Новости за 25.02.2020

(Алексеевск, 25 ноябрь, «Татар-информ», «Таң»). В. Г. Тимирясов исемендәге Казан инновацион университетының дизайн кафедрасы укытучылары һәм студентлары Алексеевск районында булды. Бу турыда район басмасы хәбәр итә.

(Казан, 25 февраль, «Татар-информ»). Түбән Камада барлык трамвайлар республикада 2020 елдагы истәлекле дата логотиплары быштырдылар. Бу турыда Түбән Кама муниципаль районы рәсми сайтында хәбәр ителә.

(Казан, 25 февраль, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Уфаның «Салават Юлаев» командасы белән көч сынашты. Казан командасы 3:2 исәбе белән Уфа хоккейчыларын җиңде.

(Казан, 25 февраль, «Татар-информ»). Казан хосписы Татарстанның Саба һәм Кукмара районнарында күчмә хезмәт белән паллиатив медицина ярдәменең ике кабинетын ачуга Россия Президенты грантын отты. Бу хакта хосписның матбугат хезмәте хәбәр итә.

(Казан, 25 февраль, «Татар-информ»). Татарстанда атна ахырына кадәр аномаль җылы һава торышы булачак. Бу турыда ТР Гидрометеорология һәм әйләнә-тирә мохитне күзәтү идарәсе хәбәр итә.

(Казан, 25 февраль, «Татар-информ»). Мартның беренче атнасында Татарстан халкын тагын өч көнлек каникуллар көтә. Бу хакта бүген Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

(Казан, 25 февраль, «Татар-информ», Александр Давыдова). Казанда яшәүчеләргә Татарстанда сәламәтлек саклауны оештыру һәм дарулар белән тәэмин итү мәсьәләләре буенча консультация бирәләр. 27 февральдә «Бердәм Россия» партиясе рәисенең төбәк иҗтимагый кабул итү бүлмәсендә гражданнар белән очрашачаклар. Бу турыда чараны оештыручылар хәбәр итә.

(Чаллы, 25 февраль, «Татар-информ», Эльвира Мөхәммәтдинова). Чаллының «Җәмигъ» мәчете төзелешенә финанс ярдәме фондында узган елгы эш нәтиҗәләре турында хисап бирделәр һәм мәчет манаралары кайчан куелачагы турында сөйләделәр.

(Казан, 25 февраль, «Татар-информ»). Бүген Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразыев Оренбург өлкәсенә эш сәфәре кысаларында ТАССР төзелүнең 100 еллыгы флагы эстафетасы тантанасында катнашты. Биредә Идел буе федераль округының татар иҗтимагый оешмалары җитәкчеләре юбилей әләменә үз субъектларының флаг миниатюраларын беркетте.

(Казан, 25 февраль, «Татар-информ», Гөлүзә Ибраһимова). Екатеринбургта 1982 елда ук төзелгән «Мәүлид» мәчете җимерелү куркынычы астында. Бу хакта «Татар-информ»га Свердловск өлкәсе мөселманнары Диния нәзарәте рәисе Артур Мөхетдинов хәбәр итте.

(Казан, 25 февраль, «Татар-информ», Валерия Белова). Республика балалар клиник хастаханәсе Татарстан Президенты Рөстәм Миңнеханов ярдәме белән церебраль паралич диагнозы куелган кечкенә пациентларның өченче төркемен Төркиягә җибәрде. Бу хакта Балалар республика клиник хастаханәсе баш табибы урынбасары Алла Гомәрова сөйләде.

(Казан, 25 февраль, «Татар-информ», Гөлнар Гарифуллина). Тарих фәннәре докторы, этнолог Дамир Исхаков Гүзәл Уразованың үзен башта башкорт дип атап, аннары моны кире кагуына карата фикерен белдерде. Бу хакта ул «Яңа гасыр» телеканалында «Татарлар» тапшыруында Пермь өлкәсендә яшәүче милләттәшләргә багышланган әңгәмәдә әйтте.

(Казан, 25 февраль, «Татар-информ», Полина Шевчук). Татарстан кешесе 7 яшьлек улын даими мыскыллау һәм кыйнаган өчен шартлы срок алды. Бу хакта ТР прокурорының өлкән ярдәмчесе Руслан Галиев сөйләде.

