Новости за 11.02.2020

(Әлки, 11 февраль, «Татар-информ», «Әлки хәбәрләре»). Әлки районының Базарлы Матактагы Шәүкәт мәчетендә районның барлык муллалары җыелып Айрат Хәйруллин рухына дога кылды, намаз укыды. Бу турыда район басмасы хәбәр итә.

(Казан, 11 февраль, «Татар-информ», Гөлия Хәсбиуллина). Бүген Мәскәү өлкәсенең Балашиха шәһәрендә Континенталь хоккей лигасының Көнчыгыш конференциясенең ике лидер командасы очрашуында «Ак Барс» җиңелде. Казанның «Ак Барс»ы Омск шәһәренең «Авангард» командасы белән көч сынашты. Матч исәбе — 2:1.

(Казан, 11 февраль, «Татар-информ»). Әлмәт татар дәүләт театры балаларны әкият тыңларга чакыра. Яңа проект 13 февральдә старт ала дип хәбәр итә театрның матбугат хезмәте.

(Казан, 11 февраль, «Татар-информ»). «Бигеш» аэропортыннан 4 июньдә Симферопольгә турыдан-туры даими рейслар ачыла. Бу хакта аэропортның матбугат хезмәте хәбәр итә.

(Әлмәт, 11 февраль, «Татар-информ», Наталья Рыбакова). «Союзмультфильм» студиясенең анимацион мәктәбен һәм «Альметрика» уникаль экспозициясен үз эченә алган җәмәгать үзәген Әлмәттә «Татнефть» компаниясе ачарга ниятли. Булдырыла торган интерактив композициянең аналоглары дөньяда беркайда да юк.

(Казан, 11 февраль , «Татар-информ»). Конституциягә төзәтмә турында закон проектын икенче укылышка әзерләгәндә, Россиянең элеккеге президентлары Федерация Советы әгъзасының гомерлек статусын алуын күздә тота. Бу хакта Интерфакс хәбәр итә.

(Казан, 11 февраль, «Татар-информ»). Илһам Шакиров исемендәге «Татар моңы» XI Халыкара телевизион конкурсына гаризалар кабул итү дәвам итә. Бу хакта оештыручыларга сылтама белән Бөтендөнья татар конгрессының матбугат хезмәте хәбәр итә.

(Казан, 11 февраль , «Татар-информ»). Финанс министрлыгы Россиядә 2020 ел азагына ипотека ставкалары еллык 7-8 процентка кадәр кимер дип өметләнә. Бу хакта журналистларга Финанс министры урынбасары Алексей Моисеев хәбәренә сылтама белән РИА Новости хәбәр итә.

(Чаллы, 11 февраль, «Татар-информ», Эльвира Мөхәммәтдинова). «КАМАЗ-Мастер» командасы базасында аңа багышланган «Мастер» сериалын төшерү башланды. Төшерү мәйданчыгына эшләрнең барышы белән танышырга проектның генераль продюсеры Федор Бондарчук килде.

(Казан, 11 февраль, «Татар-информ», Гөлүзә Ибраһимова). Россиядә октябрь аенда булачак халык санын алуның талисманы бәйгесендә татар дизайнеры Ратмир Ахияров та катнаша. Дизайнер бәйгедә ике эш белән катнашуы турында «Татар-информ»га әйтте.

(Казан, 11 февраль, «Татар-информ», Надежда Гордеева). Татарстанда «Хезмәт җитештерүчәнлеге һәм эш белән тәэмин итүгә ярдәм» илкүләм проектын гамәлгә ашыру барышында предприятие хезмәткәрләрен укытуга быел 20 млн сумнан артык акча каралган. Бу хакта бүген ТР Дәүләт Советының Законлылык һәм хокук тәртибе комитеты утырышында ТР юстиция министрының беренче урынбасары Айнур Галимов хәбәр итте.

(Казан, 11 февраль, «Татар-информ»). Яшел Үзәндә Полукамушки кварталында янгын чыккан, каравылчы качып баручы ир-атны күргән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Балтач, 11 февраль, «Татар-информ», Алинә Айдарова). Бүген Татарстан Президенты Балтач районы советы сессиясендә катнашты һәм демография турында кайгыртырга йөкләмә бирде.

(Казан, 11 февраль, «Татар-информ»). Казанда өч автобус белән булган юл-транспорт һәлакәте мизгеле сурәтләнгән видео барлыкка килде. Тиешле кадрларны социаль челтәрләрдән файдаланучылар бастырып чыгарды.

