Новости за 27.02.2020

(Чирмешән, 27 февраль, «Татар-информ», «Безнең Чирмешән», Марат Гомәров). Чирмешән районының Югары Чегодайда авылдашлар үз араларыннан иң оста бильярдчыны ачыкладылар. Авыл мәчете бүләкләренә оештырылган ярыштан соң уенчыларны бәлешле табын да көтә иде. Бу турыда район басмасы хәбәр итә.

(Аксубай, 27 февраль, «Татар-информ», «Авыл таңнары», Людмила Жаренова). Аксубай муниципаль районының икътисади советы утырышында «ТАССРның 100 еллыгы» символикасын куллануга сертификатлар тапшырылды. Бу турыда район басмасы хәбәр итә.

(Казан, 27 февраль , «Татар-информ»). Ватанны саклаучылар көнендә Сарт-Лобово авылында Башкортстан Диния нәзарәтенең Үзәк диния нәзарәте ярдәме белән «Шәйхулла» мөселман дини оешмасы традицион чаңгы ярышлары уздырган. Бу хакта Россия Мөфтиләр шурасы сайтында хәбәр ителә.

(Казан, 27 февраль, «Татар-информ»). Хезмәт министрлыгы эшләгән проект нигезендә, Медицина-социаль экспертиза бюросы инвалидлык куйганнан соң, инвалидка пенсия автомат рәвештә билгеләнәчәк. Хәзер исә моның өчен кәгазь җыярга һәм Пенсия фондына барырга кирәк. Бу хакта «Интерфакс» хәбәр итә.

(Казан, 27 февраль, «Татар-информ», Гөлия Хәсбиуллина). Бүген Казанда «Татнефть-Арена» боз сараенда «Ак Барс» хоккей командасы Екатеринбургтан килгән «Автомобилист»ка каршы уйнады. «Ак Барс» 0:3 исәбе белән җиңелде.

(Казан, 27 февраль, «Татар-информ», Шабдан Ниязов). Татарстанда ашказаны, үпкәләр һәм башка органнарда яман шешне диагностикалау системасын модернизацияләргә кирәк. Татарстан Сәламәтлек саклау министрлыгы каршындагы Иҗтимагый совет утырышында Республика клиник онкология диспансерының референдум-үзәге җитәкчесе Ринат Гамиров шундый тәкъдим белән чыгыш ясады.

(Казан, 27 февраль, «Татар-информ»). Ростуризм тәкъдиме буенча Россиядәге зур туроператорлар, Covid-19 коронавирусы кабыну сәбәпле, Италиягә, Иран һәм Көньяк Кореяга турлар сатуны туктаткан. Бу хакта туристик компанияләргә сылтама белән ТАСС хәбәр итә.

(Казан, 27 февраль, «Татар-информ»). Бүген, 27 февральдә кичен, 28 февральдә төнлә һәм көндез Татарстан территориясендә һәм Казанда урыны белән томан көтелә. Бу хакта республика Гидрометеорология үзәге кисәтә.

(Казан, 27 февраль, «Татар-информ», «Шәһри Казан», Эльвира Мозаффарова). Баксаң, бу проблема безгә генә түгел, башка редакцияләргә дә яхшы таныш икән. Айга бер килә торган журналны китерми калдырганнары да бар хәтта.

(Казан, 27 февраль, «Татар-информ»). Татарстан блогерлары Республика клиник йогышлы авырулар хастаханәсендә карантинда яшәүче Diamond Princess лайнеры пассажирларына бүләкләр тапшырган.

(Казан, 27 февраль, «Татар-информ»). Татарстан Президенты Рөстәм Миңнеханов Үзбәкстанда урнашкан «Ангрен» ирекле икътисади зонасы территориясендә урнашкан «Беренче резинотехника заводы» резинотехник эшләнмәләр заводы директоры Гуломжон Ибраһимов белән хезмәттәшлек мәсьәләләре турында сөйләште. Бу хакта республика җитәкчесенең матбугат хезмәте хәбәр итә.

(Казан, 27 февраль, «Татар-информ»). Әлмәт мөхтәсибәте имамы Фәһим Әхмәтҗанов никахлашкан яшь парларга тапшыру өчен яңа үрнәктәге документ эшләгән. Башта ул күп төрле таныклык вариантларын өйрәнгән. Хәзер яңа үрнәктәге документ Әлмәт төбәге имам-хатыйбларына тапшырылды. Бу турыда Әлмәт мөхтәсибәте хәбәр итте.

(Казан, 27 февраль, «Татар-информ»). Бүген Татарстан Президенты Рөстәм Миңнеханов Яшел Үзәндә Татарстанда газ-мотор ягулыгын куллануны киңәйтү буенча ведомствоара эшче төркемнең киңәйтелгән утырышын уздырды. Бу хакта республика җитәкчесенең матбугат хезмәте хәбәр итә.

