Новости за 06.02.2020

(Актаныш, 6 февраль, «Татар-информ», «Актаныш таңнары»). Бүген Актанышка эшлекле сәфәр белән ТР эчке эшләр министры Артем Хохорин килде. Чаңгы спортын үз иткән җитәкче район башлыгы Энгель Фәттахов белән бергәлектә чаңгыда шуды. Бу турыда район басмасы хәбәр итә.

(Балык Бистәсе, 6 февраль, «Татар-информ», «Авыл офыклары», Илгиз Җамалиев). Бүген Балык Бистәсе районы Мәдәният йортында Татарстан Республикасы муниципаль районнарының мәгариф бүлекләре начальникларының зональ киңәшмәсе булып узды. Бу турыда район басмасы хәбәр итә.

(Казан, 6 февраль, «Татар-информ»). Бүген Татарстан Республикасы Президенты Рөстәм Миңнеханов һәм «Сбербанк» ГАҖ Идарәсе рәисе Герман Греф Казан метрополитенында йөрү өчен акчасыз түләү системасы мисалында «Акчасыз түләүле транспорт» проекты белән таныштылар.

(Теләче, 6 февраль, «Татар-информ», Алинә Айдарова). Теләчедә Татарстан Аксакаллар Шурасы утырышында Шура рәисе Айрат хәзрәт Әюпов үзенең чыгышында оешманың эш нәтиҗәләре турында сөйләде. Шулай ук Шура рәисе 2020 елда буласы иң үзенчәлекле даталар уңаеннан үткәреләсе эш планы белән дә таныштырды. Халык санын алу мәсьәләсенә килгәндә, ул: «Бер татарны да югалтмасак иде», — диде.

(Казан, 6 февраль, «Татар-информ»). Мәдәният учреждениеләрендә никахлашу яшьләрдә Татарстан халыкларының гаилә кыйммәтләрен һәм гореф-гадәтләрен сеңдерә. Республикада яңа өйләнешүчеләр үзләренең никахларын законлаштыра ала торган мәдәният объектларының тулы исемлеге очраклы гына билгеләнмәгән. Бу хакта «Татар-информ»га Татарстан Республикасы мәдәният министры Ирада Әюпова хәбәр итте.

(Казан, 6 февраль, «Татар-информ»). Яңа коронавирус дөнья икътисадына шактый йогынты ясарга мөмкин, дип белдерде бүген Казанда ачылган «Школа 21» мәйданчыгында Саклык банкы идарәсе рәисе Герман Греф.

(Казан, 6 февраль, «Татар-информ», Ксения Перепеченова). Бүген Татарстан Республикасы Президенты Рөстәм Миңнеханов һәм Саклык банкы идарәсе рәисе Герман Греф социаль өлкәгә, сәламәтлек саклау, авыл хуҗалыгы һәм Татарстан икътисадының башка өстенлекле тармакларына цифрлы технологияләр кертү турындагы килешүгә кул куйды. Килешү программистлар өчен «Школа 21» яңа белем бирү мәйданчыгында имзаланды.

(Казан, 6 февраль, «Татар-информ», Алексей Новиков). Россия Президенты Владимир Путин Татарстан Тикшерү комитетының яңа башлыгын билгеләде. Тиешле документ хокукый мәгълүматның рәсми интернет-порталында урнаштырылган.

(Казан, 6 февраль, «Татар-информ»). Казанда программистлар өчен «Школа 21» белем бирү мәйданчыгы ачылды. Анда теләсә кайсы яшьтәге студентлар IT-белгечлекне бушлай алырга мөмкин. Белем бирү проектына стартны ТР Президенты Рөстәм Миңнеханов һәм Саклык банкы идарәсе рәисе Герман Греф бирде.

(Казан, 6 февраль, «Татар-информ», «Шәһри Казан»).

Сергей Хәйдәров, тележурналист:

— Балачактан футбол уйнарга яратам. Хәзер «Татарстан — Яңа Гасыр» телерадиокомпаниясенең футбол буенча җыелма командасында уйныйм. Республика спартакиадасында катнашабыз. Зур предприятиеләрнең дә футбол командаларын җиңгәнебез бар. Президент Рөстәм Миңнехановның спорт корылмаларын төзекләндерү буенча башлангычын хуплыйм. Авыл районнарында да ел әйләнәсе файдаланыла торган спорт корылмалары булсын.

Алсу Хәкимова... Читать дальше...

(Казан, 6 февраль, «Татар-информ»). Россия Оборона министрлыгы Казанда модернизацияләнгән Ту-160М ракетоносецының беренче очышы кадрларын күрсәтте. Ролик ведомство битендә ютубта урнаштырылган.

(Казан, 6 февраль, «Татар-информ»). Саклык банкы -Татарстанның мөһим стратегик партнеры, дип белдерде Татарстан Республикасы Президенты Рөстәм Миңнеханов бүген Саклык банкының ел саен үткәрелә торган бизнес-конференциясе кысаларында. Бу хакта ТР Президенты матбугат хезмәте хәбәр итә.

(Казан, 6 февраль, «Татар-информ», Наталья Рыбакова). КДЭУ ишегалдында урнашкан өч метрлы җайланма кояштан корылма алып, кәрәзле телефоннарны кора. Студентлар эшләнмәсе Wi-Fi тарату өчен роутер буларак хезмәт итә ала. «Лалә» арт-объектын КДЭУ хезмәткәрләре якын арада Казан мэры Илсур Метшинга тәкъдим итәргә ниятли.

