د ملي مصالحې عالي شورا یوه چارواکي له ازادۍ راډیو سره په خبرو کې تایید کړه، چې د استانبول غونډه د روانې اپرېل میاشتې پر ۱۶مه کېږي. د دې چارواکي په خبره، دغه غونډه د افغانستان د روانې شخړې د حل او د سولې پروسې د چټکتیا لپاره خورا مهمه ده. د استانبول د غونډې پر اجنډا له تېرې پنج شنبې د ترکیې او د امریکا د متحدو ایالتونو استازي د دولت او طالبانو له هیئتونو سره په خبرو بوخت دي. تفصیل زموږ په سهارنیو خپرونو کې
په افغانستان کې په تېرو ۲۴ ساعتونو کې د کرونا ویروس ۸۱ مثبتې پېښې ثبت شوي. د افغانستان د عامې روغتیا وزارت ویاند میروس عالیزي نن شنبه(د وري ۱۴مه) ازادي راډيو ته وویل، دغه موده کې د دې ویروس له امله هېڅ یو کس هم نه دی مړ شوی. له دې سره په افغانستان کې د کرونا ویروس د ټولو مثبتو پېښو شمېر ۵۶ زره او ۶۷۶ ته رسېږي. دغه ویروس تر دا مهاله په افغانستان کې شااوخوا ۲۵۰۰ کسان وژلي دي. د افغانستان د عامې روغتیا وزارت د معلوماتو له مخې تر دا مهاله شااوخوا ۷۱ زره کسان د دې ویروس لپاره واکسین شوي.
د خوست ولایت په ګلان کمپ کې د مېشتو وزیرستانیو کډوالو ماشومان، زده کوونکي او ښوونکي له افغان حکومت او د کډوالو برخه کې له مرستندویه ملي او نړیوالو بنسټونو غواړي چې دې کمپ کې ماشومانو ته د زده کړو د دوام زمینه برابره کړي. دوی دا څرګندونې داسې مهال کوي چې د ناروې د کډوالو شورا یا NRC وزیرستانیو کډوالو لپاره خپل تعلیمي پروګرام د مارچ په ۳۱مه پای ته ورساوه چې له کبله يې تر پنځم ټولګي پورې د دوی نجونې او هلکان له زده کړو پاتې شوي دي. یادې موسسې له ۷ کلونو راهیسې د ګلان کمپ په ۵ بېلابېلو ځایونو کې وزیرستانیو نجونو او هلکانو ته ښوونځي جوړ کړي وو. Читать дальше...
په داسې حال کې چې په ملي او نړیواله کچه د افغان سولې لپاره هڅې روانې دي، د افغانستان د جمهور رئیس سلاکار وایي چې طالبانو هېڅ بدلون نه دی کړی. حمدالله محب د شنبې(د وري ۱۴مه) په ورځ د لوړپوړو امنیتي چارواکو په یوه خبري ناسته کې وویل چې طالبانو سیاست نه دی زده کړی او په زور او جګړې باور لري. ښاغلي محب ټینګار وکړ چې د سولې لپاره د طالبانو پلاوی ان د مذاکراتو په مېز کې د افغانستان مشرانو ته سپکاوی کړی دی. نوموړي وویل: "کله چې د دولت مرکچي پلاوی ولاړ او له طالبانو سره کېناسته، طالبانو پرته له... Читать дальше...
ایران د نړۍ له شپږو پیاوړو قدرتونو سره د مذاکراتو په درشل کې پر دې هېواد د لګېدلو بندیزونو د تدریجې لېرې کولو وړاندیز رد کړی دی. پرېس ټلوېزیون چې د ایران حکومت یې تمویلوي، نن شنبه (د وري ۱۴مه) د بهرنیو چارو وزارت له ویاند سعید خطیبزاده سره د مرکې پر بنسټ دا خبر ورکړ. د سپنې ماڼۍ ویاندې جین ساکي پرون-جمعه وویل چې د ۲۰۱۵ کال د اټمي موافقې د احیا کولو په هدف په ویانا کې د راتلونکې اوونۍ مذاکرات به پر هغو ګامونو متمرکز وي چې ایران او متحدایالاتونه یې باید دې موافقې ته د ستنېدو په برخه کې پورته کړي. Читать дальше...