(Казан, 27 февраль, «Татар-информ», Зилә Мөбәрәкшина). Анжела Вавилова исемендәге Казан хосписында балалар өчен хәйрия квартирнигы оештырылды. «Саф йөрәкләр» фонды директоры ярдәмчесе Диләрә Нурмөхәммәтова әлеге чараны балаларга истә калдырырлык хисләр, бәйрәм рухын бүләк итәселәре килүен белдерде.

(Казан, 27 февраль, «Татар-информ», Гөлнар Гарифуллина). Чөгә балыгы запасына анализ нәтиҗәләре буенча, соңгы елларда бу балыкларның саны кимү тенденциясе туктаган. Бу хакта бүген ТР Биологик ресурслар буенча дәүләт комитетының коллегия утырышында Бөтенроссия балык хуҗалыгы һәм океанография фәнни-тикшеренү институтының Татарстан филиалы җитәкчесе урынбасары Фирдәвес Шакирова әйтте.

(Казан, 27 февраль, «Татар-информ», Дмитрий Киселев). Американың легендар профессиональ боксчысы, ярымавыр үлчәмдә абсолют дөнья чемпионы кече Рой Джонс Казанга «Казан Кремле Кубогы» турнирына килергә вәгъдә бирде. Бу хакта «Татар-информ» журналистына Татарстан Бокс федерациясе президенты Сергей Игнатьев хәбәр итте.

(Казан, 27 февраль, «Татар-информ», Гөлнар Гарифуллина). Бурсык, куян, көртлек, кыр тавыгы саны динамикасы буенча алдынгы һәм артта калган аучылык хуҗалыклары билгеле. Бу хакта бүген ТР Биологик ресурслар буенча дәүләт комитетының коллегия утырышында сөйләделәр.

(Казан, 27 февраль, «Татар-информ», Егор Никитин). Согуд Гарәбстанына Covid-2019 коронавирусы таралу белән бәйле рәвештә хаҗ кылуга чикләүләр турында рәсми мәгълүмат Татарстан мөселманнары Диния нәзарәтендә юк. Бу хакта «Татар-информ» Татарстан Диния нәзарәтенең матбугат хезмәтендә хәбәр иттеләр.

(Казан, 27 февраль, «Татар-информ», Гөлнар Гарифуллина). Татарстанда браконьерлыкны кисәтү нәтиҗәсендә балык запаслары арткан. Бу хакта ТР Биологик ресурслар буенча дәүләт комитетының коллегия утырышында Татарстанның беренче вице-премьеры Рөстәм Нигъмәтуллин әйтте.

(Казан, 27 февраль, «Татар-информ»). 1-2 апрельдә Мәскәүдә КәримТинчурин исемендәге Татар дәүләт драма һәм комедия гастрольләре узачак. Бу хакта Татарстан Республикасының Россия Федерациясендәге Вәкаләтле вәкиллеге матбугат хезмәте хәбәр итә.

(Казан, 27 февраль, «Татар-информ», Гөлнар Гарифуллина). Авыл хуҗалыгы җитештерүчеләренә Африка дуңгыз чумасыннан саклану чараларының берсе киңәш ителде. Вирус табылган төбәкләр белән чиктәш районнарда көнбагыш һәм кукуруз игүнең куркыныч ягы, чәчү урынын үзгәртү кирәклеге искәртелде. Бу хакта ТР Биологик ресурслар буенча дәүләт комитетының коллегия утырышында сүз барды.

(Казан, 27 февраль, «Татар-информ», Ләйсән Рәхмәтуллина). ТНВ каналындагы «Ком сәгате» тапшыруында тарихчы, галим Фәйзелхак Ислаев Пермь татарларының килеп чыгышына бәйле үз фикере барлыгын белдерде. Аның фикеренчә, бу төбәктә татарлар элекке заманнарда ук яшәгән.

(Казан, 27 февраль , «Татар-информ»). Татарстанда авылда өченче һәм аннан соңгы балалары туган өчен 29 яшькә кадәрге хатын-кызларга бер тапкыр 100 мең сум акча түләнәчәк. Бу хакта журналистлар белән әңгәмә вакытында ТР Министрлар Кабинеты карарын шәрехләп, ТР Хезмәт, эш белән тәэмин итү һәм социаль яклау министры Эльмира Зарипова сөйләде.

(Казан, 27 февраль, «Татар-информ», Вероника Ваганова). Суднода коронавирус кабыну сәбәпле Казанда карантин уза торган Diamond Princess лайнерыннан булган россиялеләргә туганнары белән элемтә өчен планшетлар биргәннәр. Бу хакта ТР Министрлар Кабинетында узган брифингта ТР Президенты матбугат хезмәте җитәкчесе Лилия Галимова хәбәр итте.

(Казан, 27 февраль, «Татар-информ», Гөлнар Гарифуллина). Табигый объектларның кыйммәтен раслау өчен фәнни-тикшеренү материаллары җитми. Бу хакта Татарстанның Биологик ресурслар буенча дәүләт комитетының коллегия утырышында ведомство рәисе Федор Батков әйтте.