Новости за 10.02.2020

(Чирмешән, 10 февраль, «Татар-информ», «Безнең Чирмешән»). Чирмешән районында яхшы билгеле механизатор — «ЧИРМЕШӘНАГРО» җәмгыяте комбайнчысы Айрат Мөхәммәтшәриф улы Хөсәенов вафат булган. Бу турыда район басмасы хәбәр итә.

(Казан, 10 февраль, «Татар-информ»). Бүген Түбән Камада җитәкчеләрнең эшлекле киңәшмәсендә Айрат Хәйруллинны бер минут тынлык белән искә алдылар. Бу турыда Түбән Кама муниципаль районы рәсми сайтында хәбәр ителә.

(Казан, 10 февраль, «Татар-информ»). Иртәгә, 11 февральдә, Татарстанда бүгенге циклон белән килгән уртача салкын һава торышы саклана. Бу хакта ТР Гидрометеорология үзәге хәбәр итә.

(Казан, 10 февраль, «Татар-информ»). «Бердәм Россия» мәктәп укучыларын дәүләт йомгаклау аттестациясенә кертү шартлары турында закон проектын Дәүләт Думасына кертте. Бу хакта партиянең рәсми сайтына сылтама белән РИА Новости хәбәр итә.

(Казан, 10 февраль, «Татар-информ», Рузилә Мөхәммәтова). Татар режиссеры Рәшит Заһидуллин Волгоградта спектакль чыгара. 14, 15, 16 февраль көннәрендә «Проделки Скапена» спектакленең премьерасы була. Бу хакта Яңа эксперименталь театрның (НЭТ) матбугат үзәге хәбәр итә.

(Казан, 10 февраль, «Татар-информ»). 9 февраль көнне Саба районы Мишәбаш авылы мәчетенә, капиталь ремонттан соң, манарага ай кую тантанасы булып узды. Бу хакта ТР Диния нәзарәте матбугат хезмәте хәбәр итә.

(Казан, 10 февраль, «Татар-информ» ). Тикшерү комитеты Чаллыда өстенә тимер конструкцияләр төшкән эшченең үлемен тикшерә. Бу хакта РФ Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 10 февраль, «Татар-информ»). Санкт-Петербургта Милли әдәбиятлар китапханәсендә Шамил Әхмәтшинның «Татарлар Ватанга хезмәттә» сериясеннән чираттагы «Чыңгызхан» китабын тәкъдим итү булды. Бу хакта Татарстан Республикасының Санкт-Петербург һәм Ленинград өлкәсендәге Даими вәкиллеге хәбәр итә.

(Казан, 10 февраль, «Татар-информ», Эвелина Киселева ). Казанда яңа зоокунакханә җәй көне яллар сезонында күбрәк хайваннар кабул итәргә планлаштыра. Бу хакта «Татар-информ» корреспондентына Казанның Совет районы участок ветеринария дәваханәсе мөдире Георгий Юркин сөйләде.

(Казан, 10 февраль , «Татар-информ»). Шимбә көнне Мәскәүдә «Бүләк» мәдәни-күңел ачу үзәгендә «Тапкитап» әдәби-театраль проектын ачу тантанасы булды. Бу хакта Мәскәү мөселманнарының Диния нәзарәте хәбәр итә.

(Казан, 10 февраль, «Татар-информ»). Екатеринбургның «Күгәрчен» татар һәм башкорт фольклоры ансамбле яңа укучылар чакыра. Бу хакта Урал татарлары сайтына сылтама белән Бөтендөнья татар конгрессы матбугат хезмәте хәбәр итә.

(Казан, 10 февраль, «Татар-информ»). Башкортстан һәм Татарстан иҗат әһелләре уртак проект — милли музыкаль әсәрләрне сәхнәләштерү буенча режиссерлык-драматургия лабораториясе оештыра. Әлмәт драма театры һәм башкорт заманча драматургия һәм режиссура үзәге гаризалар кабул итү турында игълан итте. Бу хакта «Башинформ» хәбәр итә.

(Казан, 10 февраль, «Татар-информ»). Татарстанда әтисе һәм кызы һәлак булган янгынның сәбәбе кыска ялганыш булырга мөмкин. Бу хакта РФ Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 10 февраль, «Татар-информ»). Лаештан үзмәшгуль Гөлнара Нурмөхәммәтова «ТАССРның 100 еллыгы» дигән чигүле сөлгеләр эшләгән, аны бүген Татарстан Президенты Рөстәм Миңнехановка КФУда ТР Икътисад министрлыгы коллегиясендә тәкъдим иттеләр. Бу хакта ТР Икътисад министрлыгының матбугат хезмәте хәбәр итә.