لومړۍ افغانه ښځه چې د دفاع وزارت د مرستیالۍ مقام ته رسیدلې وه، استعفا یې ورکړه. د دفاع وزارت د روزنې او پرسونل له معینیت نه د منیرې یوسف زاده له استعفا وروسته یادې مسئلې ته ډېره پاملرنه واوښته چې د امنیتي ارګانونو په مشرتابه کې د ښځو دریځ څرنګه تأمینیږي. مېرمن یوسف زاده اعلان کړه چې د خپل شخصي تصمیم له مخې له دندې مستعفي شوې ده. د دې له استعفا یوه ورځ وروسته د امنیتي ارګانونو ویاندویانو ویلي چې د امنیتي ارګانونو په لیکو کې د ښځو شمېر ډېر دی. دفاع وزارت کې د مېرمنو ونډه د دفاع وزارت د ویاند... Читать дальше...
د افغان سولې په اړه د ترکیې برخلیک ټاکونکې غونډې ته په بېلابېلو کچو د چمتوالي خبره کېږي، خو لا هم د وخت، اجنډا او د ګډونوالو د شمېر په اړه هوکړه نه ده بشپړه شوې. د افغانستان د ملي امنیت سلاکار حمدالله محب د شنبې (د وري ۱۴مه) په ورځ له امنیتي ناستې وروسته خپلې اوونیزې خبري ناست ته وویل چې په دې اړه له امریکايي، طالب او ترکي پلاوو سره خبرې روانې دي. ښاغلي محب زیاته کړه: "ترکیې ناستې ته چمتوالی روان دی، د افغان حکومت پلاوی له امریکايي او طالب پلاوو سره په دې اړه خبرې کوي، تر اوسه کومه ملموسه پایله... Читать дальше...
د ارجنټاین ولسمشر البرتو فرناندیز چې د کرونا ویروس پر ضد واکسین شوی و، وايي چې د کرونا د ټېسټ نتیجه یې مثبته راوتلې ده. فرناندیز نن شنبه (د وري ۱۴مه) پر ټویټر ولیکل چې له ۳۷،۳ درجې تبې او لږ سرخوږي وروسته یې انټي جن ټېسټ وکړ چې نتیجه یې مثبته وه. هغه زیاتوي چې اوس د کرونا پر ضد د پي سي ار د ټېسټ نتیجې ته سترګې په لاره دی او وايي چې که څه هم صحي حالت یې ښه دی، خو د احتیاط لپاره اوس مهال په قرنطین کې دی. د ارجنټاین ۶۲ کلن ولسمشر د روان کال په پیل کې د روسیې ساخت سپوټنیک وي واکسین کړی و.
شاهین قول اردو په فاریاب ولایت کې په هوايي حملو کې لسګونه طالبانو ته د مرګ ژوبلې د اړولو ادعا کوي. په شمال کې د دېره ۲۰۹ شاهین قول اردو ویاند حنیف رضايي وايي، د ګرزېوان ولسوالۍ پر سرچَکان سیمه کې په دې هوايي حملو کې د طالبانو د درېیو مهمو قوماندانانو په ګډون ۲۶ وسله وال وژل شوي. ښاغلي رضايي په یوه پیغام کې چې نن شنبه (د وري ۱۴مه) سهار یې رسنیو ته واستاوه د دې هوايي حملو هدف د طالبانو د یرغلیزو حملو مخنیوی بللی: "دا برید هغه مهال وشو چې طالب تروریستان له څو ولایتونو څخه هلته راټول شول او پر... Читать дальше...
د روسیې د دفاعي صنعت یو مشر چې ادعا کېږي استخباراتي مامور هم دی، د امریکا د فدرالي تحقیقاتي ادارې 'اېف.بي.ای' له لوري د امریکا له یوې هوايي کمپنۍ څخه د تجارتي اسرارو د پټولو د ادعا په خاطر په تور لېست کې شامل شو. 'اېف.بي.ای' پرون جمعه(د وري ۱۳مه) پرخپله ټویټر پاڼه لیکلي چې د ۵۸ کلن الکساندر کورشونکوف د نیولو هڅه کوي او پرده شک دی چې له کمپنۍ څخه یې د روسیې په ګټه د تجارتي اسرارو د غلا کولو دسیسه کړې ده. 'اېف.بي.ای' وايي، کورشونکوف د روسیې په یوناټېد انجن کمپنۍ کې چې د الوتکو یوه دولتي کمپنۍ... Читать дальше...
