Новости за 31.12.2020

ახალ წელს ულოცავს საქართველოს თითოეულ მოქალაქეს პრემიერ-მინისტრი გიორგი გახარია. „მინდა, მოგილოცოთ დამდეგი ახალი წელი ჩვენს თითოეულ თანამემამულეს - საქართველოში თუ მის ფარგლებს გარეთ; ჩვენს აფხაზ და ოს ძმებს - ჩვენ მხოლოდ მათთან ერთად შევქმნით საქართველოს უკეთეს მომავალს", - აცხადებს გახარია.  მთავრობის მეთაური ყველა განსაცდელის დაძლევის გზად ხედავს ერთიანობას. მისი თქმით, ამ გზით ასრულდება ქართველი ხალხის ოცნება - საქართველო დაიმკვიდრებს საკუთარ ღირსეულ ადგილს საერთო ევროპულ ოჯახში. პრემიერ-მინისტრს მიაჩნია... Читать дальше...

2021 წლის დადგომა მიულოცა პრეზიდენტმა სალომე ზურაბიშვილმა საქართველოს. მან მიმართვა სამძიბრით დაიწყო:  „2020 წელს ვემშვიდობებით! ეს წელი უმძიმესი აღმოჩნდა მსოფლიოსთვის, ჩვენი ქვეყნისთვის, ჩვენი მოსახლეობისთვის. მინდა მივუსამძიმრო ყველას, ვინც ამ ურთულეს პერიოდში დაკარგა ოჯახის წევრი, ახლობელი თუ მეგობარი.  პანდემიამ შეცვალა მსოფლიო - შეარყია ეკონომიკა, ჩაგვიკეტა საზღვრები, ჩვენც შეგვცვალა -  შიში ჩაგვინერგა“. სალომე ზურაბიშვილი მიიჩნევს, რომ გადარჩენა მხოლოდ სოლიდარობით, ერთმანეთის ნდობით და გაფრთხილებით შეიძლება. Читать дальше...

საქართველოს კათალიკოს-პატრიარქმა ილია მეორემ შობა-ახალი წელი მიულოცა საქართველოს.   „ჩვენ ვთხოვთ უფალს მშვიდობას, სიხარულს. ეს ცხოვრება ცვალებადია. ჩვენ იმედით ვუყურებთ მომავალს, ღმერთს უყვარს ადამიანი, ადამიანის მოქმედება უნდა იყოს სათნო, კეთილი“, - აცხადებს ილია მეორე. პატრიარქმა თქვა: „ჩვენ უნდა დავეხმაროთ ერთმანეთს, არ უნდა დავუმძიმოთ ჯვარი. გილოცავთ ახალ წელს და ქრისტეშობის დღესასწაულს, იმედი არ უნდა დავკარგოთ, ჩვენთან არს ღმერთი!“

მსოფლიოში 2021 წლის დადგომას ზეიმობენ. ამჯერად ახალ წელს მკაცრი საკარანტინო ზომების პირობებში აღნიშნავენ რიგ ქვეყნებში COVID-19-ით დაავადებულთა რიცხვის მკვეთრი ზრდის გამო. სიდნეიდან ნიუ-იორკამდე შეცვლილია ფოიერვერკების გამოყენების წესები, გაუქმდა მრავალი სხვა საჯარო ღონისძიება. ამჟამად განსაკუთრებული სიწყნარეა ევროპაში, სადაც კორონავირუსის ახალი შტამის გავრცელების ეშინიათ. საფრანგეთში პოლიციის ასი ათასამდე თანამშრომელია მობილიზებული, რათა აღკვეთონ ხალხმრავალი საახალწლო წვეულებები და კომენდანტის საათის დარღვევები. Читать дальше...

მადრიდმა და ლონდონმა უკანასკნელ მომენტში მოახერხეს, მიეღწიათ შეთანხმებისთვის, რომელიც ბრიტანეთის მოქალაქეებს საშუალებას მისცემს, ესპანეთში თავისუფალი მიმოსვლის უფლება შეინარჩუნონ ევროკავშირიდან გაერთიანებული სამეფოს გასვლის შემდეგ. ამ შეთანხმებით, გიბრალტარი, ბრიტანეთის შორეული ტერიტორია, რომელიც ესპანეთს ესაზღვრება, უნდა გახდეს შენგენის ზონა, რათა მომავალ წელს თავიდან აიცილოს ე.წ. მკაცრი საგარეო საზღვარი ევროკავშირის წევრ ქვეყანასთან. დიდ ბრიტანეთსა და ესპანეთს შორის შეთანხმება ახლა ევროკავშირმა და ლონდონმა უნდა შეათანხმონ... Читать дальше...

