Новости за 26.02.2020

(Әтнә, 26 февраль, «Татар-информ», «Әтнә таңы», Хәмит Бадиков). Татарстан авыл хуҗалыгы һәм азык-төлек министрлыгының сөт күләме буенча 26 февральгә биргән оператив мәгълүматлары буенча, Әтнә районы исемлекнең башында тора. Бу турыда район басмасы хәбәр итә.

(Актаныш, 26 февраль, «Татар-информ», «Актаныш таңнары», Филиза Сәлахова). 26 февральдә ТР Дәүләт Советы депутаты Марат Әхмәтов Актаныш муниципаль район башлыгы Энгель Фәттахов белән бергә Киров авылында урнашкан Актаныш сөт комбинаты эшчәнлеге белән танышты. Биредә җитештерелгән продукцияне карады. Бу турыда район басмасы хәбәр итә.

(Казан, 26 февраль, «Татар-информ»). Россия Президенты Владимир Путин Россия Конституциясенә балаларга карата сакчыл мөнәсәбәт турында нигезләмә кертү фикерен хуплады. Бу турыда ул Конституциягә төзәтмәләр кертү өчен тәкъдимнәр әзерләү буенча эшче төркем утырышында әйтте.

(Казан, 26 февраль, «Татар-информ»). Мостай Кәримнең «Безнең өйнең яме» повесте буенча режиссер Александр Галибин төшергән «Сеңел» фильмы «Очрашу» Сретенск XV Халыкара православие кинофестивале Гран-приен алды. Иң яхшы ир-ат роле өчен бүләк фильмда Җәмил ролен башкарган Арыслан Крымчуринга бирелгән. Бу турыда ТАССка сылтама белән «Башинформ» хәбәр итә.

(Казан, 26 февраль, «Татар-информ»). Татарстан Премьер-министры Алексей Песошин Буа районы советы утырышында чыгыш ясады. Ул муниципаль хакимият органнарына бизнес өчен инфраструктура төзүне тизләтүне һәм авыл халкының хезмәт хакларын арттыруны йөкләде. Бу хакта Татарстан Президенты матбугат хезмәте хәбәр итә.

(Казан, 26 февраль, «Татар-информ»). Казан мэры Илсур Метшинга Казан мәктәпләрендә укучыларның һәм аларның әти-әниләренең теләкләрен исәпкә алып төзелгән яңартылган мәктәп менюсын тәкъдим иттеләр. Бу турыда Татарстан башкаласы мэриясенең матбугат хезмәте хәбәр итә.

(Казан, 26 февраль, «Татар-информ»). Татарстан Премьер-министры Алексей Песошин Буа район советы утырышында катнашты. Анда муниципалитетның социаль-икътисади үсешенә нәтиҗә ясалды. Утырыш алдыннан Алексей Песошин Бөек Ватан сугышында катнашкан Рәүф Төхвәтуллин белән очрашты һәм Җиңүнең 75 еллыгына багышланган медаль тапшырды. Бу турыда Татарстан Хөкүмәте матбугат хезмәте хәбәр итә.

(Казан, 26 февраль, «Татар-информ», Рузилә Мөхәммәтова). Татарстанның һәм Россиянең халык артисты Әзһәр Шакиров үзенең 80 яшьлеге уңаеннан котлаулар кабул итә. Камал театрында аншлаг белән юбилей кичәсе бара. Әдәби-драматик композиция актерның юбилей кичәсе өчен махсус әзерләнгән.

(Казан, 26 февраль, «Татар-информ», Алексей Угаров). Россия Президенты Владимир Путин Татарстан Дәүләт Советы Рәисе Фәрит Мөхәммәтшинга, милли республикаларда яшәүчеләргә туган телләрен саклауны гарантияләү өчен, Россия Конституциясенә нинди төзәтмәләр кабул итү планлаштырылуын аңлатты.

(Казан, 26 февраль, «Татар-информ»). Бүген төштән соң Татарстан Республикасы Президенты Рөстәм Миңнеханов Әстерхан өлкәсе Губернаторы Игорь Бабушкин белән очрашып, хезмәттәшлек турында фикер алышты. Бу турыда Татарстан Президенты матбугат хезмәте хәбәр итте.

(Казан, 26 февраль, «Татар-информ»). Россия Конституциясенә төзәтмәләр кертү турында бөтен Россия күләмендә тавыш бирү 22 апрельдә була. Бу турыда Дәүләт Думасының дәүләт төзелеше һәм закон чыгару комитеты башлыгы Павел Крашенинниковка сылтама белән РИА Новости хәбәр итте.

(Казан, 26 февраль, «Татар-информ»). «Азан» радиосы эфирында татар телендә «40 хәдис» дигән яңа программалар чыга башланды. Бу турыда оештыручылар хәбәр итә.