(Казан, 6 февраль, «Татар-информ»). Татарстан Дәүләт Советы Рәисе Фәрит Мөхәммәтшин Федерация Советын Россия төбәкләре палатасы буларак формалаштыруның гамәлдәге принципларын саклап калырга кирәк дип саный. Бу хакта парламент башлыгы бүген Мәскәүдә РФ Конституциясенә үзгәрешләр кертү турында тәкъдимнәр әзерләү буенча эшче төркем утырышында белдерде. Бу хакта ТР Дәүләт Советы матбугат хезмәте хәбәр итә.

(Теләче, 6 февраль, «Татар-информ», Алинә Айдарова). Теләче муниципаль районы җирлегендә урта гасырларга, Казан ханлыгы чорларына караган кабер ташлары саклана. Район җитәкчесе Нәҗип Хаҗипов сүзләренчә, хәзерге вакытта татар халкы тарихының бер өлеше булган кабер ташларын барлау эше башкарыла. Җитәкче борынгы кабер ташлары турында китап чыгарырга тәкъдим итте. Бу хакта ул Татарстан Диния нәзарәте карамагындагы Аксакаллар Шурасының бүген районда узган еллык хисап җыелышында әйтте.

(Казан, 6 февраль, «Татар-информ»). Бүген ТР Дәүләт Советы Рәисе Фәрит Мөхәммәтшин Мәскәүдә «Бердәм Россия» партиясенең Генераль советы секретаре Андрей Турчак белән очрашты. Республика парламенты башлыгы «Илкүләм үсеш» беренче Бөтенроссия илкүләм проектлар форумын үткәрүгә башланган әзерлек турында сөйләде. Бу хакта ТР Дәүләт Советы матбугат хезмәте хәбәр итә.

(Казан, 6 февраль, «Тартар-информ», Гөлүзә Ибраһимова). «Сәләт» яшьләр иҗтимагый фонды үзенең социаль челтәрен булдыруы турында «Татар-информ» мәгълүмат агентлыгында узган матбугат конференциясендә белдерде.

(Казан, 6 февраль, «Татар-информ», Оксана Романова). Казанда «Сәйдәш» мәдәни үзәге каршындагы мәйданнан бер атна элек урнаштырылган балалар шәһәрчеге юкка чыккан. «Татар-информ»ның бер укучысы, казанлы Гүзәл Сибгатуллина, әнә шундый күзәтүләре белән уртаклашты.

(Казан, 6 февраль, «Татар-информ», Наталья Рыбакова). Казан халкын киләсе ял көннәрендә көтеп алынган кышкы салкыннар һәм бу кыш өчен иң салкын төн көтә. Бу хакта бүген «Татар-информ» мәгълүмат агентлыгы корреспондентына КФУ Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире, профессор Юрий Переведенцев хәбәр итте.

(Казан, 6 февраль, «Татар-информ», Гөлнар Гарифуллина). Бүген агросәнәгать комплексында инновацион күнекмәләре, белеме булган яшь белгечләргә ихтыяҗ бар. ТР Премьер-министры урынбасары — авыл хуҗалыгы һәм азык-төлек министры Марат Җәббаров Халыкара авыл яшьләре конгрессының пленар утырышындагы чыгышында шулай дип белдерде.

(Казан, 6 февраль , «Татар-информ»). Икенче ел рәттән Татарстан таможнясын Идел буе федераль округында иң яхшысы дип атыйлар. Бу хакта ведомствоның матбугат хезмәтендә хәбәр иттеләр.

(Казан, 6 февраль, «Татар-информ»). Бүген Татарстан Президенты Рөстәм Миңнеханов һәм Саклык банкы президенты һәм идарә рәисе Герман Греф «Казан Экспо» күргәзмәләр үзәге мәйданчыгында оештырылган Татарстан Республикасының инновацион эшләнмәләр күргәзмәсе белән танышты. Бу хакта ТР Президентының матбугат хезмәте хәбәр итә.

(Казан, 6 февраль, «Татар-информ»). Дәүләт Думасының Мәгариф һәм фән комитеты үзенең утырышында түбән сыйныф укучыларын кайнар аш белән тәэмин итү турындагы закон проектына Президент тарафыннан кертелгән төзәтмәләрне раслады. Бу хакта «РИА Новости» агентлыгы хәбәр итә.

(Казан, 6 февраль, «Татар-информ», Арсений Кәримов). Казанның Нокса авышлыгы урамындагы боҗралы транспорт чишелешен мәчет төзү һәм сквер ачу өчен Т-рәвешендәге чат итеп үзгәртәчәкләр. Казан шәһәре Башкарма комитетының шул хактагы карары мэрия сайтындагы электрон җыентыкта дөнья күргән.

(Казан, 6 февраль, «Татар-информ», Гөлнар Гарифуллина). Казанда Халыкара авыл яшьләре конгрессында катнашучыларга демография проблемалары турында сөйләшү киңәш ителде. Татарстан Дәүләт Советы Рәисе урынбасары Татьяна Ларионова форум вәкилләрен шуңа өндәде.