Новости за 18.02.2020

(Әлки, 18 февраль, «Татар-информ», «Әлки хәбәрләре»). Әфганстан сугышында һәлак булган Ирек Сөләйманов истәлегенә волейбол турнирында район газ хезмәте командасы җиңү яулады.

(Аксубай, 18 февраль, «Татар-информ», «Авыл таңнары», Зинаида Леонтьева). Аксубай районының Иске Кыязлы авыл җирлегендә «Барыбыз өчен дә бер Бөек Җиңү» дип исемләнгән проект кысаларында җирлекара эстафета узды.

(Казан, 18 февраль, «Татар-информ», Гөлия Хәсбиуллина). Бүген «Ак Барс» хоккейчылары Казанда «Татнефть-Арена» боз сараенда Омск шәһәренең «Авангард» командасын кабул итте. Матч Казан хоккейчылары файдасына 5:3 исәбе белән төгәлләнде.

(Казан, 18 февраль, «Татар-информ»). Яшел Үзән районында Мәскәүдән килгән «ГАЗель» Кострома өлкәсеннән килгән фурага бәрелгән. Бу хакта һәлакәт шаһитлары хәбәр итте.

(Казан, 18 февраль, «Татар-информ», Алексей Новиков). «Рено» шоферы Сарман районында бензовоз белән бәрелешкәндә һәлак булган. Бу хакта һәлакәт шаһитлары хәбәр итте.

(Казан, 18 февраль, «Татар-информ»). Бүген Россия Президенты Владимир Путин Владислав Сурковны РФ Президенты ярдәмчесе вазифасыннан азат итте. Тиешле указ Кремль сайтында урнаштырылган.

(Казан, 18 февраль, «Татар-информ», Наталья Рыбакова). Агымдагы елда Татарстанга сәнгать мәктәпләрен ремонтлауга федераль бюджеттан 250,5 млн сум акча бүлеп биреләчәк, бу, узган ел белән чагыштырганда, 1,6 тапкыр күбрәк. Бүген бу хакта Татарстан Республикасы Хөкүмәте Йортында узган брифингта билгеле булды.

(Казан, 18 февраль, «Татар-информ», Гөлнар Гарифуллина). «Яңа гасыр» телерадикомпаниясендә «Татарлар» тапшыруында тарих фәннәре докторы Фәйзелхак Ислаев Пермь якларында Алтай эзләре атамаларда сакланганы турында сөйләде. Ул бүген татарлар этногенезына багышланган әңгәмәләр сериясенең беренче тапшыруында катнашты.

(Казан, 18 февраль, «Татар-информ», Алинә Айдарова). II Халыкара «Җәлил укулары» әдәби бәйгесенең җиңүчеләрен бүләкләделәр. Җиңүчеләрне котлау тантанасы «Сәйдәш» мәдәният үзәгендә узды.

(Казан, 18 февраль, «Татар-информ»). Бүген Татарстан Президенты Рөстәм Миңнеханов зур төзелеш компанияләре җитәкчеләре белән агымдагы елда һәм киләчәктә 2024 елга кадәр торак тапшыру планнары турында фикер алышты. Очрашу Татарстан Республикасы Хөкүмәте Йортында узды. Бу хакта республика җитәкчесенең матбугат хезмәте хәбәр итә.

(Казан, 18 февраль, «Татар-информ»). Чистайда «Лада» машинасы пассажиры зыян күргән. Ул автомобильгә чит ил машинасы килеп бәрелгән. Бу хакта «Татар-информ»га юл-транспорт һәлакәте шаһитлары хәбәр итте.

(Казан, 18 февраль, «Татар-информ», Ләйсән Рәхмәтуллина). Шагыйрь, язучы-сатирик Марсель Салимов фәкать татар һәм башкортларның дуслыгы яклы. Бу турыда язучы халыклар дуслыгы йортында үткән «Чорына күрә җыры» исемле китабының презентациясендә әйтте.

(Казан, 18 февраль, «Татар-информ»). ТР Дәүләт Советы Рәисе Фәрит Мөхәммәтшин наркотиклар җитештерү һәм тарату өлкәсендәге җинаятьләр өчен җәзаны катгыйландырырга, шулай ук судларга бу өлкәдә аеруча авыр җинаятьләр өчен җәза билгеләгәндә җаваплылыкны йомшартучы шартларны исәпкә алмаска тәкъдим итте. Ул үз фикерен Россия Конституциясенә үзгәрешләр кертү буенча эшче төркем утырышында белдерде. Бу хакта республика парламенты матбугат хезмәте хәбәр итә.