პარლამენტის წევრმა ელენე ხოშტარიამ და „ერთიანი ნაციონალური მოძრაობის" წევრმა, დეპუტატმა ხატია დეკანოიძემ #8 პენიტენციურ დაწესებულებასთან („გლდანის ციხესთან") ფრანები გაუშვეს და „პოლიტიკური ნიშნით დაკავებულებს" მხარდაჭერა გამოუცხადეს.  „თავისუფლება პოლიტპატიმრებს" - ამ ტრანსპარანტით ისინი მოითხოვენ „მთავარი არხის" მეწილის, გიორგი რურუასა და ე.წ. კარტოგრაფების საქმეზე დაკავებულების, ივერი მელაშვილისა და ნატალია ილიჩოვას გათავისუფლებას.  ოპოზიცია რურუას, მელაშვილისა და ილიჩოვას გათავისუფლების... Читать дальше...

თვითმხილველების ცნობით, ფეიერვერკის მოხვედრის შედეგად გორის მთავარ ნაძვის ხეს ცეცხლი გაუჩნდა. ადგილზე მუშაობენ მეხანძრე-მაშველები. წინასწარი ინფორმაციით, შემთხვევის შედეგად არავინ დაშავებულა. დაიწვა განათებული ფიგურა.

სპეციალური ოპენიტენციურის განცხადებით, კორონავირუსის შესაძლო გავრცელების პრევენციის მიზნით, 2021 წლის 31 იანვრის ჩათვლით იმოქმედებს ხანმოკლე პაემნებზე შეზღუდვა, თუმცა ბრალდებულებსა და მსჯავრდებულებს ამანათების მიღება შეეძლებათ. როგორც სამსახურის განცხადებაში ვკითხულობთ, Covid-19-ის გავრცელების პრევენციის მიზნით პენიტენციურ დაწესებულებებში მოქმედი შეზღუდვების პირველი ეტაპის მოხსნის შემდეგ ბრალდებულ/მსჯავრდებულებს ხანმოკლე პაემნით სარგებლობის შესაძლებლობა მიმდინარე წლის 25 მაისიდან ჰქონდათ, თუმცა... Читать дальше...

ირანის საგარეო საქმეთა მინისტრმა ჯავად ზარიფმა აშშ-ის მიმავალი პრეზიდენტი დონალდ ტრამპი დაადანაშაულა ორ ქვეყანას შორის „ომის საბაბის“ ფაბრიკაციის მცდელობაში. ზარიფმა ეს განცხადება გააკეთა 31 დეკემბერს, ირანის მაღალი რანგის გენერლის ერაყში დრონით მოკვლის წლისთავამდე რამდენიმე დღით ადრე. რამდენიმე კვირაა, აშშ-ის ხელისუფლების წარმომადგენლები აცხადებენ, რომ აშშ-მა ან მისმა მოკავშირე ერაყმა შესაძლოა ირანის წინააღმდეგ დარტყმები განახორციელოს ერთი წლის წინანდელი მოვლენის აღსანიშნავად. 23 დეკემბერს ტრამპმა გააფრთხილა თეირანი... Читать дальше...

თბილისის მერიის ორგანიზებით გამართული საახალწლო ღონისძიება დღეს, 23:00 საათზე დაიწყება. უკვე ცნობილია ვინ მიიღებს მონაწილეობას კონცერტში, რომელიც ცერემონიების სასახლეში (პრეზიდენტის ყოფილ რეზიდენციაში) გაიმართება. კონცერტი, რომელსაც კორონავირუსის პანდემიის გამო მაყურებელი ვერ დაესწრება, პირდაპირ ეთერში გადაიცემა (მათ შორის ტელეკომპანია "იმედზე"). "წლევანდელი გალაკონცერტი განსხვავებული ფორმატის იქნება - შემსრულებლები სპეციალურად მოწყობილ სცენაზე წარდგებიან, რომელიც რამდენიმესართულიან, აივნებიან და ტერასებიან სახლს წარმოადგენს. Читать дальше...

