Новости за 22.02.2020

(Спас, 22 февраль, «Татар-информ», «Яңа тормыш» ). Узган чәршәмбедә Спас районы Рабига күлендә «Балыкларга ярдәм итик!» акциясен үткәрделәр. Бу турыда район басмасы хәбәр итә.

(Казан, 22 февраль, «Татар-информ»). Мөслим районы Ташлыяр авылында шәхси хуҗалыкта йонсыз сарык бәрәне туган. Бу турыда Мөслим телевидениесе хәбәр итә.

(Азнакай, 22 февраль, «Татар-информ», «Маяк», Таңсылу Саниева). Азнакайда районның күренекле шәхесе Әнвәр Баһаветдинов истәлегенә көрәш турниры узды. Быел әлеге турнирда район мәктәпләреннән йөзгә якын көрәшче бил алышты. Бу турыда район басмасы хәбәр итә.

(Казан, 22 февраль, «Татар-информ»). Кайбыч районында тантаналы рәвештә ТАССРның 100 еллыгына старт бирелде. Бу турыда Бөтендөнья татар конгрессы сайтында хәбәр иттеләр.

(Казан, 22 февраль, «Татар-информ»). Иртәгә төнлә һәм иртән Татарстанның кайбер районнарында томан төшү көтелә. Бу хакта Татарстан Гидрометеорология үзәге матбугат хезмәте хәбәр итә.

(Казан, 22 февраль, «Татар-информ»). Федерация Советында Административ хокук бозулар кодексын Сосновский балтырганы һәм башка карантинлы чүп үләннәренә каршы көрәш чараларын күрмәгән өчен җәза бирүне күздә тоткан маддә белән тулыландырырга тәкъдим иттеләр. Бу хакта ТАСС хәбәр итә.

(Казан, 22 февраль, «Татар-информ», Полина Шевчук). Татарстанда пошины һәм аның ике кечкенә баласын үтергән браконьерларны эзлиләр. Бу хакта Татарстан Республикасының Биоресурслар буенча дәүләт комитеты рәсми сайтында хәбәр ителә.

(Казан, 22 февраль, «Татар-информ», Полина Шевчук). Татарстанда Чулман елгасы аша Соколка — Яңа Кама аръягы маршруты буенча тагын бер боз кичүе ачылды. Бу хакта «Татар-информ»га Татарстан буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

(Казан, 22 февраль, «Татар-информ»). Чүпрәле икмәк заводы «ТАССРга 100 ел» билгесен куллану өчен сертификат алды. Сертификатларны республика җитештерүчеләренә тапшыралар, логотипны җитештерелә торган продукция төргәгендә кулланырга мөмкин. Бу хакта «Туган як» газетасы яза.

(Казан, 22 февраль, «Татар-информ») Самара өлкәсендә 94 яшьлек Бөек Ватан сугышы ветераны, күзе күрмәүче Мәгъфүр Бакиевка сазлыктагы өеннән яңа торакка күченергә ярдәм итәргә әзер кешеләр табылган. Бу хакта Самара татарлары сайтында хәбәр ителә.

(Казан, 22 февраль, «Татар-информ»). 2020 елның беренче аенда Татарстанның авыл хуҗалыгы җитештерүчеләре 7,8 млрд сум акча эшләгән, шуларның 6 млрд сумы — терлекчелектән. Үсеш 2019 ел белән чагыштырганда 6 процент тәшкил итте. Шул турыда Татарстан Хөкүмәте Йортында узган киңәшмәдә Премьер-министры урынбасары — авыл хуҗалыгы һәм азык-төлек министры Марат Җәббаров сөйләде. Бу хакта Татарстан Президенты матбугат хезмәте хәбәр итә.

(Казан, 22 февраль, «Татар-информ»). Татарстан Президенты Рөстәм Миңнеханов Идел буе федераль округы кубогына ярышларда катнашты һәм беренче урынны алды. Бу хакта РФ Президентының Идел буе федераль округындагы Тулы вәкаләтле вәкиле матбугат хезмәте хәбәр итә.

(Казан, 22 февраль, «Татар-информ»). 15 мартта Балашов шәһәрендә балалар арасында V өлкә Коръән уку бәйгесе узачак. Чараны Диния нәзарәте каршындагы «Зәет бин Сабит» Коръән үзәге Балашов шәһәре мөхтәсибәте белән берлектә оештыра. Бу хакта Россия Мөфтиләр шурасы сайтында хәбәр ителә.

