Новости за 09.07.2023

په کابل کې یو شمېر معترضو مېرمنو په یوه اعتراضیه غونډه کې وویل چې دوی په هېڅ صورت د طالبانو د حکومت منلو ته چمتو نه دي. صنم د 'افغانستان د ښځو د یووالي او پیوستون' غورځنګ غړې چې د یکشنبې په ورځ یې په یوه سرپټي ځای کې د خپلو همکارانو سره په ګډه یو اعتراض کې ګډون کړی. نوموړې د طالبانو تر واکمنۍ لاندې د افغانستان په پلازمېنه کابل کې ژوند کوي. صنم وايي، په دغه اعتراض کې يې له ګډون هدف د طالبانو هغې پرېکړې ته چې ښځې یې له کار راګرځولي او د نجونو پر زده‌کړو یې بنديزونه لګولي او په خبره یې دغه شان... Читать дальше...

په داسې حال کې، چې په دې وروستیو کې د طالبانو حکومت د بهرنیو چارو سرپرست وزیر امیرخان متقي ادعا کړې وه، چې په افغانستان کې جرمونه صفر ته راټیټ شوي، یو شمېر افغانان د جنايي پېښو لکه د غلاو او وژنو له موجودیته شکایت کوي. په دې وروستیو کې د طالبانو د حکومت د بهرنیو چارو سرپرست وزیر امیرخان متقي په یوه ویډیو کې چې په کابل کې د طالبانو د حکومت د امنیې قومندانۍ ویاند خالد ځدراڼ په خپله ټویټر پاڼه خپره کړې وه، ادعا کړې وه چې اوس په افغانستان کې امنیت ټینګ دی او دوی توانېدلي چې د جرمونو کچه صفر ته راټیټه کړي. Читать дальше...

د اوکراین محلي چارواکي وايي، د اوکراین په ختیځ کې پر لیمان ښار د روسیې په پرونۍ حمله کې د وژل شویو شمېر نهو او د ټپیانو ۱۲ ته رسېدلی دی. د دونیڅک سیمې د پوځي ادارې مشر پاولو کیریچنکو ویلي، چې روسي ځواکونو پر لیمان ښار څو توغندي ویشتلي دي. د هغه په وینا، په دې حمله کې تر ډېره د استوګنې بلاکونه په نښه شوي دي. بل لوري ته راپور ورکړل شوی چې روسي ځواکونو پر ځینو اهدافو له دې ډلې د اوکراین په جنوبي ښار خرسون کې د کښتۍ جوړولو پر یوه کارخونه پرون او نن حمله کړې ده. د دې سیمې پوځي ادارې ویلي، پر دغه... Читать дальше...

د طالبانو د حکومت د کډوالو او بېرته راستنېدونکو چارو وزارت وايي چې د پاکستان د کویټې له زندانه ۲۶ تنه افغانان خوشې شوي او افغانستان ته راستانه کړل شوي دي. د طالبانو د حکومت د کډوالو او بېرته راستنېدونکو چارو وزارت د شنبې په ورځ په یوه ټویټ کې لیکلي چې په پاکستان کې مېشت ۵۵۶ افغان کډوال د چنګاښ له ۱۳ تر ۱۵ نېټې پورې د کندهار ولایت د سپین بولدک له لارې بېرته هېواد ته راستانه شوي دي. دغه وزارت دغه شان زیاته کړې چې ۲۶ تنه افغان کډوال د پاکستان د کويټې له زندانه خوشې شوي او افغانستان ته لېږل شوي دي. Читать дальше...

په افغانستان کې د خاطرو لیکل د نجونو تر منځ ډېر رواج دی. ژوند د خاطراتو یوه ټولګه ده، ترخې به هم لري، خو خوږې او جالبي یې هم شته. په افغانستان کې ډېری نجونې د دې خاطرو د ساتلو لپاره یوه ځانګړې کتابچه جوړوي او د خپلو ټولګیوالو او ملګرو ښې او جالبې خاطرې، چې د هغوی له خوا ورته لیکل شوې وي، په دې کتابچه کې له ځانه سره ساتي. د کابل اوسېدونکې مرسل وایي: "د ښوونځي په دوران کې ټولو زده کوونکو یوه کتابچه درلوده، ډېره ښایسته او فیشني کتابچه، په کې به انځورونه وو، پوست کارټونه." مرسل شپږ کاله مخکې له ښوونځي څخه فارغه شوې ده. Читать дальше...

