Новости за 14.02.2020

(Әлмәт, 14 февраль, «Татар-информ», «Әлмәт таңнары»). Иртәгә илебез татар халкының бөек улы, каһарман шагыйрь Муса Җәлилнең туган көнен билгеләп үтә. Быел аның тууына 114 ел. Бүген Әлмәтлеләр күркәм традиция буенча шәһәрнең үзәк урамында урнашкан стела янына җыелды. Бу турыда район басмасы хәбәр итә.

(Апас, 14 февраль, «Татар-информ», «Апастово-информ», Ләйлә Шиһабиева). Апас районында җитештерелгән азык-төлек ТАССРның 100 еллыгы уңаеннан сатуга махсус тамгалар белән чыгачак. Бу турыда район басмасы хәбәр итә.

(Казан, 14 февраль, "Татар-информ"). Бүген Татарстан Президенты Рөстәм Миңнеханов ТР Хөкүмәте Йортында «Аммоний» АҖ җитәкчелеге вәкилләре белән очрашты, дип хәбәр итә ТР Президенты матбугат хезмәте.

(Казан, 14 февраль, «Татар-информ»). Татарстанда ипотека торак кредитлары буенча уртача процент ставкасы 2019 елның декабрендә 8,99 процентка кадәр кимеде. Бу турыда РФ Илкүләм банкының ТР буенча матбугат хезмәте хәбәр итә.

(Казан, 14 февраль, «Татар-информ»). Бүген Татарстан Республикасы Президенты Рөстәм Миңнеханов «Казан синтетик каучук заводы» ААҖ җитәкчелеге белән Татарстан Республикасы Хөкүмәте Йортында узган очрашуда предприятиене алга таба үстерү мәсьәләләре буенча фикер алышты. Бу хакта ТР Президенты матбугат хезмәте хәбәр итә.

(Казан, 14 февраль, «Татар-информ», Зилә Мөбәрәкшина). Башкортстанның Уфа шәһәрендә нәшер ителүче «Шоңкар» журналының баш мөхәррире итеп танылган башкорт язучысы Айгиз Баймөхәммәтов билгеләнде. Бу хакта «Татар-информ» агентлыгы хәбәрчесенә мөхәррир үзе хәбәр итте.

(Казан, 14 февраль, «Татар-информ»). 14 февраль көнне «Шаян ТВ» каналы яшь блогерлар белән очрашу уздырды. Бу чарада «Кызык-мызык» проекты авторы Илназ Габидуллин да катнашты дип хәбәр итә каналның матбугат хезмәте.

(Казан, 14 февраль, «Татар-информ»). Бүген Татарстан Республикасы Президенты Рөстәм Миңнеханов Татарстан Республикасы Хөкүмәте Йортында «Казан дәүләт казна дары заводы» федераль казна предприятиесе җитәкчелеге белән очрашты. Бу хакта ТР Президенты матбугат хезмәте хәбәр итә.

(Казан, 14 февраль, «Татар-информ»). Татарстан Сатып алулар буенча дәүләт комитеты мәктәпләргә дәүләт килешүләре буенча азык-төлек продуктлары китерә торган оешмаларга өстәмә тикшерү кертәчәк. Татарстан Президенты Рөстәм Миңнеханов ТР Хөкүмәте Йортында узган киңәшмәдә шундый бурыч куйды. Бу хакта «Татар-информ» мәгълүмат агентлыгына ТР Президенты матбугат хезмәте җитәкчесе Лилия Галимова хәбәр итте.

(Казан, 14 февраль, «Татар-информ»). Казанда төзелә торган беренче күптелле белем бирү комплексы 1 сентябрьгә тапшырылырга тиеш, бу эштә бернинди вак-төяк булырга тиеш түгел. Бу хакта Татарстан Дәүләт Киңәшчесе, «Яңарыш» республика фондының попечительлек советы рәисе Минтимер Шәймиев комплекс объектларын төзү мәсьәләләре буенча күчмә киңәшмәдә белдерде.

(Казан, 14 февраль, «Татар-информ»). Якындагы айда Татарстанда барлык мәктәп ашханәләрендә җиһазлар һәм персонал җитү-җитмәүне тикшерәчәкләр. Татарстан Республикасы Президенты Рөстәм Миңнеханов республика Хөкүмәте Йортында узган киңәшмәдә шундый бурыч куйды.

(Казан, 14 февраль, «Татар-информ»). Дөньяда тарихны бозып күрсәтү һәм фашизмны җиңүдә Совет армиясенең ролен киметү омтылышлары ясала. Шуңа күрә тынычлыкны саклау өчен сугыш утын узган кешеләр турында истәлекне саклау бик мөһим. Мондый фикерне ТР Дәүләт Советы Рәисе Фәрит Мөхәммәтшин Чистай шәһәренең 1нче гимназиясендә парламент дәресе вакытында әйтте.