(Казан, 22 февраль, «Татар-информ»). Бүген Татарстан Президенты Рөстәм Миңнеханов Тольятти шәһәрендә Идел буе федераль округы кубогына раллида катнашты һәм беренче урын яулады. Биредә ул Башкортстан Башлыгы Радий Хәбиров белән очрашты. Алар бергәләп фотога төшкән. Радий Хәбиров инстаграмдагы сәхифәсенә шул хакта язды.

(Казан, 22 февраль, «Татар-информ», Полина Шевчук). Зәйдә яшүсмер тәрәзәне көрәк белән каерып кереп, кибет басарга уйлаган. Бу хакта «Татар-информ»га ТР буенча Росгвардия идарәсе матбугат хезмәтендә хәбәр иттеләр.

(Казан, 22 февраль, «Татар-информ»). Россиядә мәктәп директорлары һәм мәгариф идарәләре җитәкчеләре кадрлар резервын формалаштырачаклар. Бу турыда Татарстан Мәгариф һәм фән министрлыгы матбугат хезмәте хәбәр итте.

(Казан, 22 февраль, «Татар-информ»). Татарстан мөфтие Камил хәзрәт Сәмигуллин күпхатынлылык яхшы эш, чөнки хатын-кызлар ялгыз калмый дип саный. Татарстан мөфтие белән «Сорау-җавап» чыгарылышы Татарстан Диния нәзарәтенең Инстаграмдагы рәсми битендә урнаштырылган.

(Казан, 22 февраль , «Татар-информ»). Янгын сүндерүчеләр Ростов өлкәсенең Азов районындагы йортта янгынны тулысынча сүндергән. Анда газ шартлап, ике кеше үлгән. Бу хакта журналистларга төбәк буенча Россия Гадәттән тыш хәлләр министрлыгы вәкиле хәбәренә сылтама белән РИА Новости хәбәр итте.

(Казан, 22 февраль , «Татар-информ»). Саратов өлкәсендә «Зеркальный» балалар һәм яшүсмерләр спорт мәктәбе базасында уза торган «Мөслим» Бөтенроссия сменасын тәкъдим итү кысаларында балалар һәм аларның әти-әниләре белән очрашулар башланды.Бу хакта Россия Мөфтиләр шурасы сайтында хәбәр ителә.

(Казан, 22 февраль, «Татар-информ»). Татарстан Төзелеш министрлыгы башлыгы Фәрит Хәнифов бүгенге киңәшмәдә Татарстанда торак төзелеше һәм капиталь ремонт программаларын гамәлгә ашыру турында сөйләде. Барлык муниципаль районнар белән видеоконференция элемтә режимында узган киңәшмәне ТР Премьер-министры Алексей Песошин уздырды. Бу хакта республика җитәкчесенең матбугат хезмәте хәбәр итә.

(Казан, 22 февраль, «Татар-информ», «Шәһри Казан», Дилбәр Гарифуллина). Хәзер экскурсоводларга бик җайлы, интернетта тарих, шәһәр турында мәгълүмат тулып ята. Ә без китапханәләргә йөреп, мәгълүматны бөртекләп туплый идек.

(Казан, 22 февраль , «Татар-информ»). Татарстан халкы бәйрәм көннәрендә ял итү өчен чит илләрдән Будапешт, Бишкәк һәм Праганы сайлый. Шул ук вакытта Россия буенча иң популяр юнәлеш Мәскәү була. Бу хакта OneTwoTrip сәяхәтләр планлаштыру сервис маркетингы буенча директоры Алексей Теплов хәбәр итте.

(Казан, 22 февраль, «Татар-информ»). Кытайның Хубэй провинциясендәге Шэньнунцзя районында яшәүче кешедә коронавирус симптомнары 27 көннән соң гына барлыкка килгән. Бу хакта People's Daily газетасы җирле хакимияткә сылтама белән хәбәр итә, дип яза РИА Новости.

(Казан, 22 февраль, «Татар-информ»). Беларусь Республикасы Президенты Александр Лукашенко Мисыр башлыгы Абдель Фәттах әс-Сисига Казанда Татарстан мөселманнары Диния нәзарәте әзерләнгән Коръән китабын бүләк итте. Басма әлеге дәүләт сәфәре өчен Минскта макхсус бастырылган. Бу турыда Татарстан Диния нәзарәте матбугат хезмәте хәбәр итте.

(Казан, 22 февраль, «Татар-информ»). Татарстан Президенты Рөстәм Миңнеханов «Медиалогия» тикшеренү компаниясе төзегән «Ел ир-атлары» исемлегенә керде.