د کندهار د تېلو په یوه عمومي پلورنځي کې د اورلګېدني له امله ميلیونونه افغانۍ زیان رسېدلی دی. په کندهار کې د طالبانو د حکومت د امنیې قومندانۍ مطبوعاتي دفتر په یوه خپاره کړي بیان کې ویلي چې دغه اورلګېدنه پرون ناوخته پیل شوه، چې وروسته د اطفایې په مرسته مهار شوه. د سرچینې په وینا، د اورلګېدنې په دې پېښه کې ځینې کسان برسېرن ټپیان شوي او اته ميلیونه افغانۍ مالي زیان اوښتی دی. په کندهار کې د طالبانو د نورم او سټندرډ ادارې رییس محب الله عزام ویلي چې د اورلګېدنې علت د برښنا شارټي وه. د خوندیتوب د... Читать дальше...

یوه سرچینه وایي چې د کندهار د شاه وليکوټ ولسوالۍ په حسنزو سیمه کې د یوه سپين ږيري جسد چې نیم ژویو خوړلی موندل شوی دی. د دې سپین ږیري د مړینې لامل، هويت او خپلوان يې نه دي معلوم او دا مهال یې جسد د شاه وليکوټ ولسوالۍ په روغتيايي کلينيک کې پروت دی. د کندهار لپاره د طالبانو امنیتي چارواکو تر اوسه په دې اړه څه نه دي ویلي.

د خوړو نړیوال پروګرام وايي، روان میلادي کال یې د ملګرو ملتونو د بشري هوايي خدماتو د ادارې په همکارۍ افغانستان کې څه باندې ۱۵۰۰ الوتنې کړي او نږدې ۸۵۰۰ مسافر او ۱۹ ټنه د بشري مرستو بستې یې رسولي. په دې بستو کې طبي تجهیزات، دارو درمل او واکسینونه شامل و. دغې ادارې نن په خپل ټویټر کې په دې باب نور توضیحات نه دي ورکړي، چې دغه الوتنې کومو کومو ولایتونو ته شوې دي. د خوړو نړیوال پروګرام د افغانستان څانګې شاوخوا لس ورځې مخکې خبرداری ورکړی و، چې د روان کال د اکټوبر تر پایه به د دوی د خوراکي توکو د وېش... Читать дальше...

په ازبکستان کې د ولسمشرۍ ټاکنو لپاره د رایې ورکولو مرکزونه نن سهار پرانیستل شول. اټکل کېږي د منځنۍ اسیا په دغه مستبد هېواد کې به اوسنی مشر شوکت میرضیایف د درېیمې دورې لپاره بریالی شي. دولتي رسنیو ۶۵ کلن میرضیایف وښود، چې په پلازمېنه تاشکند کې نن سهار خپله رایه کاروي. په ټولو انتخاباتي کمپاینونو کې هغه درې سیالان چې د میرضیایف په وړاندې ولاړ دي، تر ډېره غلي وو. د ازبکستان ولسمشر د روان میلادي کال په پیل کې د اساسي قانون د تعدیلاتو لپاره ټولپوښتنه راوبلله چې له مخې یې د ولسمشرۍ دوره له پنځو... Читать дальше...

د اوکراین ولسمشر ولودمیر زیلینسکي پر اوکراین د روسیې د یرغل د پنځه سوه ورځو پوره کېدو په مناسبت د خپل هېواد زړور سرتېري وستایل. په همدې حال کې د روسیې د توغندیو په تازه حمله کې د اتو ملکي کسانو له مړینې سره دغه جګړه بیا سخته شوې ده. زیلینسکي دا خبره په هغه ویډیو کې کړې چې په نامعلوم وخت کې د تور سمندرګي په زمیینیي یا مار ټاپو کې چې د روسیې په وړاندې د اوکراین د دفاع د سمبول حیثیت یې خپل کړی، ثبت شوې ده او پرون خپره شوه. ولسمشر زیلینسکي ویلي چې د بریا له همدې ځایه د تېرو ۵۰۰ ورځو له کبله د خپلو زړور سرتېرو مننه کوي. Читать дальше...

د روسیې د بهرنیو چارو وزارت وايي، د ناټو پوځي تړون دې د اوکراین د زاپوریژیا اټومي بټۍ پر موضوع په خپله راروانه سرمشریزه کې بحث وکړي. د دغه وزارت ویاندې ماریا زخارووا نن یکشنبه په ټلیګرام کې دا خبره کړې ده. په پام کې ده د ناټو رهبران د جولای له یوولسمې تر دوولسمې نېټې پورې د لېتوانیا په پلازمېنه ویلنیوس کې پر ګڼو مسایلو خبرې وکړي، چې په هغو کې په ناټو کې د اوکراین د غړیتوب موضوع هم شامله ده. زخارووا اوکراین د زاپوریژیا اټومي بټۍ په سیسټماتیک زیانمنولو تورن کړ او زیاته یې کړه، چې د ناټو د سرمشریزې اصلي پام باید دې موضوع ته وي. Читать дальше...