(Казан, 10 февраль, «Татар-информ» ). Бүген ТР Дәүләт Советы Рәисе Фәрит Мөхәммәтшин Казанда Яшьләр парламенты әгъзалары һәм яшьләр оешмалары лидерлары белән очрашты. Яшьләр Россия Конституциясенә үзгәрешләр кертү буенча үз тәкъдимнәрен җиткерде. Бу хакта ТР Дәүләт Советы матбугат хезмәте хәбәр итә.

(Казан, 10 февраль, «Татар-информ», Гөлнар Гарифуллина). Гражданнарны, беренче чиратта, каты көнкүреш калдыклары, аннары һава, өченче урында су проблемасы борчый. Бу хакта ТР Министрлар Кабинетында утырышта Табигатьтән файдалану өлкәсендә күзәтчелек буенча федераль хезмәт (Росприроднадзор) җитәкчесе Светлана Радионова әйтте.

(Казан, 10 февраль, «Татар-информ», Гөлнар Гарифуллина). Барлык экологик карарлар халык өчен аңлаешлы, ачык булырга тиеш. Татарстан Президенты Рөстәм Миңнеханов Росприроднадзор хезмәтенең Идел-Кама төбәкара идарәсенең киңәйтелгән утырышында шул хакта әйтте.

(Казан, 10 февраль, «Татар-информ», Эльвира Зәйнуллина). Татарстанда «Файдалы торак-коммуналь хуҗалык» мәгълүмат ресурсы эшли башлаячак, анда әлеге тема буенча барлык кирәкле мәгълүмат тупланачак. Бу хакта «Татар-информ» мәгълүмат агентлыгында узган матбугат конференциясендә «Татарстан торак-коммуналь хуҗалык өлкәсендә иҗтимагый контрольнең төбәк үзәге» коммерцияле булмаган партнерлык башкарма директоры Дмитрий Романов хәбәр итте.

(Казан, 10 февраль, «Татар-информ», Ксения Перепеченова). Медицина битлекләрен авыру кешеләргә кигергәндә, алар нәтиҗәлерәк, тик бу очракта да алар яңа коронавирустан тулысынча саклауны гарантияли алмый. «Татар-информ» белән шундый фикерне РФ Дәүләт Думасында Татарстаннан сайланган депутат, табиб-психиатр Борис Менделевич уртаклашты.

(Казан, 10 февраль, «Татар-информ», Лилия Гаделшина). Драматург Туфан Миңнуллинның беркайчан да сәхнәләштерелмәгән «Бетсен ирләр, яшәсен хатыннар» дип аталган пьесасын театраль җәмәгатьчелеккә укырга планлаштыралар. Татар дәүләт филармониясе матбугат хезмәте җитәкчесе, Туфан Миңнуллин белән «Сәхнә» журналында бергә эшләгән Зимфира Гыйльметдинова «Татар-информ»га хәбәр иткәнчә, бу вакыйга март аенда узар дип көтелә.

(Казан, 10 февраль, «Татар-информ»). Иртәгә, 11 февральдә, 10:00 сәгатьтә «Татар-информ»да «Ватаным Татарстан» газетасы оештырган Муса Җәлил призына көрәш турнирына багышланган матбугат конференциясе булачак.

(Казан, 10 февраль, «Татар-информ»). 15 февральдә Муса Җәлилнең тууына 114 ел тулу уңаеннан Татарстан Милли музеенда «Моабит дәфтәрләре» көне билгеләп үтелә. Бу хакта Милли музейның матбугат хезмәте хәбәр итә.

(Казан, 10 февраль, «Татар-информ»). 15 февральдә Казанда «Ислам. Беренче адымнар» проекты кабат үз эшен башлап җибәрә. Халык арасында популярлык казанган кыска вакытлы әлеге курсларга язылучылар 7 дәрестә намаз уку күнекмәләрен һәм ислам дине нигезләрен бушлай үзләштерә алачак.

(Казан, 10 февраль, «Татар-информ», Лилия Гаделшина). «Татаркино» дәүләт оешмасы директоры Миләүшә Айтуганова «Әбрәкәй» пьесасыннан «шәп кино килеп чыгачак», дип белдерде. «Әбрәкәй» — драматург Туфан Миңнуллинның (1935-2012) соңгы пьесаларыннан берсе. Әсәрне театраль җәмәгатьчелеккә драматургның кызы — Әлфия Миңнуллинна-Юнысова укыды.

(Казан, 10 февраль, «Татар-информ»). 13 февраль көнне УНИКС концертлар залында чит төбәкләр, илләрдән укырга кергән татар студентлары белән очрашу узачак. Бу хакта Бөтендөнья татар яшьләре форумы рәисе Ленария Мөслим Facebook аккаунтында хәбәр итә.