(Казан, 26 февраль, «Татар-информ», «Ватаным Татарстан», Сәрия Мифтахова). Гомумроссия мәгариф хезмәткәрләренең һөнәри берлеге әнә шундый катгый закон проекты әзерләгән.

(Казан, 26 февраль, «Татар-информ»). Татарстан Премьер-министры Алексей Песошин Апас районы советы утырышында катнашты. Үз чыгышында ул авыл хезмәтчәннәренең реаль керемнәрен арттыру кирәклегенә игътибар итте. Бу турыда Татарстан Президенты матбугат хезмәте.

(Казан, 26 февраль, «Татар-информ»). Татарстан Президенты Рөстәм Миңнеханов Казанның 4нче интернат-мәктәбендә тәрбияләнүчеләргә «Рубин» футбол клубының экс-капитаны Гекдениз Караденизның шәхси автографы куелган спорт майкасын тапшырды. Бу хакта Татарстан Президенты матбугат хезмәте җитәкчесе Лилия Галимова хәбәр итте.

(Казан, 26 февраль, «Татар-информ», Рузилә Мөхәммәтова). Гаиләләрне театрга тарту максатыннан кертелгән бонус системасы Кариев театрында эшләп китә алмаган. Халык өчен өстенлекле юнәлешләр буенча 2019 елга нәтиҗәләр ясаганда, мәдәният министрының беренче урынбасары Юлия Әдһәмова иҗтимагый совет әгъзалары һәм экспертларга моның сәбәпләрен аңлатты.

(Казан, 26 февраль, «Татар-информ», Диана Авакян). Россия Президенты Владимир Путин Россия гражданлыгын алу процедурасын гадиләштерүне хуплады. Бу хакта ул Эчке эшләр министрлыгы коллегиясендә әйтте.

(Казан, 26 февраль, "Татар-информ"). 2020 елда йөздән артык мәктәп һәм лагерьлар математика, информатика һәм цифрлы икътисад технологияләре өлкәсендә мәгариф системасын үстерү өчен грантлар алачак. Бу турыда Татарстан Мәгариф һәм фән министрлыгы матбугат хезмәте хәбәр итте.

(Казан, 26 февраль, «Татар-информ»). «Демография» илкүләм проекты өлкәннәр һәм мөмкинлекләре чикләнгән кешеләр өчен яңа хезмәтләрне үз эченә алачак. 2020 елда алар көндезге стационардан һәм тернәкләндерү җиһазларын прокатка алып файдалана алачак.Бу хакта ТР Хезмәт, халыкны эш белән тәэмин итү һәм социаль яклау министрлыгының матбугат хезмәте хәбәр итә.

(Казан, 26 февраль, «Татар-информ», Рузилә Мөхәммәтова). Татарстанда балалар музейларга күбрәк йөри башлаган. Халык өчен өстенлекле юнәлешләр буенча 2019 елга нәтиҗәләр турында мәдәният министрының беренче урынбасары Юлия Әдһәмова иҗтимагый совет әгъзалары һәм экспертларына хәбәр итте.

(Казан, 26 февраль, «Татар-информ», Энҗе Габдуллина). «Татарстан — Яңа Гасыр» телеканалында баручы «Таяну ноктасы» тапшыруында татарның горурланырлык каһарманнары, иҗтимагый фикер лидерлары турында сүз алыштылар.

(Казан, 26 февраль, «Татар-информ», Вероника Ваганова). Соңгы вакытта Татарстан мәктәпләрендә укытучылар һәм укучылар арасында конфликтлар ешайды. Бу хакта ТР Мәгариф һәм фән министрлыгының матбугат хезмәте җитәкчесе Алсу Мөхәммәтова хәбәр итте.

(Истанбул, 26 февраль, «Татар-информ», Рушания Алтай) Күренекле татар шагыйре Һади Такташның «Тәүфыйклы песи» шигыре төрекчә дөнья күрде. Аны Төркиянең Кавказ университеты галимәсе, милләттәшебез Чулпан Зарипова- Четин тәрҗемә иткән.

(Казан, 26 февраль, «Татар-информ», «Шәһри Казан», Эльвира Мозаффарова). Караңгыда авылга кайтып барганда юл трассасында еракта ЮХИДИ машинасы күзгә чалынды. Ул урында беркайчан да юл иминлеге инспекторлары тормый иде, әллә берәр юл һәлакәте булдымы икән, дип уйлап куйдык. Баксаң, ялган машина икән бит бу, ЮХИДИ машинасын хәтерләткән муляж куйганнар.Чыныннан аерып булмый, утына кадәр янып тора.

(Казан, 26 февраль, «Татар-информ», Диана Авакян). Казан вертолет заводының елына кимендә 100 һава судносы эшләп чыгару потенциалы бар. Бу турыда журналистларга Татарстан Президенты Рөстәм Миңнеханов хәбәр итте.