د چین چارواکو نن یکشنبه ویلي، د دغه هېواد په مرکزي برخه کې تر سختو اورښتونو او ځمکې ­ښویېدنې وروسته لږ تر لږه ۷ کسان تري تم شوي او یو تن مړ دی. د چین په زیاتو برخو کې سېلابونه بهېدلي او هوا ډېره توده شوې ده. په مرکزي ولایت هوبی کې ۶ کسان د لویې لارې د بیارغونې په یوه ساحه کې له کنډوالو ژغورل شوي، د ژغورنې عمله لا هم هڅه کوي نور ژوندي پاتې شوي کسان وژغوري. د چین په شمالي، مرکزي او جنوب ختیځو برخو کې په لسګونو زره کسان لنډمهالو پناه ځایونو ته لېږدول شوي دي. په چین کې هر وخت د پشه‌کال یا موسمي... Читать дальше...

سره زر به ډېر خوښوونکي لري، خو د سپینو زرو یا نقرې خوښوونکي هم کم نه دي. د سپینو زرو د ګاڼې کارول له ډېر پخوا راهیسې د افغان مېرمنو تر منځ دود دي او ډېری یې له افغاني جامو سره استفاده کوي او نارینه یې هم خوښوي. عبدالهادي هغه څوک دی، چې له تنکي زلمیتوبه د نقرې یا سپینو زرو کاروبار کوي. زموږ همکارې نرګس مومند ورسره د کار او ژوند په اړه خبرې کړي او دا راپور یې پرې چمتو کړی چې د لاندې لېنک په کېکاږلو يې اورېدلی شئ:

د افغانستان لپاره د پاکستان ځانګړی استازی وايي، د طالبانو حکومت له ډیورنډ کرښې د پاکستاني طالبانو د لېرې کولو لپاره اقدام کړی دی. د افغانستان لپاره د پاکستان ځانګړي استازی اصف دراني منلې چې طالبانو له ډیورنډ کرښې د افغانستان نورو سیمو ته د پاکستاني طالبانو د انتقال بهیر پیل کړی دی. هغه له امریکا غږ سره په یوې تازه مرکه کې ویلي، دا اقدام په ابتدايي پړاو کې دی، خو که چېرې په واقعیت کې د 'ټي‌ټي‌پي' غړي نورو سیمو ته ولېږدول شي او په سرحد کې د سولې سبب شي، دا به یو مهم پرمختګ وي. د جون په لومړیو... Читать дальше...

میډل ایسټ مانیټر: د میډل ایسټ مانیټر په نوم نشریې له طالب چارواکو سره د بریتانیا د یوه دیپلومات پر وروستۍ کتنې لیکنه خپره کړې ده. د دې خپرونې پر اساس، د افغانستان لپاره د بریتانیا د سفارت شارژدافېر رابرټ سي ډیکسن د پنجشنبې په ورځ په کابل کې د طالبانو له باندنیو چارو وزیر امیرخان متقي سره په کتنه کې د نورو مسئلو ترڅنګ د افغان ښځو اونجونو د حقونو په اړه خبرې وکړې. میډل ایست مانیټر د بریتانیا د شارژدافېر له قوله کښلي چې طالب مشرانو ورته ویلي چې دوی له مخدرو موادو، فساد او ناامنۍ سره د مبارزې په... Читать дальше...

په میدان ودګو کې د نشه‌يي توکو څخه د ځان ژغورنې په پار د والیبال سیالۍ پای ته ورسېدې. په يادو سیالیو کې د میدان وردګ تر څنګ د لوګر او غزني ولایتونو یو شمېر لوبډلو هم ګډون کړی و. لوبغاړي وايي، که ځوانان غواړي له نشه‌يي توکو ځان وژغوري، نو سپورټ ته دې مخه کړي.

د طالبانو د حکومت د مالیې وزارت وايي چې د روان کال په لومړۍ ربعه کې بهر ته د افغانستان د صادراتو کچه دېرش میلیارده او ۵۳۶ میلیون افغانۍ او د وارداتو کچه یې څه باندې ۱۷۳ میلیارده افغانۍ وه. دې وزارت پر خپله ویبپاڼه دا خبر ورکړی او ورسره یې لیکلي چې، د همدې مودې په ترڅ کې له لس زرو زیاتې سوداګریزې محمولې چې ټول وزن یې له ۳ لکه ټنو اوړي د افغانستان له لارې په ټرانزیټ ډول نورو هېوادونو ته لېږدول شوي دي. دا ادعا داسې مهال کېږي چې د ۲۰۲۱ کال په اګست کې پر افغانستان د طالبانو له بیاواکمنېدو وروسته د... Читать дальше...