(Казан, 14 февраль, «Татар-информ», Рузилә Мөхәммәтова). Камал театрының «Сүнгән йолдызлар» спектакле премьерасын ТР Дәүләт Советы Рәисе Фәрит Мөхәммәтшин һәм республиканың биш мәдәният министры карый. Театрда спектакльнең беренче көне.

(Казан, 14 февраль, «Татар-информ»). Чистай районы үсеш мөмкинлекләреннән тулысынча файдаланмый, аерым алганда, бу авыл хуҗалыгы продукциясен җитештерүгә кагыла. Бу хакта ТР Дәүләт Советы Рәисе Фәрит Мөхәммәтшин район советы сессиясендә чыгыш ясаганда хәбәр итте.

(Казан, 14 февраль, «Татар-информ»). Россия Сәнәгать һәм сәүдә министрлыгы Кытай интернет-кибетләреннән товарлар һәм посылкалар кабул итүне тыю турындагы тәкъдимне хупламады. Бу турыда ТАСС федераль министрлык башлыгы Денис Мантуровка сылтама белән хәбәр итә.

(Казан, 14 февраль, "Татар-информ", "Шәһри Казан", Дилбәр Гарифуллина). Мәзлүм кешеләр кемнәр һәм аларны ни өчен рәнҗетергә ярамый? Бәддоганың һәм ләгънәт укуның нинди куркынычы бар? Сәхифәбезнең даими кунагы Рамил хәзрәт Юныс белән шул хакта сөйләштек.

(Казан, 14 февраль, «Татар-информ», Адилә Зыятдинова). Татарстан — Россия төбәкләре арасында Үзбәкстанның иң яхшы сәүдә партнерларының берсе. Бу турыда Үзбәкстанның Казандагы генераль консулы Фәриддин Насриев Ташкенттагы беренче халыкара инвестицион форумга багышланган матбугат конференциясендә әйтте.

(Казан, 14 февраль, «Татар-информ»). Иртәгә, 15 февральдә, Татарстан яшьләр эшләре министры Дамир Фәттахов «Одноклассники» һәм «ВКонтакте» социаль челтәрләрендә республиканың рәсми бергәлекләренең туры эфирында чыгыш ясаячак.

(Казан, 14 февраль, «Татар-информ»). Татарстан Республикасы халкы якын араларда күп функцияле үзәкләр һәм социаль яклау бүлекләре аша «Хәтер юлы» музее өчен Бөек Ватан сугышында катнашучыларның фотосурәтләрен һәм фронт хатларын мультимедиа галереясенә кертә ала. Бу турыда Үзәк хәрби округ матбугат хезмәте республиканың хәрби комиссары Сергей Погодин хәбәр итә.

(Казан, 14 февраль, «Татар-информ»). Иртәгә, 15 февральдә, журналистлар өчен Татарстан Республикасы мөселманнары Диния нәзарәте игълан иткән иҗади конкурс старт ала. Быелгы бәйгенең темасы — «Динем — Ислам, милләтем — татар». Исегезгә төшерәбез, материаллар 2020 елның 15 февраленнән 30 сентябренә кадәр дөнья күргән булырга тиеш.

(Казан, 14 февраль, «Татар-информ», Шабдан Ниязов). Бәйсез дәүләтләр берлеге (БДБ) илләренең Беренче уеннарында волонтер булып катнашырга теләүчеләрдән гаризалар кабул ителә башлады. Бу вакыйга уңаеннан Татарстан Халыклар дуслыгы йортында тантана узды.

(Казан, 14 февраль, «Татар-информ»). Булачак ялларда республикада һава торышы әллә ни үзгәрмиячәк. Шимбә урыны белән кар яварга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 14 февраль, «Татар-информ»). Татарстан Милли музее барлык казанлыларны һәм башкала кунакларын славян халыкларының борынгы бәйрәме — Масленица, ягъни Май чабу бәйрәмен бергәләп бәйрәм итәргә чакыра. 18 февральдән алып 28 февральгә кадәр музейда «Май чабу» бәйрәм атнасы узачак, дип хәбәр итә музейның матбугат хезмәте.

(Казан, 14 февраль, «Татар-информ»). Россия Хөкүмәте башлыгы Михаил Мишустин Татарстанның «Спорт һәм социаль проектлар дирекциясе» коммерцияле булмаган автоном оешмасы генераль директоры Азат Кадыйровны Россия Федерациясе спорт министрының беренче урынбасары итеп билгеләде. Бу хакта министрлыкның рәсми сайтында хәбәр ителә.

(Казан, 14 февраль, «Татар-информ»). Быел мәктәп укучылары тапшырачак Бердәм дәүләт имтиханнарын уздыру тәртибендә җитди үзгәрешләр көтелми. Бу хакта Татарстан Мәгариф һәм фән министрлыгы башлыгы Рафис Борһанов белдерде. Ул бүген Арчада үзе кайчандыр укыган 1нче урта мәктәптә укучылар белән очрашты һәм 2020 елда Төп дәүләт имтиханы белән Бердәм дәүләт имтиханы тапшыру үзенчәлекләре турында сөйләде, дип хәбәр итә министрлыкның матбугат хезмәте.