დაიწყო  აზერბაიჯანიდან, შაჰ-დენიზის საბადოდან, ევროკავშირში, საქართველოს გავლით გაზის მიწოდების პროცესი.  აზერბაიჯანული შაჰ დენიზის საბადოს ბუნებრივი გაზი თურქეთსა და ევროგაერთიანებს ქვეყნებს მიეწოდება საქართველოს, თურქეთის, საბერძნეთისა და ალბანეთის ტერიტორიების გავლით.  იგი ევროკავშირის 7 ქვეყნისა და თურქეთის 10 მსხვილ შემსყიდველს მოემსახურება. საქართველოს პრემიერ-მინისტრი პროცესის დაწყებას ენერგოუსაფრთხოების მიმართულებით დიდ წინგადადგმულ ნაბიჯად აფასებს.  მისი განმარტებით, სამხრეთის დერეფანი... Читать дальше...

მსხვილი სავაჭრო ცენტრები თბილისში 1 და 2 იანვარსაც იმუშავებენ, შემდეგ კი ფუნქციონირებას დროებით ისევ შეაჩერებენ. „თბილისი მოლის“ ცნობით, სავაჭრო ცენტრი ღია იქნება 12:00-დან 19:00 საათამდე; „სითი მოლი“ 1-2 იანვარს 11:00-დან 19:00 საათამდე იმუშავებს; „გალერია თბილისი“ - 09:30-დან 19:00 საათამდე; „ისთ ფოინტში“ 1 იანვარს მაღაზიები ღია იქნება 13:00-დან 19:00 საათამდე, ხოლო 2 იანვარს - 08:00-დან 19:00 საათამდე. გამონაკლისი იქნება "დომინო" - ჰიპერმარკეტი არ იმუშავებს; "გორგია" მხოლოდ 2 იანვარს 09:00-დან 19:00 საათამდე იმუშავებს. Читать дальше...

საგამოძიებო ჯგუფ Bellingcat-ის თანამშრომელმა ხრისტო გროზევმა გამოაქვეყნა მონაცემები ოპოზიციონერ პოლიტიკოს ალექსეი ნავალნიზე თავდასხმის სავარაუდო მონაწილეთა, სავარაუდოდ ფსბ-ს თანამშრომელთა, 565 მგზავრობის შესახებ. მონაცემები განთავსებულია ცხრილში საჯაროდ ხელმისაწვდომ Google Docs-ის სერვისში.   ცხრილში მოხვდა მონაცემები ათი ადამიანის მგზავრობის შესახებ 2005-2020 წლებში. ორი მარშრუტის მონაცემები ბაზიდან ამოღებულია, ვინაიდან Bellingcat-ი მათთან დაკავშირებით გამოძიებას აწარმოებს, განაცხადა გროზევმა. Читать дальше...

„ჩარი რამას“ კომპოზიტორი, „ოთარაანთ ქვრივის“ გიორგი, „ცეროდენას ეკრანის“ დონარა - პიროვნებები, რომლებიც მე-20 საუკუნის საქართველოს ქმნიდნენ, ნელ-ნელა ჩვენგან მიდიან. რადიო თავისუფლება 2020 წელს გარდაცვლილ ცნობილ ადამიანებს იხსენებს. გოგი თოდაძე - რეჟისორი „ეს რა ცხოვრებაა - გეცინებოდეს, ვერ იცინო, გეტირებოდეს, ვერ იტირო. მე ამ სახლს გავყიდი“! - ამბობს ერთ-ერთი პერსონაჟი სპექტაკლისა „ეზოში ავი ძაღლია“. ის დიდ ეზოში ცხოვრობს, სადაც მეზობლებს ყველაფერი ესმით. „ეზოში ავი ძაღლიას“ რეჟისორი გოგი თოდაძეა. Читать дальше...

მძიმე და მღელვარე 2020-მა პოლიტიკური თავსატეხი 2021 წელსაც გადაულოცა. ჯერაც გაურკვეველია, როგორ დასრულდება 31 ოქტომბრის საპარლამენტო არჩევნების კვალდაკვალ გაღვივებული პოლიტიკური კრიზისი. მრავალპარტიული არჩევნების შემდეგ ქვეყანას ჯერ ისევ ერთპარტიული პარლამენტი აქვს. რადიო თავისუფლება იხსენებს წლის მნიშვნელოვან პოლიტიკურ მოვლენებს - სადავო არჩევნებამდე და არჩევნების შემდეგ. ბრძოლა პროპორციული არჩევნებისთვის პოლიტიკური სპექტრი საპარლამენტო არჩევნებამდეც დიდი ბრძოლით მივიდა. წლის დასაწყისიდანვე გაგრძელდა... Читать дальше...