په بغلان کې ٣٢٨زېرمې او سړې خونې جوړې شوي دي. د بغلان د کرنې او اوبو لګولو رياست د ترويج لوى مدير عبدالمحمود غفوري نن شنبه (د وري ۱۴مه) ازادي راډیو ته وويل چې دغه ولایت کې د ٣٢٨زېرمو په جوړولو سره د زراعتي محصولاتو د ساتنې لپاره د زېرمو د نشتوالي له پلوه د بغلان د بزګرانو ستونزې هوارې شوي دي. نوموړي وويل چې دغه سړې خونې او زېرمې د کرنې د ودې او پراختيا او د بزګرانو او بڼوالو د مالي بنسټ د پياوړتيا په مقصد جوړې شوي دي. د غفوري په خبره د دغو زېرمو له ډلې څخه ١٠٠ زېرمې د الوګانو، ٢٠٠ زېرمې د پيازو... Читать дальше...
ټایوان نن شنبه (د وري ۱۴مه) د اورګاډي د ټکر په پېښه کې د پنځوسو کسانو د مړینې ویر کوي. ژغورونکو ډلو نن د دې مسافر وړونکي اورګاډي ډبې چې ډېرې زیانمنې شوې وې له هغه ټونل څخه راواېستلې چې دا پېښه په کې وشوه. د دې پېښې د قربانیانو ارواوو ته د درناوي په خاطر د درې ورځني ماتم په ترڅ کې به دولتي بیرغونه په ټول ټایوان کې نیم ځوړند وي. پېښه پرون د اپرېل په دوهمه نېټه هغه مهال وشوه چې اورګاډی په یوه تونل کې له یوه ټرک سره ولګېد او له پټلۍ واوښت.
د شاه او عروس بند چارې ٩٩ سلنه بشپړې شوي او ډېر ژر به ګټې اخېستنې ته وسپارل شي. د اوبو ملي ادارې ویاند نظام الدین خپلواک نن شنبه (د وري ۱۴مه) ازادي راډیو ته وويل، چې دغه بند د کابل د شکردرې په ولسوالۍ کې موقعیت لري چې د ۹ میلیونه متر مکعبه اوبو د زېرمه کولو او د ۱.۲ مېګا واټه برېښنا د تولید وړتیا لري. د دغه بند جګوالی ۷۷.۵ متره دی چې د سمندر له سطحې ۲۱۶۱ متره لوړوالی ښيي. د شاه او عروس بند په مرسته ۲۷۰۰ هکتاره کرنیزه ځمکه خړوبیږي چې د زېرمې له ۴ میلیونه متر مکعبه اوبه یې د کابل ښار اوسېدونکو... Читать дальше...
د کونړ په چپې درې ولسوالۍ کې د افغان ځواکونو او وسله والو طالبانو ترمنځ جګړه روانه ده. د کونړ امنیه قوماندانۍ ویاند فرید الله دهقان ازادي راډیو ته د دې پېښې په اړه وویل: "تېره شپه شااوخوا یوه بجه د وسله والو طالبانو او افغان ځواکونو وروسته هغه جګړه پیل شوه چې کله مخالفینو د ګلسلک په ساحه کې په امنیتي پوستو برید وکړ." د ښاغلي دهقان په وینا، جګړه لا هم نه ده دریدلې. وسله والو طالبانو په دې اړه څه نه دي ویلي.
یو موټر د امریکا په پلازمېنه واشنګټن کې د کاپیټل هیل ماڼۍ دوه ساتونکي وهلي دي، یو یې وژلی، بل یې ټپي کړی دی. د موټر چلوونکی وروسته تر دې وویشتل شو چې پر یوه ساتونکي یې چاقو را وایست. پرون جمعه (د وري ۱۳مه) چې کله دا برید کېده د کانګرس غونډه نه وه. پولیس وایي، تر اوسه داسې نه ښکاري چې دا به یو ترورستي برید وي. د ټپي ساتونکي روغتیایي حالت ښه دی، خو په روغتون کې بستر دی. د وژل شوي مشکوک برید کوونکي ورور واشنګټن پوسټ ورځپاڼې ته ویلي دي چې ورور یې په نشه يي توکو روږدی و او کورنۍ یې د ده رواني ناروغۍ ته اندېښمنه وه.
