Новости за 13.12.2020

აშშ-ში დაიწყო COVID-19-ის ვაქცინის მიწოდება ვაქცინის გამანაწილებელი ცენტრებისთვის, რათა მომავალ კვირაში დაიწყოს აშშ-ის ისტორიაში ყველაზე მასშტაბური ვაქცინაციის კამპანია. Pfizer-BioNTech-ის მიერ შექმნილ ვაქცინას პირველ რიგში გაუკეთებენ სამედიცინო პერსონალს და ხანდაზმულთა სახლებში მცხოვრებთ. ამჟამად მსოფლიოში ახალი ტიპის კორონავირუსით ინფიცირების 71 მილიონი შემთხვევაა დადასტურებული, აქედან გარდაიცვალა 1,6 მილიონი. აშშ-ში COVID-19-ს 300 ათასი ადამიანი ემსხვერპლა. ვაქცინაციის მსურველებს პირველი... Читать дальше...

ავტორი: ამერიკის ხმა ჯანდაცვის სპეციალისტები რუსეთში მოსახლეობას მოუწოდებენ, რუსული ვაქცინის, "სპუტნიკ V"-ის გაკეთების შემდეგ ალკოჰოლის მიღებისგან თითქმის ორი თვის განმავლობაში თავი შეიკავონ. მოსახლეობის ნაწილი ამ შეზღუდვას გაუმართლებლად მიიჩნევს. ანა პოპოვა, მომხმარებელთა ჯანდაცვის აქტივისტი "კომსომოლსკაია პრავდასთან" რადიოინტერვიუში ამბობს, რომ ორი ინექციიდან პირველის გაკეთებამდე მოქალაქეებმა ალკოჰოლი სულ მცირე ორი კვირის განმავლობაში არ უნდა მიიღონ, შემდეგ კი თითქმის 42 დღის განმავლობაში შეიკავონ თავი. Читать дальше...

რაგბი ევროპის ჩემპიონატზე, ბოლო ტურის შეხვედრები შეიძლება აღარ გაიმართოს და 2020 წლის სეზონი დასრულებულად გამოცხადდეს. თუ ასე მოხდება, საბოლოოდ გაუქმდება საქართველოსა და რუსეთის ნაკრებების მატჩი, რომელიც კორონავირუსის პანდემიის გამო უკვე ორჯერ ჩაიშალა - პირველად მარტში, ხოლო მეორედ ნოემბერში. T2Rugby.com-ზე გავრცელებული ინფორმაციის თანახმად, 15 დეკემბერს „რაგბი ევროპის“ დირექტორთა საბჭო შეიკრიბება, რამდენიმე მნიშვნელოვან საკითხზე გადაწყვეტილების მისაღებად. მათ შორის, რაგბი ევროპის ჩემპიონატის წლევანდელი... Читать дальше...

აშშ-ში პრეზიდენტ დონალდ ტრამპის რამდენიმე ათასმა მომხრემ გუშინ საღამოს საპროტესტო აქციები მოაწყო მთელი ქვეყნის მასშტაბით. ერთ-ერთი, რომელიც ვაშინგტონში გაიმართა, 12 დეკემბერს გვიან საღამოს ტრამპის მომხრეთა და მოწინააღმდეგეთა შორის ძალადობაში გადაიზარდა. ტრამპის მომხრეები აპროტესტებენ 3 ნოემბრის საპრეზიდენტო არჩევნების შედეგებს, რომლის მიხედვითაც, აშშ-ის ახალი პრეზიდენტი გახდა ჯო ბაიდენი. თავად ტრამპი არ აღიარებს დამარცხებას. ის დაუსაბუთებლად აცხადებს, რომ არჩევნები გაყალბდა და თავის საარჩევნო... Читать дальше...

11 დეკემბერის საღამოს სამართლიანმა არჩევნებმა გამოაქვეყნა განცხადება, სადაც ნათქვამი იყო, რომ ორგანიზაციას 2020 წლის საპარლამენტო არჩევნების ხმის დათვლის პარალელურ სისტემაში ხარვეზი იპოვეს, რამაც შეცვალა საარჩევნო სუბიექტების მიერ მიღებული ხმები.