(Казан, 18 февраль, «Татар-информ»). Татарстан Президенты Рөстәм Миңнеханов Кытай спортчыларының Казанга килүенә борчылган ата-аналарның мөрәҗәгатенә җавап бирде. Республика җитәкчесе ярышлар вакытында балаларны укыту графигын яңадан карарга, шулай ук килгән спортчылар белән аларның контактларын булдырмаска кушты. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Казан, 18 февраль, «Татар-информ»). Россия Президенты Владимир Путин ТАССка интервью бирде, ул 20 февральдә басылачак.

(Казан, 18 февраль, «Татар-информ», Гөлнар Гарифуллина). Татар сыйфат, элита билгесе булган. «Яңа гасыр» телерадикомпаниясендә «Татарлар» тапшыруында татарларның килеп чыгышына багышланган әңгәмәләр сериясендә сәясәт белгече Руслан Айсин шулай дип белдерде.

(Яшел Үзән, 18 февраль, «Татар-информ», Надежда Гордеева). Авыл хуҗалыгы билгеләнешендәге файдаланылмый торган җирләрне арендага бирү мәсьәләсен карарга кирәк. Яшел Үзән районы территориясендә җиргә мохтаҗ фермерлар булырга мөмкин. Бу хакта бүген Татарстан Премьер-министры Алексей Песошин Яшел Үзән районы һәм шәһәре Советларының уртак утырышында белдерде.

(Яшел Үзән, 18 февраль, «Татар-информ», Надежда Гордеева). Сәнәгать мәйданчыклары тутыру буенча Яшел Үзән районы 90 процентлы күрсәткеч белән лидерлар рәтендә. Бу хакта бүген Татарстан Премьер-министры Алексей Песошин Яшел Үзән районы һәм шәһәре Советларының уртак утырышында белдерде.

(Казан, 18 февраль , «Татар-информ»). Нижневартовскида «Патриот» балалар һәм яшүсмерләр техник иҗаты үзәге базасында «Җәлил укулары» II шәһәр шигырь укучылар бәйгесе узды. Бу хакта Бөтендөнья татар конгрессы матбугат хезмәте хәбәр итә.

(Казан, 18 февраль, «Татар-информ»). Бүген, 18 февральдә, «Сәйдәш» мәдәни үзәгендә II Халыкара «Җәлил укулары» бәйгесенең гала-концерты булачак.

(Казан, 18 февраль, «Татар-информ», Гөлнар Гарифуллина). «Яңа гасыр» телерадикомпаниясендә, «Татарлар» тапшыруы кысаларында, татарларның килеп чыгышына, язмышына багышланган әңгәмәләр сериясендә белгечләр милләтнең этник бүленеше проблемаларына тукталдылар.

(Казан, 18 февраль , «Татар-информ»). Будапештта «Әлифба» татар җәмгыятенең Татар ашлары көненә багышланган утырышы узды. Бу хакта Бөтендөнья татар конгрессы матбугат хезмәте хәбәр итә.

(Казан, 18 февраль, «Татар-информ»). Чаллыда күп балалы хатын-кызны алты яшьлек улын руль артына утырткан һәм полицейскийга суккан өчен хөкем итәчәкләр. Бу хакта РФ Тикшерү комитетының матбугат хезмәте хәбәр итә.

(Казан, 18 февраль, «Татар-информ»). «Бәллүр каләм» XXIII республика конкурс-премиясенә гаризалар кабул ителә башлады. Бу хакта премиянең оештыру комитеты хәбәр итә.

(Казан, 18 февраль, «Татар-информ», Гөлнар Гарифуллина). «Яңа гасыр» телерадикомпаниясендә «Татарлар» тапшыруында татарларның килеп чыгышына, язмышына багышланган әңгәмәләр сериясендә генетик тикшеренүләр мәсьәләләре дә күтәреләчәк. Бу хакта «Татар-информ» хәбәрчесенә тарих фәннәре докторы, этнолог Дамир Исхаков әйтте.