د امریکا متحد ایالاتونو د جنایي جرمونو د نړیوالې محکمې پر جګ پوړېو غړیو لګیدلي بندیزونه لېرې کړل. د امریکا د بهرنیو چارو وزیر انتوني بلېنکن د جمعې(د وري ۱۳مه) په ورځ وویل، دا بندیزونه نه مناسب و، نه ګټور. په دې بندیزونو کې د فاتو بېنسودا په ګډون د دې نړیوالې محکمې یو شمېر نور مشران په نښه شوي وو چې متحد ایالاتونو ته یې پر ورتګ بندیز لګیدلی و او هلته یې شتمنۍ کنګل شوې وې. امریکا تېر کال د جنایي جرمونو نړیواله محکمه یا 'ای.سي.سي' چې مرکز یې د هالنډ په هاګ کې دی، د امریکا له ملي حاکمیته په... Читать дальше...
د افغانستان د فوټبال لیګ د دوهم پړاو په ترڅ کې نن شنبه (د وري ۱۴مه) د فاریاب خراسان د سرپل اېف سي خدیم له لوبډلې سره مسابقه کوي. دا لوبه په مزارشریف کې ده. د دې لوبو په ترڅ کې پرون د تخار موج ساحل لوبډلې د فاریاب خراسان ته درې د دوو په وړاندې ماتې ورکړه. د دې لوبو لومړۍ پړاو تر دې مخکې په کابل کې و او ټاکل شوې ده چې درېیم پړاو یې د وري په اتلسمه په هرات کې ترسره شي.
هېواد هېواد دولتي ورځپاڼې په افغانستان کې پر خبريالانو بريدونو او يا هم په ټوله کې هدفي وژنو په اړه لېکنه کړې ده. وړاندې د بشري حقونو د څار نړيوال سازمان غبرګون اخېستل شوی چې ویلې یې دي، طالبان په قصدي توګه خبريالان او د ښځو په ګډون د رسنيو کار کوونکي په نښه کوي چې دې چارې د تل پاتې او عادلانه سولې په برخه کې اندېښنې لا ډېرې کړي دي. په راپور کې راغلي، د دوی څېړنې ښيي چې طالبانو تر خپل نفوذ لاندې سيمو او ښارونو کې خبريالانو ته بېلابېل ګواښونه کړي او دا چاره د دې لامل شوې ده چې يو شمېر خبريالان... Читать дальше...
د افغانستان په ۳۲ ولایتونو کې د ماشومانو د ګوزڼ ضد یا پولیو واکسین کمپاین پای ته ورسېد. له دایکندي او بامیان ولایتونو پرته چې د چارواکو په خبره هوا په کې سړه ده، تېره دوشنبه په ټولو نورو ولایتونو کې دا کمپاین پيل او پرون ماښام پای ته ورسېد. د عامې روغتیا وزارت د پولیو پروګرام د عامه پوهاوي مسول میرجان راسخ وایي، اټکل یې دا دی چې شااوخوا درې میلیونه ماشومان به له دې واکسینه پاتې وي: "د دې کمپاین موخه دا وه چې نهه اعشاریه شپږ میلیونه ماشومانو ته واکسین ورکړل شي، اما له بده مرغه ننګونو او ستونزو... Читать дальше...
د افغانستان د کورنیو چارو وزارت وایي، هغه پنځه کسان یې نیولي چې د کابل ښار دهبوري سیمه کې یې له پولیسو سره شخړه کړې ده. دغه وزارت تېرماښام په یوه خبرپاڼه کې وویل چې"پر پولیسو لاس پورته کول" جرم دی او مجرمینو ته به سزا ورکول کېږي. وزارت د دغو کسانو هویت چې له پولیسو سره یې له زوره کار اخېستی نه دی څرګند کړی، خو ویلې یې دي، اوس "د زورواکۍ وخت پای ته رسیدلی دی." په هغې ویډیو کې چې ټولنیزو رسنیو ته راوتلې ښکاري چې په شخصي جامو کې څو کسان له پولیسو سره شخړه کوي او لږ تر لږه یو پولیس پر ځمکه څملوي او په سوکانو او لغتو یې وهي.