ბელარუსის ოპოზიციამ დედაქალაქ მინსკსა და სხვა ქალაქებში დემონსტრაციები და მიტინგები გამართა ავტორიტარი ლიდერის, ალიაქსანდრ ლუკაშენკას წინააღმდეგ. ოპოზიციის ლიდერი სვიატლანა ციხანოუსკაია გერმანიაში მართავს აქციას, რათა საერთაშორისო დახმარება მოუპოვოს ბელარუსის ოპოზიციას. ქვეყანაში უპრეცედენტო მასშტაბის საპროტესტო მოძრაობა დაიწყო მას შემდეგ, რაც 9 აგვისტოს საპრეზიდენტო არჩევნებში გამარჯვებულად კვლავ, უკვე მეექვსედ, გამოცხადდა ალიაქსანდრ ლუკაშენკა, რომელიც 26 წლის განმავლობაში მართავს ქვეყანას.... Читать дальше...

ბათუმში პოლიციისთვის დაუმორჩილებლობისა და წვრილმანი ხულიგნობის ბრალდებით აქციის ექვსი მონაწილე პოლიციასთან დაპირისპირების შემდეგ დააკავეს. როგორც აჭარის პოლიციის დეპარტამენტის უფროსი კონსტანტინე ანანიაშვილი ამბობს, დაკავებისას დაშავდა ერთი პოლიციელი, რომელიც შემთხვევის ადგილიდან გაიყვანეს ამ წუთებშიც გრძელდება დაძაბულობა ოპოზიციის წარმომადგენლებსა და პოლიციელებს შორის.

ბრიტანული გაზეთის, Sunday Times-ის თანახმად, კრემლი მეორეჯერ შეეცადა ოპოზიციონერ ალექსეი ნავალნის მოწამვლას მას შემდეგ, რაც პირველი ცდა უშედეგოდ დასრულდა. გაზეთის თანახმად, სავარაუდოდ, შხამის მეორე დოზა მსხვერპლის ორგანიზმში უნდა მოხვედრილიყო უშუალოდ სპეციალური თვითმფრინავის ომსკიდან ბერლინში გაფრენის წინ. გამოცემამ პირველმა გააჟღერა ეს ვერსია, რომელიც სპეცსამსახურებიდან მომდინარეობს. ალექსეი ნავალნი ტომსკიდან მოსკოვში მიფრინავდა, როცა 20 აგვისტოს კომაში აღმოჩნდა. პილოტებმა ინსტრუქციის მიხედვით... Читать дальше...

13 დეკემბერს დიდი ბრიტანეთი და ევროკავშირი შეთანხმდნენ, ბოლომდე გამოიყენონ დარჩენილი დრო და განაგრძონ ბრექსიტის შემდგომი პერიოდის სავაჭრო შეთანხმებაზე მოლაპარაკებები.  „ჩვენ-ჩვენს წარმომადგენლებს დავავალეთ, განაგრძონ მოლაპარაკებები და ნახონ, შესაძლებელია თუ არა შეთანხმების მიღწევა ამ უკანასკნელ მომენტში მაინც,“ ნათქვამია ბრიტანეთის პრემიერ-მინისტრ ბორის ჯონსონისა და ევროკომისიის პრეზიდენტ ურზულა ფონ დერ ლაიენის ერთობლივ განცხადებაში. შაბათს გვიან ღამემდე გაგრძელდა მოლაპარაკებები, მაგრამ მხარეებმა ვერ შეძლეს პოზიციების დაახლოება. Читать дальше...

თეთრიწყაროს მუნიციპალიტეტში გამთენიისას მკვლელობა მოხდა - არსებული ინფორმაციით, ქმარმა ცოლი მოკლა. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. აღნიშნული დანაშაული 7-დან 15 წლამდე თავისუფლების აღკვეთას ითვალისწინებს.

აჭარის მთავრობის სახლის წინ ოპოზიცია საქართველოს პარლამენტისა და აჭარის უმაღლესი საბჭოს არჩევნების ჩატარებას ითხოვს. გამსახურდიას ქუჩის მონაკვეთი თვეზე მეტია გადაკეტილია. ოპოზიციური პარტიები მიიჩნევენ, რომ არჩევნები გაყალბდა და არ ეთანხმებიან ოფიციალურ შედეგებს. საქართველოს პარლამენტში მოპოვებული მანდატების გარდა, ოპოზიცია უარს ამბობს აჭარის საკანონმდებლო ორგანოში, უმაღლეს საბჭოში მოპოვებულ მანდატებზე. ადგილობრივი პარლამენტის არჩევნებში 5%-იანი ბარიერი მხოლოდ ერთმა ოპოზიციურმა პარტიამ გადალახა. Читать дальше...

