Новости за 29.02.2020

(Казан, 29 февраль, «Татар-информ»). 28 февральдә, Төмәндә «Кече шәһәрләр һәм тарихи җирлекләр үсеше» икенче бөтенроссия форумында конкурска йомгак ясаганнар. Анда Баулы, Зәй, Лаеш уңайлы шәһәр мохите булдыруга 185 млн сум акча откан. Бу хакта ТР Төзелеш, архитектура һәм торак-коммуналь хуҗалык министрлыгы матбугат хезмәте хәбәр итә.

(Әлки, 29 февраль, «Татар-информ», «Әлки хәбәрләре»). Әлки районы үзәге Базарлы Матакта сәүдә рәтләре тезелеп киткән, ә ял паркы каршында берничә авыл җирлеге вәкилләре самавырда чәй кайната, плитәләр куеп, табаларда коймак чыжлатты. Бу турыда район басмасы хәбәр итә.

(Азнакай, 29 февраль, «Татар-информ», «Маяк», Тансылу Саниева). Азнакай районы эчке эшләр дежур бүлегенә Актүбә авылында яшәүче ир кеше 922 мең сум акчасын урлаулары хакында гариза яза. Бу турыда район басмасы хәбәр итә.

(Әгерҗе, 29 февраль, «Татар-информ», «Әгерҗе хәбәрләре»). Якшәмбе, язның беренче көнендә, Әгерҗедә ике зур бәйрәм — Май чабу һәм «Мари чаңгы юллары» узачак. Бу турыда район басмасы хәбәр итә.

(Казан, 29 февраль, «Татар-информ»). Татарстан Хөкүмәте Йортында узган киңәшмәдә Татарстан авыл хуҗалыгы һәм азык-төлек министрының беренче урынбасары Наил Залаков Татарстанда кыр эшләре иртәрәк башланырга мөмкин, дип сөйләде. Бу хакта Татарстан Президенты матбугат хезмәте хәбәр итә.

(Казан, 29 февраль, «Татар-информ»). Россия Сәламәтлек саклау министрлыгы Сovid-19 коронавирусы сәбәпле имин булмаган эпидемиология вазгыяте күзәтелә торган илләр исемлеген атады. Бу хакта ведомствоның матбугат хезмәтенә сылтама белән РИА Новости хәбәр итә.

(Казан, 29 февраль , «Татар-информ»). Россия Фәннәр академиясенең Көнчыгыш кулъязмалар институтында татар телле басмаларны цифрлы форматка күчерү мөмкинлекләре турында фикер алыштылар. Бу хакта Татарстан Республикасының Санкт-Петербург шәһәрендә һәм Ленинград өлкәсендә даими вәкиллеге матбугат хезмәте хәбәр итә.

(Казан, 29 февраль, «Татар-информ», Ләйсән Рәхмәтуллина). Галим Фәйзелхак Ислаев Бердәм дәүләт имтиханының җәфа дип саный. Бу фикерен ул ТНВ каналында «Ком сәгате» тапшыруындагы әңгәмәсендә әйтте.

(Казан, 29 февраль , «Татар-информ»). 8 мартта «Измайлов» концертлар залында Мәскәү тамашачысына Татарстан Республикасының атказанган артисты Филүс Каһиров концерт программасын тәкъдим итә. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

(Казан, 29 февраль, «Татар-информ», Марат Ишкилдин). Татарстан Республикасы Милли музее күргәзмә өчен мәйданны 2025 елга 14 мең квадрат метрга кадәр киңәйтә. Бу хакта Татарстан Милли музее директоры Гөлчәчәк Нәҗипова Андрей Кузьминга биргән интервьюсында сөйләде.

(Казан, 29 февраль, «Татар-информ»). Иртәгә, 1 мартта, Татарстан территориясендә һәм Казанда урыны белән томан көтелә. Бу хакта Татарстан Гидрометеорология үзәге кисәтә.

(Казан, 29 февраль, «Татар-информ», Гөлнар Гарифуллина). Пермь ягы төбәкчесе, Пермь татарлары милли-мәдәни мохтарияте рәисе урынбасары Сәлим Назин Пермь өлкәсе Барда районында археологик һәйкәлләрне өйрәнергә чакырды. Бу хакта ул «Яңа гасыр» телеканалында «Татарлар» тапшыруында сөйләде.

(Казан, 29 февраль, «Татар-информ», Зилә Мөбәрәкшина). Бүген Ислам мәдәнияте музеенда Африка һәм көнчыгыш илләреннән килгән студентлар «Ирекле микрофон» дип исемләнгән акция уздырды. Алар туган телләрендә шигырьләр укыды, тәрҗемә иттеләр һәм үзләре белән таныштырдылар. Чарада «Татар-информ» хәбәрчесе дә булып кайтты.