(Казан, 11 февраль, «Татар-информ»). Иртәгә, 12 февральдә, 11:00 сәгатьтә «Татар-информ»да ТАССРның 100 еллыгына анимацион фәнни-популяр ролик тәкъдим итүгә багышланган матбугат конференциясе булачак.

(Казан, 11 февраль, «Татар-информ»). РФ Конституциясенә төзәтмәләргә кагылышлы мәсьәләләр даирәсе акрынлап киңәя бара, чөнки битараф булмаган гражданнар фикер алышуга күбрәк җәлеп ителә. Тәкъдимнәр законнарда чагылыш табачак. ТР Дәүләт Советы Рәисе Фәрит Мөхәммәтшин Мәскәүдә эш төркеме утырышы нәтиҗәләрен әнә шулай шәрехләде. Бу хакта республика парламенты матбугат хезмәте хәбәр итә.

(Казан, 11 февраль, «Татар-информ»). Урал төбәгендә яшәүчеләр Татарстан Республикасының Свердловск өлкәсендәге даими вәкиллеге ярдәме белән Урал татар-башкорт театрын торгызу карарын кабул итте. Бу хакта «Урал татарлары» сайты хәбәр итә.

(Казан, 11 февраль , «Татар-информ»). Эчке эшләр министрлыгы июнь аеннан фотога гына түгел, видеога да техник карау узуны теркәргә тәкъдим итә. Техник караулар үткәрү тәртибе турындагы карарга тиешле үзгәрешләр проекты норматив-хокукый актлар проектлары порталында басылып чыкты. Бу хакта РИА Новости хәбәр итә.

(Казан, 11 февраль, «Татар-информ», Гөлнар Гарифуллина). Грант ярдәме нәтиҗәсендә, Татарстанда 2020 елда терлек саны тагы да артыр дип фаразлана. Бу хакта Татарстанның Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында Татарстанның авыл хуҗалыгы һәм азык-төлек министры урынбасары Ришат Хәбипов хәбәр итте.

(Казан, 11 февраль, «Татар-информ», Гөлнар Гарифуллина). Татарстан авыл хуҗалыгы тулай төбәк продукт күләме буенча Россиядә дүртенче урында тора. Бу хакта Татарстан Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында ТР авыл хуҗалыгы һәм азык-төлек министры урынбасары Ришат Хәбипов хәбәр итте.

(Казан, 11 февраль, «Татар-информ», Гөлнар Гарифуллина). 2019 елда икмәк, шикәр чөгендере, бәрәңге, яшелчә уңышы, 2018 елга караганда, күбрәк булган. Бу хакта Татарстанның Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында Татарстанның авыл хуҗалыгы һәм азык-төлек министры урынбасары Ришат Хәбипов чыгыш ясады.

(Казан, 11 февраль , «Татар-информ»). Татарстан Президенты Рөстәм Миңнеханов бүген Бөек Ватан сугышында катнашучыга Җиңүнең 75 еллыгына багышланган беренче медален тапшырды. Әлеге медальгә Татарстан Республикасының Балтач районындагы «Халыклар дуслыгы» туган якны өйрәнү музее директоры, фронтовик Гарифҗан Галиев ия булды. Бу хакта республика җитәкчесенең матбугат хезмәте хәбәр итә.

(Казан, 11 февраль, «Татар-информ», Зилә Мөбәрәкшина). 15 февральдә Анкарада Төркия Язучылар берлеге оешмасы төрки дөньясында танылган шагыйрьләрне очраштырачак. Бу хакта «Татар-информ» агентлыгы хәбәрчесенә Истанбулда укучы аспирант Айгөл Зара Кәбирова хәбәр итте.

(Казан, 11 февраль, «Татар-информ»). 2019-nCoV яңа коронавирус кабыну сәбәпле, эпидемия башланган Кытай спортчыларына Татарстанга керүне чикләделәр. Бу хакта Казан мэриясе матбугат хезмәтендә хәбәр ителәр.

(Казан, 11 февраль, «Татар-информ»). 9 февраль көнне, Милләтләр йортында Санкт-Петербургның «Акчарлак» татар фольклор ансамбленең юбилей концерты узды. Концерт ТАССРның 100 еллыгына һәм коллективның бер еллыгына багышланган иде, дип хәбәр итә чараны оештырган ТР Санкт-Петербург шәһәре һәм Ленинград өлкәсенең Даими вәкиллеге.