აზერბაიჯანის თავდაცვის სამინისტროს ცნობით, გასულ თვეში სომხეთის ძალებთან მიღწეული სამშვიდობო შეთანხმების შემდეგ მთიანი ყარაბაღის რეგიონში მისი ოთხი სამხედრო იქნა მოკლული. სამინისტროს 13 დეკემბრის განცხადებაში არ არის ნახსენები, სად დაიღუპნენ ეს სამხედროები. ნახსენებია მხოლოდ, რომ ეს მოხდა იმ არეალში, რომელიც აზერბაიჯანის ჯარებმა დაიკავეს 10 ნოემბრის სამშვიდობო შეთანხმების შემდეგ. გუშინ სომხეთმა და აზერბაიჯანმა ერთმანეთი დაადანაშაულეს ცეცხლის შეწყვეტის შესახებ შეთანხმების დარღვევაში ჰადრუთის რაიონში. Читать дальше...

10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. შერიგებისა და სამოქალაქო თანასწორობის საკითხებში სახელმწიფო მინისტრის პრესსამსახურის ინფორმაციით, ორი სამუშაო ჯგუფის ფარგლებში წარმართულ დისკუსიაზე, ყურადღება გამახვილდა საქართველოს ოკუპირებულ რეგიონებში პანდემიის ფონზე კიდევ უფრო დამძიმებულ ადამიანის უფლებრივ, ჰუმანიტარულ და უსაფრთხოების ვითარებაზე, რუსეთის მიერ დე ფაქტო ანექსიის პროცესის გააქტიურებაზე, ბორდერიზაციასა და საქართველოს მოქალაქეების უკანონო დაკავებებზე, რაც არ შეწყვეტილა პანდემიის ფონზეც კი. Читать дальше...

შინაგან საქმეთა სამინისტროს მიერ გავრცელებული ინფორმაციით, გასული 24 საათის განმავლობაში, მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 867 შემთხვევა გამოვლინდა. უწყების ცნობით, 21 საათიდან დილის 5 საათამდე დაწესებული გადაადგილების შეზღუდვის წესის დაარღვევისთვის 66, პირბადის ტარების წესის დარღვევისთვის კი 801 ადამიანი დააჯარიმეს. პირბადის ტარების წესის დარღვევა იწვევს ადმინისტრაციულ პასუხისმგებლობას და ასკ-ის 42(11) -ე მუხლის შესაბამისად ჯარიმას 20 ლარის ოდენობით. Читать дальше...

ევროკავშირის წარმომადგენლობა საქართველოში ავრცელებს ვიდეოინტერვიუს, სადაც ევროკავშირის ელჩი საქართველოში, კარლ ჰარცელი დეტალურად საუბრობს იმ ფინანსური დახმარების შესახებ, რაც საქართველომ მიიღო პანდემიის დროს „ევროპის გუნდისგან“ და განსაზღვრავს იმ პრიორიტეტულ მიმართულებებს, სადაც ამ თანხის დახარჯვაა განსაზღვრული. კარლ ჰარცელის თქმით, პანდემიის დაწყებისთანავე ევროპის გუნდმა კოვიდ-19-თან ბრძოლაში საქართველოს დასახმარებლად შეძლო 1.5 მილიარდი ლარის მობილიზება. ამ თანხის თითქმის 2/3 გრანტის ანუ საჩუქრის სახითაა წარმოდგენილი... Читать дальше...

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, 13 დეკემბერს, თბილისის დროით 01:29 საათზე, ჩეჩნეთის რესპუბლიკაში, საქართველოს საზღვრიდან 50 კილომეტრში  მიწისძვრა მოხდა - ბიძგების სიმძლავრე 5 მაგნიტუდას შეადგენდა. რუსული მედიის თანახმად, ბიძგები იგრძნობოდა დაღესტანში, ინგუშეთსა და ჩრდილოეთ ოსეთშიც.

გასული 24 საათის განმავლობაში საქართველოში კორონავირუსით ინფიცირების 2 720 ახალი დადასტურებული შემთხვევა გამოვლინდა, გამოჯანმრთელდა 3 942 ადამიანი, გარდაიცვალა 46 კოვიდპაციენტი - პანდემიის გავრცელებიდან დღემდე ვირუსს საქართველოში ჯამში 1 790 პირი ემსხვერპლა. ოფიციალური ინფორმაციით, ბოლო 24 საათში ქვეყნის მასშტაბით ჩატარდა 13 449 კვლევა ტესტით, რომელთაგან 6 628 შემთხვევაში ანტიგენის სწრაფი ტესტი იქნა გამოყენებული და 6 821 შემთხვევაში PCR ტესტი. ახალი შემთხვევები რეგიონების მიხედვით ასე ნაწილდება... Читать дальше...