(Казан, 29 февраль , «Татар-информ»). Югары категорияле табиб-терапевт Николай Петров күрсәткечләр нормадан түбәнрәк булса, кан басымын ничек нормальләштерергә кирәклеген сөйләде. Бу хакта РИА Новости хәбәр итә.

(Казан, 29 февраль , «Татар-информ»). Самара өлкәсенең Похвистнево Балалар сәнгать мәктәбенең яшь скрипкачысы Илназ Нуриев берьюлы ике конкурста җиңү яулады. Бу хакта Самара татарлары сайтында хәбәр ителә.

(Казан, 29 февраль, «Татар-информ»). Татарстан Премьер-министры урынбасары, Милли Шура рәисе Васил Шәйхразыев бүген Краснодар шәһәрендә Кырым, Дагыстан, Кабардино-Балкар, Карачаево-Черкесия, Төньяк Осетия республикалары, Әстерхан, Волгоград, Ростов өлкәләре, Ставрополь краеннан милләттәшләребез белән очрашты. Бу турыда Бөтендөнья татар конгрессы матбугат хезмәте хәбәр итте.

(Казан, 29 февраль, «Татар-информ»). Россиялеләргә чит илгә барудан баш тартырга яки, коронавирустан саклану чарасы буларак, чит илдә булу вакытын мөмкин кадәр киметергә кирәк. Шул турыда журналистларга Кулланучылар хокукларын яклау һәм кеше иминлеге өлкәсендә күзәтчелек федераль хезмәте башлыгы Анна Попова хәбәр итте. Бу хакта ТАСС хәбәр итә.

(Казан, 29 февраль, «Татар-информ»). ТАССРның 100 еллыгы флагы эстафетасы Краснодар краена килеп җитте. Эстафета тәмамланганнан соң, флаг Татарстан Милли музеена тапшырыла. Бу турыда тантаналы чарада Татарстан Премьер-министры урынбасары, Милли Шура рәисе Васил Шәйхразыев әйтте. Бөтендөнья татар конгрессы матбугат хезмәте шул хакта хәбәр итте.

(Казан, 28 февраль, «Татар-информ», Ләйсән Рәхмәтуллина). Тарихчы Фәйзелхак Ислаев татар тамгаларының өйрәнелмәгән өлкә булуын һәм бу турыда китап язарга теләве турында «Ком сәгате» тапшыруындагы әңгәмәсендә әйтте.

(Казан, 29 февраль, «Татар-информ»). Татарстан Республикасы Авыл хуҗалыгы һәм азык-төлек министрлыгы язгы кыр эшләре чорында агросәнәгать комплексын кредитлау өлкәсендә оператив мониторинг алып бара. 2020 елга кыска сроклы ташламалы кредитлау субсидияләре лимиты 549,6 млн сум тәшкил итә. Бу 11,3 млрд сумга кадәр кредит алырга мөмкинлек бирә. Бу турыда министрлыкның матбугат хезмәте хәбәр итте.

(Казан, 29 февраль, «Татар-информ»). Күптән түгел Кытайдан кайткан Уфа кешесен хастаханәгә салганнар. Бу хатын-кыз коронавирус йоктырган ди шикләнәләр. Бу хакта «Башинформ» хәбәр итә.

(Казан, 29 февраль, «Татар-информ»). Россия мөселманнарының Үзәк Диния нәзарәте башлыгы Тәлгать Таҗетдин Россия Конституциясендә Аллаһы Тәгаләне искә алу формальлек түгел, ә якын киләчәктә кешеләрнең тормышына үзгәрешләр кертә торган адым була дип саный. Бу хакта «Интерфакс» хәбәр итә.

(Казан, 29 февраль, «Татар-информ», Энҗе Габдуллина). Сәясәт белгече Руслан Айсин «Татарстан — Яңа Гасыр» телеканалында баручы «Таяну ноктасы» тапшыруында татарларга системалылык, нинди дә булса программа җитмәве турында сөйләде.

(Казан, 29 февраль, «Татар-информ», «Ватаным Татарстан»).Якыннарыңны нинди бүләк белән сөендерергә? Бәйрәм кәефен бозмас өчен, 8 март көнне нинди бүләк бирүдән сакланырга?

(Казан, 29 февраль, «Татар-информ»). Татарстан җир һәм мөлкәт мөнәсәбәтләре министры Фәнил Әһлиуллин Татарстан чиге турында белешмәләрне Бердәм күчемсез мөлкәт реестрына кертү эшләре 2020 елда - ТАССР төзелүнең 100 еллыгына тәмамланачагын әйтте. Бу хакта ул бүген Татарстан Хөкүмәте йортында узган республика киңәшмәсендә сөйләде. Бу турыда ТР Президенты матбугат хезмәте хәбәр итте.