აშშ-ში დღემდე მხოლოდ 2,6 მილიონმა ადამიანმა გაიკეთა COVID-19-ის საწინააღმდეგო ვაქცინა, რაც დიდად ჩამოუვარდება მთავრობის გეგმას, 20 მილიონის ვაქცინაცია ჩატარებულიყო წლის ბოლომდე. დღეის მონაცემებით შტატებს დაურიგდათ დაახლოებით 14 მილიონი დოზა Pfizer/BioNTech-ისა და Moderna-ს ვაქცინები, განაცხადეს ფედერალური ხელისუფლების წარმომადგენლებმა. დეკემბრის დამდეგს აშშ-ის ხელისუფლებამ განაცხადა, რომ მიმდინარე თვეში მის განკარგულებაში იქნება 40 მილიონი დოზა ვაქცინა, რაც 20 მილიონი ამერიკელის ორჯერ ვაქცინაციისთვის იქნებოდა საკმარისი. Читать дальше...

რადიო თავისუფლების სარედაქციო საბჭომ და 23 ენაზე მომუშავე სამსახურების მთავარმა რედაქტორებმა საპროტესტო წერილი გაუგზავნეს საზედამხედველო სააგენტოს ხელმძღვანელს და დაადანაშაულეს ის ტრადიციული ორპარტიული მიდგომიდან ”უპრეცედენტო უკანდახევასა” და ”იმ მედიაორგანიზაციის დამოუკიდებლობის შეზღუდვაში, რომლის დაცვაც აქვს მინდობილი.“ წერილი აშშ-ის საერთაშორისო მედიის სააგენტოს (USAGM) აღმასრულებელ დირექტორს, მაიკლ პაკს ასევე ადანაშაულებს „ბოლო წუთს განხორციელებულ ძალისხმევაში, უზრუნველყოს მხოლოდ ერთი პარტიის კონტროლი რადიო თავისუფლებაზე“... Читать дальше...

ევროკავშირიდან დიდი ბრიტანეთის გასვლის შემდეგ ორ მხარეს შორის სავაჭრო ხელშეკრულება ბრიტანეთის პარლამენტის ორივე პალატამ მოიწონა და მას ხელი მოაწერა პრემიერ-მინისტრმა ბორის ჯონსონმა. 30 დეკემბერს ღამით დოკუმენტს ბეჭედი დაარტყა დედოფალმა ელისაბედ მეორემ. ლონდონსა და ბრიუსელს შორის შეთანხმება 2021 წლის 1 იანვარს შედის ძალაში. მანამდე, 30 დეკემბერს, დოკუმენტს ხელი მოაწერეს ევროკავშირის ხელმძღვანელებმა. ლონდონსა და ბრიუსელს შორის შეთანხმების ყველა ფორმალური მხარის მოგვარების შემდეგ მას რატიფიკაცია უნდა გაუკეთოს ევროპარლამენტმა... Читать дальше...

პაკისტანში 14 პირი დააკავეს მას მერე, რაც ასეულობით ადამიანმა იერიში მიიტანა საუკუნეობრივ ინდუისტურ ტაძარზე და ცეცხლი წაუკიდა მას. ადგილობრივმა პოლიციამ 31 დეკემბერს განაცხადა, რომ წინა დღით, ჩრდილო-დასავლეთის პროვინცია ხიბერ პახტუნხვას კარაკის რიონში მოეწყო რეიდები, რათა დაეკავებინათ ის პირები, რომლებიც ტაძარზე თავდასხმაში მონაწილეობდნენ.  ნციდენტს მოჰყვა ინდუისტთა თემის, ასევე უფლებადამცავების და ფედერალური მთავრობის მხრიდან მომხდარის დაგმობა. „ეს არის უმცირესობის მიმართ ბარბაროსული მოპყრობა... Читать дальше...

ავღანეთის ოფიციალური ინფორმაციით, ბომბის აფეთქების შედეგად დაშავდა ავღანეთის პრეზიდენტის ოფისის თანამშრომელი, ხოლო მისი მძღოლი დაიღუპა. ქაბულში მომხდარი თავდასხმის შესახებ პოლიცია იტყობინება, რომ მაგნიტური ბომბი მიმაგრებული იყო მანქანაზე, რომელსაც მიჰყავდა პრეზიდენტის მრჩეველთა განყოფილების ხელმძღვანელის მოადგილე, ჯავიდ ვალი. ვალი მძიმე არის დაჭრილი, ხოლო მძღოლი, დაიღუპა, განაცხადა პრეზიდენტის ადმინისტრაციული ოფისის ხელმძღვანელმა, ფაზელ ფაზლიმ. პოლიციით თანახმად, კიდევ სამი პირი დაშავდა აფეთქების შედეგად. Читать дальше...

