Новости за 03.02.2020

(Казан, 3 февраль, «Татар-информ»). Чувашиянең Шыгырдан авыл җирлегендә «Туган ягым моңлы ягым!» дип исемләнгән фестиваль форматында фәнни-гамәли конференция узды. Шулай ук татар мәктәпләре командалары арасында иҗади конкурс һәм Чувашия татарлары милли-мәдәни мөхтәрияте бүләкләренә волейбол буенча турнир үткәрделәр. Бу турыда Бөтендөнья татар конгрессы сайтында хәбәр ителә.

(Казан, 3 февраль, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Подольск шәһәренең «Витязь» командасына каршы уенда җиңде. Казан хоккейчылары 5:2 исәбе белән отты. Моңа хәтле «Ак Барс» «Витязь»не 2016 елда җиңгән иде.

(Чирмешән, 3 февраль, «Татар-информ», «Безнең Чирмешән», Гөлсирә Шәрифуллина). Әлеге авыл «Иң яхшы бизәлгән чыршы» Республика бәйгесендә, Көньяк-Көнчыгыш зонада, «Авыл җирлекләрендә үзәк яңа ел чыршысын иң яхшы бизәү һәм яңа ел чараларын уздыру» номинациясендә икенче урынны яулады. Бу турыда район басмасы хәбәр итә.

(Казан, 3 февраль, «Татар-информ»). Татарстанда яшәүчеләрнең өчтән бере хезмәт хакын елга бер тапкыр арттырырга кирәк, дип саный. Мондый мәгълүматларны HeadHunter компаниясенең тикшеренүләр хезмәте китерә.

(Казан, 3 февраль, «Татар-информ»). 1 февральдән 15 апрельгә кадәр Татарстанның «Мишә елгасы тамагы» тыюлыгы территориясендә балык тоту тыела. Сүз сәнәгать һәм һәвәскәр балыкчылык турында бара. Бу хакта ТР биоресурслар буенча Дәүләт комитеты матбугат хезмәте хәбәр итә.

(Казан, 3 февраль, «Татар-информ»). Түбән Камада сәламәтлек саклау идарәсе башлыгы Венера Рәхимова көнкүреш дәрәҗәсендә үзеңне коронавируслы һәм шундый инфекцияләрдән ничек сакларга кирәклеге турында сөйләде. Бу хакта Түбән Кама районы матбугат хезмәте хәбәр итә.

(Казан, 3 февраль, «Татар-информ», Оксана Романова). Татарстан ЮНЕСКО тарафыннан кертелгән 21 февраль - Халыкара туган тел көненә багышланган Tolles Diktat Бөтенроссия акциясенә теләктәшлек күрсәтергә әзерләнә. Немец телендә диктант язу — Россия немецлары җәмгыяте инициативасы, аңа Казан һәм төбәкнең башка шәһәрләреннән дә барлык теләүчеләр дә кушыла ала. Бу хакта «Татар-информ» мәгълүмат агентлыгы хәбәрчесенә Халыкара немец мәдәнияте берлеге вәкиле Николай фон Эссен хәбәр итте.

(Казан, 3 февраль, «Татар-информ», Полина Шевчук). Полицейскийлар сәүдә үзәге парковкасында внедорожниктан 1,6 миллион сум акча урлаган Казан кешесен тоткарлаган. Бу хакта «Татар-информ»га ТР буенча Эчке эшләр министрлыгының матбугат хезмәтендә сөйләделәр.

(Казан, 3 февраль, «Татар-информ»). Казанның «Ак чәчәкләр» бульвары һәм Азатлык мәйданы Public Architecture категориясендә Building of the Year премиясенә дәгъва кыла. Иҗтимагый киңлекләрне дәрәҗәле премиягә ArchDaily архитектура турында дөнья онлайн-басмасы номинацияләгән.

(Казан, 3 февраль, «Татар-информ»). Татарстан Президенты Рөстәм Миңнеханов ТР Дәүләт Советы депутаты Габделхәй Кәримовның вафатына бәйле рәвештә кайгы уртаклашу сүзләрен белдерде. Телеграмма депутатның хатыны Илһамия Кәримова адресына җибәрелгән.

(Казан, 3 февраль, «Татар-информ»). 2019-nCoV яңа коронавирусын Кытайдан килгән посылкалар аша йоктыру мөмкин түгел. Бу хакта Пирогов исемендәге фәнни-тикшеренү медицина университетының йогышлы авырулар кафедрасы җитәкчесе профессор Владимир Никифоровка сылтама белән РИА Новости хәбәр итә.