د افغان- چاینا په نوم شرکت د سرپل ولایت د تېلو له څاګانو څخه د تېلو استخراج چارې پیل کړې دي. باختر خبري آژانس چې طالبان یې اداره کوي پرون خبر ورکړ چې نوموړي شرکت د سرپل ولایت د قشقري سیمې له دولسو او د آق دریا سیمې له دوو څاګانو څخه د تېلو استخراج پیل کړی، خو آژانس یې دقیقه نېټه نه ده ښودلې. له دې مخکې د طالبانو د حکومت د اقتصاد وزارت ویاند ویلي وو چې د افغان چاینا شرکت د روغتیا او د برښنا او سمنټو د تولید په برخو کې شاوخوا ۳۵۰ میلیون ډالره پانګونه کوي. پر افغانستان د طالبانو له واکمنېدو وروسته... Читать дальше...

د افغانستان د کرکټ ملي لوبډله بنګله‌دېش ته په پرونۍ لوبه کې د درنې ماتې له ورکولو او د لوبلړۍ له ګټلو وروسته خپلې درېیمې لوبې ته تیاري نیسي. د افغانستان او بنګله‌دېش ترمنځ د ۳ یوورځنیو لوبو درېیمه او وروستۍ د راتلونکې اوونۍ د سه شنبې په ورځ بیاهم د چاټوګرام په لوبغالي کې په پام کې ده. په پرونۍ لوبه کې افغان لوبډلې د رحمان الله ګربز د ۱۴۵ او د ابراهیم ځدراڼ د سلو منډو په مټ سیالې لوبډلې ته په پنځوسو اورونو کې د ۳۳۲ منډو هدف وټاکه، خو د بنګله‌دېش ټول لوبغاړي په ۴۴ اوورنو کې وسوځېدل په داسې حال... Читать дальше...

وروسته له دې چې د پاکستان صدراعظم شهباز شریف په سویډن کې د قرانکریم د سوځولو پر وړاندې د مظاهرې راوبللې په لاهور، کراچۍ او د اسلام‌اباد په ګډون په ډېرو ښارونو کې مظاهرې وشوې. اسوشېټېډپریس خبري آژانس راپور ورکوي چې په یو شمېر غونډو کې له سویډن سره د پاکستان د ډيپلوماتیک پرېکون غوښتنه هم وشوه. په پاکستان او یو شمېر نورو اسلامي هېوادونو کې دا مظاهرې وروسته له هغه پیل شوې چې په سویډن کې یوه دېره عراقي وګړي د لوی اختر په لومړۍ ورځ د سویډن د پلازمېنې ستوکهولم د لوی جومات مخې ته د مسلمانانو سپېڅلی کتاب... Читать дальше...

د چین د مالي چارو د تنظیم ادارې د مصرف کوونکو د ملاتړ له قانون څخه د سرغړونې په خاطر د فین تک په نوم شرکت ۷،۱ میلیارد یوان چې نږدې یو میلیارد ډالر کېږي، جریمه کړی دی. د فین تک شرکت بنسټ چینايي میلیاردر او پانګوال 'جک ما' ایښی دی. د رویټرز خبري آژانس د راپور له مخې په پام کې ده چې د چین د خلکو بانک د دې جریمې په راروانو ورځو کې فین تک شرکت ته ورکړي.

د اوکراین ولسمشر د آزوفستال پوځي قوماندانان چې روسانو اسیر کړي وو، له ترکیې څخه له ځان سره خپل هېواد ته راوستل. د اوکراین ولسمشر پرون هغه مهال چې له ترکیې څخه خپل هېواد ته ستنېده په ماریوپول ښار کې د اوکراین د پوځ پنځه پخواني قوماندانان هم ورسره وو. دا قوماندانان تېر کال له روسیې سره د بندیانو د تبادلې د یوې معاملې په اساس په ترکیه کې استوګنې ته مجبور شوي وو. د ماریوپول قوماندانو ته د روسیې پر وړاندې د جګړې د اتلانو په سترګه کتل کېږي ځکه پروسږ کال یې د ماریوپول د بندر د دفاع مشري کوله. دا... Читать дальше...

د طالبانو حکومت، چې د نړیوالو بندیزونو له کبله له اقتصادي ستونزو سره مخامخ دی په څو اقتصادي پروژو کې د چین د پانګونې خبر ورکوي. په داسې حال کې چې په افغانستان کې د چین پانګونې په زیاتېدو دي د هېواد دولتي رسنۍ د هېواد د اقتصاد په بېلابېلو سکټورونو کې د چین د څه باندې ۳۵۰ میلیون ډالره پانګونو خبر ورکوي. د افغانستان ملي راډیو تلوېزیون چې طالبان یې اداره کوي، په یوه راپور کې د طالبانو د حکومت د اقتصاد وزارت د ویاند عبدالرحمن حبیب له قوله خبر ورکوي چې د چینا افغان شرکت به په راروانو څو میاشتو کې د... Читать дальше...