو کان کېندونکو مړي له کان څخه چې ١٥٠٠ متره ژور و، ايستل شوي دي.

د سريلانکا پوليس وايي، د پرونيو چاودنو په نتيجه کې د وژل شويو شمېر ٢٩٠ او د ټپيانو ٥٠٠ ته رسېدلى دى. دغه چاودنې ...

د کابل چاپ نننیو ورځپاڼو تر ډېره د افغانستان د سترې محکمې له لوري د ولسمشر محمد اشرف غني د واک د مودې د غځولو پر ...

د یکشنبې په ورځ د پکتیکا ولایت په اورګون ولسوالۍ کې لسګونه کسانو د دغه ولایت د امنیه قوماندان غلام سخي روغ لیوني په ملاتړ لاریون وکړ. دوی ویل چې د قوماندان ملاتړ کوي او نه غواړي دغه قوماندان له دغه ولایته بدل شي. د لاریون یوه ګډونوال معین امیني زیاته کړه: "قوماندان روغ لیوني په‌دغه ولایت کې د غلاوو، فساد او ځینو غاصبینو پر وړاندې ولاړ دی، نه غواړو هغه لېرې او پرځای یې بل څوک راشي." بل لور ته د پکتیکا ولایت د پولیسو ویاند شاه محمد ارین بیا وايي: "پکتیکا ته د روغ لیوني له راتګ سره د امنیتي... Читать дальше...

افغانستان د ۲۰۱۹ میلادي کال د کرکټ نړیوال جام د مسابقو لپاره نن د دوشنبې په ورځ  خپله لوبډله اعلانوي.  دا خبره د کرکټ بورډ عمومي رئیس عزیز الله فضلي تېره شپه ازادي راډیو ته وکړه: "د افغانستان د ملي لوبډلې سکواډ د نړیوال جام لپاره چې پنځلس تنه په ټیم کې دي او درې کسان هم ریزرف دي دا به نن رسماً اعلان شي. ځوانانو ته هم چانس ورکړل شوی او هغو لوبغاړو ته حساب پرې کيږي هغوی ته هم چانس ورکړل شوی دی." ښاغلي فضلي چې له جنوبي افریقا له ازادي راډیو سره خبرې کولې وویل چې د ګلبدین نائب په مشرۍ د افغانستان... Читать дальше...

داعش یا د اسلامي دولت ډلې په کابل کې د مخابراتو او معلوماتي ټکنالوژۍ پر وزارت د شنبې ورځې حملې مسؤليت ومانه.  دغې ډلې په هغه اعلاميه کې چې په خپل خبري اژانس اعماق کې يې پرون خپره کړې ويلي چې څلورو حمله کوونکو يې دغه بريد کړى دى.  بل‌خوا د افغانستان د کورنیو چارو وزارت وايي، پر وزارت د شنبې ورځې په بريد کې د وژل شويو کسانو شمېر لسو ته ورسېد. د دغه وزارت ویاند نصرت رحیمي تېره شپه ازادي راډیو ته وویل چې د اتو ټپي شويو ملکیانو له ډلې درېیو پرون يکشنبه د ژورو ټپونو له کبله ساه ورکړه. هغه وویل... Читать дальше...

طالبان وايي، له امریکايي پلاوي سره به راتلونکي دور خبرې له افغانستانه د ټولو بهرنیو ځواکونو د وتلو په مهالویش متمرکزې وي.