(Казан, 3 февраль, «Татар-информ», Әдилә Зыятдинова). 2019 елда федераль антимонополия хезмәтенең Татарстан идарәсе илкүләм проектлар буенча дәүләт сатып алуларының яртысында хокук бозуларны ачыклаган. Бу хакта Федераль антимонополия хезмәтенең ТР буенча идарәсе башлыгы урынбасары вазифаларын башкаручы Алмаз Яфизов сөйләде.

(Казан, 3 февраль, «Татар-информ», Зилә Мөбәрәкшина). Татарстан Аквакультура һәм умартачылык идарәсе генераль директоры әгәр басуларны агулаудан бал кортлары үлсә, чыгымнарны каплар өчен паспорт гарантия булып тормый дип белдерде. Бу хакта ул «Татар-информ» хәбәрчесенә умартачылык паспортлары бирүгә багышланган матбугат очрашуында әйтте.

(Казан, 3 февраль , «Татар-информ»). М.Гафури исемендәге Башкорт драма театры «Гөлбустан» спектакле премьерасын тәкъдим итте. Бу хакта «Башинформ» хәбәр итә.

(Казан, 3 февраль, «Татар-информ»). Иртәгә, 4 февральдә, Татарстан территориясендә аномаль җылы һава торышы саклана. Бу хакта ТР Гидрометеорология үзәге хәбәр итә.

(Казан, 3 февраль, «Татар-информ»). Казанда шәһәр халкы өчен ачык булачак яшел үсентеләр реестры барлыкка килә. Бу хакта мэриядә узган эшлекле дүшәмбе вакытында Татарстан башкаласының административ комиссияләре эшчәнлеген оештыру идарәсе башлыгы Артур Мөхәммәтшин хәбәр итте.

(Казан, 3 февраль, «Татар-информ»). Мәскәүдә Мостай Кәрим исемендәге милли яшьләр театры гастрольләре уңышлы тәмамланды. Бу хакта «Башинформ» хәбәр итә.

(Казан, 3 февраль, «Татар-информ», Зилә Мөбәрәкшина). Татарстан Министрлар Кабинеты Баш ветеринария идарәсенең дәвалау-профилактика чаралары бүлеге җитәкчесе Солтан Латыйпов бал кортларына паспорт алу таләпләре турында сөйләде. Бу хакта ул «Татар-информ» агентлыгында узган умартачылык паспортлары бирүгә багышланган матбугат очрашуында әйтте.

(Казан, 3 февраль, «Татар-информ»). Казанда җиңел машина юлдан светофорның кызыл утына йөгереп чыгучы 13 яшьлек кызны бәрдергән. Бу хакта шәһәр автоинспекциясендә хәбәр иттеләр.

(Казан, 3 февраль, «Татар-информ»). Татарстан синоптиклары янә республикада яшәүчеләрне һава шартларының бозылуы хакында кисәтә.

(Казан, 3 февраль, «Татар-информ», Зилә Мөбәрәкшина). Татарстан Аквакультура һәм умартачылык идарәсе генераль директоры Фәиз Динмөхәммәтов бал кортларының күпләп һәлак булу-булмавына быел беркем дә гарантия бирә алмый дип саный. «Чәчү территорияләре кимемәгән, шул ук рапс, көнбагыш, гәрчич чәчеләчәк», — диде ул «Татар-информ» агентлыгында узган умартачылык паспортлары бирүгә багышланган матбугат очрашуында.

(Чаллы, 3 февраль, «Татар-информ», Эльвира Мөхәммәтдинова). Чаллыда индексациядән соң яшь буенча пенсиянең уртача күләме 15 мең 136 сум тәшкил иткән. Бу хакта бүген Автошәһәр мэриясендә узган эшлекле дүшәмбе вакытында РФ Пенсия Фондының җирле идарәсе башлыгы Эдуард Фәттахов сөйләде.

(Казан, 3 февраль, «Татар-информ»). Россиядә кабул ителгән 2019-nCoV коронавирусы таралуга каршы көрәш чаралары аны йоктырган чит ил гражданнарын депортацияләүне күздә тота. РФ Премьер-министры Михаил Мишустин ил Хөкүмәтендә үткәрелгән оператив киңәшмәдә шулай дип белдерде. Бу хакта РИА Новости агентлыгы хәбәр итә.

(Казан, 3 февраль, “Татар-информ”, Гөлүзә Ибраһимова). Татарстандагы мәктәпләр һәм балалар бакчалары җитәкчеләрен һәм хезмәткәрләрен укыту буенча өч еллык программа ачылу тантанасы КФУның Идарә, икътисад һәм финанслар институтында узды.

(Казан, 3 февраль, «Татар-информ»). Казанда инспекторлар, мәктәп укучысы бәрдереп, авария урыныннан качып киткән шоферны эзли.