რა ხდებოდა საქართველოში 50 წლის წინ, ანუ 1971 წელს? ეს ის პერიოდია, როდესაც ძველი ომები, რეპრესიები და მისი შედეგები მეტ-ნაკლებად წარსულში დარჩა, "პერესტროიკა" და ეროვნული მოძრაობა კი ჯერ არ დაწყებულა. ეროვნული ბიბლიოთეკის არქივში შემონახულია ფოტოები, რომლებიც ორმოცდაათი წლის წინანდელ ყოფას ასახავს. 1921 წლის 25 თებერვლიდან ნახევარი საუკუნეა გასული, აჭარაში გასაბჭოების 50 წლისთავს ზეიმობენ. გასაბჭოების 50 წლისთავს აღნიშნავენ აფხაზეთშიც. ზემო ეშერის ბიბლიოთეკამ ღონისძიება გამართა. თელავში ერეკლე მეორის ძეგლი საზეიმოდ გაიხსნა. Читать дальше...

ავტორი: რონ სინოვიცი კოვიდ-19-ის გამო შემოღებულმა მკაცრმა შეზღუდვებმა სხვადასხვა ქვეყნის, კერძოდ, აზერბაიჯანის, ბელარუსის, რუსეთის, უზბეკეთისა და ყაზახეთის ხელისუფლებებს შესაძლებლობა მისცა კიდევ უფრო განემტკიცებინათ ერთპიროვნული მართვის სადავეები. თუმცა არის გამონაკლისი, მაგალითად, ყირგიზეთი, სადაც, პანდემიის დროს ჩატარებული სადავო არჩევნების გამო დაწყებული სახალხო მღელვარების შედეგად, კიდევ ერთხელ შეიცვალა ხელისუფლება. კორონავირუსის საწინააღმდეგო ვაქცინის დამტკიცებამ გააძლიერა რწმენა, რომ... Читать дальше...

ევროკავშირიდან ბრიტანეთის გასვლის შემდგომი პერიოდის ურთიერთობის განმსაზღვრელი სავაჭრო შეთანხმება ამოქმედდება 31 დეკემბერს, შუა ევროპის დროით, შუა ღამით და გრინვიჩის დროით, 23 საათზე მას მერე, რაც მას ხელი მოაწერეს და ბრიტანეთის კანონის ძალა მიენიჭა. ბრიტანეთის პარლამენტის ორივე პალატამ უმრავლესობით დაამტკიცა კანონი, სანამ მას საბოლოოდ დაადასტურებდა ბრიტანეთის დედოფალი, ელისაბედ მეორე. შეთანხმებით, რომელიც შობის წინა დღეს  იქნა მიღწეული თვეების განმავლობაში მიმდინარე მოლაპარაკების შემდეგ, ბრიტანეთი... Читать дальше...

კომუნიკაციების კომისიამ "მთავარი არხი" "ქართული ოცნების" საჩივრის საფუძველზე დაასანქცირა. იმის გამო, რომ ბოლო 1 წელში ეს პირველი დარღვევა იყო, არხი მხოლოდ გააფრთხილეს. გადაწყვეტილება კომისიამ ერთ ხმად მიიღო. პარტია დავობდა, რომ არხმა მათ მეორე ტურის წინ კანონდარღვევით უთხრა უარი უფასო საარჩევნო რგოლების განთავსებაზე. სხდომაზე "მთავარი არხის" იურისტმა, თამთა მურადაშვილმა დაადასტურა, რომ მათ არ განათავსეს "ქართული ოცნების" სარეკლამო რგოლები, თუმცა მიაჩნია, რომ კანონმდებლობა არ დაურღვევიათ. მისი თქმით... Читать дальше...

კომუნიკაციების კომისიამ ტელეკომპანია "ფორმულა" სერიალ "ჩემი ცოლის დაქალებში" გამოყენებული "ბილწსიტყვაობისა" და "შეურაცხმყოფელი" ტერმინოლოგიის გამო დააჯარიმა. კომისიის თავმჯდომარემ, კახა ბექაურმა თქვა, რომ რადგან პირველი შემთხვევაა, პატარა ჯარიმას გამოიყენებენ, თუმცა თანხა არ დაუკონკრეტებია. კომისიის წარმომადგენელმა განმარტა, რომ სერიალი გადიოდა დღის საათებში, რა დროსაც მსგავსი ტერმინოლოგიის გამოყენება აკრძალულია საქართველოს კანონმდებლობით. "მონიტორინგის ფარგლებში გამოიკვეთა, რომ სერიალი მოიცავს ბილწსიტყვაობის სცენებს. Читать дальше...