(Казан, 25 февраль, «Татар-информ»). ТР Гидрометеорология һәм әйләнә-тирә мохитне күзәтү идарәсе мәгълүматы буенча, бүген кич һәм иртәгә республикада һава шартларының начараюы көтелә. Бу турыда Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 25 февраль, «Татар-информ»). Төбәкләрнең теләсә нинди закон инициативасы РФ Дәүләт Думасы депутатларының аерым кайгырту предметы булырга тиеш. Мондый фикерне ТР Дәүләт Советы Рәисе Фәрит Мөхәммәтшин республика парламентында узган утырышта әйтте. Бу хакта ТР Дәүләт Советы матбугат хезмәте хәбәр итә.

(Казан, 25 февраль, «Татар-информ»). Татарстан Президенты Рөстәм Миңнеханов республикада дөнья дәрәҗәсендәге фәнни-мәгариф үзәген булдырырга кушты. Бу боерык ТР Президентының рәсми сайтында урнаштырылган.

(Казан, 25 февраль, «Татар-информ», Энҗе Габдуллина). «Татарстан — Яңа Гасыр» телеканалында баручы «Таяну ноктасы» тапшыруында 2020 елгы җанисәп турында сөйләштеләр. Тарих фәннәре кандидаты Илнар Гарифуллин татарлардан кала бүтән бер милләттә дә шуның хәтле күп субэтносларга бүленү юк икәнлеген әйтте.

(Казан, 25 февраль, «Татар-информ»). Иртәгә, 26 февральдә, Татарстанда -6 градуска кадәр суытачак. Бу хакта ТР Гидрометеорология үзәге хәбәр итә.

(Казан, 25 февраль, «Татар-информ», Рузилә Мөхәммәтова). Бөек Җиңүнең 75 еллыгы уңаеннан ветераннарга вәгъдә ителгән түләүләр Татарстанда апрель аенда булачак. Бу хакта ТР Министрлар Кабинетында Бөек Җиңүнең 75 еллыгына әзерлек темасына үткәрелгән брифингта ТР Премьер-министр урынбасары Ләйлә Фазлыева хәбәр итте.

(Казан, 25 февраль, «Татар-информ»). Россиядә гомер озынлыгының артуы илкүләм проектлар уңышының төп индикаторы булып тора. Бу хакта РФ Президенты Владимир Путин ТАССка биргән интервьюсында әйтте.

(Казан, 25 февраль, «Татар-информ»). Быел Уфада Россия Ислам университетының Җәмигъ мәчете комплексы территориясендә яңа бина ачылачак. Яңа бина ачылу Россия мөселманнарының Үзәк диния нәзарәте башлыгы Тәлгать Таҗетдиннең баш мөфти постында 40 еллык идарәсе белән бәйле. Бу хакта «Башинформ» хәбәр итә.

(Казан, 25 февраль, «Татар-информ», Диана Авакян). Татарстан Яшьләр эшләре министрлыгы «Җиңү турында 75 факт» мәгълүмат проектын эшләтеп җибәрү турында игълан итте. Һәр көн социаль челтәрләрдә ведомство битләрендә Бөек Ватан сугышы тарихыннан фактлар бастырылачак. Бу хакта брифингта журналистларга ведомство башлыгы урынбасары Анна Захматова сөйләде.

(Казан, 25 февраль, «Татар-информ»). Азнакайда технология укытучысы, дәрескә исерек хәлдә кереп, мәгариф турындагы законны бозган. Канун таләпләрен тупас бозган, шулай ук үзен лаеклы тотмаган өчен ул эшеннән азат ителгән. ТР Мәгариф һәм фән министрлыгының матбугат хезмәте җитәкчесе Алсу Мөхәммәтова «Татар-информ» агентлыгына шул хакта хәбәр итте.

(Казан, 25 февраль, «Татар-информ», Рузилә Мөхәммәтова). Бөек Ватан сугышы ветераннарының социаль паспортлары актаульләштерелеп тора. Алар ветеранның тормыш көнкүреше һәм сәламәтлеге турында кайгырту өчен кирәк. ТР Министрлар Кабинетында Бөек Җиңүнең 75 еллыгына әзерлек темасына үткәрелгән брифингта бу хакта ТР Премьер-министр урынбасары Ләйлә Фазлыева хәбәр итте.

(Казан, 25 февраль, «Татар-информ»). Иртәгә, 26 февральдә, Татарстан территориясендә янә һава шартларының сизелерлек начараюы көтелә. Бу хакта ТР Гидрометеорология һәм әйләнә-тирә мохитне күзәтү идарәсеннән хәбәр иттеләр.