د افغان دولت د مرکچي پلاوي ښځینه غړو د امریکا د کانګرس له یو شمېر غړو سره د سولې پر بهیر او دې بهیر کې د مېرمنو پر ونډې خبرې کړي دي. د مرکچي پلاوي یوه غړې فوزیه کوفي وایي، دوی له امریکایي قانون پوهانو او سیاستوالو څخه په زغرده وغوښتل چې د داسې سولې ملاتړ وکړي چې ډموکراتیک ارزښتونه په کې خوندي وي. مېرمن کوفي له امریکایي کانګرس مینانو سره د تېرې پنجشنبې ورځې د بحثونو په اړه ازادي راډيو ته وویل: "تر ډېره د ټاکنو او ولسواکۍ د اصولو او ارزښتونو په خوندیتوب خبرې وشوې، دوهمه موضوع د سولې په بهیر کې... Читать дальше...
د کندهار امنیتي چارواکي وايي، په ارغنداب ولسوالۍ کې د وسله والو مخالفانو پر یوه هاموې ټانک هوایي برید شوی دی. د کندهار د امنیت امر غورځنګ اپریدي وایي، دغه ټانک له چاودېدونکو توک ډک و او ۱۱ برید کوونکي په کې سپاره وو: "دښمن یو هاموې یا ټانک له منفجره موادو څخه ډک کړی و، خوشبخاته هدف ته له رسېدو مخکې د هوایي برید لاندې راغی، د طیارې له خوا دوه اجرات پرې وشول، په نتیجه کې ۱۱ تنه د دښمن له منځه تللي دي." اپریدی ادعا کوي چې وسله والو طالبانو غوښتل د همدې موټر په وسیله هلته د بهرنیو ځواکونو پر یوې اډې برید وکړي. Читать дальше...
په امریکا کې د کرونا ویروس د مثبتو پېښو له کموالي سره د دغه هېواد چارواکي وایي، دغلته کاري بوختیاوې زیاتې شوي دي. له دې سره-سره د متحده ایالاتو ولسمشر جوبایډن وایي، تر اوسه اوږده لاره مخکې ده. د امریکا د کار وزارت پرون د جمعې(د وري ۱۳مه) په ورځ وویل، په تېره مارچ میاشت کې د وزګارۍ کچه شپږ فیصده کمه شوې او د همدې میاشتې ترپایه نهه لکه او شپاړس زره کسان استخدام شوي دي. اوس په امریکا کې د کرونا ورځنۍ پېښې د میلادي کال د پيل د ورځو پرتله سمې نیمایي کمې شوي دي. په متحده ایالاتو کې د کرونا... Читать дальше...
د روسیې د احصایې ملي ادارې ویلي، دغلته په کووېډ-۱۹ ناروغۍ د مړو شوېو کسانو شمېر دوه لکه او پنځه ویشت زره کسانو ته رسېږي. د روسیې دغې ادارې پرون جمعه (د وري ۱۳مه) دا شمېرې خپرې کړې. د امریکا د جان هاپکېنز پوهنتون د شمېرو له مخې، روسیه د نړۍ په کچه له امریکا او برازیل وروسته درېیم هېواد دی چې ډېر کرونایي ناروغان په کې مړه شوي دي. امریکا کې څه باندې پنځه نیم لکه کسان په کرونا مړه شوي او برازیل کې بیا د مړینې شمېر درې لکه او پنځه ویشت زره ثبت شوی دی. روسیه د نړۍ له هغو هېوادونو ده چې خپله... Читать дальше...
یونان ادعا کوي چې ترکیه له هغه ځایه د ناقانونه کډوالو او پناه غوښتونکو بېړۍ د یونان اوبو ته لېږي. یونان او ترکیه چې اروپا ته د کډوالو د راتګ لاره پرې سپره ده، د ځینو مسایلو پرسر هوکړه نه لري. په مدیترانې سمندر کې د انرژۍ پر سرچینو نانندرۍ او د یونان او ترکیې ترمنځ د کډوالو پرسر د تېرکال شخړه د اتن او انقرې ترمنځ د اختلافي مسایلو له ډلې دي. د ناټو د دغو غړو ترمنځ تېرکال هغه مهال لانجه راغله چې زرګونه پناه غوښتونکو له ترکیې د یونان پرځمکنیو سرحدونو هجوم ور وړ. د یونان د کډوالو وزیر نوتیزمیتاراچي... Читать дальше...
